دعواتكم لزميلنا المفكر د.الباقر العفيف بالشفاء العاجل
|
|
 حكاية زينب الحصني...
|
موقع الجزيرة
صحيفة البيان
الشرق الأوسط
العربية
الحصل شنو؟
هل لعب الامن السوري لعبة خبيثة على اهل الفتاة و سلمهم جثة اخرى مشوهة و لبد على القصة دي
عارف ان قصتها ستثير منظمات حقوق الانسان وتنتشر على الانترنت و اليوتيوب و تصير على كل لسان و البت تبقى رمز للثورة
ثم اخرج الفتاة في الوقت المناسب لضرب مصداقية المعارضة وفيديوهاتها وحديثها عن وحشية النظام ؟ ام ماذا
عموما يبقى سؤال مهم
كيف استلم اهل الفتاة جثة مشوهة من المشرحة
الشي الطبيعي وفي حالة زي دي لن تسلم الجثة إلاّ بأمر قاضي تحقيق و بعد اثبات الاهل صلتهم بالجثة
يعني الجهات الرسمية في مرحلة ما اقرت بان الجثة المشوهة لزينب الحصني
و السؤال الأهم, من هي صاحبة الجثة المشوهة و الحصل عليها شنو؟
|
|
 
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
يبدو ان الدكتاتورية ملة واحدة وكذلك مناهضيها
تذكرني حكاية زينب الحصني بقصص شهيد الاسافير محمد عبد الرحمن و التي اغلب الظن انها تسريب من الحكومة لضرب مصداقية المعارضة
و انتشار قصة زينب لدرجة تخصيص جمعة باسمها اشبه بـ"لفح" المعارضة الاسفيرية و هريات لموضوع الشهيد و العزاء و منع الامن دخول المشرحة
وفنطاز الموية الاداه بدرالدين للموضوع لما قال ان الشهيد دفعة ولده في الاهلية
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote:
و انتشار قصة زينب لدرجة تخصيص جمعة باسمها اشبه بـ"لفح" المعارضة الاسفيرية و هريات لموضوع الشهيد و العزاء و منع الامن دخول المشرحة
وفنطاز الموية الاداه بدرالدين للموضوع لما قال ان الشهيد دفعة ولده في الاهلية
|
يا ود البشرى مافي مقارنة ..
بكل الاحوال في الحالة السورية في جثة لفتاة تم التمثيل بيها و قطع راسها و ايديها ..
بل و سلخ جلدها!!
هل بفرق الاسم و الهوية هنا!؟
في حالة انسانية هنا!؟
ح تفرق شنو فبركة اسم و لّ هوية!؟
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
لا لم يتم التعامل معها كحالة انسانية فحسب يا قيقرا
الكلام واضح وكان عن فتاة اختطفها الأمن للضغط على شقيقها لتسليم نفسه ثم قتلها
وكذلك شهيد الأهلية لم يبك احد على شبابه لأنه مات فحسب بل لأنه مفروض قتل في مظاهرة تطالب بالحرية
وإلا فالمشارح و ثلاجات الموتى تمتلئ بالعشرات من الجثث المشوهة و القتلى بحوادث عادية او اجرامية هنا وفي سوريا
لكن الحديث كان فقط عن الحالتين ديل وما في حكمهم
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote: لا لم يتم التعامل معها كحالة انسانية فحسب يا قيقراالكلام واضح وكان عن فتاة اختطفها الأمن للضغط على شقيقها لتسليم نفسه ثم قتلها
وكذلك شهيد الأهلية لم يبك احد على شبابه لأنه مات فحسب بل لأنه مفروض قتل في مظاهرة تطالب بالحرية
وإلا فالمشارح و ثلاجات الموتى تمتلئ بالعشرات من الجثث المشوهة و القتلى بحوادث عادية او اجرامية هنا وفي سوريا
لكن الحديث كان فقط عن الحالتين ديل وما في حكمهم |
الأخ محمد البشرى
دعك من الاخرين تعامل معها أنت كحالة إنسانية، لكن حسب ما فهمت (وأرجو أن أكون خاطئاً) أنك جلبت هذه الحكاية والهدف هو تسجيل موقف لإدانة ما حصل في قضية (محمد عبد الرحمن).
هذه الجثة ستكون ضحية أخرى من نظام يرتكب في هذه الفظائع وأكثر منها و دونك الفديوهات في يوتيوب.
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote: يبدو ان الدكتاتورية ملة واحدة وكذلك مناهضيها
تذكرني حكاية زينب الحصني بقصص شهيد الاسافير محمد عبد الرحمن و التي اغلب الظن انها تسريب من الحكومة لضرب مصداقية المعارضة
و انتشار قصة زينب لدرجة تخصيص جمعة باسمها اشبه بـ"لفح" المعارضة الاسفيرية و هريات لموضوع الشهيد و العزاء و منع الامن دخول المشرحة
وفنطاز الموية الاداه بدرالدين للموضوع لما قال ان الشهيد دفعة ولده في الاهلية |
محمد البشرى
شكراً لتصحيح فهمي، والآن لماذا المقارنة اصلاً، وفي ظل اي نظام دكتاتوري سلمني جثة شخص وقال لي هذا (ولدكم أو بنتكم)، هل تعتقد أن احد بإماكانه الذهاب لأي قاضٍ كان وطلب التحقيق في الحادثة. أغلب الظن أن (زينب) اختفت، والإختفاء القسري في ظل النظام السوري مكانه غالباً المعتقل، وبعد ذلك تمّ تسليم الجثة للأهل وقيل لهم أنها (بنتكم) زينب. هسه الغلط شنو في تصرف الأهل.
لذلك أنا فهمت أنك تريد إثارة موضوعنا هنا والدليل ما قلته أعلاه، لأن الوضع هنا مختلف تماماً، في الوضع السورى تمّ تسليم الجثة بواسطة الأمن وقيل لهم بواسطة الأمن أن هذه جثة (ابنتكم) فإنتشار الموضوع عادي جداً لأن الكلام جاء من الأمن السوري، فما المشكلة في إنتشار القصة.
ربطك بين الموضوعيين هو ما (جهجهني)، لأن الأساس في البوست يجب أن يكون (من وجهة نظري طبعاً) هو فضح هذه العقلية الأمنية والتى (تقطع جثة فتاةً ما) لأجل الكسب الإعلامي. هذا النظام الذي لم يتورع في سحل وضرب الجثث كما ظهر في اليوتيوب.
| |
|
|
|
|
|
|
|
|
|
Re: حكاية زينب الحصني... (Re: الصادق اسماعيل)
|
Quote: يا سمارت اذا فهمتي من البوست اني اسعى لإدانة المعارضة السورية أو من الاسئلة الاقتبستيها اني عاوز اغلط اسرة الفتاة
فشكلك زي الصادق قرائتك خاطئة |
Ok, i will take your word on that. But what did you mean by this:1
| Quote: و انتشار قصة زينب لدرجة تخصيص جمعة باسمها اشبه بـ"لفح" المعارضة الاسفيرية |
and this:1
| Quote: يبدو ان الدكتاتورية ملة واحدة وكذلك مناهضيها |
يا محمد البشرى you can't have it both ways
يا اما انت بتدين المعارضة السورية على القصة...
او انت شايف ان ما فى علاقة بين القصتين.
قلت انك ما قاصد ادانة المعارضة السورية...طيب معناها كلامنا صح...ما فى علاقة بين القصتين.
لكن كونك ما بتدين المعارضة السورية...و لكن شايف ان القصتين ذى بعضsorry, but doesn’t make sense
| |
|
|
|
|
|
|
|
|
|
Re: حكاية زينب الحصني... (Re: smart_ana2001)
|
يا الصادق ويا سمارت
زمان ايام اللياقة و الشباب و القدرة على الغلاط كان كرهتي في الدنيا حكاية اقعد اشرح في روحي
خليه اسي بعد هرمنا وبقى حيل للغلاط مافي
لكن انا مدين ليكم ببعض التوضيحات
اولا الاسئلة التي اقتبستها سمارت و علقت عليها انت يا الصادق هنا | Quote: وفي ظل اي نظام دكتاتوري سلمني جثة شخص وقال لي هذا (ولدكم أو بنتكم)، هل تعتقد أن احد بإماكانه الذهاب لأي قاضٍ كان وطلب التحقيق في الحادثة. أغلب الظن أن (زينب) اختفت، والإختفاء القسري في ظل النظام السوري مكانه غالباً المعتقل، وبعد ذلك تمّ تسليم الجثة للأهل وقيل لهم أنها (بنتكم) زينب. هسه الغلط شنو في تصرف الأهل |
ارجو ان تعيد قراءة حديثي
فاسئلتي خلاصتها انو لا يمكن لمواطن عادي ان يأخذ جثة من مشرحة واضح تعرضها لحادث او اعتداء كدا من نفسه
بل لابد ان السلطات هي من سلمتها له
بالتالي السلطات الجاية الليلة تقول لأهل زينب انت كذابين بنتكم حية هي نفس السلطات التي اقرت ان الجثة لزينب بنتكم وإلاّ ما كانوا سلموهم ياها
يعني اثارتي للاسئلة دي على العكس تماما مما فهمتو يا الصادق وليس القصد منها بيان خطا الاسرة
النقطة دي اوكي ؟ ممكن نمشي لقدام؟
اوكي ... طيب
المداخلة التانية و الجات فيها سيرة شهيد الاسافير الغرض منا ليس المقارنة او التشبيه الكامل انا ذكرت بالحرف ان حكاية زينب "ذكرتني " حكاية محمد عبد الرحمن بشقيها
الخبث الامني و الخداع - وهنا للدقة كتبت اغلب الظن ان الحكومة هي من سربت قصته -
و الشق التاني سذاجة المعارضين في تعاملهم مع الموضوع و تكبيره و ناسنا كمان زادوا عليه بنسج الاكاذيب و اختلاق احداث لم تجر
موقف ذكرني بموقف آخر لا يعني المقارنة او الشبه الكامل لكل موقف ظروفه و بيئته المختلفة اي نعم لكن لما سمعت الخبر و قرات عنه هذا ما وقع في روعي وتداعى لذاكرتي
فيا سمارت يمكن شايفاها انها مافيها منطق أوكي من حقك
دا شوفك وما بقدر الزمك بشوف غيرك طالما فشلت في اقناعك بوجهة نظري
تمام يا شباب
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
دقيقة يا سمارت رجعت قريت اقتباسك و البولد لعبارتي دي | Quote: يبدو ان الدكتاتورية ملة واحدة وكذلك مناهضيها |
افتكر انت فهمتي ان الدكتاتورية ملة واحدة مع المناهضين ليها
يعني الاتنين في كفة ميزان واحدة
انا آسف جدا يا سمارت فعلا يبدو ان اللياقة متدنية للدرجة الخلتني لا احسن صياغة الجملة بالطريقة الادت للارتباك اعلاه
قصدي كاآتي
يبدو ان الدكتاتوريات جميعها ملة واحدة السودانية و السورية على حد سواء - اي متشابهين ويتبعون نفس الاساليب (نقطة ونهاية جملة)
(بداية جملة جديدة) ومناهضي الدكتاتوريات السودانيين و السوريين كذلك على ملة واحدة - اي متشابهين في ردود افعالهم واحدة (نهاية الجملة)
(ديسكليمر) لا علاقة او وجه شبه بين الدكتاتورية السورية و المعارضة السورية
لا علاقة او وجه شبه بين الدكتاتورية السودانية و المعارضة السودانية
افتكر كدا غطيت كل الثغرات الممكنة و قفلت اي باب لسوء فهم
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
ما تزعل منى يا ود البشرى يا اخى...معليش.
ما تحسسنى انى بغالط فى الفاضي ساى...انت فتحت بوست و احنا علقنا....على الموضوع الاساسي...ما غلاط ساى كده. و احتياجك لشرح روحك ما بلاده مننا...كلامك شكله كده...عاوز شرح.
على العموم معليش تانى....و تمام التمام
| |
|
|
|
|
|
|
|
|
|
Re: حكاية زينب الحصني... (Re: smart_ana2001)
|
العفو يا سمارت القال بلادة منكم منو لا سمح الله
انا قريت تعليقك مرة تانية وانتبهت انو فعلا طريقة صياغتي للعبارة ممكن تتفهم بالطريقة دي
عشان كدا اتلايقت في شرح عنقريبها
ولا داعي للاسف
| |
|
|
|
|
|
|
|
|
|
Re: حكاية زينب الحصني... (Re: smart_ana2001)
|
يا ابو حتحوت
مسئولية الامن مسئولية من في الحالة السورية!؟
و ممكن بالله تساعدني في اني اقدر استوعب جريمة الجثة المثلوا بيها دي!؟
تكون عملت شنو بس استدعى تسليمها اربع قطع و مسلوخة تماماً!؟
و ماذا فعلت الجهة المسئولة امام الله و الشعب و ضمير الانسانية في الحالة دي!؟
استخدمتا للنيل من معارضتها!؟ .. لتثبيت حكمها الما موفر أمن للشعب دا ذاتو!!
يا مثبت العقل و الدين!!
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
لو دا الأمن السودانى كان سرب للمعارضة خبر وفاة البنت وتقطيعها..
وشال البت ومشى لأهلها ودفع ليهم دية مع التهديد عشان يستلموا ويعلنوا أن بنتهم ماتت موت طبيعى رغم أن حكومة الأسد قد انتوت تسفيرها للخارج لعمل عملية زراعة قلب..
ياخى ديل محتاجين فقط لبوردابى (وطنى) ليعلمهم كيف تنسج القصص وتخدع المعارضة رغم القتل العمد مع سبق الإصرار والترصد للمقتول!!
| |
|
|
|
|
|
|
|
|
|
Re: حكاية زينب الحصني... (Re: Balla Musa)
|
ههههههههه يا بلة ما حزرت - بمناسبة السيرة السورية -
الامن السوري اتعامل مع الموضوع دا باستهانة وعدم دقة حذق للتفاصيل مش تقصير منهم
لكن لأنو من الاساس نظرتهم للشعب و الجمهور كانهم ولاشي ولايستحقون حتى اتقان الخدعة
ياخي خليه الجمهور المسكين دا
ديل وزير خارجيتهم شال اوروبا بي زر ابوها من الخريطة
دا ما كان فيتو صيني/ روسي المخليهم يفتروا قدر دا ياخ
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
ود البشرى ســـلامات
قبل قليل سأل مذيع قناة (فرانس 24) ذات سؤالك لممثل هيومن رايتس وووتش فى لبنان وبادره قائلاً:
" من قام بفبركة الخبر ؟"
فردّ عليه المندوب ... أى فبركة ... فالأمر يتعلق بجثة مقطّعة الأوصال سواءاً أكانت زينب أم غيرها ... وأكّد أنه اتصل بأخيها
وأكّدله بأن من ظهرت فى التلفزيون هى أخته فعلاً ....
ضحكت وقتها للزرزرة وتراجع المذيع ... و" لملايقتك" فى التوضيح.
| |
|
|
|
|
|
|
|
|
|
Re: حكاية زينب الحصني... (Re: أبوبكر أبوالقاسم)
|
مولانا ابوبكر كيف حالك
نفس الرد الذكرتو تقريبا قال به احد اعضاء المنظمة السورية لحقوق الانسان على الجزيرة
سمعتو وانا راجع قبيل في العربية اضاف ان حتى لحظة المقابلة لازالت زينب بعيدة عن اهلها ولم تسلم لهم
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote: لا...لا...لا. ما فروض اتهم ناس الامن والحكومة بقتل بنتى...لازم افحص ال DNN بتاع الجثة دى??? معقول يا ود البشرى???
على كده احتمال الشهيد القرشى يكون لسه عايش....فى اى زول Checked his DNN???
|
إسمارت أظنك قاصدة DNA
| |
|
|
|
|
|
|
|
|
|
Re: حكاية زينب الحصني... (Re: السيد المسلمي)
|
والله يا ود البشرى ماقدرت اقرا كلامكم كتير
لكن طبعا ما بخلى الشواره ..
يعنى هى القصة فى انو الانتهاكات دى لو حصلت لى زول
غير زينب .. تبقا قصة المعارضة باظت ؟؟
الدنيا قامت وقعدت فقط لانها زينب وطالما ظهر
ان الفتاة ليست زينب ... يبقا الناس كذابه !!
زينب كانت رمزية للتدليل على انتهاكات النظام
السؤال هو هل هذه الانتهاكات موجوده فعلا ام لا ؟
القصة مش هى زينب ام لا ......
| |
|
|
|
|
|
|
|
|
|
Re: حكاية زينب الحصني... (Re: دينا خالد)
|
كل ما يحدث في العالم العربي هي دروس بالمجان للحكومة السودانية
كيفية التعامل مع الإعلام ..
كيفية التعامل مع المتظاهرين
كيفية التعامل مع المنظمات الحقوقية
Quote: نفس الرد الذكرتو تقريبا قال به احد اعضاء المنظمة السورية لحقوق الانسان على الجزيرة
سمعتو وانا راجع قبيل في العربية |
بالله بتسمع الجزيرة من داخل العربية ؟؟!!
سايق شنو إنت 
| |
|
|
|
|
|
|
|
|
|
Re: حكاية زينب الحصني... (Re: محمد عمر جبريل)
|
| Quote: بالله بتسمع الجزيرة من داخل العربية ؟؟!! |
قطعا لطريق ود البشرى وطلعوهو العالي بمحمد عمر جبريل
عادي زي ما بتسمع اف ام 100 في حافلة المواصلات او في اتوس او ركشة
للجزيرة قناة اذاعية اف ام مسموعة في دول الخليج (الا السعودية)
| |
|
|
|
|
|
|
|
|
|
Re: حكاية زينب الحصني... (Re: محمد إبراهيم علي)
|
Quote: قطعا لطريق ود البشرى وطلعوهو العالي بمحمد عمر جبريل
عادي زي ما بتسمع اف ام 100 في حافلة المواصلات او في اتوس او ركشة
للجزيرة قناة اذاعية اف ام مسموعة في دول الخليج (الا السعودية) |
ههههههه
شكرا يا هندسة على التوضيح ..
دا اسمو كسرا للدش في يد ود البشرى
طيب ما يجو يعملو حركة زي دي هنا في السودان
بدل الغثاء المالي أثيرنا دا
| |
|
|
|
|
|
|
|
|
|
Re: حكاية زينب الحصني... (Re: محمد عمر جبريل)
|
Quote: زينب كانت رمزية للتدليل على انتهاكات النظام
السؤال هو هل هذه الانتهاكات موجوده فعلا ام لا ؟
القصة مش هى زينب ام لا ...... |
الفوق ده كلام الاخت دينا خالد
اضافه
هل يمكن ان تكون اجهزة الامن قد اخطأت بقتل اخرى ظنا انها زينب و بعد تسليم الجثة اكتشفوا ان من قتلت ليست زينب
و حاولوا الاستفاده من هذا الخطأ اعلاميا
| |
|
|
|
|
|
|
|
|
|
Re: حكاية زينب الحصني... (Re: محمد إبراهيم علي)
|
Quote:
والله يا ود البشرى ماقدرت اقرا كلامكم كتير
لكن طبعا ما بخلى الشواره ..
يعنى هى القصة فى انو الانتهاكات دى لو حصلت لى زول
غير زينب .. تبقا قصة المعارضة باظت ؟؟
الدنيا قامت وقعدت فقط لانها زينب وطالما ظهر
ان الفتاة ليست زينب ... يبقا الناس كذابه !!
زينب كانت رمزية للتدليل على انتهاكات النظام
السؤال هو هل هذه الانتهاكات موجوده فعلا ام لا ؟
القصة مش هى زينب ام لا ......
|
عشان كدا بنقول الناس تقرأ اول!!!!؟؟
لم تأتي بجديد ..
بل الحمد لله اهو الصادق طلعنا ما اتينا لحوار و  ذاتو!!
----
حكمة (صينية)*
اذا لم تتأكد انك قد اجدت القراءة .. لا تشرع في الكتابة ابداً
دي للصادق ما ليك يا دينا
و برضو العوج 
* ما قالها بوردابي صيني .. لا لا ياخي!
لكن صينية يعني (تقليد) ساااكت!!
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
العفو يا الصادق لا شكر على واجب
الخلل في صياغة الحدبث ادى لسوء الفهم فكان لزاما علي ان اعيد الصياغة
ابو السيد
والله ما معروف حسب المزاج و اللياقة يا واصلت يا قلت كو
دندون ...| Quote: يعنى هى القصة فى انو الانتهاكات دى لو حصلت لى زول غير زينب .. تبقا قصة المعارضة باظت ؟؟ |
لأ
| Quote: الدنيا قامت وقعدت فقط لانها زينب وطالما ظهر ان الفتاة ليست زينب ... يبقا الناس كذابه !! |
لأ - لكن لو كان جا واحد ادى القصة كوز كوزين موية كان بكون هو الكذاب
| Quote: هو هل هذه الانتهاكات موجوده فعلا ام لا ؟ |
موجودة
محمد عمر تعرف كتير بقارن بين الحاصل في ثورات الربيع العربي و بعين الخيال بتصور الوضع عندنا ح يكون كيف؟
وللاسف كل السيناريوهات فظيعة
القبلية و الجهوية الفي اليمن عندنا انكى منها
عنف القذافي وعدم تورعه عن قتل مواطنيه متوفر لدى حكومتنا و السلاح الذي توفر للمعارضة ودعم الناتو من السهل ان يتوفر هنا ايضا
مؤيدي نظام البعث و الشبيحة في زيهم هنا و اكثر مؤيدين للمؤتمر الوطني و دبابين
وطبعا نفس حجج الاستهداف الخارجي و العمالة و... إلخ
نفتقد للجيش القوي المستقل إلى حد ما في السيناريوهين المصري و التونسي
ميتسوبيشي جالانت
يا محمد ابراهيم مالك ياخ
وقت ربنا قاسم لينا طلعة عالي حاسدنا فيها مالك
نايف | Quote: الفوق ده كلام الاخت دينا خالد |
نعم
شكرا على الاضافة
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote:
ود البشرى
يا خي شكراً على الشرح وشرح الشرح.
رحم الله القائل:
"الآن فهمتكم"
قيقا أنت لم تاتي لحوار
|
فتأمل!!
---------
ود البشرى افتكر نمت كويس .. و لياقتك اتصلحت مش!؟
اها ما وعدتنا امس!
لي اسي منتظرك لا نوم لا اكل انا
خلينا نلحقك بجنس المقتبس اعلاه من (صياغتنا) برضو
المافي شنو!؟
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
والله يا قيقرا اللياقة لسة ما ياها لكن كمان ضميري لا يسمح لي اخليك راجيني لا اكل لا نوم و الدنيا خميس كمان
عليه .. سابذل ما في وسعي لمساعدتك
كتبت : Quote: يا ابو حتحوت
مسئولية الامن مسئولية من في الحالة السورية!؟
و ممكن بالله تساعدني في اني اقدر استوعب جريمة الجثة المثلوا بيها دي!؟
تكون عملت شنو بس استدعى تسليمها اربع قطع و مسلوخة تماماً!؟
و ماذا فعلت الجهة المسئولة امام الله و الشعب و ضمير الانسانية في الحالة دي!؟
استخدمتا للنيل من معارضتها!؟ .. لتثبيت حكمها الما موفر أمن للشعب دا ذاتو!!
يا مثبت العقل و الدين!! |
اسألتك نمسكن واحد واحد
| Quote: مسئولية الامن مسئولية من في الحالة السورية!؟ |
مسؤولية اجهزة الامن السورية - شرطة و حيش ومخابرات و اي اجهزة اخرى
| Quote: و ممكن بالله تساعدني في اني اقدر استوعب جريمة الجثة المثلوا بيها دي!؟ |
ح اجتهد قدر قدرتي اني اساعدك, اما الاستيعاب في رقبته فتوفيق من الله
| Quote: تكون عملت شنو بس استدعى تسليمها اربع قطع و مسلوخة تماماً!؟ |
الله ثم من فعلها اعلم | Quote: و ماذا فعلت الجهة المسئولة امام الله و الشعب و ضمير الانسانية في الحالة دي!؟ |
سلموا الجثة لأهلها - المفترضين - و قد يكونوا حفظوا التحقيق في القضية وقيدوها ضد مجهول اذا كان هناك تحقيق تم من اصله Quote: استخدمتا للنيل من معارضتها!؟ .. لتثبيت حكمها الما موفر أمن للشعب دا ذاتو!!
يا مثبت العقل و الدين!! |
دي اسئلة لي ولاّ معلومة تبرعت بها؟
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
ودالبشرى ده طبعاً من كتابي المفضلين جداً واكتر حاجة
بتعجبني فيهو انو بريحني من مداخلات كتيرة في بوستات
مختلفة بخش بلقاهو كتب الكلام العاوز اكتبو ... طوالي بتخارج.
إلا في البوست ده كلامو من بداية البوست ما كان مية مية
خصوصاً الحتة بتاعة (لفحي المعارضة) وبرغم التوضيحات اللاحقة
في ردوده إلا انو الخلل ظل قائماً ..... ولسبب بسيط جداً المعارضة
السودانية كانت محتاجة ربما (للفحي) لاثارة الناس والصاق تهمة
بالحكومة في ظل عدم وجود واقعة او وقائع حقيقية يمكن الاستناد عليها
يعني زي ما بنقول في مجال القانون (الباعث أو الدافع) كان متوفر
في حالة المعارضة السودانية لارتكاب تلك الحماقة الا انه وفي ظل
القصف بالدبابات وسحل الناس في الشوارع لا اظن بل اجزم بأن
المعارضة السورية ليست في حاجة لشهيد جديد فالكل شاهد وحشية
وقسوة الجيش السوري في تعامله مع المتظاهرين واصبح الأمر
لايحتاج الى شهادة جديدة او تعضيد وبالتالي يصبح امر قابل
للتصديق جداً رواية المعارضة السورية وذوي زينب الحصني
وتكون روياتهم هي الاقرب للحقيقة من رواية الحكومة السورية
وتمثليتها السخيفة وذلك إستناداً لمبدأ ثابت وراسخ من مبأدي الاثبات
الجنائي وهو ما يعرف (ببينة الوقائع المتشابهة المتماثلة) وهي بينة
مقبولة جداً في القضاء (انظر حكومة السودان ضد الجاسوس الالماني اشتاينر)
وهذه البينة تعني باختصار انه لاثبات ونسبة فعل الى شخص
ما فيجوز تقديم بينة على ان نفس الشخص قد ارتكب نفس الفعل من قبل ....
هذا مع خالص التحايا والتقدير للاخ ودالبشرى وسيظل كما هو احد كتابي المفضلين .......
| |
|
|
|
|
|
|
|
|
|
Re: حكاية زينب الحصني... (Re: omer osman)
|
مشكور يا جنابو على الكلام الطيب
انا عندما كتبت فوق "تذكرني" ما معناها عقد مقارنة او السعي للتشبيه الكامل بين الموقفين
دي الحاجة الجات في بالي حينها - ولا زالت بالمناسبة
وتحديدا الحتة بتاعة زيادة الموية التي يتبرع بها البعض بدون اساس من الصحة فاكرين بالكذب باكدوا على الحقيقة الظاهرة اصلا
كمن سبق الناس على رؤية الهلال ولما اشادوا به قال "اهو داك هلال تاني كمان"
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote:
إلا في البوست ده كلامو من بداية البوست ما كان مية مية
خصوصاً الحتة بتاعة (لفحي المعارضة) وبرغم التوضيحات اللاحقة
في ردوده إلا انو الخلل ظل قائماً ..... ولسبب بسيط جداً المعارضة
السودانية كانت محتاجة ربما (للفحي) لاثارة الناس والصاق تهمة
بالحكومة في ظل عدم وجود واقعة او وقائع حقيقية يمكن الاستناد عليها
يعني زي ما بنقول في مجال القانون (الباعث أو الدافع) كان متوفر
في حالة المعارضة السودانية لارتكاب تلك الحماقة الا انه وفي ظل
القصف بالدبابات وسحل الناس في الشوارع لا اظن بل اجزم بأن
المعارضة السورية ليست في حاجة لشهيد جديد فالكل شاهد وحشية
وقسوة الجيش السوري في تعامله مع المتظاهرين واصبح الأمر
لايحتاج الى شهادة جديدة او تعضيد وبالتالي يصبح امر قابل
للتصديق جداً رواية المعارضة السورية وذوي زينب الحصني
وتكون روياتهم هي الاقرب للحقيقة من رواية الحكومة السورية
وتمثليتها السخيفة وذلك إستناداً لمبدأ ثابت وراسخ من مبأدي الاثبات
الجنائي وهو ما يعرف (ببينة الوقائع المتشابهة المتماثلة) وهي بينة
مقبولة جداً في القضاء (انظر حكومة السودان ضد الجاسوس الالماني اشتاينر)
وهذه البينة تعني باختصار انه لاثبات ونسبة فعل الى شخص
ما فيجوز تقديم بينة على ان نفس الشخص قد ارتكب نفس الفعل من قبل ....
|
دا الفرق بين تعيين الوزارة .. و ابو عشرين
شكراً يا جنابو على الكلام المقعّد ..
ود البشرى لفح ليو خبر - همسلف - و جايي جاكي بينا سداري .. و بالدائري بي فوق
بجيو بي جاي .. يخرّم بهناااااااك!!
يا ود البشرى انت مش قلت:
انو الطغاة ملة ..........(1)
المعارضات ملة تانية......(2)
و تيب!!
طلعوا كلة ستة في حتة!؟
مافي اي مقارنة .. و لا مقاربة هناك!
-------
مكنة ( بتذكرني ) دي كيف معاك يا جنابو!؟
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
لا مانع من مزيد من شرح العناقريب :
يا قيقرا لفح انا استخدمتها في سياق مختلف عن ما عنيته بقولك ود البشرى لفح ليه خبر هيمسيلف
المعارضة الليلتك لفحت خبر كاذب ومدسوس وتمت عليه توم وشمار ونسبت ليه سلسلة احداث و تواريخ كاذبة
من ذهاب للمشرحة و منع الامن دفنه داغير السيرة الذاتية المختلقة للشهيد من جامعة و دفعة و اصدقاء
دا ما عنيته باللفح
هنا انا نقلت خبر وارفقته بالمصادر ولم ازد عليه تعريفة - يبقى وين اللفح
تعليقي على الخبر بـ"ذكرني" حدث آخر لا يعني اني اضفت للخبر الاصلي او نسجت منه روايات و حكايات - كما فعلت معارضتك
Quote: يا ود البشرى انت مش قلت:
انو الطغاة ملة ..........(1)
المعارضات ملة تانية......(2)
و تيب!!
طلعوا كلة ستة في حتة!؟
مافي اي مقارنة .. و لا مقاربة هناك! |
نعم قلت - واقول - يبدو ان الدكتاتورية ملة واحدة وكذلك مناهضهيا
المشكلة وين ولاّ هو كسر رقبة بس يا قيقرا عايز تطلع كلامي مقارنة وتشبيه كامل بين الموقفين
غايتو دي قدرتي على شرح العنقريب وشرح الشرح وشرح شرح الشرح
وزي ما قلت ليك فوق الاستيعاب بعد دا توفيق من الله
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote:
وزي ما قلت ليك فوق الاستيعاب بعد دا توفيق من الله
|
لا قهرتني خلاس!!
السكر توفيق من الله .. لكن الفهم قسم
و ازعم انو ما حصل قسمتي كانت قدر ما كانت في البوست دا!
دا ما برجح انو (قد) يكون السبب منك ما مني!؟
خصوصاً في وجود اقل شئ تلاتة شهود عدول ربنا ما وفقم برضو .. حسب زعمك!؟
طيب وفق منو!؟
لم يوفق أحد!
-----
سم سانين الحمد لله لي يوم الليلة ما عملت لي معارضة انا!
لم نعارض بعد انحنا !!
يا اخوي بالضبط دا مصدر اعتراضي ..
ظلم للمعارضة السورية، مجرد وضعها في سلة، او ملة واحدة مع المعارضة السودانية" (الما حقتي)!!
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
| Quote: نَّكَ لاَ تَهْدِي مَنْ أَحْبَبْتْ وَ لَكِنَّ الله يَهْدِي مَنْ يَشَاءْ |
صدق الله العظيم
دي يا قيقرا في معرض التعليق على الجزء الاول من كلامك
عموما انا لو ما فهمت المكتوب ما بقطع قراية من راسي وببني عليها
بسأل و بطلب الشرح
وكان ما فهمت الشرح خلاص كمان ما شرط افهم اي حاجة بختها على الرف مع النسبية وكتابات ذو اليد و بعض الظواهر الطبيعية الاخرى
| Quote: ظلم للمعارضة السورية، مجرد وضعها في سلة، او ملة واحدة مع المعارضة السودانية" |
و وضع الدكتاتورية السورية مع السودانية رايك فيه شنو
ما فيه ظلم لأحدهما ؟
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
Quote:
و وضع الدكتاتورية السورية مع السودانية رايك فيه شنو
ما فيه ظلم لأحدهما ؟
|
ابداً
هي ملة بعضها من بعض ..
الظلم وااااحد .. العسف واااحد
اما المعارضات .. فقلوبهم شتى .. و تحسبهم جميعاً
طيف واسع يختلف في مقاربته للواقع و في كل شئ ..
و يتفق في هدف (اسقاط النظام القائم) ..
من صدق .. و صل
و البجعجع .. لسه بجعجع .. و جمل النظام سادر في غيو
شفت كيف!؟
عشان كدا الناس نجحوا .. و ناسنا لي يوم الليلة مكانك سر
------
ود الصايم ما اتيت لحوار انتا!!
بس من اجل اجند اخرى كلها ما طالعة من () بس!!
| |
|
|
|
|
|
|
|
|
 Re: حكاية زينب الحصني... (Re: محمد عبد الماجد الصايم)
|
طيب عشان نمشي بالحوار قدام شويه ,
انا يا ود البشرى ما فهمتا اي شي من البوست دا ! تصدق !
ذكرتني حليمه عبدالرحمن في ذات جلسه , في واحد اخونا كدا قاعد يتكلم ساعه ونص , ويلف ويدوور , ويلف ويدوور
ونحن بنحاول نستخلص الزول دا داير يقول شنو , حليمه اتلفتت علي وقالت لي : هسسي الأيشو شنو ؟
فـ يا وود البشرى ,عشان ما اكتب لي مداخله وتجي تشبكني (لا لا انتي اخطأتي القراءه .. ولا لا أنا ما قاصد كدا .. الخ)
وورينا الأيشو بتاع البوست دا شنو؟ .. لانو بي صرااحه بي صراااحه كدا , انت لحدي اسي ما قلتا أي شي
وشوووكرن :)
| |
|
|
|
|
|
|
|
|
 Re: حكاية زينب الحصني... (Re: داليا الكباشى)
|
Quote:
وورينا الأيشو بتاع البوست دا شنو؟
|
الايشو انو كلكم ما فيكم زين العابدين بن علي
بس (بكسر الباء) .. دي كمان دايرا ليها درس عصر اسي
-----
يا ابو حتحوت يحلك الحلّ بلة
كامل تضامني معاك في محنتك العملتها بخط كيبورديك دي
و يا حمودي ما تشتت لينا الكورة بالله ..
اسي الجاب سيرة سيد اللبن منو هنا!؟
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
لا يا قيقرا مافي محنة لامن تحتاج تضامن
المشكلة في القراءة الانطباعية
يعني البجي داخل باعتبار دا ابوحتوت الرمادي معارض المعارضة ونصير الانظمة الدكتاتورية بحاول يعاير و يقايس الكلام المكتوب على الانطباع الراسخ في ذهنو
ودا ما يقود للقراءات الخاطئة الأنا جاتني طولة بال من وين ما عارف الليلة عشان اصحح الحكاية دي
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
لا يا قيقرا مافي محنة لامن تحتاج تضامن
المشكلة في القراءة الانطباعية
يعني البجي داخل باعتبار دا ابوحتوت الرمادي معارض المعارضة ونصير الانظمة الدكتاتورية بحاول يعاير و يقايس الكلام المكتوب على الانطباع الراسخ في ذهنو
ودا ما يقود للقراءات الخاطئة الأنا جاتني طولة بال من وين ما عارف الليلة عشان اصحح الحكاية دي
| |
|
|
|
|
|
|
|
|
|
Re: حكاية زينب الحصني... (Re: داليا الكباشى)
|
عاد يا دالي كان شايفة لحدي اسي انا ما قلت شي
فاحسن تنسي الموضوع دا
لأنو انا والله ما عندي قدرة لـ شرح شرح شرح الشرح بتاع العنقريب
اعتبريها مقالة عن النسبية مثلا , تجاوزيها براحة و يا دار ما دخلك شر"ح"
| |
|
|
|
|
|
|
|
|
 Re: حكاية زينب الحصني... (Re: محمد البشرى الخضر)
|
Quote:
اعتبريها مقالة عن النسبية مثلا , تجاوزيها براحة و يا دار ما دخلك شر"ح"
|
يحلك الحلّ مزونة
-----
يا كمان تقتح لينا سراي صفراء فاقعون لونها تسر القارئين ..
ؤ تدخلنا فيها كلنا، مع عزيزك القارئ ذاتو، ما دام كلنا اصحاب عاهات دماغية مستعصية
ياخي انا الفاهمو في عن النسبية و الكوانتم ، و المكتبة و في سودانيز .. و اللغة الصينية اكتر من الفهمتو من بوستك دا !!
المحيرني اكتر الصادق فهم شنو بالضبط تاني ما جا بجاي!؟
بشاشا ما خاتي عليو كلو كلو!!
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
يا قيقرا ياخي القصة ما تكبير اكوام و فلان ما فهم برضو معناها انا معاي حق في عدم فهمي وكدا
اتكلم لي عن روحك دي ياخوي الباقين اقدر على ادارة امورهم و تقدير حاجاتهم
ثم مسالة الاستيعاب فضل من الله دي جات ليك انت تحديدا في معرض طلبك مساعدتي استيعاب موضوع معين - خارج نطاق البوست إلى حد ما - وافتكر اجتهدت معاك قدر قدرتي
باقي موضوع البوست واضح للقارئين و الحتات التي افسدتها الصياغة قمت باعادتها و ازلنا اللبس ما استطعت
بعدين افتكر وصلنا حتة انك حددت لي تحديدا اين اعتراضك على موضوع البوست بالتالي فهمته و اعترضت على جزئية معينة
فالبخليك تجي تاني تقول ما فاهم موضوع البوست من اساسو شنو؟
ولا دا الـثيم بتاع الليلة كدا
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
Quote: عاد يا دالي كان شايفة لحدي اسي انا ما قلت شي
فاحسن تنسي الموضوع دا
لأنو انا والله ما عندي قدرة لـ شرح شرح شرح الشرح بتاع العنقريب
اعتبريها مقالة عن النسبية مثلا , تجاوزيها براحة و يا دار ما دخلك شر"ح"
|
والله البعرفو عن النسبيه أكتر بكتير من العرفتو في بوستيكـ داا
بعدين انت بي ناحيه تقول ليقاتي خفت وما بقدر اشرح ,
طيب الجابركـ على جنس البوستات الزي دي شنو
الشي التاني , هل من المعقول انو كووولنا كدا المرينا بالبوست داا (ما عدا قيقراوي لانو ما عندو سالفه)ما بنعرف نقرأ/نحلل/نفهم/نستنتج .. الخ!
زول وااحد يا كافي البلا وكايد المحن , جا البوست دا , وقلتا ليهو (ايوااا دا قصدي) او على الاقل ناقشتو عشان نحن الغلابه ديل نفهم مافي ؟
لكن ما مشكله , في النهايه بووستيكـ , كتبته وحدكـ وواكلته ووحدكـ وستفهمه ووحدكـ
| |
|
|
|
|
|
|
|
|
|
Re: حكاية زينب الحصني... (Re: داليا الكباشى)
|
Quote:
والله البعرفو عن النسبيه أكتر بكتير من العرفتو في بوستيكـ داا
|
من نكد الدنيا على ود البشرى ..
انو كل المروا من هنا فاهمين النسبية و لم يفهموا بوستو دا!!
فتامل
هل دي صدفة .. ام حنك منو ساااي!!
----------
طلحة وين ياخي!؟
()
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
قيقراوي هوووي ,
هاك دامفتاح عربيتكـ , سلطاتكـ , بابا غنوجكـ , مطوتكـ في جيبكـ واتخارج من البوست دا سررريع ,
شووف عيني دي , ود البشرى دا مشى يجيب الطبنجه حقتو ويجي
نصيحه لوجه الله :)
| |
|
|
|
|
|
|
|
|
|
Re: حكاية زينب الحصني... (Re: داليا الكباشى)
|
برضو يا داليا مستخدمة نفس الحنك العاضي
خليك من الآخرين وليك بي نفسك
انتي قولي انا فهمت او ما فهمت الشي الفلاني و بعدين قد وقد لا اعيد الشرح او اقوليك زي ما قلت ليك فوق جليه
لكن التعذر بعدم فهم الآخرين ما جاي صدقيني ولا مقبول كعذر
قيقرا بقيت على شنو؟
انت اسي ما فاهم اي شي عشان الصادق وسمارت وعمر و دينا وداليا وآخرين ما فهمو
ولا انت فهمت شي معين ومعترض عليه
يا حليل الحبشي اسي كان حاضر كان قاليك وطّن نفسك هههههههههههه
طبنجة شنو يا داليا البجيبها ليك ولـقيقرا كمان
الموضوع ما يستاهل
اهو راجي الغدا وبقزقز معاكم
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
| Quote: يا حليل الحبشي اسي كان حاضر كان قاليك وطّن نفسك |
من حسن حظك -يا ود البشرى - أنو مافيش
Quote: طبنجة شنو يا داليا البجيبها ليك ولـقيقرا كمان
|
ووين أنا قلتا ليك انت جايب (لـي) طبنجه ؟
مافيك حيل تشرح فهمناها , بررضو بقى مافيك حيل تقرا ولا شنو ؟
| |
|
|
|
|
|
|
|
|
|
Re: حكاية زينب الحصني... (Re: داليا الكباشى)
|
Quote:
يا حليل الحبشي اسي كان حاضر كان قاليك وطّن نفسك هههههههههههه
|
دا كان زمان ياخي!
ما اتفقنا على (المعيار) خلاس!
الحبشي حبيب ألبي ياخ ..
انا ذاتو حبشي.. حتى بالامارة اسمي بالراندوق (حفتي)
و الله صحي
---------
بعد يرجع ح تشوف ليك فولترون لمن تحتار .. و ح نضيف ود القاضي
تحالف الحبش اون لاين@ سودانيز (ضط) كوم تراب
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
مع انى مرقت و قلت تانى ما جاية...( بس من غير ما اكتبها ) لكن لما بعد يويمين لقيت البوست لسه مدور لم استطع مغالبة حب الاستلاع.
قيقراوى...ود البشرى طلعنا انطباعييين و ما عندنا قسمة فى الفهم ....و حالة صعبة.
ود البشرى مش كان احسن تقول: يا جماعة انا لماسمعت قصة زينب الحصنى اتذكرت قصة محمد عبد الرحمن ...لكن انا عارف تماما انه ما فى علاقة بينهم.
بس ..ده مختصر البوست....
| |
|
|
|
|
|
|
|
|
|
Re: حكاية زينب الحصني... (Re: smart_ana2001)
|
يا سمارت طاقية ما مكتوب عليها اسمك ما تدرعيها ساكت - الحركة دي حصرا على قيقرا ههههههههههههههQuote: ود البشرى مش كان احسن تقول: يا جماعة انا لماسمعت قصة زينب الحصنى اتذكرت قصة محمد عبد الرحمن ...لكن انا عارف تماما انه ما فى علاقة بينهم.
بس ..ده مختصر البوست.... |
لأ .. ما كان أحسن امال البوست يمشي ويجيب دخل كيف
ثم انا شايف في علاقة بين الموضوعين
| |
|
|
|
|
|
|
|
|
|
Re: حكاية زينب الحصني... (Re: احمد الأمين على إدريس)
|
احمد اللمين مين مين ... حتى ادريس همسلف!
تورت نفسنا
Quote:
غايتو البقدر عليهو الدعاء بان :-
الله لاجاب طلحة فى البوست دا
|
لقيتك قاسي القلب ياخي!!
------
ظهرتا عاملا كدا ياخي .. انت قايل ود البشرى دا كيشة و لّ شنو!؟
كمان ما للدرجة دي ياخي!!
كدا دي ما دعوة عديييل للمذكور ..
ح يسرش باسمو يلقى دعوتك دي ياخي!
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
Quote: ياللهول وياللهواوييل مجتمعه !
يعني بقيت زيك وزي بتاعين تووجد فضيحه ! توجد صور ..الخ |
أمال هي فكت من شوية
ود الامين ياخي مرحب بتنظير وغيره
يقيف في الصف كان فهم من اولها فبها وإلاّ نشرح ليه ونعيد
كلو العايز شرح الليلة بنشرح ليه
مولد سيدي شرحبيل خلي بالك
| |
|
|
|
|
|
|
|
|
|
Re: حكاية زينب الحصني... (Re: محمد البشرى الخضر)
|
حقو البوست ده - بعد الشروحات و التوضيحات و يطلعو منو لواييق قيقا أبو مكتبه - يتم طبعه و توزيعه على عدد مقدر من الناس المعارضين - و لا أقول المعارضه فهذه محنه تانيه - و يتم الزامهم بمذاكرته و حفظه و يسمعوهو كمان ... يا زميل شايفك مارق من الرمادى على الألوان .... نعلو خير؟
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
Quote:
ظهرتا عاملا كدا ياخي .. انت قايل ود البشرى دا كيشة و لّ شنو!؟ |
ياقيقا ياخ انت عندك ازمة ولا شنو كل مرة شابكنى تورت نفسنا تورت نفسا
لكن بينى وبينك كدا نفسك بتقومو ليك مداخلاتك دى الاولا فى المكتبة المزعومة واخرها ليس هنا بالتاكيد
ثم
ود البشرى من احرف من يطقطق الكيبورد ودكتووور عديل كدا حسب كتابتو (المصدر بوست تيسير)
بعدين طلحة اليومين ديل ناس الهلال والبرير وهيثم مامخلين ليهو فرقة يمشى يمين ولا شمال
بالمناسبة لا افهم كثيراً فى النسبية
| |
|
|
|
|
|
|
|
|
|
Re: حكاية زينب الحصني... (Re: احمد الأمين على إدريس)
|
هلا وغلا يا هندسة
قبيل سمعت في مونت كارلو
انو والدة زينب ذكرت ان هذا التسجيل لها قبل ان تغتال
وقالت ان زينب لم تعد حتي الان
وقالت عندما ذهبت للمشرحة سالوني هناك
هل لك بنت مفقودة
وقالت انها فقط رات ارجل القتيلة وكان باقي الجسمان ملفوف في كيس
| |
|
|
|
|
|
|
|
|
|
Re: حكاية زينب الحصني... (Re: احمد الأمين على إدريس)
|
Quote:
بالمناسبة لا افهم كثيراً فى النسبية
|
النسبية ما ضروري .. هنا كيف!؟
ما في المقرر ..
ما بتجي في الامتحان ياخي!!
-------
هنا معانا و لّ مع الخيانة!؟
ديل ناس الصادق و كسر الله، الفهمو شنو ما عارفم ذاتو!!؟
بالمناسبة يا ود البشرى
انا مش ما فاهم عديييل ..
بحمد الله و توفيقه، فاهم .. لكن شوية ..
و العهدة علي، الفاهمو في النسبية، الكوانتم، موضوع المكتبة في سودانيز، و اللغة الصينية ..
اكتر بي كتييييير من الفاهمو عن (الايشو) في البوست دا!!
| |
|
|
|
|
|
|
|
|
|
Re: حكاية زينب الحصني... (Re: قيقراوي)
|
| Quote: انا مش ما فاهم عديييل .. |
ما تخجل ياخ قول ما فاهم عديل المشكلة وين؟
ههههههههههههههههههههههههههههههههه
ذكرتني* لياقة ليك مع الحبشي يا قيقرا قبل كدا
لما كان بقول ليك لما القى فرقة بجي اقرا كلامك الكتير دا او ماشابه
_____________________________________
ديسكليمر (الضاق بري البورداب ...إلخ ):
ذكرتني الواردة اعلاه لا تفيد المقارنة او المقاربة او التشبيه بين مداخلات قيقرا اعلاه واللواقة المعنية مع الحبشي
| |
|
|
|
|
|
|
| |
محمد البشرى الخضر
قيقراوي
الصادق اسماعيل
smart_ana2001
Balla Musa
أبوبكر أبوالقاسم
أسامة البلال
دينا خالد
محمد عمر جبريل
محمد إبراهيم علي
نايف محمد حامد
عمار محمد ادريس
omer osman
محمد عبد الماجد الصايم
داليا الكباشى
احمد الأمين على إدريس
khaleel
فيس بوك
تويتر
انستقرام
يوتيوب
بنتيريست