دعواتكم لزميلنا المفكر د.الباقر العفيف بالشفاء العاجل
|
|
 حقوق الإنسان ..(الكوز)
|
الفكرة قديمة وتجدّدت من فترة تحديدا ايّام مساككتي للكذّاب معاوية لإجل إثبات ما افتراه أو اعترافه بكذبه
كثير من مداخلات الإخوة الكرام كانت بتدور حوا أن ود البشرى مهذب و وزول كويس وكدا وعلى معاوية الكذّاب الإعتذار لي لأجل ذلك
أوّلا شكري لكل من ذكر بحقي كلمة طيبة لا استحقّها - واسأل الله أن افعل - لكن هنا لي تساؤل
لو لم يكن الزملاء يحسنون ظنّهم بي, أو لو كنت على درجة من السوء تفوق معاوية الكذّاب نفسه و شلة الرويبضة الذين يتبعونه
أو قل إني بسوء إبليس همسيلف
هل يغمط هذا حقي في عدم بهتاني؟ هل يستبيح حقوقي و يبرر لمن يشاء أن يكذب علي !!
الفكرة أوسع من كدا, وجدّدها تعليق زميل في بوست آخر
هل يتمتع الجميع بحقوق متساويةبغض النظر عن اخلاقهم و انتماءاتهم؟
الخطوط جايطة في الراس و الكتابة متعجلة
لذا يتبع على أمل ترتيب الأفكار و صياغتها بشكل أسلم
|
|
 
|
|
|
|
|
|
|
 Re: حقوق الإنسان ..(الكوز) (Re: محمد البشرى الخضر)
|
الحبيب ود البشري الصحة والأخبار
المنبر دا مبني علي العلاقات والتكتلات سواء كانت سياسية أوجهوية أو في بعض الأحيان شخصية
والغريبة الزي معاوية دا هنا كتيرين بس يختلفوا منو في نوعية الكذب والبهتان الذي يدعونه
ولو بتسعي من هذا البوست لمعالجة الخطل الأخلاقي أو معالجة هذا الواقع المريض فسوف تصاب بصدمة منبرية لو اطلعت علي
مداخلات دينق وبهتانه للأخ وهبة كمثال لقد وصل الحد هنا لان يمكن أن تتهم في نسبك لأبيك وأظن مافضل بعدها حاجة
لذا يا حبيب أنا دائماً من أنصار تخلص حقك بي يدك وترد الصاع عشرة والكف بونية
أو كما قال أخونا بدر الدين احمد موسي
| |
|
|
|
|
|
|
|
|
|
Re: حقوق الإنسان ..(الكوز) (Re: محمد المسلمي)
|
| Quote: أنا دائماً من أنصار تخلص حقك بي يدك |
ياحبيب مرة واحد قال لي ( تبا لك بالانجليزي)
اها ده زول قاعد في اخر الدنيا الحقو كيفن عشان اكفتو
-
احسن شيئ التجاهل التجاهل
طالما مافي "ادارة" تحميك من شتائم الصعاليق
| |
|
|
|
|
|
|
|
|
|
Re: حقوق الإنسان ..(الكوز) (Re: saidahmed shami)
|
Quote: لو لم يكن الزملاء يحسنون ظنّهم بي, أو لو كنت على درجة من السوء تفوق معاوية الكذّاب نفسه و شلة الرويبضة الذين يتبعونه
أو قل إني بسوء إبليس همسيلف
هل يغمط هذا حقي في عدم بهتاني؟ هل يستبيح حقوقي و يبرر لمن يشاء أن يكذب علي !!
|
لا
| |
|
|
|
|
|
|
|
|
 Re: حقوق الإنسان ..(الكوز) (Re: صبري طه)
|
Quote: الحق حق .. كان ليك ولا عليك . بس في عليك دي الناس الحوليك هي البتحدد .. يعني حقك ممكن تاخدو براك من غير حد يساعدك لانو الناس الحواليك زاهدين يدخلو لشئ فيك انت شخصياً غير محبب لديهم بمبدأ وانا مالي هو الليجابو لنفسو وخليه يتصرف وحتي ولو الناس عارفة انك علي حق .. الكلام ده بيرجع للشخصية المتظلمة ودرجة نفور الناس منها .. بس ده لا يمنع بان لديه حق عند غيره .. في كلام هنا الناس بتتعامل بردود الافعال وليس بمبدأ احقاق الحق .. وده بيتذلب درجة عالية من الشجاعة والشفافية لا يتمتع بها كل الناس خصوصاً ناس التارات البايتة ( بس خوف الانكسار بيخلي الواحد ما يدخل انتصاراً لنفسه ).. في المثال عنك انت ومعاوية الناس معظما كانت زاهدة في معاوية لسوابقه الكتيرة والمملة عشان كدة ما لقي من يسانده وفي النهاية اعترف بنفسو وبكذبه وبهتانه .. إنعدام الثقة في معاوية مقابل الثقة الذايدةفيك خلي الامر يكون واضح من البداية والناس كونت الفكرة ومشت عليها .. نرجع نقول اذا ما وصلنا لدرجة عاليه من الثقة في النفس والشفافية ونقول نقرب نبقي انبياء ما ممكن ننصر لينا زول عندو سوابق بتحتم علينا نتريث في مساندته .. ده اذا انا قدرت افهم كلامك صح ..
|
دا كلام أختنا أم مؤيد!
عارف الفيس عندكـ مبلّكـ!!
+
فعلا أنصاريتكـ دي شكلها قشرة ساي .. يا كادر يا سرري!!
| |
|
|
|
|
|
|
|
|
|
Re: حقوق الإنسان ..(الكوز) (Re: محمد عبد الماجد الصايم)
|
هلا بالشباب
ود المسلمي, حنين, الشفت, الشامي, صبري, حموودي و ام مؤيد
المثال الضربته في بداية البوست شكلو ساق اغلب المداخلات في اتجاه البورد و الحاصل فيه
القصة مش اصلاح منبر او اخد حق او غيره, لكن التساؤل كان عن مفهومنا لحقوق الإنسان, وهل لابد اشهد لزول بالصلاح وانو زول كويس عشان يكون عندو حق؟
ومن زاوية أخرى الزول السيئ - الثال في العنوان كان الكوز - هل له حقوق كما الآخرين؟
المفارقة في مثال العنوان - اعني الكوز - انه يناصر نظام ينتهك حقوق الآخرين ولا يعترف بها, طيب الصاح شنو هنا
لسنا ملائكة أو انبياء كما قالت أم مؤيد, لكن في نفس الوقت عدم الإعتراف بحقوق الإنسان (الكوز) ألا يجعلنا مثله؟
فالإنتهاك هو الإنتهاك سواء عندك سلطة أم لا ...
يتبع
| |
|
|
|
|
|
|
|
|
|
Re: حقوق الإنسان ..(الكوز) (Re: محمد البشرى الخضر)
|
أم مؤيد سلامات | Quote: الحق حق .. كان ليك ولا عليك . بس في عليك دي الناس الحوليك هي البتحدد .. يعني حقك ممكن تاخدو براك من غير حد يساعدك لانو الناس الحواليك زاهدين يدخلو لشئ فيك انت شخصياً غير محبب لديهم بمبدأ وانا مالي هو الليجابو لنفسو وخليه يتصرف وحتي ولو الناس عارفة انك علي حق .. الكلام ده بيرجع للشخصية المتظلمة ودرجة نفور الناس منها .. بس ده لا يمنع بان لديه حق عند غيره .. في كلام هنا الناس بتتعامل بردود الافعال وليس بمبدأ احقاق الحق .. وده بيتذلب درجة عالية من الشجاعة والشفافية لا يتمتع بها كل الناس خصوصاً ناس التارات البايتة ( بس خوف الانكسار بيخلي الواحد ما يدخل انتصاراً لنفسه ).. في المثال عنك انت ومعاوية الناس معظما كانت زاهدة في معاوية لسوابقه الكتيرة والمملة عشان كدة ما لقي من يسانده وفي النهاية اعترف بنفسو وبكذبه وبهتانه .. إنعدام الثقة في معاوية مقابل الثقة الذايدةفيك خلي الامر يكون واضح من البداية والناس كونت الفكرة ومشت عليها .. نرجع نقول اذا ما وصلنا لدرجة عاليه من الثقة في النفس والشفافية ونقول نقرب نبقي انبياء ما ممكن ننصر لينا زول عندو سوابق بتحتم علينا نتريث في مساندته .. ده اذا انا قدرت افهم كلامك صح .. |
اولا خليني اشكرك واحييك على مداخلاتك اللطيفة في مختلف البوستات, وانت ما ترسلي لبكري صورة الجواز وتعاليلنا بي فوق :)
عودة لكلامك ..
نعم الحق حق لكن قصة انو الحق يتعرف بالناس الحولك دي إلاّ في سودانيز حيث اي شي ماشي بمعانا و ضدنا وزولنا وما زولنا
سيدي الإمام علي كرّم الله وجهه قال الرجال يعرفون بالحق لا العكس ودا الكان مفروض يحصل
لكن للأسف هنا الناس عندها وهم المناصرة و اي شي يحول لصراع حكومة ومعارضة ومن المنظار دا كانت تقاس الأمور - إلاّ من رحم ربي طبعا - فالمتسقين مع مبادئهم التي يدعون لها موجودين و الحمدلله على قلتهم
الجزء التاني من حديثك دا هو الاتا قصدته مسالة مناصرة الزول حسب سوابقه او معرفتنا بيه او في النهاية حسب شخصيته - تقرأ توجهه وانتماؤه لخدمة فكرة البوست الرئيسة
المفروض الناس تنصر الحق المجرد و تدين الباطل المجرد كذلك غض النظر عن الأطراف المعنية
مداخلات الزملاء الكانت بتطالب معاوية الكذّاب بالإعتذار لأنني كذا وكذا مع تقديري لها لكن اسعدتني اكثر مداخلات من يحسب معاوية الكذّاب عليهم وعلى معسكرهم التي كانت تلومه على ما اقترفه بغض النظر عن من المتضرر
فكرة مناصرة الحق بتجرد تقود لسؤال البوست الأساسي
هل لمن لايؤمن بـ و ينتهك حقوق الاخرين, حقوق لي رقبته؟
| |
|
|
|
|
|
|
|
|
|
Re: حقوق الإنسان ..(الكوز) (Re: د.نجاة محمود)
|
سلام يا البشرى ...
المسالة في تقديري ما عندها علاقة بانتماء سياسي و لا أي نوع من أنواع الانتماءات، عندها علاقة بينا نحن كمواطنين في السودان الشقيق و تركيبتنا النفسية و حساسيتنا الزايدة البتخلينا نشخصن المواضيع و في لحظة زعل ممكن نقطع من الراس و نبدء بعداك مرحلة تانية من سؤاتنا و عوراتنا بركوب الرأس و عدم الاقرار بالخطأ و بعداك مرحلة تالته من ناس لابته ليك في مشاكل تانيه يجو يفتشو في أعذار للمخطئ ده لو ما طلعوك إنت الغلطان ... يعني القصة عبارة عن series من الاخطاء، و طبقات بعضها فوق بعض بتؤدي لضياع حقوق الناس بغض النظر عن انتماءاتها
| |
|
|
|
|
|
|
|
|
|
Re: حقوق الإنسان ..(الكوز) (Re: أمين محمد سليمان)
|
ما هو كمان يا ود البشري الواحد فينا في المنبر ده ما هوراشيو بتاع CSI MIAMI داكـ عشان يحدد بالدلائل القاطعة إنو فلان غلطان أو علان ما غلطان يبقي لازم الواحد يحدد رأيو في مشكلة مطروحة في المنبر بصورة إنطباعية ...
مهما حاولت تتريث عشان تقول رأي برضو حيطلع رأي إنطباعي لأنو نحن في منبر بتاع إنترنت و ما عندنا سبل لدلائل محسوسة
والله أعلم
| |
|
|
|
|
|
|
|
|
|
Re: حقوق الإنسان ..(الكوز) (Re: خالد عبد الله محمود)
|
الكوز المندس جرجير الشهير بود البشرى
المسألة في رأيي غير المتواضع مرتبطة بالنفاق بكل ما يحمله من معاني ..
يعني قبل كدا في واحد هنا اسمو منو كدا آدم صيام قال لي (اتا عب وعب مجاني)
وعليك أمان الله البوست القال فيهو الكلام دا وصل الصفحة الخرتمية ولا زول عبرو مافي
وجيت أنا قلتا يمكن عشان الكلام مدسوس في نص البوست الناس ما شافتو فقمت كوتو وفتحت
بيهو بوست وقنطرتو فوووووووووووق وقلت خلاص الجماعة ح ينتفوا ريشو ولدهشتي الشديدة
أنا وطلحة ومعانا آخرون ولا زول هببو ليهو مافي وهداااك ياهو الاسمو منو كدا آدم صيام
دا قاعد يفتح في البوستات الساعة والتانية ..أها عايزك تقيس على ذلك لو في زول قال
للاسمو منو كدا ادم صيام دا اتا عب ..
| Quote: مداخلات الإخوة الكرام كانت بتدور حوا |
دا شنو دا اسى ؟؟؟؟؟
كيف يعني بتدور حوا ؟؟؟؟؟؟
كوز ومندس وما عارف حاجة كمان ؟
| |
|
|
|
|
|
|
|
|
|
Re: حقوق الإنسان ..(الكوز) (Re: طلحة عبدالله)
|
| Quote: المسالة في تقديري ما عندها علاقة بانتماء سياسي و لا أي نوع من أنواع الانتماءات، عندها علاقة بينا نحن كمواطنين في السودان الشقيق و تركيبتنا النفسية و حساسيتنا الزايدة البتخلينا نشخصن المواضيع و في لحظة زعل ممكن نقطع من الراس و نبدء بعداك مرحلة تانية من سؤاتنا و عوراتنا بركوب الرأس و عدم الاقرار بالخطأ و بعداك مرحلة تالته من ناس لابته ليك في مشاكل تانيه يجو يفتشو في أعذار للمخطئ ده لو ما طلعوك إنت الغلطان ... يعني القصة عبارة عن series من الاخطاء، و طبقات بعضها فوق بعض بتؤدي لضياع حقوق الناس بغض النظر عن انتماءاتها |
بعد التامين على كلام أمين
لحد كبير ما تتحدث عنه يا محمد مرتبط بالشخصية السودانية بالاساس - في عدم موضوعية . العاطفة غالبا بتكون المحرك الاساسي للافعال وردود الافعال ، اما العقل فهو محرك ثانوي - عكس كثير من الشعوب
| |
|
|
|
|
|
|
|
|
|
Re: حقوق الإنسان ..(الكوز) (Re: أيمن محمود)
|
سلامات يا ود البشرى
اي انسان عندو حقوق .. حتى المجرمين عندهم حقوق تحفظ ليهم انسانيتهم .. والحقوق دي محفوظة بالقوانيين .. وعلى الرغم من انو القوانيين دي بتبدو لبعض الناس (حسب الظروف) امثل من مايجب الا انو هي حقيقة بتحفظ النظام والتوازن على ظهر هذا الكوكب .. واعتقد انو في ناس كتار جدا مابيقدروا يتحملو مثالية القوانيين دي بعد تحصل ليهم حاجة من شخص ما فمابيحفظو ليهو حقوقو وده السبب البيخلي ناس صالحين جدا يخشو السجن ! ( قريت كتاب ذكريات من منزل الاموات لدويستوفيسكي ؟ )
اجابة على سؤالك هل للكوز حقوق .. عن نفسي بشوف انو من المثالية المتعبة حقا انو يكون لاي زول مابيحفظ حقوق الاخرين حقوق ! رغم ايماني باهمية حفظ حقوق الجميع لان الحقوق مثل حبات العقد اذا سقطت واحدة انفرط العقد كله
نعم للكوز حقوق وهي مهمة صعبة جدا على الاخرين حفظ حقوق الكوز .. اتذكر هنا بوست حيدر الزين الذي يطالب الناس ادانة دقة الترابي زي مابيدينو العنف على اي انسان !! وادهشتني فعلا مداخلات ناس كتار وهم يرددون بمثالية آلية بان ضرب شيخ عجوز ليس من الاخلاق !! اتخييل بس الترابي كللللو اختزلوهو في مجرد شيخ عجوز !! بالله عليك الله دي ماياها المثالية المتعبة ذااتها ؟!
وعندي سؤال ياخي ... هل خلافنا مع الكيزان مجرد خلاف سياسي ؟؟ يعني هل عااادي كده بعيدا عن السياسة بنقدر نتعامل مع الكيزان ؟؟
عن نفسي ومن فترة طويلة فشلت تماما في الاحساس باي نوع من الود تجاه الكيزان .. حتى اقربائي منهم والانا عارف كويس انهم مثلا مابيسرقو او يعذبوا زول ولكن مع ذلك ماقادر ابدا اخلق معاهم او اشعر تجاههم باي نوع من الود .. ولا قادر اقوم بواجباتي الاجتماعية معاهم
نعم للكيزان حقوق لكنني انا عن نفسي اشعر بصعوبة شديدة في منحهم حقوقهم هذه .. واغلب الظن انني ساسلبهم حقوقهم هذه ان استطعت الى ذلك سبيلا .. فانا لست ملاكا ولا نبيا .. وارجو ان يغفر لي الله هذا التجاوز ولكنه قسمي في ما لا املك
تحياتي يا ود البشرى ومعليش المداخلة شكلها غير مرتب
| |
|
|
|
|
|
|
|
|
|
Re: حقوق الإنسان ..(الكوز) (Re: خالد عبدالوهاب)
|
سلامات يا ود البشرى
كلامك صح. لكن الموضوع ما بس عشان كوز او ما كوز. الموضوع ليه علاقة بالعلاقات الاجتماعية بين الناس هنا.
مثلا، في زول قبل كده في البورد ده سمعني كلام فاضي مبالغة. لكن لانه أصحابه كتار هنا -و للأسف- هم برضو أصحابي ما في زول فيهم قال ليه تلت التلاتة كم. عارف ليه؟ لانه اغلبهم بيكون ما عاوز يبقي شكله شين و كتب لصحبه "عيب تقول كلام ذي ده". و يبقي شكله خسر صحبه عشان ( زولة).
العلاقات هنا معقدة جداً. علاقات اجتماعية من خارج البورد، علاقات حزبية، علاقات في البورد بس، و كده.
| |
|
|
|
|
|
|
|
|
|
Re: حقوق الإنسان ..(الكوز) (Re: طلحة عبدالله)
|
انتا يا محمد البشرى ما تبتا ولا شنو ..
زول شليق  ..
المشكله يا حبيب تكمن في ان بعض الزملاء يكيلون بمكيالين ..
هب انو حديث الافك كان لشخصية غير ود البشرى ..
ماذا كنت تتوقع ؟؟
هنا تجد كل المتخاذلين واصحاب الاهواء ومناصري الباطل ..
وايضا تجد من يختلط لديه مفهوم انصر اخاك ظالما ومظلوما ..
وتجد من يقف مع الحق ولو كان على نفسه ..
فدائما تسير القافلة رغم العواء ..
ودمت والمتداخلين بخير ..
-------
ياخي والله مشتاقين يا (كوز) حسب تصنيفكم في 2013
| |
|
|
|
|
|
|
|
|
|
Re: حقوق الإنسان ..(الكوز) (Re: الامين موسى البشاري)
|
السؤوال هنا فى إعتقادى هو .. هل الكوز منتهك لحقوق الإنسان ؟ الإجابة بلا أو نعم هى البتحدد بالضبط موقفك من الكوز وحقوق الإنسان وبالتالى مصداقيتك وإتساقك فى الدفاع عن حقوق الما كوز
ثم البحث عن حقوق الكوز فى إطار حقوق الإنسان ..!
| |
|
|
|
|
|
|
|
|
|
Re: حقوق الإنسان ..(الكوز) (Re: عمر ادريس محمد)
|
Quote: اولا خليني اشكرك واحييك على مداخلاتك اللطيفة
في مختلف البوستات, وانت ما ترسلي لبكري صورة الجواز
وتعاليلنا بي فوق |
أؤيد كلامك في أم مؤيد وإثني ..وهي قطع شك ح يكون قلم إضافة نوعية
كتابة ذكيّة وواعية وفاهمة وهادفة...بس كمان مشكلتها داسة الباركيه تحت السراير والناس كايسين ليه
ــ
إختلاط الحابل بالنابل ..تلاشي قيم كتيرة وموروثات.. عدم التمييز..إنعدام القانون وصلنّا لإنعدام الضمير
أسرّق مافيها شئ البلد كلها بقت بتسرّق
كذّب موفكااا حاجة البلد كلها بقت بتكذّب.. الخ ..الخ
التشكييك.. التتفـييــه..التصنيف.. التعمييم .. الدخول في النوايا ..
الكل في واااحده...والكل ماطايق الكل.. والكل واقع تحت تقاطع نيران حادة
الناس كلها شايلة مظالمها في فلاش ميموري وماعارفين يقبلوا بيها وين
دا غير الناس المقطعنوا جوووه الجوف والحشايا ومنتظرين ...القيامة
ــ
يعني حسي شوف حمد ...طااااخ أدوهوا كف قدّر الحالة وإتخلق بإخلاق المسيح عليه السلام إتشبك مع التاني الماطايق روحو
ود الصايم وحكمته الشهيرة ذات بوست البديك كف نطّ ليهوا في كرشوا..فاكر الناس كلها عندها كروش زيو
إنت ذاتك أمس مشيت تحجز شكلة وكلامك كلوا كان طيب وحقانيّ جاتك في صمّة خشمك طلعت من طورك
وههههه إنضرب تأمينك أما آن لك ومنعا" للـلغط أن تضع اللائحة الداخلية ودستور حزبنا ( ح ر د)* وإنا لمنتسبون
ــ
طلووح يااااطلوووح أدبيب أنت يارجل الأ تنسى وتتجاوز + كنت متخندق وغاطس وين لدرجة إنو ود البشرى طلب ليك الخندق
أأمل أن تكون كل أمورك كما ينبغى لها أن تكون وجاه النبي مس يووو ألف
__
هيييي نسيت
*(ح ر د) ماهي الأ الحزب الرمادي الديمقراطي ...هههههه فهلموا ياشعبنا الصابر الباحث عن الحق والحقوق والحقيقة
| |
|
|
|
|
|
|
|
|
|
Re: حقوق الإنسان ..(الكوز) (Re: محمد عبد الماجد الصايم)
|
| Quote: هيااا أمير .. إنت كنت وين ود البشرى شطفوهو مرّتين!! |
الحقني سريع الله يرضى عليك بالتشطّفة التانية دي
بتاعت صباح أمس شفت براطيشها تتطاير...التانية يعميني منها
ــ
كامل التضامن مع رئيس حزبنا ( ح ر د)
أها الشورة كدا حقوقنا ح تضيع
نطلع بيان شجب وإدناة ولاّ ننتظر توجيهات الريّس
| |
|
|
|
|
|
|
|
|
|
Re: حقوق الإنسان ..(الكوز) (Re: محمد البشرى الخضر)
|
الحقوق حقوق
حتى لي كاتل ولدك وأخوك
* ممكن المجتمع ممثلاً في محاكمه تدينو وتعدمو ...بي يدك لا
هذا مع الأخذ في الإعتبار أن التنظير (أخضر) ... والواقع رمـــــــــــــــــــــــــــــــــــــــــــــــــــــادي للطيش
سلام ليكم جــــــــــــــــت
| |
|
|
|
|
|
|
|
|
|
Re: حقوق الإنسان ..(الكوز) (Re: فرح الطاهر ابو روضة)
|
سلام ود البشرى و الجميع
في ظل الصراع بين الحكومة و المعارضة (التي تسعى للحكم) تضيع حقوق الإنسان ....
سواء كانت معارضة أو حكومة....
يعني المعارضة بتعتبر أي فرد من الحكومة ليست له حقوق كبقية البشر..
و كذلك الحكومة بتعتبر أي فرد معارض لها ليست له حقوق كبقية البشر...
يعني الحقوق ضائعة في ظل الصراع على السلطة ...
تحياتي و إحترامي
| |
|
|
|
|
|
|
|
|
|
Re: حقوق الإنسان ..(الكوز) (Re: حسين عبد المجيد)
|
| Quote: هل لمن لايؤمن بـ و ينتهك حقوق الاخرين, حقوق لي رقبته؟ |
السؤال الأهم هو: هل عدم إيمانه بحقوقنا يمنحنا الحق في سلبه حقوقه؟ ولو كانت الإجابة نعم فما هو الفرق بيننا؟!
في رأيي المتواضع، إضاعة الحقوق يبدأ بالتهاون والتشكيك فيها!
(ولا يجر منكم شنئان قوم على الا تعدلوا .. إعدلوا هو أقرب للتقوى)
وليست هذه مثالية كما ذكر أخونا خالد عبدالوهاب رغم اعجابي بصراحته
ولكنها قمة القوة أن ننتصر على أهواء نفسنا البشريّة ولا نبخس الناس حقوقهم!
ــــ
تحياتي ود البشرى وبوست مهم برجع ليك لو لقيت لي فرقة من الوقت
| |
|
|
|
|
|
|
|
|
|
Re: حقوق الإنسان ..(الكوز) (Re: طلحة عبدالله)
|
كتّر خير ابو الروض ذكّرني البوست الكنت ناسيه دا
قبيل كتب مداخلة غريبة جدا : Quote: مره كتب محمد البشرى بما يعني
انا زول طيب والاعضاء شهدوا لي بذلك مثلاً لما معاوية عبيد يقوم يكذب في حقي
هسي عليك الله دا كلام دا ؟؟؟؟؟؟؟؟؟؟؟
وفكر زول ناضج |
Re: مسابقة من هو اكبر كذاب بالمنبر؟
بصراحة احترت انا وين كتبت الكلام دا, بلا اتذكّرت البوست دا و حقيقة احبطني ان يكون ابو روضة فهم كلامي على هذا النحو, وانا الذي كنت اراهن عليه :)
معقول ان يكون ما في المقتبس هو فهم ابو روضة للآتي :
كثير من مداخلات الإخوة الكرام كانت بتدور حوا أن ود البشرى مهذب و وزول كويس وكدا وعلى معاوية الكذّاب الإعتذار لي لأجل ذلك
أوّلا شكري لكل من ذكر بحقي كلمة طيبة لا استحقّها - واسأل الله أن افعل - لكن هنا لي تساؤل
لو لم يكن الزملاء يحسنون ظنّهم بي, أو لو كنت على درجة من السوء تفوق معاوية الكذّاب نفسه و شلة الرويبضة الذين يتبعونه
أو قل إني بسوء إبليس همسيلف
هل يغمط هذا حقي في عدم بهتاني؟ هل يستبيح حقوقي و يبرر لمن يشاء أن يكذب علي !!
عاد نقول شنو بس, الشكية لي أب إيدا قوية :)
ولما عدت للبوست وجدت اني لم ارد او على الأقل اشكر الزملاء المروا من هنا
فا تدوني خاطركم و تقبلوا اسفي يا شباب..
ووجدت المداخلة دي لأبو الروض ولا بد من التعليق عليها
Quote: المحترم محمد البشرى
غايتو البوست مبـــــــــــــــــــــــــالغة عديل يا محمد البشرى
استهلالية الحديث عن شهادة الناس على محمد البشرى
ثم سوال
عن حقوقه المهضومة خاصة اذا كان منتمني لفضيل سياسي محدد
او يوصف بالانتماء لهذا الفصيل
ثم حشرت صفة الكذب اكثر من مرة (( بما يعني الموضوع ليس للاستدلال او ضرب المثل
انما برغبة حقيقية من الكاتب
واستدللت على الكذب باشكالية مع عضو (( معاوية عبيد )
خلاصة
عشان انا ابحث عن حقي يا محمد البشرى واجد المناصرة والسند لابد ان اقدم في حيثيات الطرح ما يخدم قضيتي
يعني لا يمكن ان اقول عن شخص كذاب او منافق ثم اطالب برد حقوق
هنا تتساوى مع معاوية عبيد في الاساءة (( على سبيل المثال )) ولا للحصر
وبالتالي من حق الاعضاء الوقوف معك او ضد بقياس الشتم والشتم المضاد
ثانيا
ان احرص على عدم تدخل اي طرف في هذه الاشكالية او من ينوبون للدفاع عني او توظيف ما تم لاغراض تخرج من اطار
استرداد الحقوق ورد الاعتبار
ثالثا
شهادة بعض الاعضاء على طيبة محمد البشرى ونظافة قلمه وو
لا تمنحه حق نبش ماضي كتب عنه محمد البشرى مرات ومرات وافاد بانه تجاوز
هذا الخلاف
على العموم يا محمد البشرى
شخصنة الموضوع في تقديري حجبت الكثيرين من الادلاء بافادة حول ما هو مطروح
وكان بالامكان ان يكون احسن مما كان
لك التحييييييييييييييييييييييية |
بصفة عامة كدا يبدو فعلا انك ما فهمت فكرة البوست بتكلم عن شنو, دي واحدة و التانية خليني اديك معلومة فري اوف جارج :)
لمّا اقول معاوية الكذّاب أنا لا اشتمه او اسيئ ليه
شخص اعترف بأنو كذب اسمه شنو؟
زيها وزي لما يكون في واحد أعرج مثلا يقوموا يسموه فلان الأعرج, لا توجد اساءة أو شتيمة هنا
و حاجة تانية انا تجاوزت مسألة اني ابحث عن حقي لدى معاوية الكذّاب فقد حصلت عليه في اللحظة التي أقر على نفسه بالكذب فيها على رؤوس الأشهاد
ما جرى ويجري منذ تلك اللحظة سي جديد تماما
باقي الكلام لا طائل من النقاش حوله سوى ضياع الوقت مع طريقة قراءتك للمكتوب وفهمك له
فا شنو .. مع التحيييييييييييية :)
مشكورين يا شباب على المرور, الفكرة لسة ما قادر امسك خيوطها للتعبير عنها بطريقة سليمة
مداخلاتكم اضافت لها و بعضهااثارت نقط اخرى
محتاج اقرأها برواقة واعود لها بالتفصيل
| |
|
|
|
|
|
|
| |
محمد البشرى الخضر
محمد المسلمي
حيدر حسن ميرغني
وليد محمد المبارك
saidahmed shami
محمد عبد الماجد الصايم
أمين محمد سليمان
حمد عبد الغفار عمر
خالد عبد الله محمود
طلحة عبدالله
أيمن محمود
smart_ana2001
هشام كمال عبادي
الامين موسى البشاري
عمر ادريس محمد
aydaroos
فرح الطاهر ابو روضة
ABUHUSSEIN
حسين عبد المجيد
Amir Omer
فيس بوك
تويتر
انستقرام
يوتيوب
بنتيريست