|
دعواتكم لزميلنا المفكر د.الباقر العفيف بالشفاء العاجل
|
|
 Re: بايضة لينا في قفص ... (Re: محمد البشرى الخضر)
|
أول فكرة تخطر على بالي مع مطالعة البورد اليومين ديل :)
مع الهوجة بتاعة الحوار الوطني للهرجة بتاعة رئاسة الثورية و التعرية الحاصلة في الواتساب
لا يسعني مع سقوط الأقنعة وتهاوي أصنام العجوة و أنبياء نضال الأسافير الكذبة إلاّ أن اقول باضت لينا في قفص :)
| |
 
|
|
|
|
|
|
|
|
Re: بايضة لينا في قفص ... (Re: Haytham Ghaly)
|
ما عارف غايتو
كبرنا ولا كورتنا فكت ولا الحاصل شنو ماعارف
وحقى اصلو ما عافيهو ليكم
يعنى بى وجع عيونى دا اقوم اقرأ الصفحه الاولى
كلها يعنى عشان اواكب
اسع عليك الله لو ختيت ليك اشاره او اماره الله بيحاسبك ؟
| |
|
|
|
|
|
|
|
|
 Re: بايضة لينا في قفص ... (Re: أمير عثمان)
|
| Quote: تضجك ا ابو حسين! أياااامك |
و إنت عايزني أبكي في ظروف زي دي .....؟؟؟ 
*************************
Quote: كبرنا ولا كورتنا فكت ولا الحاصل شنو ماعارف
وحقى اصلو ما عافيهو ليكم |
الإتنين بقن عليك ... حقو تعتزل بعد كدا و ليك علينا نعمل ليك مهرجان إعتزال مكرب ...
بعدين البوست بكتبو فرد ما جماعة ... يعني تقول حقي أصلو ما عافيهو ليك ... مش ليكم !!!!!!!
*************************
| Quote: أحب أقرأ مداخلاتكم وأبوحسين كمان .. |
الله يكرمك يا علي ياخ .....
*************************
| Quote: . وأبو الحسين ما شايف شغله .. |
و الله مشغول شديييييييد يا أمير ..
لكن دا ما بمنع إنو الواحد يستمتع بالخبت و اللخ و الصواريخ العابرة للقارات الحايمة اليومين ديل ..
*************************
طلحة قوم لف ...
| |
|
|
|
|
|
|
|
|
|
Re: بايضة لينا في قفص ... (Re: طلحة عبدالله)
|
هلا حيدرنا .. ياخوي زعامة شنو ! مالك علينا الزعامة البتجيب شيل الحال زي دا اختانا منها الله يرضى عليك غادي غادي
الرمادي ياعزيزي مستقل لا زعيم له ولا (قروب) ههههههه
لا يا هيثم ما قدر دا ما فوائد راسها عديل كدا لكن الحياة لا تخلو من بونص أحيانا :)
افا يا ابو علوة!! ودي عايزها ليها تفتيش
ما شايف مجلة (الصبيان) المشرورة في المنبر دي صبي فلان وصبي علانة
كدي قوقل صبي + سودانيز اونلاين و ادي ربك العجب :)
وعليكم السلام اخونا علي عبد الوهاب
لكن ما عصرت علي في قصة اللمة مع ابوحسين الفقر دا ياخ :)
بالنسبة للبوست دا زي ما قلت لعلي بشير قوقل صبي و بالمناسبة جربها بالألف المقصورة بدل الياء (صبى) عشان الإملاء ضاربة أحيانا :)
صدقت يا أمير .. دي باضت و فقست وكبرت وباضت تاني هههههه
مبالغة , تسجيل واحد يعرّي و يكشف و يبهدل بأكثر مّما يفعل عشرمية بوست رمادي الهوى
احب التكنلوجيا و الأندرويد زاتو :)
ابوحسين يا فقر من شدة ما مبسوط غلبتك القعدة تلقاك هههههه
تنظير ... انت قوم لف
| |
|
|
|
|
|
|
|
|
|
Re: بايضة لينا في قفص ... (Re: أبوبكر عباس)
|
في شنو يا تنظير؟؟
يا الـ cheerleader شنو الحكاية
عرفنا الحوامة ببقجة الغباين, السطحية شنو كمان؟
يعني ديل هم المعارضة (معرفة بالألف و اللام) في نظرك!! وا فجيعتي في آمالنا العقدناها على استنارتك 
| |
|
|
|
|
|
|
|
|
|
Re: بايضة لينا في قفص ... (Re: على محمد على بشير)
|
أنتا تدري أن ما يدور بينا بهناك مجرد مداعبة لا غير وحتى ردك بخصوص التشجيع والغبائن أقرأه من باب المداعبة
لكن في نص المداعبة دي محتاج لإجابة جادة لأسئلتي.
نادية زردية في إمتحان الشفوي عملتها كلها بكاء عشان تتخارج؛ دكتور كبويتا قال ليها: أبكي شويّة وجاوبي شويّة
أغير صياغة السؤال:
كيف سقوط المعارضة أي معارضة كانت بألف ولام أم بدون التعريف، كيف بخليها "بايضة ليك في قفص؟
| |
|
|
|
|
|
|
|
|
|
Re: بايضة لينا في قفص ... (Re: أبوبكر عباس)
|
هسة مارق بجيك راجع بعدين, لكن حتى ذلك الوقت اهديك مقولتي الشهيرة :)
من يعارض الإنقاذ بنفس ادواتها من كذب و ظلم واتهاك لحق الآخر ان يكون مختلف و يدعي امتلاك الحقيقة الكاملة و معيار الوطنية الأوحد لا يختلف عنها اللهم إلاّ في موقعه من الصراع على السلطة
فهو حتى الان خاسر, ويوم ينتصر سنرى كيزانًا بدون لحى
اتمنى ان تقع لك المسالة وتعفيني من شرح العنقريب لما ارجع
| |
|
|
|
|
|
|
|
|
|
Re: بايضة لينا في قفص ... (Re: حيدر حسن ميرغني)
|
| Quote: ما باقي إلاّ المفوضية تقبل الطعن وتحل لجنة الإستئناف و تلغي قراراتها :) |
دي الثمرة والبيض النجيض يا ود البشرى
وما عداه عك كروي
الغريبة ما لاقاني فريق كورة شعارو رمادي اصلاً
| |
|
|
|
|
|
|
|
|
|
Re: بايضة لينا في قفص ... (Re: علي محمد الفكي)
|
سلام يا ود البشرى
ما يسمى بالمعارضة هو سبب ما نحن فيه من ألم ,با ألمونا أكثر من الكيزان أنفسهم و انا أعنى المعارضة كلها بلا استثناء خاصة الأحزاب العقائدية أمة، اتحادى، شيوعى، حركة شعبية، حركة فى شكل وردة، جبهة ثورية ..الخ ما فى اى فرق بينهم و بين الكيزان القتلة، اللهم الا احتمال المؤتمر السودانى يكون عمل حاجة لكن الرمم الباقين من الخمسينات هارين كبدتنا و فشفاشنا، و عشان مافى واحد منهم يجى يقول لى رمادى ولا بنفسجى أنا من الاول قلت الكيزان محتاجين كنس كامل و المعارضة زعمت بأنها سوف تفعل ذلك و خلوهم علينا و حنجمهم ليكم، اقسم بالله المعارضة الأنا شايفة دى مليار قرن ما تعمل أى شيء.
هسة ما فات شىء الكيزان الان فى أضعف موقف يلا أكنسوهم يا فرسان الحوبة.
ود البشرى، أقول قولى هذا و أنا فى حل من رماديتك انت و ابو الحسين و من لف لفكم:)
| |
|
|
|
|
|
|
|
|
|
Re: بايضة لينا في قفص ... (Re: انور تاج السر)
|
كتب القديس اوغسطينوس:Quote:
اهديك مقولتي الشهيرة :)
|
قادر الله
وأردف بى كيبورد مشحون بالثقة: Quote:
اتمنى ان تقع لك المسالة وتعفيني من شرح العنقريب لما ارجع |
كدا بالتبادي أشرح لينا مقولتك الشهيرة دي.. على أساس إنك الفارابي
واللا إبن خلدون واللا سقراط واللا المسرحية شنو بالضبط ..
قوم لف الله يرضيك .. قوم لف .
| |
|
|
|
|
|
|
|
|
|
Re: بايضة لينا في قفص ... (Re: ABUHUSSEIN)
|
الواقع فرض على السادة الرماديين اتجاه اليمين .. وبمختلف تدرجاته ..
(ده في الغالب مع مراعاة شواذ القاعدة ) ..
عشان كده ناس اليسار بيردموا الرماديين ..
على اعتبار انهم ضد مشروعهم ..
وبيتعاملوا معاهم بمنطق الما معانا مع الكيزان .
وده شيء ما حاصل ..
لأنه ما أي زول مامعاك معناتها إنه ضدكـ ..
ممكن يكون حاجة تانية ..
رمادي مثلاً ..
صاحب فهم ورؤية تخالف الطرفين ..
المانع شنو يعني !! ..
وحتى عدم افتراض ذلك ..
أنا بعتبره نوع من مصادرة الرؤى ووجهات النظر ..
وكثير من مبادئ يتشدق بها ويلوكها اليسار ..
إن كان ذلك هو تعريف الرمادي ..
فليشهد المنبر برماديتي التامة ...
| |
|
|
|
|
|
|
|
|
|
Re: بايضة لينا في قفص ... (Re: يحي قباني)
|
و لا زالت تبيض و تبيض و تبيض .....
و البيض بقى كتييييييييير ...
و قباني ما قصر جاب ليكم اسهل طريقة لتقشير البيض ...
و أكيد حا تظهر بلاوي كتيرة ......
و كلها حا تصب في مصلحة الرماديين ....
| |
|
|
|
|
|
|
|
|
 Re: بايضة لينا في قفص ... (Re: ABUHUSSEIN)
|
انتوا يا جماعة
عندي مشاركات في بيضة
قصدي في بوست
شايف البيض زاتو اتلحس
آ خر مشاركة بتاعة جعفر
ما عارف الحصل شنو
واتلجس مالو 
انتو الواحد ما امشي ياكل ليهو بيض
| |
|
|
|
|
|
|
|
|
|
Re: بايضة لينا في قفص ... (Re: الصادق الخالدى)
|
يا خالدي ياخ انت في لحس المداخلات ...؟؟؟؟
ياخ في ناس اتلحست ...!!!!!!!
و الساقية لسه مدورة ....
و اوع من اكل البيض كتير ... كلسترول و زلالي ....
فتح عيونك كويس اليومين ديل و كبشر ...
| |
|
|
|
|
|
|
|
|
|
Re: بايضة لينا في قفص ... (Re: الصادق الخالدى)
|
من شطارة الكيزان بعد انقسام القصر والمنشية وصفوا الناس الواقفين بين بين بي ناس الرصيف
وبي كدا قدروا يحيدوهم واتخارجوا من حتة الما معانا مع الخيانة
علي عكس الناس المطفحين ،، لو ما بتسبح معاهم معناتو غواصة ،، وحتى لو كانوا بسبحوا ضد التيار
كدي ثبت حق طلحة في مفردة العتالة الحصرية دي
وتاني كب
وما دام ما لقينا اللحم خلينا نمسك في الشوربة
بوست وغتس في ظروف غامضة ،، وخلانا نتونس زي ناس أيام لها إيقاع
| |
|
|
|
|
|
|
|
|
|
Re: بايضة لينا في قفص ... (Re: محمد البشرى الخضر)
|
Quote:
خارج القفص:
الإتلحس شنو أو منو يا ابو حسين اخوك ما متابع, اوع تقول لي ابو روضة بس :)
|
يا كبسور مافي زول اتلحس بي فهمك دا
لكن ناس كتااااار بقو قاعدين في السهلة
اتلحسو الناس الكانو عايشين بي وجوه غير وجوهم ...
و مع التحيييييييييية لحس نفسو قال ليهم اديتو لي زول ثقة ... :) :) :)
و لسه يا كبسور حا تشوف بيض كتييييييير .....
رمادي و افتخر ...
ارفع راسك فانت رمادي ...
| |
|
|
|
|
|
|
|
|
|
Re: بايضة لينا في قفص ... (Re: صلاح جادات)
|
Quote: دي الثمرة والبيض النجيض يا ود البشرى
وما عداه عك كروي
الغريبة ما لاقاني فريق كورة شعارو رمادي اصلاً |
هلا علي, غايتو حسب (التسريبات ) هههه احتمال القرار يطلع بعد تتلعب كورة كاس السودان من بعد بكرة وانت ماشي
Quote: ما يسمى بالمعارضة هو سبب ما نحن فيه من ألم ,با ألمونا أكثر من الكيزان أنفسهم و انا أعنى المعارضة كلها بلا استثناء خاصة الأحزاب العقائدية أمة، اتحادى، شيوعى، حركة شعبية، حركة فى شكل وردة، جبهة ثورية ..الخ ما فى اى فرق بينهم و بين الكيزان القتلة، اللهم الا احتمال المؤتمر السودانى يكون عمل حاجة لكن الرمم الباقين من الخمسينات هارين كبدتنا و فشفاشنا، و عشان مافى واحد منهم يجى يقول لى رمادى ولا بنفسجى أنا من الاول قلت الكيزان محتاجين كنس كامل و المعارضة زعمت بأنها سوف تفعل ذلك و خلوهم علينا و حنجمهم ليكم، اقسم بالله المعارضة الأنا شايفة دى مليار قرن ما تعمل أى شيء.
هسة ما فات شىء الكيزان الان فى أضعف موقف يلا أكنسوهم يا فرسان الحوبة.
ود البشرى، أقول قولى هذا و أنا فى حل من رماديتك انت و ابو الحسين و من لف لفكم:) |
لا اتفق معك يا أنور في جزئية انتظارك للمعارضة - للدقة بعض الأحزاب المعارضة - لتزيل النظام, في رأيي أنك معارض طالما لست كوزا منظما وأو مؤيدا للمؤتمر الوطني أو مستفيد منه وواجبك الوطني و الأخلاقي يفرض عليك العمل على ازالة هذا الظلم فالأمر ليس عرضا في مسرح لتصبح فيه ادوار مؤدين ومتفرجين
في رأيي أن كل من لا ينتمي للحكومة فهو بالضرورة معارض لكن تختلف درجات و كيفية التعبير عن هذه المعارضة, الملايين القاطعت مسرحة الإنتخابات معارضين كما من يحملون السلاح, لكن لكل طريقته في المعارضة
طبعا بالتأكيد ان فعل المعارضة نفسه ليس أمرا مطلقا أو يكفي لوحده لتكون نبيلا ووطنيا وشريفا .. إلخ من سائر الالقاب و الصفات المجانية التي اعاد مناضلوا الأسافير اسباغها على بعض و افرغوها من محتواها و يا للمفارقة ممكن ينزعوها منك تاني يوم كما فعل منان حينما قال لتراجي "لم تعودي كنداكا" هههههههه تصوّر مدى الإبتذال !!
المهم في نظري ان ما يجب معارضته ليس الحكومة و الكيزان و المؤتمر الوطني و بس, ما يجب معارضته هو افعالهم بداية من استيلائهم على الحكم مرورا بالفساد و الظلم و القتل وحتى آخر أو أصغر جريمة ارتكبوها في حق الشعب
طيب .. معارضة هذه الأفعال تهني بالضرورة رفضها غض النظر عن صدورها من اي جهة او جماعة, يعني من يقول انا معارض الكيزان وفي نفس الوقت يعمل عمايلهم لا حصانة له في رأيي, دي الحتة الماقادرين السادة الإسفيراب يستوعبوها
عشان كدا كل فترة وفترة تحصل هرجة زي دي تكشف اقنعة و تسقط اصنام تلقى جماعتنا مخلوعين و فاتحين خشمهم و مذهولين, في اللحظة دي تلقى الرمادي خالف رجل على رجل ويضحك ملئ شدقيه :)
تنظير.. المقولة واضحة وما عايزة شرح الله يهديك - يهديك او يرضى عليك, يرضيك دي جبتها من وين, ما تقول لي من سيد خليفة
الصادق متابعة .. ساكوبيس الهين دا
يمين دي خاصة بعد طلع انو ابو روضة هو من سرب التسجيلات ايامي سكروتة عديل كدا
و كدي النتابع - يا قولك - رد فعل الناس القامت على دقيس بعد عرفو حقيقة التسريبات :)
يا حيدرنا تبًا لي ليه ههههههه
ياخي تجيك مدردقة لحدي رجلك كان ما شتها اكون غلطان | Quote: بالمناسبة المشكلة شنو ؟؟ اختلف اللصان فظهر السلاح والا لسه تجار الدم سادرون بغيهم ؟؟؟ |
المشكلة طلعت كالعادة ابو روضة الدبة التي قتلت صاحبها سمع (طراطيش كلام) و قام جاري بيه هههههههههههه
يا ود القوز قولة رمادي دي ليها تاريخ هنا وقصص قبل ما تشرفونا هنا
و رمادي المعنية في البورد تفرق عن المعنى المتعارف عليه
المعنى المنتعارف عليه يستلزم وجود لونين ابيض وأسود, لكن الحال هنا ليس كذلك فا المتوفر أسود وأسود منه :)
فا الرمادي ...الرمادي ... هنا تحمل دلالات مختلفة أهمها الإستقلالية و استخدام العقل و القراءة السليمة وكدا
حبيبنا كبر وصديقنا صاحب زاوية القراءة المدهشة دائما
وهم كبير العايشنه الناس في الأسافير خليك من تصنيفاتها ومعاركها و انتصاراتها الدونكيشوتية, في حين الواقع يكذب الجميع
عشان كدا الصدمة بتكون على موهومي الأسافير كبيرة لما يشوفوا الصورة الحقيقية فجاة كدا, وصدمتنا - نحن الشايفنها من بدري - بتكون أخف أو معدومة احيانا
اهو و النتيجة دينق مطلعك مجنون :)
صدقت يا قباني من شدة ما الله ادانا - الحمد له و الشكر - بقت تبيض لينا مسلوق جاهز اليومين ديل كمان :)
يتبع ...
| |
|
|
|
|
|
|
|
|
|
Re: بايضة لينا في قفص ... (Re: محمد البشرى الخضر)
|
Quote: و لا زالت تبيض و تبيض و تبيض .....
و البيض بقى كتييييييييير ... |
يا معلّم مش كتير وبس, دي وقعّت معانا عقد احتكار ما تبيّض إلاّ في قفصنا دا ههههههههههه
ياتو بوست الإتلحس دا يا الصادق
لكن ما مشكلة البيض راااااقد :)
اهلا اخلاص عبد الرحمن المشرف
غايتو يا تبلدي شي فرزتو وشي لأ من مداخلتك لكن للضمان كدا مرحب بيك :)
ابو الجود ههههه
علي اليمين انت راجل ظريف و البورد من غيرك دمه تقيل
مشيت بوستك الظريف دا, اها عندي كم سؤال كدا
اولا وين انا دافعت عن تراجي (رابط او اقتباس لو سمحت)
و يلا نحسب : تراجي غواصة, الموج غواصة, تبارك غواصة, عماد و السلفيين كيزان من نوع خاص, الجميعابي غواصة برضه, انا كوز, وكذلك الصادق اسماعيل و صديق الغالي و حيدرالزين وأخيرا بريمة و حسن غواصة في الشيوعيين وخالد في الإتحاديين
طيب منو الما غواصة ومنو المناضل الحقيقي - غيرك انت
المهم متابع معاك البوست الممتع و كشف المسرحية عشان كدا قلت ما اشغلك باسئلتي هناك عن مهمتك المقدسة, ممكن تجاوب لي - خاصة ع السؤال الأول - هنا
| |
|
|
|
|
|
|
|
|
|
Re: بايضة لينا في قفص ... (Re: محمد البشرى الخضر)
|
| Quote: لكن الحال هنا ليس كذلك فا المتوفر أسود وأسود منه |
يأخ ده ( فهم ) فكرة دكاكينية راسها عديل كده ...
أها والأبيض (ضميرك) ده ..
بيمثلو منو ياربي ؟؟ ..
رابع الغول والعنقاء والخل الوفي ...
يمين بالغت ..
غايتو نظريتك دي مابتصح الا في ظل الماسكـ القلم ..
المهم للضمان كده ..
فليشهد المنبر برماديتي التامة ..
| |
|
|
|
|
|
|
|
|
|
Re: بايضة لينا في قفص ... (Re: جمال ود القوز)
|
صباح القفص المليان هههههه
شعور ممتع ياخ انك تمش تنوم ومطمئن انك ح تلقى الصباح قفصك مليان ومدفق بيض خخخخخخخ
يا ود القوز, القصة فيها بعد فلسفي خلي بالك
زي ما قلت ليك القصة قديمة ودارت فيها سجالات و اهرقت فيها كيلوبيتات وباندودثات و قيامة قايمة
وعارف طبعا طبيعة الجدال في البورد دا ما في زول ماش يقتنع مهما سيقت الحجج, لكن الزمن كفيل بالإقناع, اهو النماذج التي كانت معيارا للوطنية سقطت واتعرّت وبانت سوأتها الكانت ظاهرة بالمناسبة إلاّ لمن اغمض عينيه دونها و اختار الطريق الأسهل ولغى عقله
هسّي آن لنا أن نخلف رجل فوق أخرى و نراعي للبيض دا كبير ودا سغير ودا لونه كيف وديك بيضة نعامة عديل كدا (بالإشارة لفعلة ابوروضة) وهكذا :)
| |
|
|
|
|
|
|
|
|
|
Re: بايضة لينا في قفص ... (Re: محمد البشرى الخضر)
|
انت في دي يا ود البشرى
ولة صاحبك المستنير 
زمنو دا كلو يشيل واضاري ويكتر في السواتر
كم جلد وكم بطانية وكمين حاجات تانية البس فيهن
قبل كم سنة كدي
جضرت ليهو هرشة اكلها في اللباد وكسح علي قولة ( بشاشا ) ربنا يطراهو بالخير
المرة دي شايفو قلع السواتر كلها
وجاهم متشمر
| |
|
|
|
|
|
|
|
|
|
Re: بايضة لينا في قفص ... (Re: جلالدونا)
|
Quote: تموت فى الاكشن يا جرجير زى الفظموهو بى بنية و شلوت
و معاك بتاع ساراتانا داك
Quote: حبيبنا ودالبشري .. تحياتي ومودتي أخي الكريم ..
أحب أقرأ مداخلاتكم وأبوحسين كمان ..
ههها با لغتا يا عثمان لكن
شكلك بتحب تقوم تلف
قال ابو حسين قال |
حبيبنا جلادونا .. تحياتي ومودتي ..
صدقني أحب مثل هذه البوستات .. نيران صديقة .. وعكننة أحوان .. وكما ذكرت السعوديين يسموها ( طقطقة )
مشكلتي حاجة واحدة .. بدنقلاوية فقط .. ولكن بلغة أهل المدن .. صعبة جداً ..
يعني مثلا زي عبارتك دي (( تموت فى الاكشن يا جرجير زى الفظموهو بى بنية و شلوت
و معاك بتاع ساراتانا داك )) دي إلا يشرحا لي زميلي قرشي ..
تقول لي أبوحسين وود البشري .. إنت أخطر منهم ..
صدقني مرات أخاف أنو البوست يكون لغم .. لو أقوم استرسل في الكلام وأدخل في ورطة مع واحد ... هههههه
أبو حسين والبشرى ديل كتاباتهم حلوة .. عشان يخلوا الواحد يعصر مخو طول اليوم .. يا ربي مين المقصود .. ( مسابقة رمضان )
التحية لكم .. أكثروا من مثل هذه الاخوانيات .. رعاكم الله ..
صدقني اخي جلادونا أول ما جيت المكتب .. فتحت البوست ده ( فتاح يا حليم )
مودتي وتحياتي ..
| |
|
|
|
|
|
|
|
|
|
Re: بايضة لينا في قفص ... (Re: اخلاص عبدالرحمن المشرف)
|
جلجل بطل الحسادة ......
ناس لقو ليهم جداد يكاكي في الحلة و يجي يبيض عندهم .... انت حاسدهم لييييييه ....
*****************
علي عبدالوهاب الزول الطيب ما تسمع كلام جلالدونا دا ... دا زول حاسد
***********
غايتو يا كبسور الله يعينك ... ياخ قلنا نعد غنائمك من البيض غلبنا كلو كلو ...
| |
|
|
|
|
|
|
|
|
|
Re: بايضة لينا في قفص ... (Re: Munir)
|
صاح يا جلّي اخوك يعشق الآكشن النضيف بصفة عامة, لكن دا ما الكيس هنا
اولاّ الآكشن ما نضيف بل كريه و مقرف بشكل فظيع
لكن الكنتة وين انت قايل, الكنتة في التعرية و سقوط أقنعة النضال و الشرف و النبل و التقدمية ... إلخ
ودي رسالة الرمادي في البورد ههههههههه
كشف الحال دا احنا بالقروش ما بنلقاه تخيّل يجيك مدردق كدا لحدي رجلك
ومن ناحية تانية المناحة و اللطمية العملتوها يا جلّي لمّا (اتفاجأتوا) بالحقيقة الانقؤش حسّنا محاولين تنبيهكم ليها تستاهل الإحتفاء وكدا
خليك من دا كلّه هسي زي طلاشة ابو روضة دي براها ما بالدنيا
و ياخي ما تنسى اشرح توقيعك الجديد للزميلة اخلاص عبدالرحمن المشرف
| Quote: رماديين يا رسول الله |
| |
|
|
|
|
|
|
| |
محمد البشرى الخضر
ABUHUSSEIN
طلحة عبدالله
حيدر حسن ميرغني
على محمد على بشير
علي عبدالوهاب عثمان
أمير عثمان
أبوبكر عباس
علي محمد الفكي
الصادق اسماعيل
HAIDER ALZAIN
جمال ود القوز
Kabar
يحي قباني
الصادق الخالدى
صلاح جادات
جلالدونا
Munir
فيس بوك
تويتر
انستقرام
يوتيوب
بنتيريست