دعواتكم لزميلنا المفكر د.الباقر العفيف بالشفاء العاجل
|
|
 باركوا لمحمد البشرى الأمورة الحلوة (آية)
|
رزق أخونا وزميلنا محمد البشرى الخضر وحرمه المصون
بأمورة هلالابية حلوة اختير لها اسم (آية)..
نقول لود البشرى ألف مبروك وحمداً لله على سلامة المدام
وربنا يجعلها من بنات الوطن الصالحات.
وإن شاء الله تدوم أفراحكم..
|
|
 
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: حسين يوسف احمد)
|
شاكرين با حسين يا عمك على الجزء الأول من التهنئة
اما بالنسبة للصفر الدولي - تطير عيشته بالمناسبة الصفر البقيتو ليه في العزيزة
أتمنى من كل قلبي أن الزعيم يجيب كاس واحد خارجي
عشان بس أشوف حنككم حيكون شنو؟
غالبا حتحولوا الكلام للمقصورة و الشباك ومكنة النجيلة
الشكر الجزيل و المحبة الأكيدة
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: Muna Khugali)
|
أم آية - ما لها بقت لي غريبة كدة الليلة
الله يبارك فيك و في ست الإسم و ذريتهاQuote: وتقول آيه ابنتي ان من أجمل الأشياء التي قدمتها لها أنا أمها..
اختيار اسم "آيه" لها.. |
بحكي ليك لي قدام قصة إختيار الإسم - فيها شيئ من الغرابة
تسلمي و جدا مشكورة
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: Nasruddin Al Basheer)
|
في الساعات الاولى للصباح .. وجدت رسالة من محمد البشرى بقول لي ادعوا لينا ..
وبالفعل دعوت في سري بكل خشوع ...واتصلت ..اهة بشر !! شنو بت ولا ولد ..وبصوته التلفوني البري ..
الحمد لله .. وانشاء الله تتربى في عزك وتخاوي حتوت ...
الف حمد لله المدام وتحياتنا ليها ..
نصر الدين شكرا
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: طلحة عبدالله)
|
الأحباب الكرام الزملاء والزميلات الاعزاء
طلحة عبد الله
العوض المسلمي
حسين يوسف أحمد
waleed dawash
حيدر حسن ميرغني
هجو الاقرع
نادية عثمان
Muna Khugali
انعام حيمورة
هاشم أحمد خلف الله
فدوى الشريف
Alsa7afa_30
محمد عبد الماجد الصايم
لكم التحية والتجلة
وكل عام وأنتم بخير وربنا يحقق أمانيكم كلها
لكم الشكر الجزيل على مشاركتكم الأخ محمد البشرى فرحته
بقدوم المولودة السعيدة.
وربنا يجمعنا على خير دائماً ببركة هذه الأيام المباركة..
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: haroon diyab)
|
الله يبارك فيك يا هارون
البت هلالابية ولا مريخابية دي ما بنتدخل فيها وليها مطلق الحرية
لكن من واجبنا نوضح ليها الصاح من الغلط وننير ليها طريقها من واقع تجاربنا و خبراتنا
وما تنسى كل فتاة بأبيها - وتيم ابيها - معجبة
بعدين يا عمك حمرتكم دي أريتها كان كانت رايقة كدة
حمرنكم الأباها المهدي ظار بس
ما عارف بتستحملوها كيف؟
شكرا على تهنئتك اللطيفة و ربنا يديم عليك السعادة
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: إيمان صالح)
|
العزيز محمد البشرى
الف حمد الله على السلامه
ومبروك البنيه وتتربى في عزك مع الوليد اللذيذوني داك.
والف حمد على سلامة والدتها.
تخريمه:
يا كورنجيه انت اظرف ناس بالله قلبتوا البوست دراما
اها البنيه دي ان شاء الله تجشع النصر السعودي وتحير
حنانكم ذاته.
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: ناذر محمد الخليفة)
|
ألف مبروك يا محمد البشرى
تتربى فى عزكم وتسغد أيامكم
وحمدلله على لامة أمهاQuote: مبروكة وبخيته البنية
وطالما كان هلالابيا اقترح عليه ان يسميها
قمر
كيتن فى المريخاب |
صاحب البوست وسلمى سلامة ما ناقشين
البت لى أمها .. وأمها مريخابية
أهو نصيبا رشاشة .. نعمل إيه
بس الاغلنى البدفع منو .. منى ولا ود البشري ؟
ألف مبروك
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: خالد حاكم)
|
الف مليااااار مبروك
وتتربى فى عزك اخوى ود البشرى
وجعلها الله من بنات الاسلام والوطن الصالحات
Quote: رزق أخونا وزميلنا محمد البشرى الخضر وحرمه المصون
بأمورة هلالابية حلوة اختير لها اسم (آية)..
|
احتجاج شديد اللهجه يا نصر الدين
ونشجب وندين مثل هذا المسلك
فيجب ترك ايه تشب عن الطوق وتختار لنفسها
علما بانها منز الان ( بتنا )
وسهر ود البشرى ولا نومو
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: على محمد على بشير)
|
علي بشير يا عمك
كل سنة وانت طيب
الله يبارك فيك و يحفظ ليك اولادك| Quote: فيجب ترك ايه تشب عن الطوق وتختار لنفسها |
في دي انا معاك
انا واثق من حكمتها و حسن اختيارهاQuote: علما بانها منز الان ( بتنا )
وسهر ود البشرى ولا نومو |
كان على ولدنا و بتنا بتاعتكم دي
انا راقد قفا
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: تماضر الخنساء حمزه)
|
الأخوة والأخوات الزملاء الأعزاء
حواء سليمان ابراهيم
haroon diyab
سلمى الشيخ سلامة
إيمان صالح
Tragie Mustafa
ناذر محمد الخليفة
Abubaker Ahmed
رأفت ميلاد
Mustafa Mahmoud
فيصل نوبي
وليد محمد المبارك
احمد معتصم الطيب
محمد عبد الماجد الصايم
خالد حاكم
علي محمد علي بشير
Salah Waspa
معتصم دفع الله
عاطف عمر
تماضر الخنساء حمزة
لكم التحية والتقدير وكل عام وأنت بخير
وأنا سعيد جداً بتواجدكم في هذا البوست مهنئين
ومباركين ومقدمين للورود..
نتمنى أن يدوم التواصل وتعم الإلفة والمحبة بين الجميع..
وأنا آسف لتاخير الرد ولولا المشغوليات والمرض لرديت
عليكم جميعاً، كل على حدة..
وفي انتظار ظهور أبو العروس وأرجو أن يكون بخير ..
| |
|
|
|
|
|
|
|
|
 Re: باركوا لمحمد البشرى الأمورة الحلوة (آية) (Re: Nasruddin Al Basheer)
|
الف مبروك يا ود البشرى تتربى في عزك .. وعز عزك
نصر الدين البشير كيف أخبارك ..؟
بلاي البنيه دي بعدوها لينا من حسع دي من الالوان الغريبة دي ناس احمر واصفر وطشاش زي دا
عودوها على الابيض الناصع دا مع الأزرق البسر الناظرينا ..
بلاي في القرن الكم وعشرين دا لحدي الآن في ناس مريخــاب
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: Nasruddin Al Basheer)
|
بقول لأخواننا المريخاب أبعدوا عن أولادنا وبناتنا
وما تساومونا على هلاليتهم..
إنتو ذاتكم ولدوكم هلالاب بالفطرة بس المؤثرات الخارجية
والصحبة السيئة والشيطان اللعين خلوكم تبقوا مريخاب
ونحن قاعدين ندعوا ليكم ليل نهار عشان ربنا يهديكم..
وأصلوا ما بنيئس منكم لأن تربتكم صالحة وبنرجى منكم الكتير..
لأن كل السودانيين يولدوا هلالاب بالفطرة،
وآباؤهم إما يمرخانهم أو يموردانهم
وفي رواية أخرى (يصفقسانهم)..
هاكم أليجا تانا ده..
ود أخوي مريخابي (ربنا يهديهو ويهدي أبوهو)
قلت ليهو بدفع ليك أبقى هلالابي..
قال لي: أنا ممكن أبقى هلالابي لكن أبوي ما بخليني..
في إفساد للأولاد أكتر من كده يا جماعة؟
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: ماجدة عوض خوجلى)
|
| Quote: في إفساد للأولاد أكتر من كده يا جماعة؟ |
ايوه يا نصر الدين فى افساد اكتر من كدا
وهو مثل دعوتك فى صدر البوست بانو محمد البشرى رزق بأموره هلالابيه
اها اسع انتا او ابوها عرفتوها هلالابيه كيف ؟ والا دا تدجين من اسع
خلوها بعدين براها تختار زى ما اختار كريم من قبلها
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: Nasruddin Al Basheer)
|
هاك دي يا قريبك بي مُناسبة المولدة الجديدة وكِدة.
قالوا الجماعة في إدارة نادي المريخ في السبعينات
مشوا لي النميري كايسين الدعم لي مشروع الجامع في النادي.
اهان بعد السلام والكلام في الرسميات، الجماعة قعدوا للونسة.
قام الريس - وكان معروف مريخابي - سأل عمنا شاخور (عليه الرحمة).
اها يا عم شاخور .. إن شاء الله بعد الجامع يتم .. ح تختوا شنو فوق المأذنة؟
وكان الرد: صقر الجديان يا ريس.
مبروك يا صاحب
وإن شاء الله تربي في عِزك
تحياتي يا نصرالدين
| |
|
|
|
|
|
|
|
|
|
Re: باركوا لمحمد البشرى الأمورة الحلوة (آية) (Re: Nasruddin Al Basheer)
|
عميق الشكر و المحبة للأخ نصر لدين
ولكل الأحباب الذين شاركونا فرحتنا بآية
واعذروني لتاخري في الرد عليكم - جري البيت المسنشفى و بالعكس
أكرر شكري و تقديري لكلماتكم اللطيفة و ساعود لكم جميعا إن شاء الله
بس استسمحكم في كلمتين للمريخاب الفرحانين ديل:
البت صاح إسمها آية لكن حندلعها "رجاء" او "صفاء"
ولا اقوليكم حاجة حا ادلعها "كرنقو" عديل كدة...أها تاني شنو؟
| |
|
|
|
|
|
|
| |
Nasruddin Al Basheer
طلحة عبدالله
محمد البشرى الخضر
العوض المسلمي
حسين يوسف احمد
waleed dawash
حيدر حسن ميرغني
هجو الأقرع
Muna Khugali
انعام حيمورة
هاشم أحمد خلف الله
فدوى الشريف
Alsa7afa_30
محمد عبد الماجد الصايم
حواء سليمان ابراهيم
haroon diyab
سلمى الشيخ سلامة
إيمان صالح
Tragie Mustafa
ناذر محمد الخليفة
رأفت ميلاد
Mustafa Mahmoud
فيصل نوبي
على محمد على بشير
Salah Waspa
معتصم دفع الله
عاطف عمر
tmbis
ماجدة عوض خوجلى
Elawad
wd al geran
kamalabas
Ahmed musa
مامون أحمد إبراهيم
معتز القريش
saadeldin abdelrahman
نهلة عمر
عبدالكريم الامين احمد
فيس بوك
تويتر
انستقرام
يوتيوب
بنتيريست