موضوع تحديد مداخلات كاسترو لا علاقة لي به و أجزم أن الصادق اسماعيل كذلك بكري الله يسامحه جابها كبيرة وشتراء في الانذار الرسله ليه بعدم التداخل معي أو الصادق, ولم اطلب منه ذلك ولا الصادق فعل بل عندما تبرع بكري بشطب مداخلاته من بوست مقال خضر عن الراكوبة احتججت على ذلك وطالبت بارجاعها إن أمكن, فلو اردت حذف مداخلاته فبإمكاني ذلك فا ابراء الذمة دا عشان ما تعملوها متاجرة و بتاع قبل كم شهر تم تحديد مداخلاته بسبب اساءة لإحدى الزميلات, ما شفنا الشرفاء يسألوا عنه او يحتجوا على الإيقاف, بل هناك من اثنى على الإجراء وآخرون طالبوا به اي نعم المنظر بايخ ويستدعي التعاطف كون يتم تحديد مداخلات شخص طرف في مشاكل وصارعات مع آخرين مقروء مع التحذير من التداخل معهم أنما نفسي لا اقبله و اتعاطف مع كاسترو و اعتبر ان الإجراء فيه نوع من عدم المساواة و التعسف - اللهم إلاّ إن كانت هناك اسباب اخرى لدى الإدارة إمّا إن كان بناء على تبعات العنف اللفظي المتبادل بين الأطراف المذكورة فهذا فيه ظلم كون تتم محاسبة احدهم دون الآخرين.
عليه اعلن انا ابو حتوت انني لست طرفا ولم يحدث أن راسلت الإدارة او طلبت من شخص ان يفعل اي شيئ له علاقة بتحديد مداخلات كاسترو, فأنا به كفيل و قادر على طقطقته و تقعيده في علبه زي السلام عليكم :) و لو سمح لي الصادق بالتحدث بإسمه فأجزم أنه ايضا ليس طرفا أو سببا فيما جرى وختاما ارجو من بكري أن يعيد له كامل كوتته إن كان قد حدّدها بسببي او بسبب الصادق
زاتو البورد بقى مسيخ يا بكري لا آكشن لا هنابيك ننفسها لا مواسير نقفلها كان على دليبات المستنير بايخة و مافيها اثارة ما بتقضى غرض
02-04-2016, 06:13 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: اي نعم المنظر بايخ ويستدعي التعاطف كون يتم تحديد مداخلات شخص طرف في مشاكل وصارعات مع آخرين مقروء مع التحذير من التداخل معهم أنما نفسي لا اقبله و اتعاطف مع كاسترو و اعتبر ان الإجراء فيه نوع من عدم المساواة و التعسف
جزاك الله خيّر يا محمد البشرى، ؤُ رهاني عليك ما بنيتو من فراغ ابداً ...
02-04-2016, 06:42 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
Quote: فا شنو... لو في اي شريف عايز يتاجر بالموضوع دا قول ليه خلاص جبر شوف ليك جنازة تانية ولول وراها
وعلى هامش موضوعكم اسمح لي أيضاً أخي محمد البشرى الخضر أن اعتذر لكم وللأخوين جادات والصادق اسماعيل بسبب افتراعي لبوست باسمكم.
ذلك البوست الذي فتحته أنا قبل يومين لم يتسن لي متابعته، ولا أعرف ملابسات اختفائه وكنت صدقاً أتطلع لحذفه بسبب ما أحسسته من تعدي صادر مني قد يكون طالكم والأخوين الكريمين.
ولم يمنعني من ذلك سوى مداخلات كريمة من إخوة كرماء لم يسعفني الوقت للرد عليهم.
دا شنو يا فقر ....؟؟؟ لقيت الأستاذ طلحة مسيطر على الصفحة الأولى و مسكتك أم هلهله .... وين بكري قال لي جدادات ود البشرى و الصادق إشتكوا منك ...؟؟؟؟ بكرى شاف كمية الشتائم المدفقة بيناتكم و قال يلمها .... إنتو إتنين و جدادات واحد الأسهل يمنع الواحد من بوستات الإتنين ... و دا الحصل .... أسلوب الكيزان دا بطلوا ....
قال إبراء ذمة كمان ....!!!!!!!!!1
02-04-2016, 07:59 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
معليش نسيت حاجة يا كبسور.... جدادات لو إتوقف أو تم تحديد مداخلاته بي مداخلة واحدة دا ما بي سببك أو سبب الصادق و إنما بي سبب نشره للرسالة اللي أرسلت ليه في الماسينجر ... لأنو المفروض يرد عليها في الماسينجر... نشرها خطأ كبير و جدادات عملها زي تحدي لي صاحب الموقع عايز يحرج بكري لا أكثر و لا أقل .... إنتهى
قوم لف إنت و جدادات الإتنين
02-04-2016, 08:03 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18149
أنا قلت داير تعافينا وتغادر! --- المهم: لا أتوقع أن هنالك حقد بين الثلاثة، كل يريد أن يثبت صحته في ما يقول. --- ولكن يبدو أن هنالك شئ ما في نفس سيد الحوش! أقلاها أنه لايريد ان يفقد الإثنين، لربما أن هنالك قاسم مشترك بينهم الثلاثة: مصالح نسب زمالة جيرة حزبية قبلية ..... .... .... ---- هم يدرون الأسباب وراء رسالة بكري لجادات. ولكنهم يفضلون الصمت العاكس للجهل بالشئ. ------ أين ناس الألغاز. --- تحياتي وتقديري للأربعة.
أنا مع فصل جادات نهائيا من المنبر وليس تحديد مداخلاته. ليش يا مستنير. يا مستنير؟ لسبب بسيط، جادات ضعيف المستوى وأفضل أن يكتفي بمطالعة المنبر وليس المشاركة بالكتابة شنو معيارك يا مستنير انو ضعيف؟ عشرات المرات تم كشف خطل ما يكتب بالبيّنة
محتاج شغل كتير بعد داك ممكن بكري يديهو باسورد
02-04-2016, 09:30 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
عموماً ، المخاشنة تقلل من مقدار المرء ، جاهل من يظن أنه ، يمكن أن يغير في أيدولوجيات العباد ، و حبال إبليس دايماً ممزقة ، و نتنة الرائحة ، تحياتي وتقديري ، للجميع ، ،،،،
عزالدين عباس الفحل ابوظبي
02-04-2016, 09:50 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18149
جرجير كعادتو في اهتبال الفرص ونشل المواقف أراد أن يسجل بأضابير تاريخ المنبر موقفا للشهامة والفروسية والنبل.. على حساب سيد الحوش بكري أبوبكر بإستنكاره لخطوته ومناهضة قراراته. أقترح سحب عدة هذا الفارس المزعوم لمدة شهر أو على الأقل تقليص مؤونته من المداخلات للحد الأدني بمعدل ربع مداخلة كل يوم لمدة خمس سنوات قابلة للزيادة والتجديد . على قول شاعر قديم : الرشاقة ودت سيدا التوج . ................. حبال ابليس ممزقة ونتنة الريحة ؟؟ دي حبالو واللا مصارينو يا الحبيب ؟
Quote: إنما بي سبب نشره للرسالة اللي أرسلت ليه في الماسينجر ... لأنو المفروض يرد عليها في الماسينجر... نشرها خطأ كبير
شكرا ابو حسين .. ده التحليل الأقرب للصواب .. لأن الشتائم استمرت لفترة ليست بالبسيطة .. فلا أعتقد بأنها سبب لايقاف جادات .. كمان من المستبعد جداً أن يشتكي ود البشرى أو الصادق اسماعيل .. لي بكري .. وما اعتقد حاجة زي دي جالت في خاطر زول هنا .. فيا ود البشرى أعتقد الامور واضحة وليس هناكـ أي لبس .. أو حتى أدنى احتمال باتهامكـ أو الصادق بانكم وراء ايقاف جادات ..
الماعجبني بقى يا ود البشرى .. إنكـ في الردود الأخيرة تحديداً .. انزلقت بصورة مارضيناها ليكـ .. ( ولو أنا شخصياً ) .. لأنكـ كنت ماشي كويس .. طبعاً لن ولم يلومكـ أحد .. فقد تحملت ما لايتحمله أحدنا .. لكن ربما إن راعيت شوية لمن يتابع كتاباتكـ في المنبر .. لجاءت ردودكـ أكثر إختلافاً واتزاناً وحصافة .. فلن يعدم أحدنا ميزان التقييم .. ولن تحتاج أنت قطعاً للكيل بالمثل .. وتغييروتيرة ردودكـ .. لاثبات ما هو مثبت أصلاً ... صحي الشتيمة مامبلوعة .. لكن زي ما قالوا أهلنا الممطورة مابتخاف الرش .. وكان بالامكان ماهو أفضل ..
ـــــــــــــــــــــــــــــــــــــــــــــ
جادات لايستطيع أحد ان ينكر دوره في ايراد الاخبار .. لكن عيبه إنه مابيقبل التصحيح .. وكمان كان لحقت لاويتو مرتين تلاتة .. ورديت عليهو .. وأحس مجرد احساس إنكـ بتقدح في صدقية الخبر الجايبه .. الله قال بي قولكـ .. حينشبكـ فيكـ وتبقى في التحلكـ منو .. وده برضو عيب ينتقص كثيراً من جهده في تقصى الأخبار الصحيحة .. والتأكد من مصادره والتثبت منها ..واعتقد ده دوره .. وهو الاهم اما شغلة المساككات والشتايم .. دي شغلة مامنها فايدة إطلاقاً .. وكمان الشتايم الكتيرة ضرّست الناس جداً .. والله الذي لا إله غيره .. رغم إن الشتايم دي كانت غير موجهة لي .. لكن كنت أزعل جداً لمن اقراها .. وكثيراً ما كتبت كلام .. ورفضت ارساله حتى لا تجيني شتيمة طايرة .. تكدر علي ..
جادات لازم يراجع ويفلتر أخباره .. وانت يا ود البشرى بطل تسكو ..
وان لزم وضّح وجهة نظركـ .. من أن الخبر ماصحيح من وجهة نظركـ .. وانتهينا .........
هلا بالشباب هلا والله, دي الدخلة من يوم طويل فمعذرة على التاخير
هندسة ود ابراهيم وزير الهينة دي!! في وزير بعمل اقرار او ابراء ذمة يا قريبك لكن تعرف لو فعلا تحققت القصة دي واتعينت وزير كاسترو الاّ يدق صيوانه و يجيب كيتته في البورد هنا و يعرض ليكم ويشبككم ما قلت ليكم ما قلت ليكم هههههههه
شكرا ود المدير يديك العافية كسبت كم ؟ شريكك :)
ابوبكر شكّاك السبب انو طبعا ما ح يكذب على الرجل في وشه وفي بورده, ولو فعل اكيد ح يكذّبه و يفضحه ثم خليك دقيق يا مولانا, السبهللية لا تليق برسول استنارة متعاقد عمري كله ليس مكرسا لسك اثبات كذب روايات جادات لو قلت سك اثبات الروايات الكاذبة و الأخبار المشتولة وخليتها على اطلاقها كدا دون تحديد كان تكون أقرب للحقيقة, للفائدة أكثر تابع ردي على جمال القوز
بالمناسبة ياخي ما تكون اتحسسّت من قصة دليباتك المابتقضى غرد, خلاص بقضن بقضن ولا تزعّل حالك
02-04-2016, 05:25 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
زي ما قال ود البشرى هو واخوهو الكاشف (اللي هو أنا يعني) ما بطلبنا تحديد المداخلات ولا حنطلب، بل ونناشد ونطالب ونطمع في كرم السيد الباشمهمندس بكري ان يعيد لجادات مداخلاته كاملة غير منقوصة، حتى لا تتوقف مسيرة اسقاط النظام تلك المسيرة التى توقفت بسبب غياب جادات عن رفع أخبار (ملفوحات الفيس والواتساب) في صفحة المنبر الأولى.
02-04-2016, 05:33 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا عم الصادق... علاش الإعتذار خويا :) ما بيناتنا يا قريبك, هذا عني أمّا الصادق و كاسترو فا بطريقتهم أمّا عن البوست فا ما جرى فيه قبل حذفه واحد من اسباب دعتني لإعلان البراءة هذا جا شريف عرفات و يتبعه وزاره من تحت وطبّلوا وولولوا زييين ان كاسترو تعرّض لمؤامرة ومش عارف إيه طبعا ما قصّرت معاهم - مع الوزار تحديدا - ولخّيتهم لخ من أمه لا من اتكيّفت اللذيذة بعد بكري صحى وحذف البوست كتب شريف أرفات انو يتوقف عن الكتابة - التقول بكتب حاجة - حتى يتم (البث) في الأمر انا قريتها (يتوقف عن البث) و ضحكت عن نفسي لا اريد اعتذار فما حصل شي يستدعي ذلك, اللهم إلاّ كان عدم الإجابة على أسئلتي تسلم يا حبيب
يا هيثمنا يا غالي.. تعجبني وانت بتفهما بعد ما ترك وتتغدى وتاخد نومتها :)
ابو حسين يا كوز يا فقر :) انا ما قلت بكري قال, القال كاسترو و قطيع (الشرفاء) الوراه وعايزين يروّجوا للمكنة دي و يدقّوا بيها نقّارة فا قلت اشّربها ليهم زيت و كدا ثم النكتة وين انت قايل, مش في سبب تحديد المداخلات سواء كان نشر المسنجر او الملاسنات او ايا كان, النكتة انو دا ما تحديد المداخلات الأول ولا حتى الإيقاف الأول ولا التاني كل مرة بكون لاخّي ليه واحد من المناضلين يا مطلّعوا غواصة يا زي قلة ادبه على آمنة واحد في الشرفاء ديل برتا ليه او يفقدوا مافي - تصوّر بفقدوا انا دا ههههه أها الدورة دي عايزين يعملوا منهّا سبوبة نضال ما ظهر فيها الرمادي السغيل دا عاد!! لكن وين ؟ نفّستها ليهن من قولة تيت خخخخخخ
حركة تغيير عنوان البوست الأصلي في مداخلتك ما ظريفة يا مولانا, وفيها نوع من التعدّي وكدا المهم: عن نفسي لا يوجد حقد ما بعرف عن كاسترو ولا اسعى لإثبات صحة شيئ, ولا ادري عمّا بنفس صاحب الحوش ولا يوجد قاسم مشترك بيننا خاص بنا وغير موجود مع باقي زملاء البورد وعن نفسي لا ادري سبب رسالة بكري ومداخلتك دي مالها مشرتمة وشتراء كدا, يدّي ماكلاني على استكتها لولا استثقالي للحركة دي :)
تشكر يا ملهم لكن مافي روح جميلة بالمعنى الفي بالك, حتى البوست دا على ما يبدو في ظاهره لكن فيه شلّيت و عفّيص تحت تحت كدا الحكم و الجمهور الفي المدرحات الفوق ما بشوفه الجمال في عيونك انت يا جميل
02-04-2016, 05:56 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا حمدنا, ابراء الذمة ما معنب بيه كاسترو في رقبته, بالعكس هو خليه في الإعتقاد دا بولّع فيه النيران زيادة :) ويا رت يفكّوه, الواحد من شدة الملل بقى من بوست تنظير لبوست ابوحسين .. تخيّل
وعليكم السلام يا ود الفحل
تنظير .. بعد قلت ارد على مداخلتك و ابستفها ليك, قلت ما في داع مهما كان ما بدور ليك الإحراج خاصة وانت متألّق اليومين ديل :) هاك هلال نقعة دا :)
ود القوز مرحب يا حبيب يا سيدي مش بتقول مستبعدة قصة نشتكيه وما بتجول في خاطر زول! دا كلام الناس العاقلة البتقرأ بعيونها و تستوعب بعقلها, لكن نسوّي شنو مع كراية الكرعين و الفهم بالوزار :) ياخوي في عالم طرش هنا أجارك الله يقولوا لهبنّقة قوم ونحن نقعد محلّك, اها ابراء الذمة دا ليهن
ومشكور يا جمال على كلامك و على توقع الأفضل, لكن النحدسك اخوي, انا والله لا بقيّم نفسي ولا برضى زول يقيّمني من خلال البورد, مهما قيل عنه يبقى حاجة فيرشوال لا يصح الاستناد عليها - فقط - في التقييم وكان على شتيمة كاسترو انا ما بعاين ليها شتيمة واساءة وكدا, بل ارى فيها محاولة للهرب من استحقاقات الكتابة ومسؤولية الكلمة وردي عليها او مبادلتي اياه مسالة مزاج أكثر منها رد حق وكدا, ياخي في طاقة سالبة لو ما مرقتها في الزي كاسترو دا ح تمرقها وين يعني
أها نجي لي دي
Quote: وانت يا ود البشرى بطل تسكو ..
هههه اتذكّرت تعليق ترباس انه حنّو وجن المادافع يقلب السمكة يا حبيب الله يرضى عليك بطّل لي القراية الإنطباعية دي قولة فلان يسك فرتكان دي معناها انو لو ما كل بوستات فرتكان فاقلاها تسعين في المية منها تلقى فلان متحكر وقاعد وبسك في فرتكان فيها طيب عشان الكلام يكون عملي و بارقام, اعمل بحث لبوستات كاسترو في النصف الفات و شوف انا متداخل معاه في كم بوست لو لقيتهم اكتر من عشرة او خمسة في المية بقول عند حق الحاصل اني زي ما بعلّق على كثير من البوستات الفيها ريحة وبسأل من المصادر و بقوقل الصور و بشغّل عقلي قبل ان اعلق الجرس على رقبتي و اهزه يصادف ان يكون احدها لكاسترو بقية الزملاء ما بكابروا ويتراجعوا عند تبين الخطأ أو يموتوا بيها في نفسهم ويستنوا فرصة للانتقام زي شريف ووزاره لكن كاسترو لأ, بعملها قضية و راسه والف سيف يكابر و يرفض التراجع فدا البجيب العكلتة و اللياقة ويزيد صفحات البوست مما يولد انطباع للقارئ السريع - المادافع في السمك :) - انو هناك سك هل تعلم انو في المنبر الجديد البدأ ليه شهرين دا كاسترو يتداخل في تلاتة بوستات انا كاتبها - اي نعم احدها عنه بتاع العلم - لكن الاتنين التانين ليسوا مخصصين له, وهو عنده بوست ذكرني فيه بالإسم مع بعض من له مشاكل معهم يتهمنا بعدم الاهتمام بمجزرة الجنينة وتقول لي ساكيه برضو :)
أدفع - تقرأ: تابع كويس - قبل تقلب السمك هههههه
وين يا الصادق يا غواصة ما تستهبل انت في امريكا و الواتساب عندكم مجاني بتكون راسلت بكري :)
02-04-2016, 06:13 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: Montaser Gurashi ود البشرى شكرا على التوضيح مع انو بكلامك ده بتكون هدمت نضال وتعاطف الكثيرين مع جادات وفرتكته الحفلة من بدري هههههه ماعلينا....... المهم اسمح لي من خلال بوستيك هذا ان اقدم اقتراحي لبكري بمنع الاستيكة ومسح المداخلات لانه لايمكن لكل واحد عايز يرد او يتداخل في بوست يقوم يفتح بوست كامل بهذه المداخلة خوفا من فقدها بواسطة الاستيكة وشكرا اكرر اسفي على اقحام البوست بما لايعنيه لكن مش معقول كل مداخلة ببوست أعجبني · رد · 11 ساعة
Montaser Gurashi وبعدين المنبر ليس بجريده حائطية كل واحد يكب كلامه ويتخارج، فلابد من النقاش وفي حينه حتى لاتفقد المداخلة قيمتها عند فتحها ببوست جديد، ما يجعل المتابع في حاجة الى الرجوع للبوست الاصلي حتى يربط الامور ببعضها، والمسائلة تصبح اشبه بشرب الشاي بالتمر او مشاهدة الفلم وقراءة الترجمة في نفس الوقت. أعجبني · رد · 1 · 11 ساعة
مرهف مرهف · System Administrator في المملكة العربية السعودية والله المنبر بدون جاكات حلو .. يحسسك بان الكتابات بدأت تتزن .. جاكات كان يملأ المنبر هراء ويلهي الناس ببوستاته التي اغلبها عبارة عن اساءات وبذاءات وغواصات ووو...الخ.. عقبال نشوف المنبر خالي من غريبة وودالباوقة وتراجي ومخلفات المصارية ايضاً أعجبني · رد · 1 · 10 ساعة · تم تعديله
مرحب منتصر و العفو ياخ البوست بوستك واهو رفعت ليك المشاركة أكان يشوفها المعلم لكن صدّقني نو واي, الاستيكة دي برّدت اضانه من عاك عيك لكن اتفق تماما مع وجهة نظرك, انا في الأول كنت بقول هي تجربة النشوف ح يحصل شنو, لكن وضح الخلل و زي ما قلت انقطاع التسلسل و شرتمة النقاش بسبب حذف مداخلة وترك الردود عليها
هيا مرهف عايز تطفش الناس ديل كلهم لكن دا ما ببقى منبر مسيخ بدون ملح زيوا وزي منابر الترتر :)
يا مزّمل انت وين؟ بكري عمل ليه مداخلاته فرمالة في اليوم و كاسترو حردها ليه :)
02-04-2016, 05:37 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أنما نفسي لا اقبله و اتعاطف مع كاسترو و اعتبر ان الإجراء فيه نوع من عدم المساواة و التعسف - اللهم إلاّ إن كانت هناك اسباب اخرى لدى الإدارة إمّا إن كان بناء على تبعات العنف اللفظي المتبادل بين الأطراف المذكورة فهذا فيه ظلم كون تتم محاسبة احدهم دون الآخرين.
في البوست دا أثبت تماماً إنك في مستوى توقيعك بتاع اعرف الحق تعرف ناسو داك
Quote: فأنا به كفيل و قادر على طقطقته و تقعيده في علبه زي السلام عليكم
لكين كمان النصيحة لله و إبراءاً لذمتي جادات قاعد يطقطقكم إنت و الصادق إسماعيل طقطقة النجار للخشب
02-04-2016, 08:01 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
إبراءً لذمتي يا حافظ، الزول دا ما كان بطقطقم، لكن كان بتوّر ليك نفسم وبحميهم الأكل واليوم كلو تلقاهم الإتنين يندهوا في ناس المنتدى، ويشهدوا فيهم، ويبحتوا ويجيبوا في الاقتباسات لتبيان ما هو معروف بالنظرة العابرة ليهم حق يشكروا ويحمدوا بكور الآخر.
02-04-2016, 10:27 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
Quote: إبراءً لذمتي يا حافظ، الزول دا ما كان بطقطقم، لكن كان بتوّر ليك نفسم وبحميهم الأكل واليوم كلو تلقاهم الإتنين يندهوا في ناس المنتدى، ويشهدوا فيهم، ويبحتوا ويجيبوا في الاقتباسات لتبيان ما هو معروف بالنظرة العابرة ليهم حق يشكروا ويحمدوا بكور الآخر.
وشوف من زاوية تانية مناقضة لزاوية حافظ
مشكور يا مستنير (بالله قاعد تتابع بوستاتنا مع جادات؟)
02-05-2016, 04:39 AM
جلالدونا جلالدونا
تاريخ التسجيل: 04-26-2014
مجموع المشاركات: 9666
هههههههه يبدو أن اعلان ابراء الذمة جاب نتيجة بسرعة اكبر مما كنت اتوقع شريف ارفات الذي اعلن توقفه عن الكتابة لحين (البث) - آه كتبها البث بالثاء ثور - رجع للكتابة في اقل من 48 ساعة الحقيقة رجع للنقل لأنه ما قاعد يكتب حاجة اساسا :)
وكتبنا الكلام دا هنا ليه, لأنه استك لي مداخلتي الشمتانة في نقليته الجديدة فا كتبتها ليه في الفيس - محل الوزار ببنبح - و هنا ولو المزاج حكم ح اعمل ليه بوست خاص لكن ما اظن بستاهل
يا بكّور .. قلنا ليك ما تتحسس من تسفيهي لدليباتك قلنا ليك خلاص بقضن غرد :)
02-05-2016, 08:22 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18149
هي الطقطقة دي كيفنها إذا ما كانت زي طقطقة جادات لود البشرى و الصادق إسماعيل؟
و بعدين ياخي معيارك بتاع كفشوهو بالبينة دي معيار غير مبني على قواعد بل مبني على أهداف مفترضة
فأنت تفترض هدف محدد لكتابات جادات و هو نقل أخبار ذات صدقية بدرجة مفترضة من عندك و الإفتراض دا بيقودك لفرضية أخرى هي أن قيام البينة ضد كتابات جادات توسم كتاباته بالخطل و هذه هي النتيجة التي توصلت إليها مبتدئاً بإفتراض داخلي يجعل معيارك يشتمل على عناصر غير موضوعية
و حتى لو تجاوزنا المعيار التعبان بتاعك دا برضو في حاجات تانية فاتت عليك لكن ما مشكلة فمن الطبعي تفوت عليك الحاجات دي في مرحلتك الإستنارية دي
في مرحلتك الإستنارية دي طبيعي إن لا تدرك حق جادات الأصيل في الخطل و درْع الهنابيك و شتْل المواسير
و طبيعي جداً في هذا المنعطف الإستناري أن تفوت عليك حقوق القارئ في قراءة ضعف و خطل و هنابيك و مواسير جادات
أنا يا مستنير معجب جداً بخطواتك الشاهقة في دروب الإستنارة و ذلك مع كون أني مدرك تماماً أن بعض اوجه الإستنارة ما زالت يافعة لديك
02-05-2016, 10:44 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
هيثمنا يا غالي ارتها حردة عدوك, حرد شنو ياخ ما شايفه بي تحت يوزع في لنكات بوستاته في سوداننت زي بتاع البقالة الراحل لمكان جديد كان قلت ليه زح من قدامي يديك البزنس كارد الفيه التلفون و العنوان الجديد:)
وعليكم السلام يا حافظ لو مفهومك للطقطقة زي مثلا لمّا حتوت أوتوتا يغالطوا يمنى, و يمنطقوها تقوم تغطي اذنيها بيدينها و تهتف وتكرر بشكل لا نهائي انها هي الفايزة وكدا فا شنو.. في الحالة دي نعم فهمك صاح واطقطقنا لامن قلنا بس هههههه
ملحوظة يمنى عمرها خمس سنوات :)
جلّي .. ود حلال والله يراي كدا اتذكّرتك وفقدتك قلت معقول جلّي يفوّت كيته زي دي ما يجي يمسك عصايته (من نصّها) ويعرض فيها :)
يا تنظير ما عرفته كيف ياخ دا الشريف أرفات أخو الشريف حسين مرشح رئاسة الجمهورية السودانية متعددة الأعراق المشى طلّع شهادة من مجلس ولا منتدى العباسيين دوت اورغ ما عارف ليثبت انه حفيد العبّاس رضي الله عنه و بالتالي استحق لقب الشريف ههههههه في بوست اخونا الصادق جا بهبل ما انزل الله به من سلطان جاب بوست ذو اليد بتاع الجعباط داك من مدونته واقتبس تعليقات لي و آخرين منهم الغواصة الجديد زهير و جابها في البوست بياتو فهم ما عارف, لا وقال شنو الواحد يفكر يسيب الكتابة في البورد!! البوست محذوف من سودانيز ومكتوب قبل كم سنة بياتو منطق يا بني آدم عايز تفكر تسيب الكتابة هنا ؟ بعد شوية لمّا اتسحب بوست الصادق قام فتح بوست معنون لبكري قال فيما معناه ما يحصل لجادات مؤامرة وشنو وشنو و هو سيتوقف عن الكتابة حتى (البث) في أمره هههههه اللذيذه وزارو - او مستر هايدو للإنحطاط و السفاهه - بي تحت كتب ليه شرفتنا يا الشريف ارفات , شوف ليك كوميديا درجة تالتة بالله النكتة وين, انه ما كمّل اظن 24 او 48 ساعة عن تعهده بالتوقف ورجع اسي فتح بوست - منقول كالعادة . زي ما قلت في بداية البوست دا, حفلة وفرتكت العايز يولول يشوف ليها جنازة تانية ديك دفنّاها بي ليلها
02-05-2016, 12:00 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
موافقين يا حافظ، ندي الناس حق اللفحي والعرض دون تحقق. هل من حقنا نسمع منهم كلمة حق بعد أن يقوم ود البشرى والصادق بالتحقيق والتدقيق والسهر؟ ولّ برضو بتدي الناقل حق الاصرار على صحّة ما ينقله بغض النظر عن نتيجة التدقيق وسلامة منطقها؟
02-07-2016, 01:19 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4337
براء الذمة.....دائما بتكون حولها شبهات.....كدى قبل مانشوف براء الذمة مفروض نتحقق من الشبهات كخطوة اولى.....عشان نكون ماشين خطوة بى خطوة لنصل لى نتيجة.....بعدها نقبل البراء ام لا. ان كان فى كديس راسو فى مصر وضنبوا فى السودان....ان فجختوا ما بيقول ناو.....ان طيب!!!!
02-07-2016, 04:40 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
أكيد يا مستنير الناقل عندو كامل الحق في الإعتقاد بصحة ما ينقل و عندو كامل الحق في تقييم و إعادة تقييم ما ينقل في ضوء الأدلة المتوفرة
و قصة المحافظة على مصداقية المنبر و ما تعرف شنو دي حنك عاضي ساي.. المنبر دا ما عندو مصداقية جماعية كل كاتب عندو مصداقيتو براهو و سيد الحوش قال الكتابة داخل الحوش على مسؤلية صاحبها
المنبر دا يعرض كل شي و تمييز الخبيث من الطيب دا مسؤلية القارئ سواء كان قارئ كريم او غير كريم
و أنا كقارئ و عضو في المنبر دا ما عندي عقد و لا إتفاق مع أي زول في إنو ينقل أخبار ذات مصداقية عالية و بالتالي ما عندي أي حق في إلزام أي كاتب و ناقل بإنو ينقل أخبار ذات مصداقية عالية
كلامي دا يا مستنير ما حكم في موضوع ود البشرى و الصادق و جادات.. كلامي دا رأي في جزئية بس و مبني على نظرة مقطعية للطقطقة المتبادلة بيناتهم.. عشان الواحد يحكم في موضوع الجماعة ديل القصة محتاجة رجوع للإرشيف و تفتيش و دي شغلة أنا ما فاضي ليها و ما بتتناسب مع مستواي
02-07-2016, 05:34 AM
جلالدونا جلالدونا
تاريخ التسجيل: 04-26-2014
مجموع المشاركات: 9666
حق الاصرار من بكرة و دعكة عيونى من النوم و جرى على ناس هبومان ما بعرفو شنو داك ووتش عشان يدرجوها فى الاعلان العالمى لحقوق الانسان مع التعريف القانونى ليها اصّرت تصر الحاحا
02-07-2016, 06:21 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
حافظ يا حافظها ههههه أنا والله معجب بي عكلتك و تمسكك برايك و معجب أكثر بدفاعك عن رأيك دا بطريقة (تبدو) منطقية - خليت بالك للقوسين الحول تبدو :) سمح كلامك للمستنير خله للمستنير, قيل الصيدلي بفرز كتابة الطبيب, فعلى نفس النسق المستنير بفهم ورجغة العكليت, خليني للتعليق على التالي
Quote: أنا جادي جداً في مسألة حق أي زول في لفح و ختف الأخبار أياً كان نوعها من غير تحقيق و لا تدقيق
مع الإحتفاظ بحق الآخرين في تصديق او تكذيب ما تم لفحه و التعليق عليه دون تجريم او تجريح للناقل
ما في مشكلة كلامك مية مية, البورد حر من شاء يفعل بمصداقيته الشخصية الأفاعيل فهو وشأنه ولأن البورد حر أيضا من حق القراء و العضاء التفاعل و التحقق و السؤال عن المصادر. لحدي هنا و الأمر عادي كل يحترم حقوقه و حقوق الآخرين الماعادي شنو, صاحب الخبر المضروب عندما يتبين خطـأ خبره وما ترتب عليه من تحليلات هنا المهنية و المصداقية بتقول يتراجع عنه و برضه من حقه عدم التراجع, اها ان رفض التراجع حق للآخرين - خاصة ان كان هناك متضرين من نشر الكذبة - الكتابة و التعليق و التنبيه وفي اي مكان سواء في بوست الخبر الأصلي أو بوستات أخرى
Quote: كدى قبل مانشوف براء الذمة مفروض نتحقق
لا لا ما تشوفوا, و لا مفروض تتحققوا انتوا منو؟ و الفرض منو؟ و أصلا انتوا من وين؟ وقريتوا وين؟
02-12-2016, 04:09 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
أنا آسف على التأخر في مواصلة الحوار و ذلك بسبب ضغط العمل خلال الإسبوع الماضي
Quote: ان رفض التراجع حق للآخرين - خاصة ان كان هناك متضرين من نشر الكذبة - الكتابة و التعليق و التنبيه وفي اي مكان سواء في بوست الخبر الأصلي أو بوستات أخرى
عموماً نحن لحد كبيرمتفقين
كلمة "متضررين" كلمة واسعة و تعريفها قد يشمل نوعين من المتضررين: متضرر مباشر زي مثلاً الشخص المسند إليه الخبر الكاذب و دا من حقو مقاضاة ناشر الخبر. و متضرر غير مباشر زي مثلاً الشخص المتضرر بتلقي معلومة غير صحيحة و دا ما عندو حق قانوني إلا إذا الحق دا تم إنشاءوه بموجب عقد.
الحق القانوني قد يلزم الناشر او ناقل الخبر بجبر الضرر عن طريق عدة أشياء من بينها تصحيح المعلومة الواردة في الخبر الكاذب
القاريء ساي زيي و زيك كدا ما عندهم حق قانوني يلزم الكاتب بتصحيح الخبر او المعلومة.. بعض الناس من ديل بيفتكر إنو في حق مترتب على إلتزام أخلاقي بينهم و بين الكاتب و الإلتزام الأخلاقي دا ما عندو وجود خارجي و كل زول حسب مفهومه عن الأخلاق.. المشكلة إنو بعض الناس ديل بيستخدمو الحق المفتكرنو دا و بيتصورو إنهم من حقهم يلزمو كاتب او ناقل الخبر الكاذب بالإعتذار
أكيد من حق القراء و الكتاب الآخرين الكتابة و التعليق و التنبيه وفي اي مكان سواء في بوست الخبر الأصلي أو بوستات أخرى بس بدون تجريح او تجريم كاتب او ناقل الخبر.. الحق هنا هو حق اصلي في التعبير عن الرأي و النشر
و أقصد أن حق الكتاب الآخرين يجب أن لا يتجاوز دفع الضرر المترتب عن نشر معلومة خاطئة لتسبيب أضرار أخرى لناقل الخبر الكاذب.
02-12-2016, 05:00 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
ناس شنو ديل عليك الله ما تقوم تكابسهم ساي من الصباح
الناس ديل زمااااان الشغلة دي إنتهو منها بالمادة 19 من الإعلان العالمي لحقوق الإنسان
"لكل شخص الحق في حرية الرأي والتعبير، ويشمل هذا الحق حرية اعتناق الآراء دون أي تدخل، واستقاء الأنباء والأفكار وتلقيها وإذاعتها بأية وسيلة كانت دون تقيد بالحدود الجغرافية".
و المادة لم تحدد أي نوع من الآراء و لم تحدد آلية لإستقاء الأنباء و لم تحدد نوعية الأنباء بل تركتها جميعاً مطلقة..
و طالما الإعلان ما قصر حق إعتناق الأراء على الأراء الصحيحة و لم يضع معايير لتقييم الأراء التي يحق إعتناقها فأكيد يا جلال لو أصلاً عندي حق إعتناق الرأي بغض النظر عن إتفاق الآخرين حول صحته او خطأءه يبقي من حقي الإصرار علي رأيي دون الحاجة لتقييمه من جهة أخرى
02-12-2016, 07:05 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
حافظ سلام طبعاً من حق اي زول ينشر خبر كاذب او صادق ومن الآخر تفنيد الخبر والمطالبة بالاعتذار ومن ناقل الخبر الكاذب الاصرار على موقفه واعتقد دا حاصل هنا من مدة والامور ماشة هسع مشى جادات اهو تولى الموضوع هشام هباني بيفتكر انه بشوية شتائم في العنوانين بتاعته وشوية المات فاضحة ممكن يخلي البوست بتاعه مقروء
فالموضوع ما فيه مشكلة كل زول يكتب وجهة نظره للقاريء والقاريء يقيم بالطريقة البتعجبه
02-12-2016, 07:22 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: القاريء ساي زيي و زيك كدا ما عندهم حق قانوني يلزم الكاتب بتصحيح الخبر او المعلومة.. بعض الناس من ديل بيفتكر إنو في حق مترتب على إلتزام أخلاقي بينهم و بين الكاتب و الإلتزام الأخلاقي دا ما عندو وجود خارجي و كل زول حسب مفهومه عن الأخلاق.. المشكلة إنو بعض الناس ديل بيستخدمو الحق المفتكرنو دا و بيتصورو إنهم من حقهم يلزمو كاتب او ناقل الخبر الكاذب بالإعتذار
إن كنت تتحدث بصفة عامة أوكي اهو رايك نتفق او نختلف معه ما في مشكلة لكن لزاما علينا ان نحترم حقك تكوين وابداء هذا الرأي لكن ان كنت تعني موضوع البوست و كاتبه, فا بس حابب اوضح ليك انني لا اعطي نفسي أكثر من الحق الذي هو لها, ولا ولم الزم شخص ما بأي شيئ, ليه؟ لأنو ببساطة لا أملك ادوات هذا الإلزام كوني اطالبه فدا حقي و حقك وحق كل من يملك باسويرد يخوّل له الكتابة هنا سواء بافتراع بوستات تخصه او التداخل في بوستات آخرين وهو من حقه الاستجابة, الرفض او الطناش ويمكنه أستكة ممارستي لحقي ان كانت في بوستات تابعة له
Quote: بس بدون تجريح او تجريم كاتب او ناقل الخبر
مرة ثانية .. إن كان الكلام عام فبها, وإن كنت تعنيني فلزم على انبهك بأنني لا ولم اجرح أحد دون ان يكون هو من بادر بذلك وانا مارست حق الرد لا أكثر
Quote: و أقصد أن حق الكتاب الآخرين يجب أن لا يتجاوز دفع الضرر المترتب عن نشر معلومة خاطئة لتسبيب أضرار أخرى لناقل الخبر الكاذب.
تمام .. خليني اديك مثال لدفع الضرر من نشر الأخبار الكاذبة من بوستنا دا زاتو كاسترو اتهم عدد من الزملاء بأنهم غواصات وخونة و مش عارف ايه, وطبعا لم ولن يات بدليل دا انا اراه ضرر بسبب نشر كاذب يحتاج ازالة و جبر
02-12-2016, 10:20 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا خضر يا واطي كلامي رد على سفالتك وعلى اي سافل يجيب السيرة و يردد الاكاذيب التي اعترف سيدها بكذبه فيها وانت عارف كدا كويس وانا ح امسح مداخلتك دي امش افتح بيها بوست و بجيك هناك امسح بيك الارض يا ################
02-13-2016, 09:49 AM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
Quote: فالموضوع ما فيه مشكلة كل زول يكتب وجهة نظره للقاريء والقاريء يقيم بالطريقة البتعجبه
دا بيت القصيد، إنو ما تكون في مشكلة و إننا كمتلقين نتقبل أي خبر بقراءة نقدية و نقيم الخبر من غير إتهام للكاتب بسؤ القصد و من غير ملاحقته كمذنب يتوجب عليه الإعتذار و نخلي المسألة دي لتقييمه هو حسب تقييمه هو و حسب منطلقاته الفكرية و الأخلاقية
أنا مرجعيتي ما دينية لكين أعجبتني مقولة للإمام الشافعي بقول فيها "ما جادلت أحداً إلا تمنّيت أن يظهِر الله الحق على لسانه دوني"
و بمناسبة هشام هباني دي بعد مداخلتك مشيت قلت اشوف هشام هباني دا جوة بوستاتو قاعد يكتب شنو فقمت فتحت لي بوست من بوستاتو
صدق إستمتعت بالبوست جداً ..إستمتعت لقيت في البوست فيديو لريماز ميرغني بتغني لحن الحياة بتاعة الشفيع و أُطربت أقصى حدود الطرب حتى قلت ليتها لم تسكت
02-14-2016, 04:05 PM
Hafiz Bashir Hafiz Bashir
تاريخ التسجيل: 12-04-2004
مجموع المشاركات: 7712
Quote: كلامي دا يا مستنير ما حكم في موضوع ود البشرى و الصادق و جادات.. كلامي دا رأي في جزئية بس و مبني على نظرة مقطعية للطقطقة المتبادلة بيناتهم.. عشان الواحد يحكم في موضوع الجماعة ديل القصة محتاجة رجوع للإرشيف و تفتيش و دي شغلة أنا ما فاضي ليها و ما بتتناسب مع مستواي
و ما بفوت عليك طبعاً إنو بعض اللغة التهاترية و الإستعلائية في المقتبس الفوق دا الهدف منها المزاح فقط و لكن يظل المعنى المقصود عموماً كما هو أنا أكيد ما هنا عشان أتهم زول و لا عشان نسترجع الأحداث من الإرشيف.. القصد هو مناقشة الفكرة (العقول الكبيرة تناقش الأفكار)
Quote: تمام .. خليني اديك مثال لدفع الضرر من نشر الأخبار الكاذبة من بوستنا دا زاتو كاسترو اتهم عدد من الزملاء بأنهم غواصات وخونة و مش عارف ايه, وطبعا لم ولن يات بدليل دا انا اراه ضرر بسبب نشر كاذب يحتاج ازالة و جبر
الزملاء الذين إتهمهم كاسترو (كاسترو منو؟) بإنهم غواصات و خونة ديل متضررين مباشرين (مسند ليهم الخبر) من حقهم مقاضاة كاسترو و القانون بيناتهم و برضو من حقهم إزالة الضرر الواقع عليهم بأي وسيلة متاحة و لكن ذلك قياساً على حق الدفاع الشرعي الذي يجب أن لا يتجاوز دفع الخطر.. يعني إذا جاك حرامي عديل في البيت و الحرامي دا إنت عارف نفسك بتقدر عليهو بني و بلنجات و شلاليت بس يبقى أبداً مافي سبب يخليك تستخدم كلاشينكوف
و لك شكري على تحمل ورجغتي
05-11-2016, 10:34 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
محمد إبراهيم علي
معاوية المدير
أبوبكر عباس
الصادق عبدالله الحسن
ABUHUSSEIN
طلحة عبدالله
ملهم كردفان
حمد عبد الغفار عمر
عزالدين عباس الفحل
جمال ود القوز
الصادق اسماعيل
حاتم إبراهيم
Hafiz Bashir
جلالدونا
أيمن نواى على
عباس محمود
فيس بوك
تويتر
انستقرام
يوتيوب
بنتيريست