عزاز شامى هل تذكرونها؟؟ كنداكة من زمناً كانت نساءنا يقلن وبصوت قوى القسمات: يا الباشا الغشيم قول لى جدادك كر!! شكلها الخارجى لايمثل شكل البطلات التقليديات ابداً.. صورة عجيبة يرسمها الناس فى مخيلاتهم للابطال خصوصاً ان كانت انثى. عدم اهتمام بالانوثة..صوت جهورى..لا مبالاة بالرجال الى اخر عدة النضال.. ولكن عزاز اكدت ان البطلات الحقيقيات يشبهن النساء العاديات.. وجه طفولى نونه غارقه فى السرور، عينان كأنهما لؤلؤتان وصوت انثوى رقيق وقوام فارع ومشية واثقة.. و ذات عقل لا يصدق، منطق يحير الاعداء قبل المشفقين، خبرة عجوز عركتها التجارب.. شجاعة وصبر على نوائب الدهر والجايات من تالا الواطه.. لم يهزمها ان حاولو تشويه صورتها والتشكيك فى مؤهلاتها وشرفها ولاقت من الحروب بسبب موقفها المبدىء ما لا يستطيع ان يتحمله رجال.. عزاز يفنى الكلام ولايحيط بفضلك .. ايحيط ما يفنى بما لاينفد؟ لكل هذا ولان عزاز اهل لكل تكريم ولان الاحتفاء بعزاز شامى واجب تقيم جمعية الصحفيين السودانيين بالعاصمة الرياض حفل تكريم للاستاذة عزاز شامى نائبة رئيس الجمعيه بمناسبة سفرها النهائى وذلك يوم الاربعاء 21/12/2011 ..كلنا مدعوون لتكريمها كما تستحق.. المكان: استراحة نورماس مخرج 18 بالرياض العاصمة السعودية الزمان: الساعة الثامنة والنصف مساء.. ويتم ايضاً تكريم بعض الزملاء وعلى رأسهم: الاستاذ/ حسين حسن حسين رئيس الجمعية بمناسبة حصوله على جائزة الصحافه العربيه فى الحوار الصحفى من نادى دبى للصحافة برعاية الشيخ محمد بن راشد ال مكتوم حاكم إمارة دبى. والاستاذ راشد فضل بمناسبة حصوله على درجة الماجستير من جامعة الخرطوم والاستاذة سهير عمر بمناسبة قدومها للرياض والجدير بالذكر سارة هو اول صحفية تتقلد منصب مكتب المرأة بالجمعية عند انشأئها نواصل...
عزاز شامى انطق الاسم تاتيك الامجاد دخاخين دخاخين الكل يعرفونها بكتاباتها هنا.. حروف من نور ومداد من نار.. اسرجتهما هنا ردحا طويلا فحباها من حباها ومقتها من مقتها.. ولم يبدلها الحدثان.. اذا رضيت كانت صديقًاً جميلاً سهل القياد وان ابت كانت خصماً شريفاُ شديد العناد ماتبدلت ولا تلونت طوال معرفتى بها،ثابتة المبدأ راكزة فى المواقف الوطنية ومنافحة عن قضايا النساء والانسانية.. حجة ومنطق تمتلك ادواتهما تماماً من غير مزايدات او مواربة.. رأئها كالسيف ، تخلط منطق العقل بمنطق القلب بحذاقة بالغة وعندما يقطع يقينها شكها تورد كلماتها (لايهمها مادام رأت ان هذا هو الحق) ان وقعت عليك الكلمات عنيفة كصارم السنان على رقاق الاكباد او عفيفة كحلمات الشفاه على ظامى الخدود. عزاز استدر ضروع كلماتى العجفاء عسى ان يخرج من بين بطونها تعبيراً سائغاً بقدر مااكن لك وما تستحقين،،،
12-19-2011, 10:39 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: ولكن عزاز اكدت ان البطلات الحقيقيات يشبهن النساء العاديات.. وجه طفولى نونه غارقه فى السرور، عينان كأنهما لؤلؤتان وصوت انثوى رقيق وقوام فارع ومشية واثقة..
هووووي يا عربى يا جنى امدرمان يا صديق الموج ما تتغزل في بتنا
الكنداكة عزاز وهل نطيق وداعك يا اخت محمد حسن عالم شريف يا اخت شهداء كجبار في كدنتكار يا محمد عبدالماجد الصايم عوزاز كالشمس تتنقل وهي مضيئة فيشاهدها الجميع
12-19-2011, 11:03 AM
حمزاوي
حمزاوي
تاريخ التسجيل: 10-10-2002
مجموع المشاركات: 11622
Quote: ولكن عزاز اكدت ان البطلات الحقيقيات يشبهن النساء العاديات.. وجه طفولى نونه غارقه فى السرور، عينان كأنهما لؤلؤتان وصوت انثوى رقيق وقوام فارع ومشية واثقة..
هووووي يا عربى يا جنى امدرمان يا صديق الموج ما تتغزل في بتنا
الكنداكة عزاز وهل نطيق وداعك يا اخت محمد حسن عالم شريف يا اخت شهداء كجبار في كدنتكار يا محمد عبدالماجد الصايم عوزاز كالشمس تتنقل وهي مضيئة فيشاهدها الجميع
12-19-2011, 11:07 AM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
Sorry, I do not have Arabic Keyboard here. Greetings to our beloved sister: (Ms. Azaz Shami). I hope that she will remain fine all the time and will continue her progress, success and improvement where ever she goes. With best wishes; Sincerely; Hani
12-19-2011, 11:18 AM
صديق الموج
صديق الموج
تاريخ التسجيل: 03-17-2004
مجموع المشاركات: 19433
Quote: فى زمتك الدخلتوهم القصر الجمهورى مساعدين ومستشارين ديل مخ اذدهار دى ما بوزن بلتون زيهم؟ انت عارف الدليل انو الوظائف بعرضها الامن هو عدم استيعابك انت وشغلوك بالقطعه وقدر ما حاولت تتسلل عبر البوابه الاعلاميه عجزت لانو الموارد البشريه مسؤولية لواء الامن كمال عبد اللطيف.. ولو داير دليل اسأل ميادة كمال،،،
يا جِدو الموج ياخي المُعارضة دي من يوم ما دخلوها النّوع الزيّك اللي عمرو خطوتين و القبُر و قاعِد قِدّام الويب كام فاتح المسانجر مع بِت قدُر أصغر حفيدة عِندو يحاول ان تبادل معاها الصُور و يجي يحاول إغواءها بتعرية نفسها مام الكاميرا ليبتزّاها لينا لاحقاً هِنا في الأون لاين بلا خجلة من اليوم داك نِحنّا ختّينا رجِل فوق رِجِل و عِدمنا الشّغلة و حرمونا بدل العفن الكان بيدّونا ليهو
أها ما لقيت فُرصة تنشُر لينا صور دينا (زميلة المنبر المحترمة) كما كُنت قد هدّدت وتوعّدت و أرغيت و أزبدّت أيُّها العجوز الخرونق؟
طبعاً نوعك دة بكون عامل فيها من خلف الشاشة "شاروخان" بينما تسيل ريالتك من تحت الطقِم و تدُق في حُقّة الصّعوط لتكشح سفّتك تحت اللسان
يا جِدُّو الموج سِمعتا لي بي واحد رخييييييييييييييس كِدا في بلدكم ديك قالوا بيبني "بالقطِعة" بس ما زي قِطعتنا الإنتا قاصِدا دي دة قِطعوا كبيرة كبيرة شي سراميك شي أسمنت شي طوب شي ما عارف شي
أووووووووووووووووعا تكون دة إتّا
قال ليك يكتِب في الواحِد و يشيل حالو ويمشي يضّحك ليهو في مكتبو أو بالتّلفون ويشبكو ليك بعد داك والله يلا فلان الحالة بِقت صعبة و الزّهج هو الخلانا نكتِب كِدا هسِّي بيتي ناقصو السّراميك لي هسّي ما تمِّيتو
و أحيييييييييييييييي يا عوضية بِتاعت ود القُريش ديك
أها نِحنا غايتو كان الله فتح علينا ووصلنا مرحلة القِطع دي بنقطُعوا مع العاليمن جميع ألفين صِفِر
12-19-2011, 11:41 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
هووووي يا عربى يا جنى امدرمان يا صديق الموج ما تتغزل في بتنا
الكنداكة عزاز وهل نطيق وداعك يا اخت محمد حسن عالم شريف يا اخت شهداء كجبار في كدنتكار يا محمد عبدالماجد الصايم عوزاز كالشمس تتنقل وهي مضيئة فيشاهدها الجميع
حمزاوى ما تتدخل بين الشباب يخى وانت زاتك ما معزوم معانا،،،
12-19-2011, 03:26 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
جِدُّو الموج شحّات السراميك و الأسمنت و الطّوب الأوّل من أهل النِّظام ظااااااااااااااااااطم
أنا جدّة دي شوفتي ليها لمّا دخلتا للملكة أوّل مرّة سنة 2001
أنا كُنتا قاعد في الرِّياض و من بوردابها لخمس سنوات ولحدِّي ما رجعتا نهائي كُنتا قاعِد مع عُمر الفاروق في مكتب واحِد و ودّعوني بورداب الرِّياض جميعهم على رأسهم مُعتصم دفع الله و تمبس و شتات و الفاروق وفي يوم من الأيّام إتلاقينا لمّا فكّيتا في بورداب الرِّياض إنّك ماشي السُودان نهائي مُبتعث لوظيفة جيت أنا واحد من النّاس ودّعتك مع المُودِّعين لو ما خرّفتا لِسّع ومُمكِن تتذكّرني
ياربي نكون ودّعناك في جدّة
لكن شحدة السيراميك و الطّوب و الأسمنت وقعدة الويب كام لواحد عجوز زيّك يغازل في بنات البورد ليبتزّاهن لاحقاً إنت المقصود بيها تحديداً
12-19-2011, 03:34 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
غايتو النّاس البتغُش فيهم و تلمِّع ليهم نفسك على إنّك مُناضِل كبير و إنتا راكِب فوقم زي المطايا لتحقيق مآربك الرّخيسة من أهل النِّظام لو عرفوك على حقيقتك و إنتا بتستغل وجودك معاهم في مُعسكر المُعارضة لابتزاز أهل النِّظام سيراميك .. طوب .. أسمنت و علينا جاااااااااااااااااااااااي
و تضحك على ياسر بيناوي و تِتمسخر عليهو و إنتا فايتو بهناك و بالمُناسبة ياسر بيناوي دة أنا أوّل زول كشفتو هِنا في المنبر دة من أيّام الإنتخابات إنُّو جا و باع القضية عدييييل ولو بحثتو في الإرشيف ستجدون كشف الحال دة
و أهو جا يوم كشفك مدام بقيت ترمِّي في الكلام من طرف
12-19-2011, 04:31 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
Quote: Sorry, I do not have Arabic Keyboard here. Greetings to our beloved sister: (Ms. Azaz Shami). I hope that she will remain fine all the time and will continue her progress, success and improvement where ever she goes. With best wishes; Sincerely; Hani
عزاز شامى نقية كما البلور حنينة كام او يزيد هميمة تقوم على قضاء حوائج الناس بسعادة بالغة اشفق عليها عندما اكلفها بشىء، اشهد الله تنصرف حتى عن مسؤولياتها الجسام لتفرح طالب حاجة. يستوى عندها الذى جعل لباسا والذى جعل معاشا فى سبيل انجاز مهمة مؤكلة لها.. عزاز بخلت علينا المعاجم ان تجود ببعض ما يفيك حقك..فلنتنادى يوم الاربعاء لتكريمك فحضورك يوم الصحفيين اكبر تكريم لى انا شخصياً،،،
12-19-2011, 05:56 PM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
عزاز العزيزة عليهم كلهم اتصالات كثيرة وردتنى كلهم حزين لمغادرتك متمنيين لك التوفيق حلاً وترحالاً، استوقفتنى احداها من اخونا الشيخ صالح (بسبب الايقاف ونناشد الاخ بكرى باعادته) الشيخ يقول: عزاز سوف ترحلين كما هو حال الدنيا وكما هى المشئيات ولكن سوف يظل عبق ماعطرتى به هذا المكان الى ابد الدهر يفوح كلما هبت رياح اشواقنا وكثيراً ماتفعل.حفظك الله اين ما حللت فانت من القلائل الذين يتركون بصماتهم فى قلوب الناس وعيونهم، رعاك الله من نسمة لطيفة،،،
12-20-2011, 10:25 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
مُتسوِّل الهيئة الدبلوماسيّة بِتاع الطوب و السيراميك و الأسمنت شايف المعلومة بتاعت شحاتّك الدبلوماسيّة دي حرقتك شديد لمّا مشيت تبحِّت في تأريخي ناصع البياض الذي لن تجد فيه ما يسُرّك أبداً
Quote: شحاد من الاجانب كمان، يعنى كان قريت ليك سنتين فى الجامعه دى كان فلست بالهند كلها،،،
قُلتا لي سنة و سنتين يا الفضّل ليك سِنّتين في خشمك و الباقي تامِّيهو طقِم و جاري للقيل و القال
مع إنُّو فِلِم الهِند دة خشّيناهو هِنا عشرين مرّة و كل الدخلو بلع زي ما حتبلع إتّا كدي قول لي جاري تبحِّت في تأ{يخي قُصاد التُّهمة المنسوبة ليك دي ليه؟ قايلني خِرّيج ثانوي زيّك
مع احترامي طبعاً لخريجين الثانوي أصحاب الضّمائر و المبادئ و القيم
ياخ سُقوطك بِقا مُريع يا مُتسوِّل
Quote: قابيتا
يعني إتّا أنا كان وصلتا معاك و جِبتا ليك صُورة السيراميك و الطّوب و الأسمنت شكلك حتغنِّي لي هندي عدييييييييييييل هِنا
ود الباوقة يا حبيب جِدُّو بِتاع المسنجرات بعدما فضحناهو كمُرتزِق و مُتسوِّل من كتاباتو هِنا يكتب بي جاي و يمشي يتضحّك لي الجّماعة و يشبكم ليك الظروفو الحالة سعبة وحريف حرفنة ما بطلب إلا طوب و أسمن و سرياميك أها جاب آخرو تب
Quote: انا خريج ثانوى دى كاتبه فى بروفايلى من شدة ما عا########ى لكن ناس اولى جامعه فى الهند دى شنو ثانوى عالى جداً قلت لى بالله ما بتعرف قابيتا ياخى دى ما اخت تابيتا اما انك متسول.. كدى حاول عبر جهاز المتسولين الكانوا بالخارج يمكن تعيش قال مكتب قال.. قوم لف بلا شحده معاك.. بعدين انا تمو لى عمارتى طوب واسمنت وسيراميك انت رقشه استكتروها عليك ليه؟؟؟؟ كدى طلع فضايحهم وعريهم زينا الدبلماسيين الاوغاد ديل يمكن يدوك فى الفلل الرئاسية دى.. بدل يكون البتاع منك،،،،
بعدما جاب الوهمة بتاعت طردي من جدّة التي لم أكن أعمل فيها يوماً ولو ليوم واحد جاب ليهو وهمة إسمها الهند و أسماء ما أنزل الله بها من سُلطان
تابيتا و قابيتا إلا غايتو تكون قاصِد تابيتا بُطرس القدُر بِتّك و تكون أكبر مني بي 30 سنة
12-20-2011, 10:43 AM
صديق الموج
صديق الموج
تاريخ التسجيل: 03-17-2004
مجموع المشاركات: 19433
Quote: بتعرف جع...... البقرة ، طبعا لابكوموهو مع اللحم ولابسلخوه مع الجلد ده انت بالظبط والغريبه بعض الناس سمعوا بيك تجى لى زوله كانت وزيرة وعضو مجلس تشريعى ومحامية يافطة مكتبها اكبر من مكتب التسول القاعد فيه انت ده تقول البسمع بيها منو؟ اما متسول بحق بعدين قابيتا ماسمعت بيها قلت لى.. ياخى ولى النعمة الزول ما بنساهو ابداً عالم زى القطط تاكل ما تقرش،،،، قوم لف،،،
قُلتا لي يا جِدُّو مُتسوِّل السيراميك و الطوب و الأسمنت من الدبلوماسيين بتسأل عن أنيقة الحرف و العبارة عُزاز شامي و أنت تتلفّظ بمِثل هذه الألفاظ يا عجوز النّحس
لكن عادي عليك الأساليب دي مُش إتّا البي كُبرك دة جيت فاتِح ليك بوست تُهدِّد زميلة بالمنبر العام و بتقول إنّك قعدّتا معاها في المسنجر و عرضت ليك صورها عارية و حتجي تنشُرا
و عُزاز البتسأل عنّها دي واحدة من النّاس جات و استهجنت أُسلوبك الرّخيس زيّك دة؟ أها لِسّع بعدما بلغت من العُمر عِتيّا برضو قاعِد قُصاد الويب كام؟
12-20-2011, 10:40 AM
Elawad Eltayeb
Elawad Eltayeb
تاريخ التسجيل: 09-01-2004
مجموع المشاركات: 5319
Quote: صديق الموج .. بعد التحية لم أفهم ماذا يدور هنا .. تكريم عزاز شامي .. تستحق أكثر من تكريم من جميعية الصحفيين السودانيين واصدقاءهم والذين قرأوا لها
خبرونا بالمواعيد ..كي نبشر ففعصاميين حق علينا
عجبني تجاوزك المهاترات ..
محمد حلا ......سلام شهادة مثلك تفتخر بها عزاز نتمنى حضورك غداً الاربعاء والاشتراك فى مراسم التكريم فعلا سوف نفتقد عزاز جداً،،،
12-20-2011, 11:12 AM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: وليد سلامات و كل عام و انت بخير و ضيوفك طيبين ...
في ظل ما يحدث في هذا البورد يوميا من انتهاك لخصوصيات الأعضاء و غير الأعضاء لمجرد خلاف في وجهات النظر، أجد مبررا كافيا لأي شخص رجلا كان أو امراة بالتحفظ على خصوصيته ما دامت حريته في "التخفي" لا تتغول على حرية الآخرين ...
فضيلة الوضوح و طرح الاوراق المكشوفة غير مربحة هنا والأصل هنا التعدي لا العدل أو النبل في الخصومة...
من حق "الانسان" الذي اختار اسم "دينا خالد" ان يكون كما أراد ولا شأن لنا بما يدوربين الأعضاء خارج إطار البورد ولا وصاية لنا على أحد ...
مُتسوِّل الهيئة الدبلوماسيّة طوب .. أسمنت .. سيراميك شوف رد أنيقة الكلمة و العبارة عُزاز التي جئتنا تتباكى على مُغادرتها لهذا المكان في الغُثاء الذي كُنت تفعله وفي مُراهقتك المُتأخِّرة التي أجلستك على كِبر أمام الويب كام و الماسنجر تطلب من البنات صورهن عاريّات لتأتي و تُجزِم أن زميلة منبر أرسلت لك صُورها عارية و إنّك تُهدِّد بنشرها على الملأ
بالله ما بتخجل تجي بعد كِدا تسأ عن عُزاز
يا مُتسوِّل؟
12-20-2011, 11:55 AM
صديق الموج
صديق الموج
تاريخ التسجيل: 03-17-2004
مجموع المشاركات: 19433
عزاز شامى نخلة من نخلات السودان الشامخات وابنوسة من ابنوساته الباذخات.. كجبل البركل طولاً وفى عراقة اهرامات مروى راسخة المبادىْء ، مقدامة فى شجاعة اسد نودعها ونتمنى ان لو يودعنا صفو الحياة وإنا لا نودعها عزاؤنا اننا سوف نحكى لاحفادنا اننا عشنا فى زمن عزاز شامى تمددت فى حياتنا كقوس قزح بهى الالوان زمناً عزاز سوف نعض اصابع الندم ان لم نستطيع ان نربط انفسنا الىك كما فعل السندباد يوم ان ربط نفسه الى ريش الرخ واننا اضعناك وتركناك تنسربى من بين اصابعنا مثلما يفر الماء من الغربال.. عزاز امنياتنا لك بحياة حافله تسبقك الى حيث سوف تحلين وسوف تظلين بيننا كدمعه ثقيله فى عيون طفلة برئية.. رعاك الله شقيقة الروح حيث تمضين.. رحلتُ فكَمْ باكٍ بأَجفان شادِنٍ عَلَىَّك وكم باكٍ بأَجفانِ ضَيْغَمِ ،،،
12-20-2011, 11:42 AM
Faisal Elrasheed
Faisal Elrasheed
تاريخ التسجيل: 07-02-2008
مجموع المشاركات: 4713
Quote: تدُق في حُقّة الصّعوط لتكشح سفّتك تحت اللسان
يا علاء.. اعجبني هذا الوصف التفصيلي لتلك الحاله التي تعتري ( المصعطاتيه ) او (السفافين) والذين كنت عضو معهم حتي اواخر السبيعنات حين ذهبت الي الحج عام 1978 وقد كانت لنا طقوسنا في السف فلم نكن نسف الا من صنع يدنا .. اذكر انني في عام 1976 قد احضرت معي جوال من التمباك من نيالا وكنت انذاك اعمل في السكه حديد فأحب احدهم ان يكرمني فأهداني جوال من التمباك درجه اولي ففرحت فرحا شديد ودعوت له بالتوفيق والسداد والبنين والبنات وحين عودتي للخرطوم قمت بتوزيع نصفه علي الاصدقاء والاقاراب فقد كانو جميعا (يسفون سفا شديدا ) وكانت من اغلي الهدايا بالنسبه لهم .. واذكر انه كان لي صديق يعمل بالبريد اسمه مفتاح الله جابو هو من علمني اسرار (تمطير) التمباك وكيفية تركيب معادلاته ... رحم الله مفتاح فقد سمعت انه قد توفي نواحي بورتسودان بعد التحاقه بالمواني البحريه عام 1984 وانقطعت اخباره انذاك .. نعود الي وصفك والذي ادخلني في حاله من الشوق الي تلك الايام ... ايام قهوة الزيبق والتوتو كوره وزقاق ابو صليب .. وام فتفت في زنك الخضار .. اما مرحلة سف التمباك تحت اللسان فهي من المراحل الخطيره جدا فتحت اللسان منطقه حساسه ولا يلجأ للسف فيها الا من فقد الاحساس بالتمباك في احدي (شلاليفه) والتي قطع شك تكون قد اهترأت من (السف ) ليل نهار فأصبح لا يتكيف الا اذا سف تحت لسانه .. سوف ارفد هذا البوست ببعض الصور التي توضح مضار التمباك ناهيك عن (السف) تحت اللسان للفائده العامه ..
مع امنياتي لك بالتوفيق .. وسفا هنيئا
عمك فيصل .. حمرة الشيخ .. حزيران .. ايلول 2011
12-20-2011, 12:16 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
فتاة كما المهرة - دوماً في المقدمة - تتفوق على نفسها
تحية لها أينما حل بها السفر - وطاب لها المقام
وإذا وصلتنا الدعوة فإننا حضور بإذن الله
العوض الطيب ......سلام اولاً هذه دعوة منى ومكان وزمان الاحتفال موضح فى البوست فعزاز تستحق كل احتفاء وتقدير وتكريم.. عزاز ستظل فينا ما دمنا احياء.. فشروقها فى حياتنا لم يكن شئياً عابراً فقد كانت فينا حركة وسكون وكانت حضوراً حين غاب بعض الرجال.. جاهدت القبح هنا طويلاً حتى ملاها النضال ومازالت لها التحية هذه الانسانه تلك العزاز،،،
12-20-2011, 12:20 PM
محمد الامين احمد
محمد الامين احمد
تاريخ التسجيل: 08-28-2004
مجموع المشاركات: 5124
سيف بخيت .....كيفك يازول يا كيك نحتفى هنا بعزاز ونزف خبر سفرها و الحسرة تملانا لفراقها ولكن بخاطرى قول الامام الشافعى رضى الله عنه:
ما في المقام لـذي عقـلٍ وذي أدبٍ ***من راحة فدع الأوطـان واغتـرب سافر تجد عوضـاً عمـن تفارقـه***وانصب فإن لذيذ العيش في النصـب إني رأيـت وقـوف المـاء يفسـده***إن ساح طاب وإن لم يجر لم يطـب والأسد لولا فراق الأرض ما افترست***والسهم لولا فراق القوس لم يصـب والشمس لو وقفت في الفلك دائمـة ً***لملها الناس من عجم ومـن عـرب والتبر كالترب ملقـي فـي أماكنـه***والعود في أرضه نوع من الحطـب فـإن تغـرب هـذا عـز مطلـبـه***وإن تغـرب ذلـك عـز كالذهـب
12-20-2011, 12:57 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
Quote: تقيم جمعية الصحفيين السودانيين بالعاصمة الرياض حفل تكريم للاستاذة عزاز شامى نائبة رئيس الجمعيه بمناسبة سفرها النهائى وذلك يوم الاربعاء 21/12/2011 ..
شكرا يا حبيب على الدعوة وإن شاء الله حضور
وارجو أن تسعفني بموقع حفل التكريم
مع وافر التقدير
عوض الطيب 0505777956
12-20-2011, 02:02 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
العوض الحبيب المكان استراحة نورماس بمخرج 18 وانت جاى من اتجاه العرب بطريق الخدمة ومتجه شرقاً بطريق الخدمة توجد استراحة نوفا ادخل معها يمين واتركها يساراً وسوف تكون متجه جنوباً.. الاستراحه التى تسد هذا الطريق هى استراحة نورماس حبابك الف،،،،
12-20-2011, 02:43 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا علاء.. اعجبني هذا الوصف التفصيلي لتلك الحاله التي تعتري ( المصعطاتيه ) او (السفافين) والذين كنت عضو معهم حتي اواخر السبيعنات حين ذهبت الي الحج عام 1978 وقد كانت لنا طقوسنا في السف فلم نكن نسف الا من صنع يدنا .. اذكر انني في عام 1976 قد احضرت معي جوال من التمباك من نيالا وكنت انذاك اعمل في السكه حديد فأحب احدهم ان يكرمني فأهداني جوال من التمباك درجه اولي ففرحت فرحا شديد ودعوت له بالتوفيق والسداد والبنين والبنات وحين عودتي للخرطوم قمت بتوزيع نصفه علي الاصدقاء والاقاراب فقد كانو جميعا (يسفون سفا شديدا ) وكانت من اغلي الهدايا بالنسبه لهم .. واذكر انه كان لي صديق يعمل بالبريد اسمه مفتاح الله جابو هو من علمني اسرار (تمطير) التمباك وكيفية تركيب معادلاته ... رحم الله مفتاح فقد سمعت انه قد توفي نواحي بورتسودان بعد التحاقه بالمواني البحريه عام 1984 وانقطعت اخباره انذاك .. نعود الي وصفك والذي ادخلني في حاله من الشوق الي تلك الايام ... ايام قهوة الزيبق والتوتو كوره وزقاق ابو صليب .. وام فتفت في زنك الخضار .. اما مرحلة سف التمباك تحت اللسان فهي من المراحل الخطيره جدا فتحت اللسان منطقه حساسه ولا يلجأ للسف فيها الا من فقد الاحساس بالتمباك في احدي (شلاليفه) والتي قطع شك تكون قد اهترأت من (السف ) ليل نهار فأصبح لا يتكيف الا اذا سف تحت لسانه .. سوف ارفد هذا البوست ببعض الصور التي توضح مضار التمباك ناهيك عن (السف) تحت اللسان للفائده العامه ..
مع امنياتي لك بالتوفيق .. وسفا هنيئا
عمك فيصل .. حمرة الشيخ .. حزيران .. ايلول 2011
يا عمُّو فيسل لكن ما عصرنتا على جِدُّو دة يا حبيب مُتسوِّل الهيئة الدبلوماسيّة طوب .. أسمنت .. سيراميك
12-20-2011, 02:47 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
التحية للاخت عزاز شامي هذه الانسانة المناضلة والناشطة والفاعلة في منظمات المجتمع المدني بالرياض والتي سنفتقدها كثيرا
شكرا العم صديق الموج
الاخ علاء الدين
تحياتي
هذا البوست له مناسبة خاصة فارجو ان تختار لمعركتك مع الاخ صديق الموج مكان اخر غير هذا البوست فلا داعي لاغراق البوست فقد اوصلت رسالتك من اول مداخلة وان كان العم صديق الموج بهذا العمر الكبير واساء لك فارجو ان تكون انت الذي في مقام ابنه مسامحا فالعفو من شيم الكرام فاين العفو عن المقدرة .... عموما انت حر ولكن هذا البوست في تقديري عن مناسبة خاصة فاناشدك ان تتوقف عن التداخل فيه وافتح ما تشاء من بوستات .
وشكرا
12-20-2011, 02:58 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
عزاز يا قطعه من كبد الوطن سوف يفتقدك الاخوان والاخوات فى الجمعيه كلما ادلهم خطبهم فقد كنت رأس رمحهم وجبهة كفاحهم وواسطة عقدهم.. سوف يفتقدك اهلك فى تجمعات الشمال فقد كنت لسانهم الذرب عفيف العذبات وسيفهم الماضى المسلط ضد كل جلاد.. عزاز هذا بوست احتفائى بك فهلا نحن واجدون من حروف ما يليق بعلو كعبك وكل كلمه دون مقامك السامى فى قلوب الناس؟؟
12-20-2011, 03:19 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
Quote: التحية للاخت عزاز شامي هذه الانسانة المناضلة والناشطة والفاعلة في منظمات المجتمع المدني بالرياض والتي سنفتقدها كثيرا
شكرا العم صديق الموج
عمر العزيز ..........سلام واحس ماتكتب تماماً وكل الاخوان فى الجمعية وفى مجتمع الرياض لسان حالهم: شال هم فرقتك قلبى ومعاك ياريتو لو يرحل عزاز إمراة بقامة وطن.. لها الامانى الطيبات حلاً وترحالاً وراك وقدامك عديله يا باذخة،،،
12-20-2011, 05:34 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
التحية عبركم أخي صديق الموج للاخت الاستاذه عزاز شامي فهذا تكريم صادف اهله فالأخت عزاز تستهال التكريم والإحتفاء بها وسنفتقدها قلما جريئا من اقلام بورداب الرياض ولكن هي سنة الحياة تجمع لتفرق وتفرق لتجمع ،، خالص تمنياتي للأخت عزاز بالتوفيق في مقبل ايامها ،، وايضا احيي الأستاذ حسين حسن حسين فهذا الرجل العصامي الذي يستحق ان نكرمه على كل عطاءه اللامحدود من خلال جمعية الصحفيين بالمملكة فله مني تحية خاصة واتمنى له ايضا التوفيق والسداد في كل خطواته ... وأعتذر اخي صديق عن عدم تمكني من الحضور وذلك لوعكه صحية بسيطه المت بي والحمد لله الآن في طور التشافي وأتمنى لكم قضاء ليلة حافلة بالمتعة والسعادة ..
تحياتي : ياسر العيلفون
12-21-2011, 03:08 PM
عبدالله ود البوش
عبدالله ود البوش
تاريخ التسجيل: 08-12-2009
مجموع المشاركات: 6700
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة