كتب الكاتب الفاتح جبرا المتوفرة بمعرض الدوحة
|
|
 لاعب سودانى موجوع فى قطر / كتب
|
كتب / طارق أحمد المصطفى
الميداليات جات بالصدفة .. زي البعثة لافيهو علم ولاإسم وإتلخيطت ألوانه مع أول غسلة .. الشنط إتشرطت من مطار الخرطوم .. مراسلة يشرف على سكن البعثة .. رؤساء إتحادات غير مشاركة حضروا للدوحة .. الدول كانت تلعب مع السودان وهى ضامنة للفوز لأننا حمام ميت
وصلتنى هذه الرسالة عبر الإيميل من لاعب سودانى موجوع ( نتحفظ على نشر إسمه ) حتى لايصاب بالضرر من ديناصورات الرياضة فى السودان ويفقد مستقبله الرياضى , هذا اللاعب موجود الآن فى قطر مشاركا مع منتخبه فى الدورة العربية أرسل هذه الرسالة يعكس من خلالها الحال الغير مشرف لبعثتنا فى قطر ساردا تفاصيل عايشها كمتابع عن قرب ونحن ننشرها فى هذه المساحة كما جاءت ودون تدخل ودون إدخال مساحيق تجميل عليها
الاخ طارق سلام
ما عارف اقول شنو كنت عارف اننا متخلفين في الرياضه لكن ما كنت متصور اننا ممكن نكون للدرجه دي .ما عارف ابدا من وين , خليك من الاعداد و المعسكرات و التغذيه و الكلام الكبار دا لاننا اصلا نحن كرياضين سودانين ما بنعرفو لكن قرينا عنو و سمعنا قالو الدول التانيه عندهم حاجات زي دي بس خلينا نقيف في سفرية الدوحه دي . نبدا من اللبس الاصلا ما معروف مصنوع وين و ماركتو شنو ومن اول غسله نزل و الاحمر اتلخبت مع الابيض و ما فيهو لا علم لا اسم السودان . نمشي علي الشنط الاتشرطت من مطار الخرطوم مما دعا اللاعبين لتغليفها بالبلاستيك و لا تعليق . نمشي للميداليات حتي اليوم الثامن ما عندنا و لا ذهبيه و احده . و لو راجعنا الميداليات الجات بنلقي كتير من الميداليات جات بالصدفه و القرعه او المنافسه اصلا فيها 3 لاعبين و نحن جينا الثالث و احرزنا برونزيه عشان الوزن اصلا فيهو 3. نمشي علي الاداره و نشوف الفوضي الاداريه الحاصله ابتداءا من السكن و التنظيم و الذي تم ترك امره لاحد الاشخاص الذين يعملون (مراسله) في اللجنه الاولمبيه علي الرغم من اجتهاده و لكن نتساءل اين الجيش الجرار من الادارين المصاحب و الغريبه عدد كبير من روؤسا اتحادات ما مشاركه اصلا في الدوره جو مثلا الهوكي , الجمباز , الكونغفو نفسي اعرف بيعملو في شنو . لا اريد انا اشخص اي من الرياضات و لكن اعتقد ان اي دولة لها مباراة مع السودان في اي منشط قد ضمنت الفوز لاننا معبر سهل يعني بالعربي حمام و حمام ميت كمان . نجي نتكلم عن المعدات الشاركنا بيها و التي اتضح ان اغلب الدول قد توقفت عن استخدامها ( قوس - بندقيه , مسدس , لبس , مراكب ) و جزا الله الاتحادات القطريه التي حفظت ماء وجه كثير من الاتحادات السودانيه . عن ماذا نحكي و عن ماذا نتكلم لدي سؤال كم عدد الادارين في كل منشط لهم سابق تاريخ رياضي ؟ و سؤال اخر ثم ماذا بعد هذه الفضائح في كل المناشط بلا استثناء كلها ؟ وسؤال و سؤال و سؤال . حتي تتم الاجابه علي اسئلتنا نحن كرياضين لن نسكت حتي نقتلع كل متطفل علي و كل صاحب مصلحه و نعيد للرياضه اهليتها و اهلها و هيبتها . الان لن نستطيع ان نرفع راسنا امام اي من الدول المشاركه نعم الفوز و الخساره و ارده في الرياضه و لكن عدم الكفاءه و الهزيمه المذله مؤلمه لنا كاصحاب وجعه .
**لاعب سودانى مشارك فى قطر
|
|
 
|
|
|
|
|
|
|
 Re: لاعب سودانى موجوع فى قطر / كتب (Re: نور الدين عثمان)
|
■بعد مرور اربعة ايام من دورة الالعاب العربية في الدوحة جاءت نتائج الالعاب السودانية المشاركة كارثية بمعنى الكلمة واكدت اننا بعيدين بمئات السنوات الضوئية عن اقرانهم في الدول العربية , وبالامس خسر منتخب اليد امام قطر بنتيجة 51 -10 وقبلها خسر منتخب السلة امام مصر 107 -56 ومن الجزائر 88-37 كما سحق منتخب الجزائر فريقنا للكرة الطائرة الشاطئية بشوطين في نصف ساعة علما بان اقل مباراة في الكرة الطائرة الشاطئية لايقل عن ساعة وعشر دقائق .
■وتوضح هذه النتائج اننا نعاني من فشل رياضي كبير اظهره المستوى الهزيل للاعبينا ولاعباتنا في الالعاب العربية الثانية عشرة , انه الفشل والتخبط الذي يحيط بمنظومة الرياضة السودانية والذي تتحمل الدولة الجزء الاكبر منه قبل اللجنة الاولمبية والتي لابد ان تخجل من هذه النتائج المخجلة والحصيلة المتواضعة لان كل الدول العربية حصدت ميداليات ولم يبقى خلفنا الا الصومال وموريتانا وجيبوتي وجزر القمر .
■هل هذا السودان الغني بالموراد البشرية , هل هؤلاء هم رياضيوا السودان الذي نحلم بان يكونوا دائما في القمة , هل هكذا نحن لم نتعود الا الفشل بسبب السياسة والسياسيين والحروب والمشاكل التي طالت كل اركان البلد واخرجت لنا هؤلاء اللاعبين الغير قادرين على الصمود امام اقرانهم .
■حشدت اللجنة الاولمبية عدد كبيرا من اللاعبين دون ان تعدهم بالشكل المطلوب وكانت النتيجة هذه النتائج الهزيلة في الالعاب العربية بالدوحة , انه وضع كارثي بمعنى الكلمة ولوكان هنالك أي ذرة من الاحساس وسط حشد الاداريين من الاتحادات الذي حضر الى الدوحة لاستقال اليوم قبل الغد بسبب مايحصل للالعاب السودانية في هذه الدورة .
■اتسأل ماذا كان يفعل هؤلاء اللاعبون وهذه الاتحادات قبل الحضور للمشاركة في الالعاب هل كانوا يتسكعون في شوارع الخرطوم وسافروا من اجل النزهة فقط , الا يعرف هؤلاء انهم بهذه النتائج يتسببون في جرح كبير للسودانيين الموجودين في دولة قطر , فابناء الجالية عندما يتابعون هذه النتائج الهزيلة يصابون بالصدمة الكبيرة .
■الغريب ان حصيلتنا في دورة الالعاب العربية الماضية والتي اقيمت في مصر كانت جيدة بعد ان حصدنا 11 ميدالية ذهبية ولكن حاليا حدث تراجع كبير ومخيف في كل الالعاب يدعونا للوقفة الجادة وايقاف ( التمثيل ) باسم السودان في هذه المحافل .
■قدرنا ان نعيش حالة من الفشل الكبير في السنوات الماضية بسبب تخبطات الادارات والتي ساهمت في دمار المواهب السودانية , ومصيبتنا في المسؤولين كبيرة بسبب مايحدث لنا حاليا من مهازل في الالعاب العربية .
■الكل يتسأل من زملائنا الاعلاميين العرب لماذا هو السودان بهذه النتائج رغم انهم يعرفون قيمة الانسان السوداني وقدرته الكبيرة على التحدي , وانا اجلس في ملعب الغرافة بالامس متابعا لمباراة منتخبنا مع ليبيا كانت الاسئلة الكثيرة تدور في هذه الاطار ولكنني لم اجد لها أي رد .
■منتخب الكرة رسم البسمة الوحيدة حتى الان بعد ان تخطى عقبة الفريق الليبي واصبحت فرصة الصقور كبيرة في الوصول الى نصف النهائي , وننتظر العاب القوى التي من الممكن ان تساهم في كسر حالة الحزن بسبب ماحدث من مهازل في الالعاب الجماعية والفردية بعد ان خسرنا ايضا في البلياردو والشطرنج والرماية وغيرها .
■نجح المدرب الديبة في ادارة المباراة مع الفريق الليبي بشكل جيد واحترمنا عمل هذا المدرب ولاعبيه لانهم عملوا للفوز وكانوا على قدر التحدي عكس بقية الالعاب والتي اصابتنا بالصدمة الكبيرة على مدار الايام الماضية .
** طبعا الكلام ده اتكتب قبل مباراتنا مع فلسطين واكيد عارفين الباقى ؟؟؟؟
| |
|
|
|
|
|
|
|
|
|
Re: لاعب سودانى موجوع فى قطر / كتب (Re: نور الدين عثمان)
|
طيش العرب فى الدوحه
محمد حسن شوربجى
[email protected]
وافضيحتاه فالسودان طيش العرب –
يقولون ان بعثة السودان المشاركة في البطولة العربية قوامها 276 فردا وبتكلفة اقامة للفرد 44 دولار لليوم الواحد والنتيجه حزن كبير لكل سودانى
وقد نقلت صحيفة الشرق القطريه وبطريقة ساخرة نتيجة مباراة منتخبنا لليد ضد الفريق المصرى 58 مقابل 5 وبما ان الصحفيين اغلبهم مصريين فقد كانت مقالاتهم غاية فى السخريه والاستهزاء وان هذه المباراة قد ادخلت دورة قطر موسوعة جنييس للارقام القياسيه حيث قال احد الصحفيين (وقف حكم مباراة اليد الاردني يضحك من اعماق قلبه حتي كاد ان يسقط علي ظهره من الضحك عندما سجل اللاعب السوداني علي الحاج هدفا من ضربة جزاء في مرمي منتخب مصر لانه اول هدف يسجله الفريق السوداني وجاء في الشوط الثاني بعد ان انتهي الشوط الاول 27 صفروجاء الثاني ومصر متقدمة 41 والثالث ومصر لها 49 والرابع والنتيجة 51وبعد الهدف 58 سجل هاشم الهدف الخامس.
واضاف (كانت مباراة كوميديه ادخلت هذه الدورة الموسوعة العالميه وادخلت لاعبي مصر التاريخ بانتصارمثير لم يحدث في تاريخ الدورات العربيه وقد اعجبني عدم ياس لاعبي السودان واصرارهم علي التعلم ووقف مدربهم يشرح لهم الاخطاء في الوقت المستقطع وكنا نضحك فماذا يقول المدرب للاعبيه وفريقه مهزوم بفارق اكثر من خمسين هدف , انتهى
واليوم كانت الكارثه الكبرى وحين خسر منتخبنا الوطني من نظيره الفلسطيني بهدفين دون رد الهدف الاول جاء في الدقيقة 39 احرزه علي الخطيب .. والهدف الثاني جاء في شوط المباراة الثاني عن طريق اللاعب اسماعيل عمور و جاءت المباراة غاية فى السوء من جانب المنتخب السوداني الذي ظهر تائها وبعيدا عن مستواه وبدأ التوتر ظاهرا علي اللاعبين وجهازهم الفني الذي طرد شر طرده بعد الاحتجاجات المتكررة علي حكم اللقاء ولقد عجز منتخبنا عن فرض اسلوبه وكان حارس مرماهم ضيف شرف اللقاء اذ لم يتلقي مرماه اي تصويبة خطيرة ولعب منتخبنا دون خط هجوم ولم يضف دخول عنكبة اي جديد علي اداء المنتخب ولولا تألق الحارس اكرم الهادي الذي انقذ مرماه من اهداف محققة لكانت النتيجة كارثية علي المنتخب السوداني .. وزادات الامور سوء بعد ان اخرج الحكم البطاقة الصفراء الثانية للمهاجم نصر الدين جوجو وبالتالي طرده من ارض الملعب ليلعب المنتخب ناقصا منذ الدقيقة 37 من زمن الشوط الاول .. وبعده طرد الحكم المدرب محي الدين الديبة ومساعدة محسن سيد الامر الذي جعل اللاعبين اكثر توترا ..
وبهذه النتيجة يكون منتخبنا قد ودع البطولة وفي رصيده 4 نقاط .. مثل منتخبنا في هذا الشوط اكرم الهادي وانس ابراهيم ـ ضفر ـ بويا ـ سعيد السعودي ـ امين ابراهيم ـ محمد احمد بابكر ـ ومنتصر ربيع ـ وعروة الطيب (عنكبة) ـ وحمزة ادم نصر الدين جوجو (
وهكذا لحق منتخبنا بباقى المنتخبات والتى خيبت كل الآمال وهى تقدم عروضها الباهته فى دوحة العرب واليكم بعض النتائج :
♦الكرة الطائرة رجال المباراة الاولي هزيمة من مصر 3 -1 بالاشواط ،25/15 ، 23/25 ،25/12
♦ كرة السلة رجال مصر والسودان 107/56
♦التنس الارضي رجال قطر 3 السودان 1
♦الكرة الشاطئية السودان لبنان هزيمة كالاتي21/ا7 ، 21/9 - 2/0 صفر
♦ايضا الكرة الشاطئية السودان قطر 21/9 ،21/11 في المجمل 2/0 ثالثا الكرة الشاطئية السودان الجزائر خسارة 21/11، 21/11 في المجمل 2/0 صفر
♦في الكرة الشاطئية ايضا خسر السودان من فلسطين 21/9،21/11
♦وفي الشاطئية خامسا خسر السودان من اليمن
♦البلياردو المبارة الاولي هزيمة 7/3 الثانية 7/3 الثالثة فوز اللاعب السوداني 7/6 ا
♦التنس خسارة من ليبيا 3/1
♦الطائرة رجال هزيمة من الجزائر 3/0 صفر السلة رجال هزيمة من الجزائر 88/37
♦في الجودو خسر المنتخب من مصر واليمن
♦تنس الطاولة فرق سيدات لبنان ضد السودان هزيمة 3/0 تنس الطاولة البحرين ضد السودان هزيمة 3/0
♦اما مباراة منتخب السودان مع مصر في بطولة اليد كانت مفاجاة للمصريين انتهت الشوط الاول من المباراة 26/0 وانتهت كل المباراة 58/5
♦محصلة السودان كانت خمسه ميداليات 2 فضية و3 برونزية
البديل اخوتى لكل هذه الاخفاقات الرياضيه هو حل كل الاتحادات الرياضيه وابدالها بكفاءات شبابيه عصريه تقود الرياضه بعقل عصرى وليبتعد عنا كل ديناصورات الرياضة والذين قادوا السودان الى فشل مركب ونحن فى مطلع 2012
لماذا تهيمن هذه الهياكل العظمية على هذه الاتحادات ؟
اسماء ثابته ( مكنكشه ) على الاتحاد الفلانى وقد جعلت الاتحاد ضيعة من الضياع
نتمنى اخوتى ان تصدر مراسيم رئاسية تعجل برحيل هذه الاتحادات الهزيله و تبعد كل مدمنى الفشل الرياضى والذين يدعون امتلاك الخبرات
خبر محزن :
قالوا ان لاعبة الرماية قد وصلت الدوحة برفقة زوجها وطفلها وبدون مسدس وتم منحها مسدس من الاتحاد القطري وفشلت في تحقيق اي نتيجة وهي لاتملك مسدس وغير مؤهلة للمنافسة وان والدها هو رئيس اتحاد الرماية ورئيس بعثته وفوق ذلك امين مال اللجنة الاولمبيه .
انها اخوتى مهازل الرياضة فى بلادى والى الله المشتكى
نشر بتاريخ 18-12-2011
والله الواحد حاسى بالقهر ياخى ...
| |
|
|
|
|
|
|
|
|
|
Re: لاعب سودانى موجوع فى قطر / كتب (Re: نور الدين عثمان)
|
خبر محزن :
قالوا ان لاعبة الرماية قد وصلت الدوحة برفقة زوجها وطفلها وبدون مسدس وتم منحها مسدس من الاتحاد القطري وفشلت في تحقيق اي نتيجة وهي لاتملك مسدس وغير مؤهلة للمنافسة وان والدها هو رئيس اتحاد الرماية ورئيس بعثته وفوق ذلك امين مال اللجنة الاولمبيه .
انها اخوتى مهازل الرياضة فى بلادى والى الله المشتكى
*** هو نحنا ناقصين بلاوى
| |
|
|
|
|
|
|
|
|
|
Re: لاعب سودانى موجوع فى قطر / كتب (Re: نور الدين عثمان)
|
سلام يا نور الدين و تحياتي
انا ما عايز اتكلم عن مشاركة السودان فى البطولة العربية
انا عايز اشيد بالكابتن دا و اقول ليهو ياخ شكراً و الله فرحته
أنو في لاعب في السودان دا (حالياً) ممكن يكون مهموم بمشاركات
السودان الدولية .
الف شكر يا كابتن و الله بسطتنى انو في لاعب رياضي سوداني
بفكر في السودان و مشاركاته الخارجية .
ما عايز اشمل احتمال يكون في اخرين بس ما لقاني شاب رياضي
بكتب رسالة و يشرك فيها الناس .
تحياتي لكم الاتنين .
| |
|
|
|
|
|
|
|
|
Re: لاعب سودانى موجوع فى قطر / كتب (Re: صديق الموج)
|
Quote: ياشباب دائماً انظروا الى النصف الملىء من الكوب.
الحمد لله الاداريين اشتروا قطع غيار لسياراتهم المعطوبه
والشاشات البلازما الرخيصه دى والستائر والملايات..
فى مكسب اكتر من كده؟؟ |
والاحتكاك
ياخي ديل سفلة وواطين بشكل
| |
|
|
|
|
|
|
|
|
|
Re: لاعب سودانى موجوع فى قطر / كتب (Re: نور الدين عثمان)
|
| Quote: ياخي ديل سفلة وواطين بشكل |
لو كان هناك مسئول يحاسب مسئول فالمفروض أن يحاسب الشعب السوداني كله هذه البعثة فرداً فرداً فرداً
هؤلاء لا يهمهم السودان ولا السودانيين
بل اتخذونا مطية لتحقيق اهدافهم من التمتع بكم يوم سكن راقي واكل نضيف
اكلوا حقنا في بطونهم وملوا بيها كروشهم التي لا تمتليء
يارب الحساب عجل بحاسبهم في الدنيا قبل الآخرة
الصادق
| |
|
|
|
|
|
|
| |
نور الدين عثمان
محمد إبراهيم علي
سفيان بشير نابرى
صديق الموج
Abd-Elrhman sorkati
الصادق صديق سلمان
فيس بوك
تويتر
انستقرام
يوتيوب
بنتيريست