صفحة بطل فيديو مهزلة نافع بجامعة الخرطوم على الفيس بوك

Quote: النص: د. نافع ده مكتبو ما كان بدى للاسلاميين عشان يجتمعو فيهو ..لأنو خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناها ليهو ذاتو ... لانو في زمن الانقاذ ياما الناس اخدت درجات علمية في الوضو و ما عارف شنو , الشعب السوداني ليهو الفضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبد السلام الـ عشان المرتبة جريتوهو من داخلية النشر و الزول الكتلو اسه معتمد في الدولة الاسمها السودان بتقيموهو وبترقهو الجر محمد عبد السلام من الطابق الرابع براسو لحدى الواطة وكتلتوه ... تتكلمو عن الاخلاق والاسلام والله الاسلام برئ منكم براءة الذئب من دم ابن يعقوب لكن بنقول اذا الشعب يوما اراد الحياة فلابد ان يستجيب القدر... البنعمل فيهو نحن ده كلو انا فى تقديرى كلام فارغ مسألة انو نخش ليك ونناقشك ونثبت ليك انو انت كعب والمصحف الشريف انت بجوة نفسك مقتنع انو انت اسواء من وطئت قدماهو الثرى اسواء من وطئت قدماهو الثرى واكتر انسان ضيع الحقوق فى البلد دى لكن لكن الكلام ده مامفيد فى النهاية الفيصل بينا وبينك الشارع السودانى ده سلاح ما بنرفع فى حزب البعث العربى الاشتراكى ده الانت اتكلمت عن انو اخد التاريخ اا؟ كويس نحن بنتكلم عن رسالة خالدة والرسالة الخالدة دى مالتاريخ بس ياعزيزى الفاضل اذا انت لهتك السلطة والعمارات الشارهة فى برى عن انك تقراء عن التاريخ جيدا اعلم تماما انو حزب البعث الاشتراكى رسالتو الخالدة البنتكلم عنها دى معناها شنو ؟ ياعزيزى الفاضل انا كان بتمنى انو نافع على نافع البيجى يتكلم لينا هنا عن الاجندة الخارجية وما انت ماقاعد مع الناس فى همشكوريب.. ماقاعد مع الناس فى دار السلام القريبة دى ...انت ماقاعد مع الناس فى دلقو المحس فى الشمالية الناس مؤامنة زيتها طالع الناس مالاقية ،اتكلم لينا عن لقمة العيش الليلة القطمة بتاعة السكر(شوال سكر 10 كيلو) بي 53 جنيه فى بلد فيها 200 مليون فدان صالحة للزراعة اتكلم لينا عن العيشة البقت عاملة ذى الاضان ،قدر الاضان العيشة بي 300 جنية نحن جعانيين زيتنا طالع ما تقشر لينا وتقيف لينا هنا وتقول لينا ماعارف شنو وبتاع ياشيخنا الشعب الجعان ده هو الحايسقطك انت الليلة ماعائش اى معاناة انت اولادك الاتنين القروا جامعة الخرطوم لى الليلة قروا قبول خاص عبادة ولدك ده قراء جامعة الخرطوم قبول خاص ما بتخجل اذا كان الشعب السودانى تسعين فى المية منو مالاقين ياكلو ولدك بيقراء قبول خاص على حساب الشعب السودانى وانت ضارب نص قروش الشعب وين الاسلام وين الاخلاق ولدك محمد نافع اتخرج من جامعة الخرطوم راكب عربية بي 200 مليون انا هسى حاليا مهندس بتاع كهرباء من جامعة النيلين عاطل مالاقى شغل انا مؤهل اكتر من ولدك ده.ولدك (عبادة) مربت تلاتة سنيين فى كلية الهندسة هنا.... بعد ده كلو حايتخرج حا يتعين....و ولدك عملو ليهو منظمة خاصة عشانو محمد نافع .. وانا واحد من اكفأ الناس من كلية الهندسة جامعة النيليين قاعد عاطل دى بلد بتديروها... انتو حكومة محترمة .السلامة عليكم