|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: الطيب شيقوق)
|
عزيزي الاستاذ شيقوق
كما يقول صديقي القرشي:
"يا جماعه " بصراحه في اجمل من كده
سلاسه ،جمال ،بسمات ، ظرافه واسترسال يحسده عيه كل مقدمي البرامج عندنا
يا لك من مبدع حقيقي وذاكره متقده وحفظ لا شبيه له الا صديقي وصديقك يا دكتور - دكتور مهدي عبد الله عثمان
اللهم اجمعني بكما الاثنين وفي وجود الجميلين ود شيقوق وود المرتضي وابن عمتي د. عاطف كروم
في بيت ناس احمد القرشي البره مسقط اسبوع بدون مرقه " بتسكين الراء "
بس تجهز شواية الصينيه القددتها وما حضرناها __________________________________
لكن زي ما قال اخي نابري عوض الكريم ذبحنا من الاضان للاضان
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: Osman Musa)
|
الأخ العزيز / الطيب شيقوق لك التحية والود أمس شاهدت الحلقة وأذكر أنني سجلت لهم ساعة من الزمن ،
ولكن الحلقة حُذف أكثر من نصفها وكان ذلك واضحا على الشاشة ،
لذلك لم يكن الحديث مترابطا ، كنت أخرج من الموضوع قليلا عندما يتطلب ذلك ولكني سريعا ما أعود إلي صلب موضوعي ،
وأواصل حديثي وأظن أن معدة ومخرج البرنامج أرادوا غير ذلك ،
وحسب ملاحظتي إن الأغاني أخذت زمنا أكثر من حديثي في البرنامج .
شكرا عزيزي الطيب
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: Haitham Labib)
|
Quote: اللهم اجمعني بكما الاثنين وفي وجود الجميلين ود شيقوق وود المرتضي وابن عمتي د. عاطف كروم
|
وانا معاكم يا طارق ... قول ان شاء الله
وتحياتي للجميع
ومساء الامس كنت بمعرض الكتاب بالدوحة
وكانت لمة ظريفة في جناح السودان ( الفضل ).
يوجد كتاب اسمه ( السودان ....... الي أين ؟ )
أحد الظرفاء علق : هو لسه الاتجاه ما اتعرف ؟؟
قلت : بالتاكيد اتعرف ..... الي الهاويةز
دمتم
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: طارق ميرغني)
|
الاستاذ طارق ميرغني
Quote: يا لك من مبدع حقيقي وذاكره متقده وحفظ لا شبيه له الا صديقي وصديقك يا دكتور - دكتور مهدي عبد الله عثمان
اللهم اجمعني بكما الاثنين وفي وجود الجميلين ود شيقوق وود المرتضي وابن عمتي د. عاطف كروم
في بيت ناس احمد القرشي البره مسقط اسبوع بدون مرقه " بتسكين الراء "
بس تجهز شواية الصينيه القددتها وما حضرناها |
اميييييييييين يا طارق اخوى والصينية موجودة والعضة تمام بس تعال انت
__________________________________
Quote: لكن زي ما قال اخي نابري عوض الكريم ذبحنا من الاضان للاضان |
ياخ عوض الكريم دا انا كرهني وهو يمكن سبب حرماني من المشاهدة لانو القناة عندى نووووووووووو سغنال
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: الطيب شيقوق)
|
Quote: أمس شاهدت الحلقة وأذكر أنني سجلت لهم ساعة من الزمن ،
ولكن الحلقة حُذف أكثر من نصفها وكان ذلك واضحا على الشاشة ،
لذلك لم يكن الحديث مترابطا ، كنت أخرج من الموضوع قليلا عندما يتطلب ذلك ولكني سريعا ما أعود إلي صلب موضوعي ،
وأواصل حديثي وأظن أن معدة ومخرج البرنامج أرادوا غير ذلك ،
وحسب ملاحظتي إن الأغاني أخذت زمنا أكثر من حديثي في البرنامج . |
ياخ كلام سمح كلام راكز كلام بثقة عالية
مشكلتك عايز تكب فقه الحقيبة كلو في ساعتهم الخصصوها ليك دي
ياخ انت اكان ادوك حول كامل ما بتفرغ الكلام الفي راسك عنها
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: الطيب شيقوق)
|
Quote: بس المقص حقهم ده خرب لينا شغلة السرد بتاع الحلقة .. وكذلك إختيارات الأغاني .. |
في (غنواتنا) دي أي شئ ممكن يحصل، هسه ممكن الزول العمل التقصيص دا شغال مهندس إضاءة أو مشرف الإستقبال أو أي وظيفة أخرى لاعلاقة لها بموضوع الحلقة. نحن عندنا المحللين السياسيين والفنيين وبتاعين الرياضه ممكن يعملوا أي شئ.. Jack of all trades زي ما بقولوا.. عالم غنواتنا عالم مدهش..
تحيه يا ود القرشي وشيقا لكن الحمد لله لم أشاهد الحلقه لأني لم أعرف موعدها وإلا لقتلني الغيظ لأنو ودالقرشي كلامو أهم من الغنا في هذه الحالة ، وتاني لامن تفتح بوست زي دا يا الطيب أدني المعلومه ..
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: محمد المرتضى حامد)
|
Quote: الحمد لله لم أشاهد الحلقه لأني لم أعرف موعدها وإلا لقتلني الغيظ لأنو ودالقرشي كلامو أهم من الغنا في هذه الحالة ، وتاني لامن تفتح بوست زي دا يا الطيب أدني المعلومه .. |
والله يا ابا اكرم تحمد الله بس الما اديناك المعلومة وحياتك كان تكتلك غبينة ساى
ياخ انت كويس الما حضرت انا مساهر منتظرها وقاموا جابوا ليك عوض الكريم عبد الله كم وكم اغنية وكدا ولما بدأ ود القرشي افاجأ ليك بإشارة No signal منتظر السغنال ومنتظر السنغال وقت جات السغنال تاااااااااااح فتح ولقيت ليك المذيع بيشكر المشاهدين ويتمنى لهم الاستمتاع بسهرة جميلة .
قمت بصورة لا ارادية قلت ليهو السهرة ال .................... حفرك
اها عليك الله في غبينة اكتر منى دي ؟
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: الطيب شيقوق)
|
عزيزي سفيان بشير نابري
لك التحية والتقدير
الحلقة كانت حين تسجيلها متسلسلة ومرتبة ،
وكنت انتهز اي سانحة في موضوع الحلقة لاستعرض جماليات أغنية الحقيبة
وأقارن بين استعمال الشعراء لمفرداتها ،
أذكر عندما تحدثت عن كلمة ( أضرم) قادني الحديث إلى أغنية أضيع في هواك يا مهفهف حرام حيث قال ابوصلاح
حبيب قلبي زاد الفؤاد انضرام........يذوب قلبي لذكركم احترام خلاف قربكم خلى مالي مرام........وقرب المحب من شئون الكرام *********** وحيد في الجمال حبه لروحي سام.....يبق در عقيد فاطره في الابتسام مسلح عيون لحظه لجروحي سام.....وسيف العيون أقوى من الحسام ************** رقيق خصره سادل عليه الغمام..........يجاذبه النسيم في المرور كالذمام يميل بالشمال والجنوب والأمام.........يكاد أن يرك فوقه غصنه الحمام
ولقد تفرع الحديث إلى استعمال كلمة (بق) في الحقيبة فعرجت إلى أغنية فرع البانه ىالبيرنع يقود حيث يقول ابوصلاح ..
طبيك عبق ................وسنك براقه بسوى بق ترنع تشبه مهر السبق .... وفوق أردافه كتيفه انطبق
ولم يتوقف الحديث عند هذه الأغنية بل قادني إلى أغنية جمال الليل
والتي ولفها كرومة من عدة أغاني وكان قوامها أغنية فرع البانه ،
ورجعت إلى أغنية أضيع في هوالك ومجاراتها لأغنية خلي العيش حرام
وتجولت قليلا في كلمات خلي العيش الحرام ثم عدت سريعا إلى الحلقة دون إخلال بموضوعها .
لكن بثت الحلقة ناقصة ومبتورة
لك كل الود والتقدير
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: Ahmed al Qurashi)
|
Quote: هى الحلقه عرضوها متين انا منتظره لحدى الساعه وحده ماجابوها لمن عيونى بقت كأنى طالعه من ساحه فاكين فيها بمبان
ودشيقوق شوف لينا الاعادة متين ,,,,
تحياتى ليك وللدكتور ,,, |
العايز يتبرك في الحكي دا يدفع مقدما عشان يقتبس
ود القرشي مالك بتباري بجاي وبجاي تعال سريع شوف ناس جوهر صدر المحافل
اكان ما اكرمتوها - يا هيثم لبيب - بالاغنية دي بصوت اولاد شمبات تاني ما عافي منكم دنيا واخرة
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: الطيب شيقوق)
|
يا دكتور ود القرشي و الله برانا عرفنا انو الحلقة دى تم (شرتمته) و أنا بالجد عندي و جهة نظر في مسالة التوثيق للحقيبة و للتاريخ السياسي و الأجتماعي للسودان ، و جهة النظر دي اتوصلته ليها لمن متابعتى و مشاهدتى على هذه البرامج و ما يحصل لها . الفكرة ببساطة في وجهة نظري هي انو الموثق هو يكون ذات نفسوا المنتج و الموزع للشغل بتاعوا و يوزعوا (عرض وطلب) لانو ببساطة القنوات دي برضوا بتشتغل معانا بنظام السوق دا . ليه أنا قلته كدا ؟ قلته كدا لانو أنت كمنتج و موزع تتوصل مع القنوات دى لوضع قانوني ملزم كتابياً بأن يتم نشر الحلقات كما هي بدون تدخل نهائي في المادة . دي فكرتي ببساطة .
شي اخر يا عزيزي أحمد القرشي هو أنا (سفيان المسكين دا) كنت قايل نفسي واحد من الشباب السمع و عرف غناء الحقيبة دا إذا ما كلو فاكتر بكتير من الناس الفي عمري و كنت برضوا بظن أنو انا و احد من الناس السمعوا بادي محمد الطيب في كل ما تغنى به ، خصوصا اخر 4 سنوات او تلاته من عمر بادي كنت بشكل دائم لى معها 4 ساعات متواصلة في يوم من كل اسبوع بسمع منو و اطلب منو البجى في رأسي . اها أمس عندي خالي (حسن) قال لي تعال اسمعك حاجة لبادي نااااادر ما يغنيها و انا قلته قطع شك سمعتها ، شغل لى (شيخ ريا) ياود القرشي تصدق بالله ما سمعتها قبل كدا !!؟ اول شئ اترحمته على بادي و الشي التاني سمعتها 7 مرات و كل مرة بستعجب من الأغنية . دي حاجة مبالغه ياخ عليك الله احكي لينا عن الأغنية دي ياخ ينوبك اجر فينا .
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: سفيان بشير نابرى)
|
Quote: العايز يتبرك في الحكي دا يدفع مقدما عشان يقتبس
ود القرشي مالك بتباري بجاي وبجاي تعال سريع شوف ناس جوهر صدر المحافل
اكان ما اكرمتوها - يا هيثم لبيب - بالاغنية دي بصوت اولاد شمبات تاني ما عافي منكم دنيا واخرة |
كدي أول حاجة بركْنا وإتبركنا ..
أها ياود شيقوق أنشاء الله بقيت فكي بس ..
وبعد داك جوهر صدر المحافل عاوزه الأصلية وله بالبركة ساكت كدي ... وزي ماقال أبو السييد .. يهديك يرضيك الله يخليك ويشيل من عمري أنا ويديك الله يخليك ..
| |
|
|
|
|
|
|
Re: الدكتور أحمد القرشي على ال BNT /اليوم الساعة 11 ت السودان (عن الحق (Re: Haitham Labib)
|
الأخ العزيز / طارق ميرغني لك التحية والتقدير
وشكرا جزيلا على كلماتك الجميلة والرائعة والتي أسعدتني كثيرا
ومازالت الدعوة مفتوحة لك ومن معك لزيارة عمان مرة أخرى ،
فلقد ابتهجت كثيرا في الزيارة السابقة بمعرفتك
والتي اعتبرها كسبا كبيرا لي ولكنني هذه المرة لن أجعلكم تفلتون مني كالمرة السابقة ،
قريبك عاطف كروم ومحمد المرتضي إلا يسمعوا بيك في لوى ،
يعني لو عاوزين يشوفوك لازم يقطعوا 600 كيلومتر ذهابا وإيابا .
لك كل الود والتقدير
| |
|
|
|
|
|
|
|