|
|
 نـاس.. بـره
|
ملاحظة واضحة انو كتير منهم لما يرجعو بكون عندهم انطباعات سلبية عن البلد..يعنى لو الواحد عترت ليهو ضبانة فى مطار الخرطوم
خلاص..بدينا..وح تبداء اول خاطرة فى سلسلة المتاعب الضخمة التى واجهت الباشا فى الخرطوم
|
|
 
|
|
|
|
|
|
|
|
Re: نـاس.. بـره (Re: مُحَمَّدٍ عِوَضٌ احْمَدُ)
|
اها معاكم فى انو الحكومة ظالمة والسبعة وذمتها فيها. ما قلنا حاجة.. بس بعد مرات فى مبالغات بخصوص ما يشاع عن السلوك العام لـ البنى آدمين فى السودان
وعن انو الحالة الاقتصادية الصعبة خلتهم راقدين واطة. وماعندهم اى قيم ومستعدين يبيعو باى سعر..
-البنات ما شفتوهم بقو كيفم..؟
-والعجب الاولاد..؟
-حليل الناس أتغيرو ماف زول فاتح بابو
- وحات الله البنات التمام بقن بالعدد
وكلام كتير................
يخليك تحتار وتشك فى روحك ذاتو..ياربى احنا المغتربين فى بلدنا ولا شنو؟
| |
|
|
|
|
|
|
|
|
 Re: نـاس.. بـره (Re: مُحَمَّدٍ عِوَضٌ احْمَدُ)
|
ما قصة باشوات ولا غيره..
كل الناس البرة كانوا جوة في يوم من الأيام..
لكن هؤلاء على الأقل بتكون قدامهم صورة حية لمقارنة الأوضاع في السودان بما هو عليه الحال في الخارج
فيستطيع بيسر وسهولة إجراء المقارنات واكتشاف المفارقات والتباينات..
| |
|
|
|
|
|
|
|
|
|
Re: نـاس.. بـره (Re: Elhadi)
|
الهادى حبابك الف
طيب هم كانو جوه اليوتويبا..؟
ليه لما برجعو بعملو فيها كانو ماشافو فيها حاجة قبل كده؟
وليه المبالغات عن انو البنات مثلاً بقن على حل شعرهن؟ وعن انو شارع فلان الفرتكانى ممكن
تلاقى فيهو بت العمدة ذاتا واقفة..؟
للاسف يعتبر الكثيرين ان ذلك جزء من المواجهة مع نظام الكيزان..
| |
|
|
|
|
|
|
|
|
|
Re: نـاس.. بـره (Re: مُحَمَّدٍ عِوَضٌ احْمَدُ)
|
طبعاً فى ناس -وما كلــــــــــــهم- دولة محددة خليجية ومجاورة وكده وكتبتا عنهم من قبل..ديل بالذات فيهم نوعيات غريبة وبجو راجعين وعندهم
هوس غريب وهلوسة فيما يخص البنات برضو..وممكن عادى الواحد يسألك وبلا حياء..اسمع بالله..فلانه ديك كيف؟
صحى عندها برنامج مع حسن مريسة ؟
ايوه هو عاوز ليهو واحده ما حصل داعب النسيم لى خصلات شعرها على قول الاغنية..!
حاجة كده ما مرقت ولامرة تاوقت على السوق العربى او حدائق حبيى مفلس
| |
|
|
|
|
|
|
|
|
 Re: نـاس.. بـره (Re: مُحَمَّدٍ عِوَضٌ احْمَدُ)
|
فى الشهر الحالى كالعادة ح يجو ناس أوروبا وامريكا..موسم الأجازة وكده..وديل ما اعتقد انو ملاحظاتهم بتطلع اكتر من نوعية الخدمات و وجبات
الخيال العلمى التى تقدم فى مطاعم الخرطوم الجديدة. ناس حلوين شديد..اى سلوك شخصى مشاتر لمواطن او مواطنة ما اظنهم يهتمو شديد
بيهو..ولا يتسرعون فى اصدار الاحكام الجماعية على الكل..
.............
| |
|
|
|
|
|
|
|
|
|
Re: نـاس.. بـره (Re: مُحَمَّدٍ عِوَضٌ احْمَدُ)
|
Quote: فى الشهر الحالى كالعادة ح يجو ناس أوروبا وامريكا..موسم الأجازة وكده..وديل ما اعتقد انو ملاحظاتهم بتطلع اكتر من نوعية الخدمات و وجبات
الخيال العلمى التى تقدم فى مطاعم الخرطوم الجديدة. ناس حلوين شديد..اى سلوك شخصى مشاتر لمواطن او مواطنة ما اظنهم يهتمو شديد
بيهو..ولا يتسرعون فى اصدار الاحكام الجماعية على الكل..
............. |
انحياز واضح لناس الدول الغربية والأسكندنافية!!!
اين انت ياجني؟؟؟
| |
|
|
|
|
|
|
|
|
Re: نـاس.. بـره (Re: MOHAMMED ELSHEIKH)
|
Quote: انحياز واضح لناس الدول الغربية والأسكندنافية!!!
اين انت ياجني؟؟؟ |
ياود الشيخ سلامات
ما انحياز لكن بينى بينك مش فى فرق من زول جاى من الربع الخالى
وواحد تانى من لندن مثلاً؟
ناس الدول الغربية لطافتهم باينة ياخ
| |
|
|
|
|
|
|
|
|
|
Re: نـاس.. بـره (Re: مُحَمَّدٍ عِوَضٌ احْمَدُ)
|
طبعاً شفع الجماعة اياهم ربنا يحفظهم ويخليهم..وماكلهم برضو..على كيفهم فينا..عادى ممكن تكون نايم فى امان الله..يجى الواحد فيهم يصحيك بى كف جامد..وتقطعها فى حنانك وتقول حسبى الله ونعم الوكيل..مافى طريقة للرد..وحتى صوتك ما بتقدر تمدو عشان تنهرو..الشافع من ديل لو بكا..كل البيت يمثل ليك دور المفتش كرمبو..لازم يعرفو مين الزعل حمادة..ولو عرفوهو الله قال بى قولو..حتى لو واحد صمغبروتى من دفعتو وانتاج محلى..لازم ينضرب برضو..
| |
|
|
|
|
|
|
|
|
|
Re: نـاس.. بـره (Re: مُحَمَّدٍ عِوَضٌ احْمَدُ)
|
| Quote: ما انحياز لكن بينى بينك مش فى فرق من زول جاى من الربع الخالى |
والله ياود العوض ماك طالبني حليفة
قبل شهر كنت بالربع الخالي- في نصو-
زيارة لم يحظ بها الكثيرون ممكن اقول ليك هذا المكان من أجمل الأماكن التي تركت انطباعا في نفسي بل ذهول
التشكيلة الغريبة لرمال الصحراء ممكن تلهم آلاف الفنانين والشعراء .لم تكن معي الكمرة لأنقل لكم تلك الصور الميتة الحية!
المهم الفيك اتعرفت
والله العظيم كلما انزل مطار الخرطوم بكون شايل هم للناس الراجعين في الطيارة الجابتني دي!!!
مع صادق ودي
| |
|
|
|
|
|
|
|
|
|
Re: نـاس.. بـره (Re: MOHAMMED ELSHEIKH)
|
يا محمد ازيك ...
الحكايه ما إنفصام ..بس تعود على نمط حياه معين ممكن ينسيك أو يخليك ما قادر تتماشا مع حاجات كنت متعود عليها لما كنت عايش في السودان ..
مثلاً المعيشه لفتره طويله في بلد أي حاجه فيها بالصف والدور ..بتخليك ما قادر تستوعب فكره انك لازم تلز وتدافر عشان تحظى بورقه أو ختم في دائره حكومية ..
بعدين راعو مشاعرنا شويه...لما الواحد يجي بتغيرات إيجابية في سلوكه ما تعملو مضحكه ...
وحكايه الكفوف البتجيك طايره دي ..معاك حق فيها ..ما ظريفه والله ...لكن نسوي شنو شفعنا مساكين ما بختلطوا بناس كتار ..فاا ما بعرفو الفرق بين الهزار السخيف والهزار الظريف
استحمل وأكل في حنانك يا خالو ..نحن ضيوف وكلها شهرين تلاتة :)))
| |
|
|
|
|
|
|
|
|
|
Re: نـاس.. بـره (Re: سارة عيسى أحمد)
|
Quote: ملاحظة واضحة انو كتير منهم لما يرجعو بكون عندهم انطباعات سلبية عن البلد..
|
لمن يرجعوا شنو! في ناس بيبدوا الإنطباعات السيئة والتأفف والتذمر من صالة الوصول وصف الجوازات
| |
|
|
|
|
|
|
|
|
|
Re: نـاس.. بـره (Re: حاتم محمد حاج المهدي)
|
| Quote: لمن يرجعوا شنو! في ناس بيبدوا الإنطباعات السيئة والتأفف والتذمر من صالة الوصول وصف الجوازات |
عشان كده يا حاتم ياخوى
احنا ناس لاجوه ولا بره ديل لازم نجتهد عشان نصلح ليهم الاوضاع- مادام الحكومة ما شايفا شغلها..
العالمين دى منتظرة مننا الكتير..لازم نحاول نخلى ليهم امبده زى تكساس..والخرطوم على الاقل كده شبه مانشستر
| |
|
|
|
|
|
|
|
|
|
Re: نـاس.. بـره (Re: سارة عيسى أحمد)
|
Quote: محمد ازيك ...
الحكايه ما إنفصام ..بس تعود على نمط حياه معين ممكن ينسيك أو يخليك ما قادر تتماشا مع حاجات كنت متعود عليها لما كنت عايش في السودان ..
مثلاً المعيشه لفتره طويله في بلد أي حاجه فيها بالصف والدور ..بتخليك ما قادر تستوعب فكره انك لازم تلز وتدافر عشان تحظى بورقه أو ختم في دائره حكومية ..
بعدين راعو مشاعرنا شويه...لما الواحد يجي بتغيرات إيجابية في سلوكه ما تعملو مضحكه ...
وحكايه الكفوف البتجيك طايره دي ..معاك حق فيها ..ما ظريفه والله ...لكن نسوي شنو شفعنا مساكين ما بختلطوا بناس كتار ..فاا ما بعرفو الفرق بين الهزار السخيف والهزار الظريف
استحمل وأكل في حنانك يا خالو ..نحن ضيوف وكلها شهرين تلاتة |
حبابك الف يا سارة
انا لسه ما جيت على حكاية الانفصام دى. والناس البتدخلهم الخلعة العجيبة ديك..ويفضلو فى حالة تقزز تام من كل شئ محلى
والغريب فيهم واحدين جايين من القاهرة القريبة دى.
احنا اكتر ناس بنراعى لى مشاعركم. وشخصياً ناس بره ديل بعجبونى شديد. بالذات فى طريقة كلامهم الجديدة العامية السودانية
لما يعجنوها ويعجنوها بتبقى حاجة حلوة خلاص.
شفعكم ماهم مساكين. والنصيحة لى الله بخاف موت منهم. وما بحاول ابدا برنامج هزار او كلام معاهم.
لانهم محرجين ومرعبين.
| |
|
|
|
|
|
|
| |
مُحَمَّدٍ عِوَضٌ احْمَدُ
محمد عبد الماجد الصايم
Elhadi
MOHAMMED ELSHEIKH
سارة عيسى أحمد
حاتم محمد حاج المهدي
فيس بوك
تويتر
انستقرام
يوتيوب
بنتيريست