|
|
|
 Re: مناشدة لتلفزيون السودان لإيقاف دعاية حساسية الأسنان (Re: ASHRAF MUSTAFA)
|
علييييييييييييييييييييكم الله الخلقكم توقفوا الدعاية السخيفة دي
أرحمونا يرحمكم الله
أصلآ أنا زعلان منكم في حاجة
وهي أن وفاة الراحل زيدان ألمتنا وقطعت قلوبنا وما جبتوا لينا التكتح في شاشتكم
بس سمعنا إنو النيل الازرق قامت بالواجب وزيادة
وحسي بعد ما إحتجتوا تجيبوا حاجة عن زيدان جبتوا برنامج خجول جدآ عنه
والله الموضوع ده مزعلني جنس زعل...
لا شفنا سرداق العزاء لا منزل الراحل لا نبذة عنه
يعني عشان ما كان كوز؟؟؟
الله يرحمك يا زيدان ويحسن إليك
| |
  
|
|
|
|
|
|
|
 Re: مناشدة لتلفزيون السودان لإيقاف دعاية حساسية الأسنان (Re: ASHRAF MUSTAFA)
|
| Quote: مناشدة لتلفزيون السودان لإيقاف دعاية حساسية الأسنان |
** الأُستاذ أشرف مُصطفى..
** سلام ومساءك خير..
## ياخوى حقو مُناشدتك تكون :- الرجاء إيقاف تلفزيون السودان من البث الفضائى ويوفروا الــ (250,000 $ دولار البتدفع سنوياً) لو مايكون الجماعه (أخوان نُسيبه) خاتين ليهم فاتوره مضروبه بأنوالإشتراك السنوى (2,500,000 $ دولار) وكلو جايز فى دولة الفساد والإفساد..
## حاول فى النايل سات :- 11555 \ 27500 أو 11585 \ 27500
(ودام الود بيننا)
(ابو محمد فؤاد)
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: عبدالكريم أحمد الامين)
|
عبدالكريم أحمد الامين
تحياتي ليك وكيف الصحة
Quote: ياخوى حقو مُناشدتك تكون :- الرجاء إيقاف تلفزيون السودان من البث الفضائى ويوفروا
الــ (250,000 $ دولار البتدفع سنوياً) لو مايكون الجماعه (أخوان نُسيبه) خاتين ليهم
فاتوره مضروبه بأنوالإشتراك السنوى (2,500,000 $ دولار) وكلو جايز فى دولة الفساد والإفساد..
## حاول فى النايل سات :- 11555 \ 27500 أو 11585 \ 27500 |
والله يا عبد الكريم تلفزيون السودان مخفف علينا الغربة كتير ومهم جدآ بالنسبة لينا
لكن كمان في بعض الأحيان بحس إنو بتعاملوا معانا كأنوا إحنا أطفال
السودانيين جوه ما بشتغلوا بيه كتير ومعظم المشاهدات من خارج السودان
لكن بالنسبة لي ما عندي خيار لقنوان سودانية أخرى لأنها تقع جميعها على النايل سات
وده بالنسبة لكثيرين هنا غير مسموح به لأن الدش كبير جدآ وليس من السهل تركيبه في منطقتي
شكرآ على الرابط لكن النايل سات لن يعمل هنا إلا في مناطق مخول لها
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: ASHRAF MUSTAFA)
|
الاخ
اشرف
كفارة
هناك مشكلة قديمة يعانى منها تلفزيون السودان وهى مشاكل فنية فى الاخراج وضبط الصوت وهو من اسوا القنوات فى مستوى الاخراج بعد طرد المتخصصين منهم من امثال محمد الحسن السيد وتهميش عبادى وغيره من المتخصصين والاتيان بالقوى الامين الجاهل الكسلان الذين لا يستطيعون معالجة خلل بسيط مثل الذى يحدث فى هذه الدعاية ..
خبراء الاعلان لهم مواصفاتهم فى التاثير اعتقد ان هذا الاعلان يتجاوزها الى النتيجة العكسية التى تنفر اى مشاهد من الاعلان ومن تلفزيون السودان حتى لان الريموت فى يد المشاهد الذى لا يستطيع مشاهدة سخف هذا الاعلان وهذه القناة المتخلفة فى مجال الاخراج وهو الاساس لكل عمل فنى يبث
تحياتى ليك وانت مثل كل الناس تحس بالخلل وتعبر عنه هنا بالصوت العالى ..
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: heba Elmahi)
|
heba Elmahi
Quote: يا أشرف سلام
والله حنيت عليك و حسيت بي حسسك لووول
كدي حاول هنا يمكن يغنيك عن وجع القلب في تلفزيون السودان :
http://www.elahmad.com/tv/
هنا بتلقي النيل الازرق و الشروق و قناة قوون و بعض القنوات العربية و شغالين في آآآمان الله |
أختنا الخلوقة هبة الماحي
كيفنك ولعلك والأهل طيبين
شكرآ كتير على الرابط وسأجربه إنشاء الله وما قصرتي
فعلآ بعض البرنامج بتعمل وجع القلب لكن بس نقطة ضعفنا إنو قلبنا أصلآ واجعنا من الغربة
ومضطرين نشاهد ما نجده طالما سوداني ولكن نتمنى إنو الناس ديل يخافوا فينا الله شوية
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: كمال ادريس)
|
كمال ادريس
Quote: كانك يا ابو الشوش ياصاحبي علقت (بنر) في حوش بكري معلنا عن السنسودين...
فبهذا البوست تكون قد زدته شهرة باعلان حيشكروك عليه وتوقع كرتونة كاملة منهم. |
أخونا كما إدريس ليك وحشة ومشتاقين
ههههههههه حلوة دي
ياخ الناس أصلهاعندها حساسية مع أطباء الأسنان والحديث الكثير عن الأسنان
بالعكس الناس دائمآ تغير القناة لمثل هذه الدعايات السخيفة
وأقرب مثال دعاية الراجل البتهبل ويقع في الارض عشان يقنع إبنه بالسواك
بعدين ياخ ما لاحظت كل دعايات الأسنان دي عربية؟؟؟
الغريبة أنا عمري ما إستخدمت المعجون ده ولا ناوي وشايف إنو ما كلينز وايتنينق
أفضل معجون في العالم ويبيض الأسنان وأتحدث من تجربة
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: الكيك)
|
الكيك
Quote: الاخ
اشرف
كفارة
هناك مشكلة قديمة يعانى منها تلفزيون السودان وهى مشاكل فنية فى الاخراج وضبط الصوت وهو من اسوا
القنوات فى مستوى الاخراج بعد طرد المتخصصين منهم من امثال محمد الحسن السيد وتهميش عبادى وغيره
من المتخصصين والاتيان بالقوى الامين الجاهل الكسلان الذين لا يستطيعون معالجة خلل بسيط مثل الذى يحدث فى هذه الدعاية ..
خبراء الاعلان لهم مواصفاتهم فى التاثير اعتقد ان هذا الاعلان يتجاوزها الى النتيجة العكسية التى
تنفر اى مشاهد من الاعلان ومن تلفزيون السودان حتى لان الريموت فى يد المشاهد الذى لا يستطيع
مشاهدة سخف هذا الاعلان وهذه القناة المتخلفة فى مجال الاخراج وهو الاساس لكل عمل فنى يبث
تحياتى ليك وانت مثل كل الناس تحس بالخلل وتعبر عنه هنا بالصوت العالى .. |
تحياتي أخي الكيك وكيف أخبارك
والله كأنهم عايزننا ننفر منهم
رغم أن هذه الدعاية معظم الأوقات تأتي في المساء إلا أنها مملة جدآ ومكررة لدرجة قف تأمل
والواحد يكون جاي من بره تعبان وآخر حاجة يحتاجها عوارات زي دي
أتفق معك في ضعف الكوادر الحالية إلا أن أكثر ما جذب إنتباهي مخرج برنامج بيتنا النور معني
الراجل ده راقي بصورة ما إعتيادية وقدر ما أفتح موقع ولا فيس بوك
ألقله بسأل الناس عن مقترحاتهم وما يريدونه في البرنامج ولو في أي إشكاليات أو تقصير ...ألخ
لذا هذا البرنامج ناجح جدى ومعه برنامج صحتك وإمكن ديل هم الخلونا نفتح تلفزيون السودان
خلاف كده ما في أخبار تهم المواطن أو إهتمامات أخرى تجذبني
التلفزيون يحتاج نقلة نوعية لإغراء المشاهدين بالتعلق في شاشته وإلا سيفقدون الكثير منهم
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: ASHRAF MUSTAFA)
|
Quote: السخيف في الموضوع إنو الدعاية دي بتجي كل دقيقتين
|
يا أشرف سلام ...
ياخ ماتوجع قلبك ساكت ... الاعلان دة طالما مدفوع
القيمة ماعندهم مشكلة .. ممكن يجيبوهو كل ثانيتين
المهم انو اعلان ومدفوع القيمة .. يقدر التلفزيون يوقف
الاعلان دا حتى لو كتبت مية سنة !
ما اظن والله ... دى قروش خاشة لخزينة التلفزيون
مافى زول يقدر يقول وقفوا الاعلان دا ...
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: أسامة البلال)
|
أسامة البلال
Quote: لو في فايدة وحيدة من إعلان المعجون دا هي إنو خلاك ترجع البورد تاني.
أنا كنت قايل نفسي الوحيد العندو حساسية من الإعلان رغم إني ما بشوفوا الا مرات قليلة لكن قاعد يضرسني
وبعدين وين إنت مختفي يا عم أشرف؟ ليك وحشة. إن شاء الله المانع خير؟ |
وييييييييييينك حبيبنا أسامة البلال
يديك العافية ياخ وليك وحشة بالجد
والله أنا غاية في الإنشغال والجري وخاصة الفترة السابقة ما كنت فاضي إطلاقآ
تحياتي ليك وبركة إنك الكويس وإنشاء الله متغتي كويس في البرد ده
| |
|
|
|
|
|
|
|
|
|
Re: مناشدة لتلفزيون السودان لإيقاف دعاية حساسية الأسنان (Re: مزمل خيرى)
|
مزمل خيرى
Quote: يا أشرف سلام ...
ياخ ماتوجع قلبك ساكت ... الاعلان دة طالما مدفوع
القيمة ماعندهم مشكلة .. ممكن يجيبوهو كل ثانيتين
المهم انو اعلان ومدفوع القيمة .. يقدر التلفزيون يوقف
الاعلان دا حتى لو كتبت مية سنة !
ما اظن والله ... دى قروش خاشة لخزينة التلفزيون
مافى زول يقدر يقول وقفوا الاعلان دا ... |
سلامات يا مزمل وليك وحشة
كلامك ممكن يكون صاح وغير مستبعد
لكن أنا فتحت البوست ده عشان أشوف هل الإخوة والزملاء حا يستجيبوا ولا لأ؟
على الأقل حتى الآن لاحظت أن الإعلان خف شوية ودي بادرة كويسة
ما تشوف الكلام ده تفتكروا غريب..أنا جد عندي عشم في البوست ده
| |
|
|
|
|
|
|
| |
ASHRAF MUSTAFA
عبدالكريم أحمد الامين
الكيك
كمال ادريس
heba Elmahi
مزمل خيرى
أسامة البلال
أبوبكر عبد القادر العاقب
فيس بوك
تويتر
انستقرام
يوتيوب
بنتيريست