|
Re: البطل الحقيقي لهذه المسرحية هو دكتور/ نافع .. (Re: ود الباوقة)
|
الديمقراطية يا سيد عمر الشمولي من ابجدياتها اذا اتهم المسئول توقف المسئول و طالب بالتحقيق أو حتي استقال فورا لتحقيق العدالة قيل لنافع انك قتلت النفس التي حرم الله الا بالحق فقال الارجل مننا يجي يأخدها و هذه العزة بالاثم الابليسية قيل لنافع انك استبحت المال العام و افسدت به حياة العباد و البلاد فقال نافع جربو لحست كوعكم
بالمناسبة الاسد النتر (في الدوحة ) عمل شنو في موضوع مفوضية الفساد
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: ود الباوقة)
|
Quote: لائحة قبول الفئات الخاصة بالجامعات العامة، والتي ابتدعها البروف إبراهيم أحمد عمر، كانت ولا تزال وصمة قبح في جبين التعليم العالي بالسودان، ويجب كنسها اليوم وقبل ضحى الغد، هذا إن كانت الحكومة تؤمن بمبدأ المنافسة العامة والشريفة في أسس ومعايير قبول الطلاب بالجامعات..نعم تلك اللائحة تكرس الظلم وتهدر مبدأ المنافسة وترسخ الغبائن في نفوس الطلاب..وبتلك اللائحة المعيبة تدمر وزارة التعليم العالي معايير القبول الأكاديمية، لتحل محلها معيار (الخيار والفقوس)، بحيث يذهب حق طالب إلى طالب آخر بغير وجه حق، فقط لأن لائحة (الخيار والفقوس) تريد ذلك..ويلا، نقرأ سويا نصوص تلك اللائحة..!! ** بدليل القبول لمؤسسات التعليم العالي، للعام الدراسي الحالي، توجه إدارة القبول بالوزارة الجامعات بالآتي..(يسمح لكل جامعة أن تقبل أعدادا إضافية من الطلاب للدراسة على نظام النفقة الخاصة، بحيث لاتزيد المقاعد المخصصة لكل كلية عن (25%) للعدد الكلي للقبول العام بتلك الكلية)، هكذا تفتح الحكومة باب القبول الخاص، أي مدفوع القيمة، بحيث تستوعب أية كلية مايعادل (25%) لعدد طلاب القبول العام..حسنا، ليس في أمر القبول الخاص مايزعج، بحيث عجزت ميزانية التعليم عن الوفاء باحتياجات الجامعة، ولذلك اخترعت عبقرية الوزارة تلك النسبة(25%) بحيث يتحمل بعض الأثرياء وطلابهم مسؤولية تعليم بقية الطلاب (75%)، وهم الذين تفوقوا ونالوا فرصهم بمعيار المؤهل الأكاديمي..ولكن، للأسف، فالأمر ليس كذلك، فلنقرأ النص التالي : (يتم قبول أبناء مجالس الجامعات في القبول على النفقة الخاصة بدفع (50%) من الرسوم في جامعاتهم)، هكذا تستثني اللائحة أبناء مجالس إدارات الجامعات من نصف الرسوم، علما بأن رئيس أو عضو مجلس الإدارة قد يكون وزيرا أو واليا أو تاجرا.. تحايل غريب، بحيث ابنه غير المستحق للمقعد - بالمعيار الأكاديمي- ينال المقعد على حساب طالب مستحق بنص ال(25%.. نفقة خاصة)، ومع ذلك تعفيه اللائحة عن دفع (50%) من رسوم النفقة الخاصة، فقط لأن والده عضو مجلس إدارة..والنص التالي لذاك إحترازي، بحيث يقول : (يتمتع الطالب بهذا الامتياز حتى تخرجه من الجامعة)، وهذا يعني أن يظل الطالب معفيا من نصف القيمة حتى لو غادر والده مجلس إدارة الجامعة..!! ** ثم الأدهى والأمر، إقرأ النص التالي ..(يتم قبول أبناء وزوجات العاملين بمؤسسات التعليم العالي على نظام النفقة الخاصة، ويشمل ذلك الذين تكلفهم الدولة لشغل مناصب دستورية أو تنفيذية، بعد دفع قيمة (50%) من الرسوم إن كان قد أمضى عاما في الخدمة، وبعد دفع (25%) إن كان قد أمضى عامين).. بمعنى أي مسؤول دستوري أو تنفيذي بالدولة، عمل عاما أو عامين بأية جامعة قبل أو بعد الإنقاذ، يحظى ابنه بالحسنيين (يخصم 25% من مقاعد الطلاب المستحقين - بمعيار المؤهل الأكاديمي - ببند النفقة الخاصة، ثم يكتفي بدفع25% أو 50% من قيمة تلك النفقة الخاصة.. ولنا حق السؤال المشروع : بم يتميز ابن الدستوري أو التنفيذي - الذي عمل في إحدى مراحل عمره عاما أو اثنين بإحدى الجامعات - عن الآلاف من أبناء المزارعين والعمال والصناع والأرامل، لكي يحظى بهذه الاستثناءات، خصما من المقاعد العامة ثم خصما من النفقة الخاصة ؟.. ثم تأمل النص التالي:(يعامل أبناء العاملين بوزارة التعليم العالي معاملة أبناء العاملين بمؤسسات التعليم العالي في القبول على النفقة الخاصة)..أي كل أبناء العاملين بوزارة التعليم العالي - من وزيرها لغاية غفيرها - لهم نسبة (12%) تضاف الى نسبهم، ليتم قبولهم قبولا خاصا بنسبة (25%) من العدد المخطط للقبول العام، مع دفع (25%) فقط من قيمة القبول الخاص..هكذا فصلت الوزارة هذا النص، على العاملين عليها فقط لاغير، أي بنهج (الماسك القلم ما بيكتب لنفسو شقي) ..!! ** ثم تمضي اللائحة نحو المزيد من الامتيازات بالنص الآتي (يقبل أبناء العاملين بوزارة التعليم العالي مجانا ضمن فرص القبول العام)، أي كما أبناء العاملين بالجامعات، بلا أي رسوم..أبناء العاملين بالجامعات - في تقديري- يستحقون هذا الإعفاء، ولكن لماذا يشمل الإعفاء أبناء العاملين بالوزارة أيضا ؟..أو بالواضح كده : لماذا يحظى أبناء العاملين بوزارة التعليم العالي فقط بهذه الامتيازات؟، ولماذا لايحظى بها أبناء العاملين بوزارات الصحة، الزراعة، الصناعة، الدفاع، التعليم العام، الداخلية وغيرها ؟، بحيث يتساوى كل أبناء العاملين في الخدمة المدنية في حقوق (منح 12% نسبة درجات إضافية.. ليخصم 25% من المقاعد العامة باسم القبول الخاص، ثم يدفع فقط 25% من قيمة القبول الخاص)..؟..أي لماذا لايتساوى كل أبناء العاملين في الدولة في تلك الحقوق، إن كانت حقوقا؟..المهم، هناك نصوص أخرى، ذات امتيازات كهذه، تشمل ما يسمى بـ(المتعاونين، المنتدبين، الوافدين)، ثم هناك المسماة بلائحة الدبابين، فهؤلاء أمرهم عجب.. إلى متى يتواصل هذا الظلم الذي يحيق بالمتفوقين الذين شاء لهم القدر بأن يكونوا خارج تلك (الفئات الخاصة)..؟؟ .............
الطاهر ساتي
|
Quote: ما كل السودان مدارس خاصة
وكل الناس بدرسوا اولادهم فيها
اشمعنى دكتور نافع |
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: ود الباوقة)
|
Quote: ناديتم بالديمقراطية
فاتتكم عبر هذه الندوة وهي تجرر اذيالها
ولكنكم لم تحسنوا التعامل معها .. |
ود الباوقة ديمقراطيه يا جعجاع اركز هو الشريط فى اليوتيوب اتعطل بعد 6 ساعات من نزوله تقول لى ديمقراطيه اركز واللا اقول ليك : زى ما قال اخونا محسن خالد لحميضة ذات مره: انت زول............ساكت ،،،
وما دام بترفع فى البوست دحين نزيد ليك حسناتك عشان توصل كلام ابننا محمد عالم ده لناس السودن عشان ديمقراطية الاوغاد حتمت تعطل عمل اليوتيوب فى السودان.
( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر. البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟ انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة (جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع. يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص - ما بتخجل- اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم.. انتهى
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: ود الباوقة)
|
Quote: دكتور نافع لديه ابنه عبادة يدرس في التعليم الخاص .. هل هذا هو النضال ................................. اشمعنى دكتور نافع .................................. والغريبة الجماعة يصفقوا |
قالو الفهم قِسم او في رواية اخرى .......... الطلبة او الجماعة صفقوا ضد القبول الخاص كمبدأ ومش في حكاية انو ولد نافع بيقرا تعليم خاص ؟؟؟؟؟؟ كويس الما كتبت مش كفاية انو ولده بيقرا في السودان !!!
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: Al Sunda)
|
Quote: انت زول............ساكت ،،،
Quote: اخونا صديق
الحياء شعبة من الايمان
ربنا يديم عليك و علي محسن خالد نعمتي الادب و الحياء
لكن بالجنبة كده لا حياء في الدين |
اخونا عثمان رغيم ازيك الرسول انت متظكر كلامو الليله ووووووووووووب رد الله غربة بت الشيخ مادام لا حياء فى الدين ود الباوقة انت قـ.......ط ساكت،،،
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: صديق الموج)
|
يا ود الباوقة صباحاتو بيض...
ياخ الزول دا ما تركز معاهو كتير دا زول مجنون ومعتوه!!!! اصبر ستأتيك شهادات ودلائل على أنه غير عاقل وغير مسؤول عن تصرفاته زيو وزى زول المركوب داك..
أما نقاط ود الموج فأرجوك التجاهل التجاهل عشان كان ركزت معاهن بتكون دخلت الشرك,,, مالك يا زول متور نفسك من الصباح مع ناس ود الموج ومحمد حسن عالم شريف..
أسكت خليهم الأيام بتوريهم ..
تحياتى..
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: نور الدين عثمان)
|
والله ياشيخ عمر زولك ده اتبستف بستفة اريتها بستفتك وصدقنى مبارتك للناس ديل حيجى يوم و تلقاها عديل مش عبر الاسافير ذى بتاعت عبيد الصايم .. وبعدين صراحة الزول ده حقو يحترم نفسه وينذوى بعيد لانه اصبح مهان محل ما يمشى مثال خارجى دقت لندن البقت تياب وداخليا حتى بشيرك اداه حقوا وانت يا حبت عين ناسك جاى تدافع عنه ياخى يالله اختشو شوية وخلو الشعب الغلبان ده فى حاله .
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: نور الدين عثمان)
|
Quote: وبعدين صراحة الزول ده حقو يحترم نفسه وينذوى بعيد لانه اصبح مهان محل ما يمشى مثال خارجى دقت لندن البقت تياب وداخليا حتى بشيرك اداه حقوا وانت يا حبت عين ناسك جاى تدافع عنه ياخى يالله اختشو شوية وخلو الشعب الغلبان ده فى حاله . |
نور الدين
في ظل الديمقراطية التي تنادون وتتبجحون بها
كنت اعتقد ان تدين هذه الافعال الصبيانية
بدلا من الشماتة المردودة
وشكرا
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: ود الباوقة)
|
أردم يا شيخ عمر عاش نافع ونحن بنحب نافع وآل بيته ولو قتلوا النفس التي حرمها الله ، والمال شنو كمان يستاهلوا حق البترول والذهب كلو... أردم و أستعن بمجوعة الداخل والخارج لردمهم ... وين علاء والسيد (ح) وميادة وفدوى وغيرهم هلموا لفزعة شيخ عمر ضد المارقين الشفيع إبراهيم
| |
|
|
|
|
|
|
Re: البطل الحقيقي لهذه المسرحية هو دكتور/ نافع .. (Re: ود الباوقة)
|
يا عمر والله لما اكون زهجان طوالي بشوف اي بوست من بوستاتك،انت ترسم البهجة على شفاهنا. قف ادامك الله لنا، وابعد عنك شياطين الانس والجنس، وحماك من شر الحاسدين الحاقدين ناس بربار، وحفظ لك رجليك لتغبرهما في سبيل الله في المزرعة وحفظ لنا رجيلنا لنصوقر يوماً ما بهما معك. والله جادي يا عمر لو جيت جدة تعال غاشيني وبعزم بربار يجي ناخد لنا قعدة في وطاة الله دي وما تخاف بعزم اساسي برضو ، والله البزيد عن حدو فيكم يعصرو عصرة واحدة يكورك لمن يلم جدة دي كلها فوقنا.
| |
|
|
|
|
|
|
|