كتب الكاتب الفاتح جبرا المتوفرة بمعرض الدوحة
|
|
 يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!!!!
|
لاحظو معاي إنو عيد الإستقلال القادم هو رقم 56
ونحنا اخدنا الإستقلال فى سنة 1956 فى بلد موحد حدادى مدادى
من حلفا لى نيمولى ومن كسلا للجنينه ( لاحظو دلالات المدن لأربعه)
لكن السودان الآن بقى فقط من حلفا لى (كادوقلى ) برضو لاحظ .....
السؤال هو : كيف حنحتفل ونقول شنو وبى ياتو إحساس ؟ وبعد ما راحت حكاية (مليون ميل مربع)
أنا مثلا شهدت أواخر الحراك الوطنى وشاركت كصبى واعى فى إحتفالات الإستقلال فى مدينة كسلا
وحتى الآن ممكن أرسم خريطة السودان (الزمان) صم وبأغلب تفاصيلها
واماالخرطه الحاليه بصراحه عاطفيا واقعيا لا أحتمل النظر إليها
( من يستطيع ألنظر لصورة مشوهة لمحبوبته أو لأعز عزيز لديه؟؟
كان عندى اصحاب وتلاميذ وجيران وفنانين ومشقفين وسياسيين من الجنوب هنا فى سودان زمان....
والله ماعارف إحساسى حيكون كيف بعد منتصف أخر ليله فى يوم 31/12/ 2011 بعد أيام معدوده
هل أنا مكبر الحكايه.....!!!!!!
(عدل بواسطة انس العاقب on 12-12-2011, 07:45 PM)
(عدل بواسطة انس العاقب on 12-14-2011, 01:34 PM)
|
|
 
|
|
|
|
|
|
|
 Re: يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!! (Re: انس العاقب)
|
مرحب يا دكتور
بصراحة إحساس مرير جدا
زي محروقة الحشا , كل ما حال الحول على ذكرى جناها الفقدتو تتعمق جراحها وتتغور اكتر واكتر
المسألة ما مسألة مكبرها
اصلها كبيرة يا دكتور
ومصيبة اكبر من ان نتجاهلها , كل ما تجي ذكرى تتجدد الأحزان
الله لا بارك فيهم الكيزان
الفي عهدهم فرتقوا الخوة وفرقوا الخلان
قسموا البلد كيمان كيمان
حسبي الله ونعم الوكيل عليهم جميعا
يمهل ولا يهمل
لك التحية دكتور انس وكل سنة وإنت طيب رغم الوجع البارك
| |
|
|
|
|
|
|
|
|
|
Re: يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!! (Re: اسماء الجنيد)
|
يا عزيزى ود الباوقه مع كل التحايا والأمنيات أشكرك على الإهتمام بالمداخله ثم أننى لا أختلف معك فى ان ما حدث قد حدث هذا صحيح ... ولكن الإحساس بأن شيئا عزيزا ضاع منك أو أضيع بأى سبب ولأى سبب لكن فعندما تأتى لحظة الصدق لآ بد أن نقف مع انفسنا حتى نتماسك من جديد بعد أن نجد الإجابات الصحيحه وإلا فما معنى الإحتفاء بعيد الإستقلال القادم وهول أول مناسبه إستقلال بعد الإنفصال ... أنا يا أخى لآ أنطلق من زاوية التحزب أو التعنصر بل لأننى أنتمى لأمة عريقة فى حضاراتها وتاريخها .... أنا ياقريبى ود الباوقه حزين فحتى قبل ستة أشهر كنت أعيش فى السودان الإنسانى الجغرافى الذى نشأت فيه وصار هو كل وجدانى وملاذى وإفتخارى بسودانيتى .... نعم هناك سودان شمالى آخر وليس جديد ولا أحب مصطلح ( الجمهورية الثانيه) لأن ذلك يكرس الهروب من الواقع لواقع آخر( لا قدر الله) هل سنستلقى على وسائد الخدر ونطلق عليه ( الجمهوؤية الثالثه ) .... الم تر أن الزحف الصحراوى وصل إرتفاعه إلى هامات النخيل ولم تعد بيوتنا تحتمى بأسورها من كثبان الرمال التى عبرت جنائنكم إلينا فى الضفة المقابله؟ كلها هموم وغموم ياود الباوقه ونحن مانزال نكابر ولكن متى نصحو من غفوتنا ونحاسب أنفسنا قبل أن تحاسبنا الأجيال القادمه وكتب التاريخ .... مع أكيد تحياتى لك لأهلنا فى الباوق وأهلن فى حلة ود الشيخ المقابله لكم فى الضفة الشرقيه .... وتحياتى للبورداب جميعهم ....
| |
|
|
|
|
|
|
|
|
|
Re: يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!! (Re: الصادق خليفة)
|
Quote:
كان عندى اصحاب وتلاميذ وجيران وفناين وسياسيين من الجنوب هنا فى سودان زمان....
والله ماعارف إحساسى حيكون كيف بعد منتصف أخر ليله فى يوم 31/12/ 2011 بعد أيام معدوده
هل أنا مكبر الحكايه.....!!!!!!
|
بل مصغرها خالص يا دكتور
و ماذا عمن اصيب بالم حاد في مسقط رأسه مذ صبيحة لم يعد بعدها صباح او موطن صبى متاح!
القيقر - شمال اعالي النيل
-----
بأي حال عدت يا عيد
| |
|
|
|
|
|
|
|
|
|
Re: يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!! (Re: قيقراوي)
|
| Quote: أنا يا أخى لآ أنطلق من زاوية التحزب أو التعنصر بل لأننى أنتمى لأمة عريقة فى حضاراتها وتاريخها .... أنا ياقريبى ود الباوقه حزين فحتى قبل ستة أشهر كنت أعيش فى السودان الإنسانى الجغرافى الذى نشأت فيه وصار هو كل وجدانى وملاذى وإفتخارى بسودانيتى .... نعم هناك سودان شمالى آخر وليس جديد ولا أحب مصطلح ( الجمهورية الثانيه) لأن ذلك يكرس الهروب من الواقع لواقع آخر( لا قدر الله) هل سنستلقى على وسائد الخدر ونطلق عليه ( الجمهوؤية الثالثه ) .... الم تر أن الزحف الصحراوى وصل إرتفاعه إلى هامات النخيل ولم تعد بيوتنا تحتمى بأسورها من كثبان الرمال التى عبرت جنائنكم إلينا فى الضفة المقابله؟ كلها هموم وغموم ياود الباوقه ونحن مانزال نكابر ولكن متى نصحو من غفوتنا ونحاسب أنفسنا قبل أن تحاسبنا الأجيال القادمه وكتب التاريخ |
كلام مكتوب بماء الذهب وعرق السنين ..تسلم يا دكتور انس ..
| |
|
|
|
|
|
|
|
|
Re: يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!! (Re: العوض المسلمي)
|
يا عزيزتى أسماء الجنيد ..... تعرفى من فتره طويله وانا أتحفظ فى فتح بوست جديد وأتردد فى المداخلة لأنى لاحظت أن الكتير من الأفكار الجيده المطروحه تتحول إلى جدل عقيم وهتر أسيف وأنا رجل حساس وما عندى غير صدق الإحساس مهما يكون لكن فى ناس فى المنبر صادقين بيحاولوقدر الإمكان يكونو واقعيين حتى فى معارضتهو للآخرين وبلغة إنسانيه مهذبه أو مقنعه عشان كده سعدت جدا بردك وود الباوقه وكلاكما على طرفى قيض كما نعلم من المنبر ...المهم أشكرك على الرد العبرت فيهو عن إحساس حقيقى يشكك فيهو كنيرين ...
قبل فتره قريبه كنت فى زياره لأستاذنا محمد وردى وتطرق النقاش لأمور كثيره وفى هذا الخصوص قال لى ( تعرف يا فلان أنا بقيت ما بنوم الليل لمن أفكر فى إنقسام السودان لدولتين .... كيف بلد عشت فيهو عمرى كلو موحد وما فى زول غنى ليهو قدرى الليله بقى دولتين ... نقول شنو للناس الجايين ونغنى ليهم شنو؟ ) أصدقك القول يا أسماء أنا إرتحت شويه من كلام وردى على الأقل هناك صناع تاريخ عندهم رأى ... أنا مستغرب هناك ناس يدعون إلى تجاوز نكبة الإنفصال بل يحرضون على نسيانها تماما .... إن سقوط دولة الأندلس فى نهاية القرن الخامس عشر لم يفق منه العالم الإسلامى إلا بقيام دولة الفونج فى بداية القرن السادس عشر فى هذا السودان ولذلك يظل التار بايت والمطامع تخطط سرا وعلنا ونحن وقعنا فى الفخ الأول وستتلوه فخاخ أخرى معروفه فى كل الإتجاهات ونظل نتجمل لنكذب ثم نكذب لنتجمل ...
| |
|
|
|
|
|
|
|
|
|
Re: يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!! (Re: قيقراوي)
|
| Quote: ونظل نتجمل لنكذب ثم نكذب لنتجمل ... |
أستاذنا الكريم الدكتور أنس ،،،
هنا مربط الفرس .. لقد حددت علتنا بالضبط ... نحن ما فتئنا نكذب ونتجمل منذ أن نلنا استقلالنا وحتى اليوم
نبني كل شيء على الكذب والتجمل .. برلماناتنا نبنيها على الكذب لذلك تأتي مسخاً لا يشبه البرلمانات ولا يقدم ولا يؤخر ،،،
مؤسساتنا نبنيها على الكذب والتجمل لذلك تنهار قبل أن تشب عن الطوق ...
أحزابنا نبنيها على الكذب والتجمل لذلك لا تكون لها المصداقية أو القوة التي تصل بها إلى تحقيق برامجها ...
وكل ما بُني على الكذب والتجمل فهو إلى زوال ...
ترى متى نبرأ من هذه العلة المزمنة؟
ترى متى ننسى عبارة عفا الله عما سلف؟
ترى متى يكون الحساب بلا استثناء لكبير أو صغير؟
الأوجاع كثيرة والغبائن قد طفحت والمغائس قربت تشقنا ...
ترى هل بالضرورة أن نحتفل يا دكتور؟
| |
|
|
|
|
|
|
|
|
|
Re: يا جماعه هل فكرتو فى معنى عيد الإستقلال القادم فى 1/1/2012 ؟؟؟؟!!! (Re: أبوبكر عبد القادر العاقب)
|
يا أبو بكر مداخلتك أضافت لى إحساس بالتفاؤل طالما هناك من يقول الحقبقه بشجاعه ... نحن ياعزيزى أمه تصر أن تكون فى هامش التاريخ العالم من حولنا يتقدم ونحن ماعندنا غير نشكر أنفسناونصخمها فى الفاضى أمس إبنى محمد جاءنى غاضبا وقال لى يا بوى ماذا عندنا نتميز به وسط الدول وواصل تعرف يا بوى نحن لا نشرف السودان ولا هو يشرفناولم أرد
عليه لكن ختم كلامهقائلا ( أنا خايف على مستقبل البلد)رددت عليه ( مع ذلك دا إحساس كويس) وإنت كمان قلت الحقيقه.. من مننا لا يحب وطنه أنا شخصيا رغم أنى قاعد فى البيت منذ 5 سنوات لأسباب هى أننى أقول الحقبقه..نعم فقدت موقعى ولكن ظللت أكسب نفسى وها أنت تطمنى أن الوطن بخيرومعاك الشباب زى ناس محمد ... لكن ماذا نفعل؟ وطن يسير حثيثا نحوالتفكك
إن لم ننتبه ونخلص القول ولازم تخرجون من غفوة هذا التاريخ الذى أغلب صفحاته كذب وتجمل وخداع ذات ... بارك الله فيك كل سنه والوطن ونحنا وانت بخير ... أرجو التواصل..
| |
|
|
|
|
|
|
| |
انس العاقب
اسماء الجنيد
الصادق خليفة
قيقراوي
العوض المسلمي
MOHAMMED ELSHEIKH
أبوبكر عبد القادر العاقب
فيس بوك
تويتر
انستقرام
يوتيوب
بنتيريست