|
صندوق تزويج المتزوجين من البورداب
|
قال صلي الله عليه وسلم « النكاح من سنتي. فمن لم يعمل بسنتي فليس مني. وتزوجوا فإني مكاثر بكم الأمم)*ومن هذا المنطلق اتت فكرة تزويج المتزوجين لنكاثر بهذه الامة الامم وهومقترح تقدم به بعض الاحبة من بورداب الخارج والداخل لتكوين صندوق خيرى خاص بالبورداب المتزوجين لدعمهم وتمكينهم من الزواج مرة ثانية او ثالثة اورابعة .. ليس هناك اى شرط للحصول على الدعم سوا ان يكون المتقدم عضوا في سودانيز وان يكون متزوج فالعزاب يمتنعون وكذلك الخاطبين..
نشكر كل الخيرين الدعموا هذه الفكرة.. وشكر خاص للاخ عصام دهب والدكتور سيف الدين وصديق الموج ..
العزابة يشوفوا ليهم صندوق تاني ..
ــــــــــــــــ * حديث ضعيف .
|
|
|
|
|
|
|
|
Re: صندوق تزويج المتزوجين من البورداب (Re: صبري طه)
|
Quote: أغلب الرجال المتزوجين يوم الخميس بساهروا معانا نحن العزابة في الكوتشينة ... |
ديل يااما نسوانهم في السودان او النوع البيدقوه اتنين وخميس ..
Quote: ودة الخلاّني أصرف النظر عن الموضوع |
عيونك المغروضات ديل فيهم نظر ؟!!!!
| |
|
|
|
|
|
|
Re: صندوق تزويج المتزوجين من البورداب (Re: فايزودالقاضي)
|
يا فايز يا حبيب...بالله عليك الله ما تهظر لينا في أمور مصيرية زي دي...
الطرح جميل والفكرة حلوة...
أها تزويج المتزوجين من البورداب ببوردابيات ولا القصة فاتحة على الآخر؟؟
أحلى حاجة زهير ما معانا ...
صورة من البوست لسعادة رجل الخير جمال الوالي...
طبعاً المداخلة دي عادي ممكن أنكرها ...
الما في شنو؟؟
... ..
| |
|
|
|
|
|
|
Re: صندوق تزويج المتزوجين من البورداب (Re: فايزودالقاضي)
|
Quote: ديل يااما نسوانهم في السودان او النوع البيدقوه اتنين وخميس .. |
ديل البسوقوا الركشة .. وما بيعرفوا الرّعشة ديل ما كسّارين عناقريب .. ديل البكسروا القشة ديل أخوان نانسي ولينا .. ما أخوان فاطمة وعشّة
ــــــــــ ديل ناس رقة وحنان سليقة .. وكسّير تلج من ناس طرشة
| |
|
|
|
|
|
|
Re: صندوق تزويج المتزوجين من البورداب (Re: سفيان بشير نابرى)
|
Quote: أنت يا صبري ما تبقي شجاع و تقول اسمو عديييل ؟!
و الله قيقراوي دا لو اخد خبر بكلامك دا يحلك بلتاع . |
حبيبنا سفيان ... خلاص يعني رقة وحنان دي بقت ماركة مسجّلة ... لو بقت كدة كلّمونا ياخ عشان الواحد يعمل حسابو وما يشتت الحنان دة كدة ساي ...
ــــــــــــ في حاجة لو مسكوا فيها السودانيين بتقعد ليك لي جنا جنا جناك ... وهي الألقاب والمواقف ...
| |
|
|
|
|
|
|
Re: صندوق تزويج المتزوجين من البورداب (Re: فايزودالقاضي)
|
اذا قلنا متزوجين بتصدقونا ؟ ولا عايزين صورة من ما يسميه بعض العرب والمسلمين بعقد النكاح؟
عندنا واحد بلدياتنا براجع في اوراقوا بعد عشرين سنة زواج...فقعد يبحلق في عقد الزواج بتاعو..
فقبل لمرتو وقال ليها هسي في ذمتك اسم منو المفروض يكون مكتوب فوق
| |
|
|
|
|
|
|
Re: صندوق تزويج المتزوجين من البورداب (Re: صبري طه)
|
ذكرتني حكاية الراجل المزنوق ومديون ... قالوا ليهو: "أدخل في صندوق" ...
قال: "وانا ما جوّة الصندوق ... باقي مسمار واحد وتتقفّل من الجهات الستّة" ...
قلت ليّ صندوق تزويج المتزوجين من البورداب؟
مسمار واحد - ولامؤاخذة - والبوردابي سيح ميح ...
(ما يطلع شبه صندوق دعم الشريعة ولاّ صندوق الدنيا!)
... المهم ....
| |
|
|
|
|
|
|
Re: صندوق تزويج المتزوجين من البورداب (Re: عماد حسين)
|
ياحبيبنا الفنان الجميل محمود ...اولاً كدي خلينا نوثق كلامك قبل النهار مايمحوه ..
Quote: أها تزويج المتزوجين من البورداب ببوردابيات ولا القصة فاتحة على الآخر ؟؟ |
البوردابيات ديل زى اخواتنا ...يقعدن كده ...
| |
|
|
|
|
|
|
Re: صندوق تزويج المتزوجين من البورداب (Re: فايزودالقاضي)
|
Quote: فايز
سجل عندك
بس شرطا
نوع الفي بروفايلك ده
بضاعة اقل من كده مابتخارج معانا وما ناقصين شوف وادينا خبر |
ياودالشرق انت مسجل قبل الصندوق .. الفي بروفايلي دي انا تعبت فيها تعب شديد وعامل الصندوق عشانها للامانة كده .. نشوف ليك واحدة اقل منها بربع كيلو ...ابشر ياصفوة ..
| |
|
|
|
|
|
|
Re: صندوق تزويج المتزوجين من البورداب (Re: اسماء الجنيد)
|
Quote: الفيك إنعرفت يا جدو ,, قال يعرس تاني قال !!! يعرس ركبيكم قولوا آمين وكمان صندوق ؟ كدي الصندوق ده اليحلكم من فواتير الموبايلات , عالم مفلسة وطفشااااااانة والله صحي |
يسعدني ان اقبل عضوية الاخ الحبيب الصفوة الفاتح الجنيد .. حاجزين للفاتح تلاتة بنات عمر 19 و20 و 21 ودفعة واحدة عشان المسافةبين الاولى والرابعة تكون بعيييييييدة .. ياود الموج بالله اهتم لينا بالفاتح ده وسهل ليهو الاجراءات وسرعها ..
Quote: مي خاتية سامية حامد إن قامت عليكم والله صحي |
الشكر لعضو الصندوق ابوحسين الذى اسكت الماتتسمى ومنعها من دخول بوستها ...
هيييييع
| |
|
|
|
|
|
|
Re: صندوق تزويج المتزوجين من البورداب (Re: امينة عيسى)
|
يا فائز أنا متبرع للصندوق بخمسه عزابيات ثلاتة في بلادالله البادرة وبعيدة واحد ةفي السودان والتانية انت أظنك عارف ومافي داعي للتصريح وبعدين تلفزيون ملون 21بوصة ورسيفير يسلم بعد عقد القران لاول زوجين من قبل صندوق تزويج المتزوجين
* لكين جنس طمع وأنانيه
| |
|
|
|
|
|
|
Re: صندوق تزويج المتزوجين من البورداب (Re: تبارك شيخ الدين جبريل)
|
Quote: انتو دايرين تكتلوا ابو الزهور وهو في ريعان شيخوختو
صاح؟
(انا داير اسجل .... لاكين النصيحة لى الله "خفت عا العدة" زي ما قال عادل امام!)
... المهم .... |
لووووووووووووووووووووووووووووولز واللــــــــــــــه ماك نصيح احي يا بطني ,, ما قادرة اضحك زاتي في الصقط ده يا تبروكة ياخ يسجلوك الطيش ويلبعوك بالبراطيش قول آمين لوما قلت انا بقول والله صحي
| |
|
|
|
|
|
|
Re: صندوق تزويج المتزوجين من البورداب (Re: تبارك شيخ الدين جبريل)
|
يا فايز الفكره جهنميه بالمعنيين لو أتنفذت أو طرشقت أو رد فعل الما بجيبو إسمو كان صعب ... طيب دى شروط المتزوج أها شروط العروس كيف ؟ يعنى هى إما تكون مثلا عزباء أو مطلقه أى كانت متزوجه لأنو العريس ما ممكن يلقى ليهو واحده بوردابيه غير كده .... بعدين نفرض العروس طلعت بوردابيه فى بلد تانى الحل شنو ؟ على أى حال أنا مع الفكره والحمد لله جماعتنا ما بعرفو سكة سودانيزأون لاين يقرو كلامنا دا يا فايز .... أعمل حسابك شايف البورد سخن مع تحياتى للبروفيل أهو كده التلحين أو التلجين !!!!!!!!!؟؟؟؟؟
| |
|
|
|
|
|
|
Re: صندوق تزويج المتزوجين من البورداب (Re: انس العاقب)
|
Quote: على أى حال أنا مع الفكره والحمد لله جماعتنا ما بعرفو سكة سودانيزأون لاين يقرو كلامنا دا يا فايز .... أعمل حسابك شايف البورد سخن مع تحياتى للبروفيل أهو كده التلحين أو التلجين !!!!!!!!!؟؟؟؟؟ |
و الله لكن إتفكفت الليلة يا دكتور .....
كلنا تحياتنا للبروفايل و فعلاً لحن جميل جداً ( أها نحن مرتنا عضوة في البورد ما زيك)
| |
|
|
|
|
|
|
Re: صندوق تزويج المتزوجين من البورداب (Re: منال)
|
سلام يا ود القاضي
أنا غايتو بوستيك دا لا شفتوا لا قريتوا لا عارف فيهو شنو جوة بس من العنوان كدا أخلي مسؤوليتي تماماً من هذا البوست وكل ما يرد فيه
والله على ما أقول شهيد
_____________________________
يا أخوي نحنا تاني ما بنقدر على المبيت في بيوت العزابة والفوضى السكنية والسهر الما منو فايدة
هرمنا وعاوزين نكون مستورين الحال
لكن صورة البروفايل حارة شديد
| |
|
|
|
|
|
|
Re: صندوق تزويج المتزوجين من البورداب (Re: Asim Fageary)
|
Quote: سلام يا ود القاضي أنا غايتو بوستيك دا لا شفتوا لا قريتوا لا عارف فيهو شنو جوة بس من العنوان كدا أخلي مسؤوليتي تماماً من هذا البوست وكل ما يرد فيه والله على ما أقول شهيد |
غايتو الرجال النسوانهم يخشوا النت ديل مواقفهم في التلفونات غير البورد ...
Quote: يا أخوي نحنا تاني ما بنقدر على المبيت في بيوت العزابة والفوضى السكنية والسهر الما منو فايدة هرمنا وعاوزين نكون مستورين الحال |
نحن قلنا تزويج وليس تطليق وتعزيب ..
Quote: لكن صورة البروفايل حارة شديد |
نار موقدة وتطلع على الأفئدة ..
| |
|
|
|
|
|
|
Re: صندوق تزويج المتزوجين من البورداب (Re: منال)
|
Quote: يا فايز كأني فاهمك...
يظهر دي دي هجمة مرتدة.. مش؟؟!!!!
يانشطاء قضيةالمرأة والاسرة كيف نحارب زواج الرجل المتزوج(راجل المرة)
دعوة للحوار هل تعتقدون زواج الرجل المتزوج من امراة اخرى خيانة؟
(وشوش ضاحكة لناس عاوزين يدبلوا) |
شكرا على البوستات الزى المذكورة اعلاه واهاجت الرجال المفلسين وخلتهم يفكروا فى العرس تانى بالخته والصناديق
واطرشنى عاد ما سمعت براجل المرة البعرس بالختة والله دا ما بنحاربوا ده بنخليهوا ينضم ساكت عرس بى خته قال (صندوق) ههههاى سجمى يا يمه دا عريس السواد والرماد دا عريس من دفقوا للكلاب وجرن منو
وعريس من جدعوا للحمير ونفرن عافنوا
ما سمعتوا باماتنا زمان بغنن للعريس التمام المستطيع التلع الصبى العنتيل الما بلموا ليهو حق العرس للزواج وبغنن ليهو
عريس من باريس ونافض الكيس وما سمعتوا بالمثل البقول الخريف من رشتو والعريس من بشتو البشة دى الخرفان والفواكه والمكسرات والمرطبات بتاعة الصباحية وهو العريس السجمان دا عايز يعرس تانى بالشحته والختات و الصناديق مالوا وكتين عريس سجمان و مفلس وكمان خاتين ليهو حق العرس خته و صندوق دعم لزوم المكاوة فى المغطى وغرقان شطة شنو!!!!والبسكربوا ما يفطربوا ويأ######وا مرتو واولادو قالوا ليكم الاستطاعة ونحن دى عارفنها ما عندكم عشان كدى قوموا امشوا لفوا بلاش خته بلاش عرس بالصناديق
وبوستات يا نشطاء قضية المرأة والاسرة كيف نحارب زواج المتزوج بالخته والصناديق فوق
دعوة للحوار هل تعتقدون زواج الرجل المتزوج من امراة اخرى بقروش الخته والصناديق خيانة؟ برضو فوق
| |
|
|
|
|
|
|
Re: صندوق تزويج المتزوجين من البورداب (Re: منال)
|
منال ..سلامات ..
Quote: سجل معاك واحد من خارج البورد صعب شديد عايزين ليهو وحده تكون اصعب منو عشان الاتنين يقعو فى بعض وارتاح منو |
بكلم ليك سامية حامد لو عندها اخت ...فابوحسين احد ضحايا تعذيب هذه العيلة ..
Quote: لو سمحت يافايز تغير بروفايلك عشان مضر بالصحه ,,,, |
وانا الجايب لى القولون والهبوط الاضطراري شنو غير الصورة دي !! ... ربنا يصبرنا بس ..
| |
|
|
|
|
|
|
Re: صندوق تزويج المتزوجين من البورداب (Re: الفاتح ميرغني)
|
Quote: : وصديق الموج ..
الفيك إنعرفت يا جدو ,, قال يعرس تاني قال !!! |
فائز الفاتح الجنيد قال ليك الباس ورد خاصته دساهو العدو ابو شعر الوصية فى الذمة قال ليك: سجلو بعدى طوالى.. ود شيقوق قال شيلة الفاتح عليه جعلها الله فى ميزان سناحتك يا الطيب فائز اول مره تقول كلام فيه فائدة والله صحى بالله صورة من البوست ده للمانحين.. بالله ابدا بى انا عشان الفاتح الجنيد ده مضايق شديد.. الوحدة كتلتو والله صحى.. سدد الله على دروب الخير خطاكم يا ود القاضى،،،
| |
|
|
|
|
|
|
Re: صندوق تزويج المتزوجين من البورداب (Re: الفاتح ميرغني)
|
الفاتح ...سلامات ياحبيب ..
Quote: نحن خارج الفئة المستفيدة من الصندوق لكن نقترح إسم من الأسماء الآتية: - صندوق النكد العائلي - صندوق الكوارث - الصندوق الأسود. انا ما بفسر وإنت ما تقصر على قولة البوني. |
الصندوق قايم على دعم الخوافين من التدبيلة والتتليتة والتربيعة لمنحهم شجاعة لتنفيذ ومواجهة الامر .. يعني المسألة دعم معنوى نفسي وهناك اخصائيين لذلك .. يعني قروش تشموها قدحة ..
اما المسمى فكل الاجابات صحيحة ..ولاتنسى أن المرأة شرٌ لابد منه ..
محبتي الاكيدة
| |
|
|
|
|
|
|
Re: صندوق تزويج المتزوجين من البورداب (Re: انس العاقب)
|
استاذي وابن مدينتي الدكتور ...أنس العاقب .. اولاً انا سعيد اني التقيتك في ليلة آل المسلمي التى تشرفت بك وبالاحباء بورداب الداخل والخارج فيها .. نجي للعرس ..
Quote: يا فايز الفكره جهنميه بالمعنيين لو أتنفذت أو طرشقت أو رد فعل الما بجيبو إسمو كان صعب ... طيب دى شروط المتزوج أها شروط العروس كيف ؟ |
يادكتور العروس لقت عرس كمان تشترط ؟!!!
Quote: بعدين نفرض العروس طلعت بوردابيه فى بلد تانى الحل شنو ؟ |
الهدف الاساسي من الصندوق يادكتور هو جعل البوردابية المتزوجة يتزوجوا عليها دي غايتنا ان شاء الله .. لذلك لانحبذ الزواج من البوردابيات من اساسه ..
Quote: على أى حال أنا مع الفكره والحمد لله جماعتنا ما بعرفو سكة سودانيزأون لاين يقرو كلامنا دا |
موصلين الخير موجودين يادكتور ( تيك كير )..
Quote: يا فايز .... أعمل حسابك شايف البورد سخن مع تحياتى للبروفيل أهو كده التلحين أو التلجين !!!!!!!!!؟؟؟؟؟ |
دي عروستي الجديدة وحاابقيها الاولى طوالي ..
| |
|
|
|
|
|
|
Re: صندوق تزويج المتزوجين من البورداب (Re: امينة عيسى)
|
Quote: اللهم لا تمحننا لا تبلينا النصيحة لـ الله الفلس حـار وبخلى الواحد يحلم احلام المكوجية |
فلس شنو ياست الناس ...انتي بالذات مفروض تدعمي الصندوق ده يمكن يقع ليك عريس منهم ..
Quote: هسى زى ماقال الاخ عبد المجيد احسن ليكم يخورنوا البوست دا ولا نتصل بتلاتة تسعات |
الموضوع حدة واحدة وتلات ستات ..
يالك من حاقدة ياهذه ,,
| |
|
|
|
|
|
|
Re: صندوق تزويج المتزوجين من البورداب (Re: زهير عثمان حمد)
|
Quote: يا فائز أنا متبرع للصندوق بخمسه عزابيات ثلاتة في بلادالله البادرة وبعيدة واحد ةفي السودان والتانية انت أظنك عارف ومافي داعي للتصريح وبعدين تلفزيون ملون 21بوصة ورسيفير يسلم بعد عقد القران لاول زوجين من قبل صندوق تزويج المتزوجين |
العزيز زهير ..شكراً لك على التبرع السخي بالعزابيات ...ورغم عزوبتك الا انك آثرت على نفسك وتبرعت بها لاخوانك في الله ..وانت ممن قال الله فيهم : { ويؤثرون على أنفسهم ولو كان بهم خصاصة} ..
مااشوفك في بوست المتزوجين ده ..
| |
|
|
|
|
|
|
Re: صندوق تزويج المتزوجين من البورداب (Re: احمد العمار)
|
Quote: ليس هناك اى شرط للحصول على الدعم سوا ان يكون المتقدم عضوا في سودانيز وان يكون متزوج فالعزاب يمتنعون |
أنتوا لمن الفلس ضاربكم زي مرض سمير لمن عاوزين الدعم العرس ليكم شنو؟؟ والله أي بنت تجاذف مجاذفة زي دي رأسا يشيب من أول شهر
| |
|
|
|
|
|
|
Re: صندوق تزويج المتزوجين من البورداب (Re: معاوية عوض الكريم)
|
Quote: قال صلي الله عليه وسلم « النكاح من سنتي. فمن لم يعمل بسنتي فليس مني. وتزوجوا فإني مكاثر بكم الأمم)*ومن هذا المنطلق اتت فكرة تزويج المتزوجين لنكاثر بهذه الامة الامم وهومقترح تقدم به بعض الاحبة من بورداب الخارج والداخل لتكوين صندوق خيرى خاص بالبورداب المتزوجين لدعمهم وتمكينهم من الزواج مرة ثانية او ثالثة اورابعة ..
|
انا عاوز اثني غايتو
--------
الاقتراح ..
اقتراح الصندوق بس .. مع تحفظ
بالمناسبة سؤال للناشطات و الناشطين ..
بالنسبة لي (ود المرا التانية) .. بكون مع ياتم!؟ اها كان ما فيها مرا تانية كان انا زاتو ما بقيت قيقا و ل كيلو بايت واحد ذاتو!! كان المافي شنو دي يكون اجابتا (قيقا) رقبتو دي!!
| |
|
|
|
|
|
|
Re: صندوق تزويج المتزوجين من البورداب (Re: قيقراوي)
|
الأخ فائز سلامات
يا ريت تضع شروط للمرأه الثانيه دي مهمه شديد يعني نساعدك شويه تكون ربة منزل تعسل تكوي تطبخ تتحمل اذعاجك وعدك صفو مزاجك تربي الشفع وباقي الحاجات لما تلقي واحده كدا كلمني اديك تلفون الراجل بالله
| |
|
|
|
|
|
|
Re: صندوق تزويج المتزوجين من البورداب (Re: ولياب)
|
حبيبنا ولياب ..
Quote: صندوق شنو الجاي تقول عليه!!!
ما خلاص زيجة إنتهت تاني ما بزود عليه!!!
يظهر عليك ناوي تسكر البورد |
بالمناسبة البوست ده غير مشوف الا للرجال اعضاء المنبر .. ولا ترضده رادارت الحريم .. عشان لو عايز خدة الصندوق بلغنا ولو بمسج في الجوال ..
| |
|
|
|
|
|
|
Re: صندوق تزويج المتزوجين من البورداب (Re: ABUHUSSEIN)
|
يا فايز يا ود القاضى نحن اصلا اتزوجنا بختة الحنة برضو الزواج الثانى بصندوق ما شفت ايمان ووصفها لعرسان الختة والصندوق يارب افتح لنا ابواب رحمتك واجعلنى من اصحاب المليارات وبعد داك نشوف بقولو شنو بس انا خايف يقولو الشياب دا انا ما بدوروا
عشان كده اول حاجة يا ود القاضى تضمن لينا العروسات بعدين نعمل الصندوق
| |
|
|
|
|
|
|
Re: صندوق تزويج المتزوجين من البورداب (Re: هويدا شرف الدين)
|
منقووووووووووووول
دعما لهذا المشروع الهام
Quote: تزوج أربعة وتوكل على الله! روح معذبة ملت وسادتها من رطوبة دموعها... وملت الصمت من استغراقها في تأملاتها! هل نعقد قرانها على المخدة اللعينة! تتحدث مع فتيات وسيدات كثيرات من مختلف التخصصات والخلفيات والدرجات العلمية.. عندما يثقن بك ويتحدثن إليك عن همومهن تراهن لا يعترضن على الزواج من رجل متزوج. يقدر عدد العازبات والمطلقات والأرامل في الوطن العربي بعشرات الملايين ويشكلن قوة اجتماعية واقتصادية معطلة، الأمر الذي يشكل دمارا اجتماعيا واقتصاديا شاملا للأمة إن كنا نستوعب مفهوم ومستقبل الأمة! هل نتركهن يذبن ببطء ويمتن بقهر وصمت لنرضي غرورنا أو "صافيناز هانم"! ها نحن نلاحظ انتشار المتعة والمسيار والزواج العرفي وغيرها انتشار النار في الهشيم وبأشكال لا يرضى عنها الشرع. وها هي الثورات العربية وقبلها الحرب على العراق وفلسطين خلفت وتخلف لنا آلاف الشهداء والأرامل، هل نقف مكتوفي الأيدي نُنظّر لما تُفمفمه جمعيات حقوق المرأة وزوجتنا الاحتكارية المستبدة! قانون الزوجة الواحدة قانون احتكاري أيتها المرأة العربية.. الزوج ليس وكالة حصرية أو تركة عائلية! لا يجب على المرأة المتزوجة أن تفكر بطريقة احتكارية للزوج أو على أنه ممتلكات حصرية خاصة بها..ما الأفضل لك أن يتزوج زوجك ثانية، أم يواصل نكده عليك وبصبصته هنا وهناك! ما الأفضل لك أن يرتكب زوجك الزنا ويلاحق النساء من حارة إلى حارة ويجلب لك ولأبنائك السمعة السيئة، أم يتزوج بالحلال! أفيدينا رعاك الله! لنرسل جميعا رسالة للمرأة الغربية والعربية وكل مؤسسات حقوق الإنسان ودعاة حقوق المرأة أنه لا أروع ولا أفضل للمرأة من الاحتماء بحضن رجل تشعر معه بالأمان والاستغناء عن الناس والاكتفاء العاطفي والعفاف...وأن المرأة مهما علا شأنها ومراتبها العلمية والفكرية.... فهي حقا مسكينة إن لم يكن لها زوج. لنجعل حياتنا أبسط وأرحم وأكثر بركة وتعاونا.. لا تعتريها الأمراض النفسية والاكتئاب. إننا بحاجة لثورة في العادات والتقاليد، ثورة فكرية وثقافية ونفسية تواكب ثوراتنا العربية الحالية..إننا نغتنم هذه الفرصة التاريخية لندعو الإسلاميين الذين يتقدمون الصفوف الآن نحو مقاليد الحكم في البلدان العربية لمعالجة هذه القضايا والمشاكل الاجتماعية الملحة سريعا ونحن معهم في الخندق الأول! أما منظمات حقوق المرأة التي تعارض طرحنا، فلتذهب إلى الجحيم وبئس المصير! عامر العظم 10 ديسمبر، 2011
|
| |
|
|
|
|
|
|
Re: صندوق تزويج المتزوجين من البورداب (Re: قيقراوي)
|
Quote: يا فايز الفكره جهنميه بالمعنيين لو أتنفذت أو طرشقت أو رد فعل الما بجيبو إسمو كان صعب ... طيب دى شروط المتزوج أها شروط العروس كيف ؟ يعنى هى إما تكون مثلا عزباء أو مطلقه أى كانت متزوجه لأنو العريس ما ممكن يلقى ليهو واحده بوردابيه غير كده .... بعدين نفرض العروس طلعت بوردابيه فى بلد تانى الحل شنو ؟ على أى حال أنا مع الفكره والحمد لله جماعتنا ما بعرفو سكة سودانيزأون لاين يقرو كلامنا دا يا فايز .... أعمل حسابك شايف البورد سخن مع تحياتى للبروفيل أهو كده التلحين أو التلجين !!!!!!!!!؟؟؟؟؟ |
حتى إنت يا دكتور يا فنان ؟؟؟؟ عليه العوض ومنه العوض ,, والله صحي حالتنا قلنا ناس اب شعورا حية بقيفوا معانا , كان كدي النقوم نلقط الكلام , اصبروا بهجيكم من طرف
ود الموج وود القاضي ود الجنيد شبعااااااان فرحة بي برشلونة إن قدر دخل في المعمعة دي , اتيمنت على قول ماما دومة علا اقلبو ليكم ريال سعودي كمان ولا ريال مدريد وارسلوا ليكم في السعودية , مبروك عليكم
اخيرا نهاجم قبال تقع في نص نافوخنا على قول جدنا التاسع عشر نابليون (( خير الدفاع عن الرويحة الحلوة , الهجوم الكااااااااااااسح ) بدل تبقى علينا غربة وخراب ديار والله صحي لووولز
| |
|
|
|
|
|
|
Re: صندوق تزويج المتزوجين من البورداب (Re: اسماء الجنيد)
|
Quote: اخيرا نهاجم قبال تقع في نص نافوخنا على قول جدنا التاسع عشر نابليون (( خير الدفاع عن الرويحة الحلوة , الهجوم الكااااااااااااسح ) بدل تبقى علينا غربة وخراب ديار والله صحي لووولز |
هيععععععععععع جوكم انا متخارج من البوست دا متبرى منو منكم ربنا يحفظنا ويطول فى عمرنا
| |
|
|
|
|
|
|
Re: صندوق تزويج المتزوجين من البورداب (Re: رشا بابكر)
|
العوا شنو ياجماعة؟؟؟ صحيتونى من نومة سهرة الكلاسيكو كواريكم خلت الفى الشارع يقيف يسمع
ود القاضى والموج شكيتكم على الله أنا كراعى لسه ما جبرت بتدورو تكسروا لى التانية
سومه اتلفحى كويس من الصقط وغطى إضنيك عشان ما تجيك نزله
| |
|
|
|
|
|
|
Re: صندوق تزويج المتزوجين من البورداب (Re: الفاتح الجنيد)
|
Quote: فايز يا شقيق.... مش أنت طالبت بترحيلنا من كوكب الأرض و وشنا ما عاوز تشوفه ده تناقض عجيب ياخ :)
قال مثنى وثلاث ورباع... |
فردوس جامع تحياتى تعالى اقرئى بوست كيف نحارب زواج راجل المرة والقصة الكبيتها بهناك وشوفى الابناء بعانوا كيف من زواج الاباء
| |
|
|
|
|
|
|
Re: صندوق تزويج المتزوجين من البورداب (Re: الفاتح الجنيد)
|
الحبيب الفاتح ...
Quote: ود القاضى والموج شكيتكم على الله أنا كراعى لسه ما جبرت بتدورو تكسروا لى التانية |
نحن ضد الارهاب والتطرف الذى يمارس عليك .. ضد التخويف وتكسير الكراعين والايادي ..
Quote: سومه اتلفحى كويس من الصقط وغطى إضنيك عشان ما تجيك نزله |
سنعتبر ذلك تحت التهديد ..
ونشكر الاخ ود الموج لقيادة هذا العمل الخيري..
| |
|
|
|
|
|
|
Re: صندوق تزويج المتزوجين من البورداب (Re: هويدا شرف الدين)
|
الشقيقة هويدا ...سلامات وليك وحشة ...
Quote: يا ريت تضع شروط للمرأه الثانيه دي مهمه شديد يعني نساعدك شويه تكون ربة منزل تعسل تكوي تطبخ تتحمل اذعاجك وعدك صفو مزاجك تربي الشفع وباقي الحاجات لما تلقي واحده كدا كلمني اديك تلفون الراجل بالله |
والله كان معسل ماعرفنا !!!
صندوقنا ده مخصص للبورداب المتزوجين ..انت بتقرى بلغة اقليات ولا شنو ؟!! يعني لو عايزة نخدم اعملي عضوية لزوجك في سودانيز ..بعد داك بكلم ليك الموج ..
صورة من البوست لاهلي في الجزيرة ..
| |
|
|
|
|
|
|
|