|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: النذير حجازي)
|
Quote: ياخ مالك عاوز تحرمنا من المتعة الوحيده فى البورد ده ؟!! ولأنو المعاناة تولد الابداع ّوهى شهاده فى صالح الديكتاتوريه كما قال صنع الله ابراهيم الا انها هى المحرك الاساسي لابداعات اخونا زهير ..
خليهو يا النذير ياخى .. حفظه الله متعةً للمنبر |
والله يا ود المشرف أبو الزهور دا ما زول عرس وأهلنا بقولوا: من كثرت أقواله قلت أفعاله
غايتو في إنتظار العريس أبو الزهور وبعدين الجنس اللطيف ما بحبو هاهاها دي مشكلتو في الدنيا
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: النذير حجازي)
|
Quote: رأيكم شنو يا شباب نعمل شيرينق لأخونا زهير عثمان حمد علشان يعرس؟! |
يا رااااااجل حرام عليك
ذنبها شنو ( بت الناس ) عاوز تبليها البلوى دي ؟؟ ومالك علينا كل يوم تجينا دعوة " شكيتم على الله يا ناس سودانيزأونلاين البليتوني بالزوول دا " ؟؟ وبعدين خلي بالك دي بتكون دعوة مظلومة ليس دونها ودون الله حجاب
استغفر يا راجل
باختصار
أنا برة الموضوع دا
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: smart_ana2001)
|
الاخوان الكرام تحياتي في البداية الشكر أجزله لصاحب الفكرة ومن ثم لكل تحمل هم قضيتي وأشفق علي والله ياناس أنا كنت خلاص علي وشك أخت العشا والحله الليله كرعين جداد قلت أحسن أرد علي الناس ديل فعلا المسالة ما مسالة شيرينق لكن منو اللي ح تقبل تقضي عمرها مع أبوالزهراء لو وجدت نتكلم في الباقي لو ما وجدت ما في زوال بديعكم ولا أنا بزعل منكم وسعيكم مشكور ويادو البشري خلي حركاتك دي كيف ما مشكلة مادية وأخوك لفي كعبيي في الخرطوم ولحدي حسي أنجلد تلاتة مرات بالله خليك ظريف أمكن تكون العروس ذات علم وجمال ومال... بحلم مش كدا؟!!! ياصديقي الرغيف نشف أنا ماشي أتعشي بكرة شغال وتصبحون علي خير
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: زهير عثمان حمد)
|
Quote: يا رااااااجل حرام عليك
ذنبها شنو ( بت الناس ) عاوز تبليها البلوى دي ؟؟ |
زهير قل لهم ما قال الشاعر:
أقـول مثـل الـذي أكوابـه صدحـت ...( وداوني بالتي كانـت هـي الـداء ) فإن لومـك يـا مـن بـات يقلقنـي ...أقسمـت بالله رب العـرش إغــراء النذير وعاطف وودالبشرى ، إرفعوا أياديكم عن صديقي إبن أبي سلمى ، يا ناذر ، تكأكأ القوم أعلاه على زهير بسبب معلقته الأخيرة التي صدح بها في عكاظ بكري هذا فتناقلتها عبس وذبيان ومضارب بني قينقاع ومستشفى أمدرمان ..
لا تأبه بهم يا ابن أبي سلمى وتفرغ لعشائك بكرعين الجداد فنحن أحوج ما نكون لقريظك يا أخا العرب.
بس ما تنسى الشطه الخدرا ..
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: PLAYER)
|
Quote: يا النذير يا خوي ابو الزهور مشكلتو ما مادية ابو الزهور ما جاهز نفسيا للعرس و المسؤولية و كدا و البسوي فوقو دا و خت اللوم في النسوان والفلس وبتاع نوع من التكتيكات الدفاعية بقنع بيها نفسو انو السبب ما منو |
يا ود البشرى زمان في الثانوي كان عندنا أستاذ لغة عربية عمره فوق الأربعين وما ماتزوج ..قبل نهاية كل حصة شابكنا موضوع للنقاش بعنوان ( ما هي الزوجة المثالية) ونحن الزمن داك ما عندنا أي خبرة والقصة كلها من جانبنا كان تنظير ساي .. أها استاذنا ده ما تزوج إلا بعد أن طاف سن الستين وقيل أنه ندم كثيرا على بقائه أعزب طوال السنوات التي مضت .
أخشى على أخينا ابو الزهور من هذا المصير...أحسن يلحق رقبتو ...ونحن جاهزون ..نمده بكل ما يلزم.
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: tmbis)
|
تمبس كيفك أنت ناس أمونه ديل ما عندهم سالفة كمان قالت زهير أبي سلمي لا البهاء بن زهيرالمهم هي لا مشروع حياة مرتقب ولا جكس يحقق أحلام وطموحات أو الزهراء فكنا منها وكيفك مع الخرطوم العاصمة المهم لازم تزور معقل أبوالزهراء في أحدي ليالي الاجازة وأفضفض ليك وتعرف موقف أخوك الانساني بالله ما تنسي لازم وضروري تزورني
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: زهير عثمان حمد)
|
سلام ود المشرف ..
Quote: وده كلو من شنو !! ما من اهمالكم فى مثقفين الداخل؟! |
أبدا والله .. زهير مثقف الداخل دا أنا اصلو ما مهملو .. بس هو زولا غشيم وعنو تحفظ تجاهي .. الزول دا أنا بلح عليهو من فترة طويلة يعزمني الحلة بتاعتو دي والزول رافض تماما لشي في نفس يعقوب وانا ببيض ليهو في النية لكن ما عارفو هو مالو ..
وأنا طمنتو وهو ما مطمن .. أنا اساسا ما بتعشى تقيل ..
يعني كراع كراعين تلاتة من كوارع جدادتو دي أمصمصا وأقرمشا وبقرض علي كدة ..
ود المرتضى شاهد ..
Quote: يا ناذر ، تكأكأ القوم أعلاه على زهير بسبب معلقته الأخيرة التي صدح بها في عكاظ بكري هذا فتناقلتها عبس وذبيان ومضارب بني قينقاع ومستشفى أمدرمان ..
|
مش يا مولانا إنت شاهد يوم عيزومة العوض المسلمي الحوار الدار بني وبين زهير ..!
وبعد دا كب الزوغة .. ليه ما عارف ..!!
يا زهير مالك معاي أنا ياخ ..!!
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: زهير عثمان حمد)
|
Quote: وبعدين منو القال أبو الزهراء عايز أربعنييه شوفوا لي جيل الاسكايب دا .......ما كفاية حرمان أنتو أصحاب شنو !!؟ |
بالله يا جماعة شوفوا قوة عين أبو الزهور؟ كمان بتعزل؟! يعني معقولة يا أبو الزهور مفكر إنك تتزوج واحدة عمرها 18 سنة؟! يا زول خليك بايركس كدا أحسن، والله كنا عايزين نساعدك، لكن يظهر إنك فاكيها في روحك حبتين.
ويا أبو الزهور ما جاوبتني، عليك الله كرعين الجداد القاصدهم ديل ياتو واحدة في الصور التلاتة دي؟: الصورة رقم (1):
الصورة رقم (2):
الصورة رقم (3):
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: النذير حجازي)
|
.
Quote: ياخ مالك عاوز تحرمنا من المتعة الوحيده فى البورد ده ؟!! ولأنو المعاناة تولد الابداع ّوهى شهاده فى صالح الديكتاتوريه كما قال صنع الله ابراهيم الا انها هى المحرك الاساسي لابداعات اخونا زهير ..
خليهو يا النذير ياخى .. حفظه الله متعةً للمنبر. |
والله يا دكتور حيدر ختفتها من لساني وقبل ما افتح بوست اخونا النذير انا متعتي في القراءة المتعمقة لابو الزوز الهو ممكن يكون نديدي زي علاء ( تمبس ) الشايفوا برضوا في البوست العامر أنو كتابات ابو الزوز دي بتدي الواحد إحساس ما عادي أنو في عمر الزهور عمر الغرام عمر المني .... وبحسس الواحد أنو جني علي نفسوا وحّدة من تجربتوا الابداعية وإظنك متذكر أني زماااااااااان كنت شاعر ومعاني ومبدع ........ أها ده كلو بنتهي مجرد ما الواحد يضاير نفسوا ويبقي في هم مره وبيت ........ زهير بعث في نفس الواحد أنو خصم من عمر جميل كان ممكن يعيشوا في تجارب تثري حياتوا وتخلي في عالم من الإبداع .....................المتواصل
بالجد ربنا يحفظ لينا زهير وكتاباتو البتحسس الواحد أنو سقف العمر الكان متواقع فيهوا كل الحاجات دي تبقي من الماضي ( الجميل طبعا ) ............... كان منخفض عندو شديد
------------------------------------------ واحد حاسد زهير على تجربتوا الابداعية المتفردة
| |
|
|
|
|
|
|
Re: رأيكم شنو يا شباب نعمل شيرينق لأخونا زهير عثمان حمد علشان يعرس؟! (Re: AMNA MUKHTAR)
|
Quote: بالله يا جماعة شوفوا قوة عين أبو الزهور؟ كمان بتعزل؟! يعني معقولة يا أبو الزهور مفكر إنك تتزوج واحدة عمرها 18 سنة؟! |
يا النذير عليك الله شوفوا ليهو واحدة صغيرة وجاهلة .. قطة مغمضمة على قول المصريين .
عشان الكبار ديل مفتحين أكتر من اللازم ..وما بيعجبهم العجب ..ولا الصيام فى رجب .
والدليل : الشواكيش المتتالية التى نالت صاحبكم .
..........
بخصوص الصور : لو تمعنت فى شكل ابو الزهور ، لخمنت أنها الصورة الأولى طبعا .
| |
|
|
|
|
|
|
|