Quote: توقع الاخطبوط ميسي الاثنين فوز برشلونة، بطل الدوري الاسباني لكرة القدم، على ريال مدريد في الكلاسيكو" على ملعب الاخير سانتياغو برنابيو في العاصمة السبت المقبل ضمن المرحلة السادسة عشرة من البطولة.
وميسي هو عبارة عن اخطبوط صغير يزن 800 غرام مصدره البحر المتوسط ويحمل اسم النجم الارجنتيني ليونيل ميسي، مهاجم برشلونة.
ووضع ميسي في حوض يمثل الحياة البحرية في مدينة بنالمادينا جنوب اسبانيا ودعي للاختيار بين 3 علب في داخل كل منها سمكة سردين، فاختار العلبة التي تحمل شعار الفريق الكاتالوني.
ويتصدر ريال مدريد الترتيب برصيد 37 نقطة بفارق 3 نقاط امام برشلونة الذي لعب مباراة اكثر مبكرة بسبب مشاركته في بطولة العالم للاندية.
من جانبه، اعتبر اللاعب ان فوز فريقه في "الكلاسيكو" الاول هذا الموسم سيبقيه في الصدارة حتى نهايته ، في حين اعتبر ميسي الحقيقي ان فوز فريقه سيبقيه في الصدارة حتى نهاية الموسم وبالتالي الاحتفاظ باللقب للموسم الرابع على التوالي.
ورأى ميسي "المباراة ستكون رائعة. انها حيوية وسنحاول الخروج منها بنتيجة جيدة لان الفوز سيبقينا في الصدارة حتى نهاية الموسم"، مضيفا "اذا لم يحصل ذلك فلن يكون لدينا الوقت لالتقاط الانفاس لاننا ذاهبون للمشاركة في بطولة العالم للاندية".
واصدر الاتحاد الدولي لكرة القدم (فيفا) اليوم قائمته الاخيرة للتنافس على جائزة افضل لاعب وتضم ميسي الحائز عليها في العامين الماضيين، وزميله في برشلونة الاسباني تشافي هرنانديز للعام الثاني على التوالي والبرتغالي كريستيانو رونالدو مهاجم ريال مدريد وافضل لاعب في العالم عام 2008 وشريكه في صدارة الهدافين حاليا برصيد 17 هدفا لكل منهما
سلامات يا أبوحسين لن أرد على ترهات مشجعي فريق الرجل الواحد وإذا كان لابد من الرد فهاك دا رد واحد ملكي من الملوك وهو يعبر عني تماما :
Quote: الريااااااااااال فائز لا محاااااااال والدورري مدريدي غصب عن كل حاقد حب من حب كره من كره الدوري ملكي هالسنة ماناش سامحين وماناش طالقين والوووووووو
الجدير بالذكر أن عنوان هذا الرد هو : بلا هبل ..
12-07-2011, 11:02 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
ياسر نجيلة يا حبيب (ماعايز أقول ليك الشراد من شرد يشرد) مريخ شنو البفكو أنا؟ هو أنا عندي غير مريخي دا؟؟؟؟؟؟ خلاص الموسم انتهى بخيرو القليل جدا وشرو الكتير خالص بالنسبة للمريخ .. موعدنا بداية الموسم الجديد( تسجيلات، قرارات، توقعات). يا تسمعوا كلامي يا كمان انتظروا مزيد من الرماد ..
12-07-2011, 11:25 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
يا أبو حسين من هسع أقول ليك أنو نتيجة المباراة دي ما بتطلع من إحتمالين اتنين بس.. 1/ فوز الر يال 2/ فوز الر يال جهز تبريراتك وشماعاتك من شاكلة التحكيم ظلمنا والنجيلة صفرا والميدان فيهو حفر والرجل الواحد ما كان في يومو وهلم جرا .. إتوا يتلعبوا واللا بتلعبوا.
12-07-2011, 11:31 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: بس انت عليك الله ابعد من توقعاتك ... النحستنا بيها دي ...
والله يا ياسر (أنا جادي جدا) لو عايزني أبعد من توقعاتي النحس دا فأدعو ربي وربك أنو ناس المريخ ديل ما يرجعوا تاني لعادتم في ممارسة العشوائية والعواسة بتاعت تسجيلات السماسرة والأرزقية دي .. ولو عندك اتصال مع ناس الإدارة ديل فبالله نبهم وأفتح ليهم عينم عشان ما تضيع سنة أخري من السنين الكتيرة اللى راحت شمار في مرقة من تاريخ هذا النادي العظيم .. من جهتي وفي حال إلتزمت إدارة المريخ المنهجية والإحترافية في التعاطي مع أمور الفريق فمعها قلبا وقالبا وفي لحظات الخسارة قبل الفوز .. يا كدا يا الرش والتوقعات النحس التى تعرف ..
Quote: يا أبو حسين من هسع أقول ليك أنو نتيجة المباراة دي ما بتطلع من إحتمالين اتنين بس.. 1/ فوز الر يال 2/ فوز الر يال جهز تبريراتك وشماعاتك من شاكلة التحكيم ظلمنا والنجيلة صفرا والميدان فيهو حفر والرجل الواحد ما كان في يومو وهلم جرا .. إتوا يتلعبوا واللا بتلعبوا.
بس لو ما كنت أحمر، وكتير إتمنيت إدعاءات البعض بأنك هلالي مندس تطلع صحيحة!!
==
والله المرة دي لو إتغلبنا تبقى مشكلة حقيقية!! والزول أب عيونن محرتات دا (هم إتنين أعرفهم لي) لو ما طش ما أظن ياخدو الفيها النصيب كما ننتمنى ،،
سلام
12-07-2011, 02:59 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
تصدق يا تنظير رغم إني برشلوني لكن كنت متوقع فوز الريال لحد كبير في المباراة دي .. لكن بعد ما دخلت خشمكـ ( وأنت زول عارض معروف ) أديتني إحساس بفوز برشلونة ..
* كيف يكون برشلونة فريق الرجل الواحد و أثنين من لاعبيه مرشحان لجائزة الكرة الذهبية ؟؟
12-07-2011, 03:14 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: لكن بعد ما دخلت خشمكـ ( وأنت زول عارض معروف ) أديتني إحساس بفوز برشلونة
قصدك كيبوردي .. ومن متين دخلت خشمي أو كيبوردي دا وتوقعت حاجة طلعت غلط .. أديني مثال واحد بس يا عارض اتا ثم برشلونة هو فريق الراجل الواحد وسيظل فريق الراجل الواحد حتى لو فاز كل لاعبيه ومشجعيه بالكرة الذهبية والفضية والبرونزية .. الفوز للر يال والعار لفريق الزول الواحد.
12-07-2011, 03:20 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
عبد الطيف بكري يا حبوب .. طالما ظل مجلس المريخ الحالي يمارس هرجتله المعروفة مانحا أذنه وقلبه لغيره من الأرزقية والمتكسبين والسماسرة الذين اغتنوا من خيراته فسيظل يراوح مكانه إخفاقات وانتكاسات لا تنتهى.. +++++++++ الفوز للفريق الملكي والإنكسار للفريق الكتالوني.
12-07-2011, 03:24 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: عليك الطلاق يا صبري طه كان فهمت كلام بتاع مشجعين على الحرام وعلى الطلاق دا إن شاء الله يمسكني وجع رأس .. كيف يعني بذكرك بالناس ديل ؟؟؟؟؟؟؟
يا طلحة ناس علي بالطلاق وعلي بالحرام ديل برموا الكلام ساي كدة ... وعشان يقنعوا الطرف الآخر بكلامهم بقوموا بحلفوا بالطلاق وبالحرام حتى ولو كان كلامهم غير صحيح ... أها في الحالة دي الطرف الآخر مجبور يمشّي ليهم كلامهم عشان ما يحصل خراب بيوت ...
ـــــــــ أها كدة كيف ... فهمت حاجة ولاّ لسّة ؟
12-07-2011, 04:06 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
دا شنو دا يا صبري طه؟؟؟؟ هسع أنا وين حلفت بالطلاق عشان جنابك تتكرم وتمشى لي كلامي الساي دا ؟؟ وبعدين أها فرضنا أنو إتا كلامك في البوست دا علمي ومبني على أفكار عظيمة وأية حاجة وأنا كلامي ساي وحلفت فيهو الطلاق والحرام وأية حاجة وجيت أديتني الأذن وسمحت لي وتكرمت بانو تمشيهو لي على علاتو وساهيتو القلتها دي وين تاني رميت كلام ساي وحلفت فيهو الطلاق والحرام وإتا مشيتو لي لأنو شايفك قلت دائما بذكرك بالناس بتاعين الكلام الساي القلتهم ديل ..؟ غايتو آخر مرة دار بيني وبينك حوار كان بتاع الأمين البرير لامن قلت أنو بنيتو دي غير مسبوقة قبل كدا وجيت إتا طاير وقلت عليك بالتقطعك أنو اتعملت قبل كدا ووعدت أنك تجيب سابقة زي بتاعت الأمين البرير ثم........... مشيت وتاني ما شفتك إلا هسع دي... والغريبة بى نفس شبه وملامح الدراب بتاع زمان داك .. غايتو يا صبري طه محنك تمحنك إتا ذاتك قبل ما تمحن غيرك .. معقول ياخ في زول كدا ؟؟؟
يا طلحة أوّل حاجة إن شاء الله ما تزعل ياخ ... إنت قلت برشلونة فريق الرجل الواحد ... السؤال في الحتة دي: من الذي يُعاني ... برشلونة في غياب ميسي أم ميسي مع الأرجنتين في غياب لاعبي برشلونة ؟ وهل عانى لاعبي البارسا في المنتخب الإسباني من غياب ميسي ؟ إذا جاوبت على السؤالين ديل حتعرف هل برشلونة هو فريق الرجل الواحد أم لا ؟
Quote: غايتو آخر مرة دار بيني وبينك حوار كان بتاع الأمين البرير لامن قلت أنو بنيتو دي غير مسبوقة قبل كدا وجيت إتا طاير وقلت عليك بالتقطعك أنو اتعملت قبل كدا ووعدت أنك تجيب سابقة زي بتاعت الأمين البرير ثم........... مشيت وتاني ما شفتك إلا هسع دي... والغريبة بى نفس شبه وملامح الدراب بتاع زمان داك .. غايتو يا صبري طه محنك تمحنك إتا ذاتك قبل ما تمحن غيرك ..
يا طلحة يشهد ربي الوعدتك بيهو جبتو ... أمش فتّشوا كويّس حتلقاهو ... وحأحاول البحث عنه ...
ياصبري طه أنا ما زعلان والله لكن إن شاء الله إتا تكون عرفت أنا قلت ليك كلامك دراب لشنو؟ لانو بتجي ترميهو دللللل كدا بى شناتو دي وتكون ما قاصد الشين .. هسع في زول برضى يقولوا ليهو كلامك ساي؟ من جهة تانية فسؤالي ليك واضح جدا زي كلامك الواضح الفوق دا واللي قلت فيهو (دائما بذكرك بالناس بتاعين الكلام الساي).. سألتك: لو فرضنا أنو كلامي هنا ذكرك بالناس القاصدم إتا ديل فوين تاني قلت كلام ساي ذكرك بيهم زي ماقلت إتا فوق ؟؟؟ وفي السياق التاني بتاع الأمين البرير إتا ما جبت أية حاثة تشبه حادثة الأمين البرير ولامن غلبك ولأنك بتاع غلاط قاطعو من رأسك ساي جبت ليك شكلة مصريين في دوري الثانية ودي ما في بينا وبين واقعة الأمين البرير أدني شبهة مقارنة لأنو الكلام كان واضح جدا أنو الواقعة الغير مسبوقة دي كانت واقعة الإعتداء على حكم ضيف في البطولة الأفريقية وركز على حكم ضيف وبطولة أفريقية دي كويس.. ياصبري أنا مصر على أنك قاعد تدخل غلط شديد خالص.. وبالتالي تدخل نفسك في حتات ضيقة خالص .. ومع ذلك قسما أنا مازعلت منك لا هسع ولا قبل كدا .. __________________________________ المشكلة في بعض ناس البورد دا واتا منهم يا صبري أنو الواحد يجىء يقول كلامو العايزو والبريجو وأول ما يردوا ليهو عليهو بنفس الطريقة فطوالي يا إما زعل هو يا إما كمان افتكر الناس زعلانة منو .. ودا غلط طبعا .
Quote: وفي السياق التاني بتاع الأمين البرير إتا ما جبت أية حاثة تشبه حادثة الأمين البرير ولامن غلبك ولأنك بتاع غلاط قاطعو من رأسك ساي جبت ليك شكلة مصريين في دوري الثانية ودي ما في بينا وبين واقعة الأمين البرير أدني شبهة مقارنة لأنو الكلام كان واضح جدا أنو الواقعة الغير مسبوقة دي كانت واقعة الإعتداء على حكم ضيف في البطولة الأفريقية وركز على حكم ضيف وبطولة أفريقية دي كويس.. ياصبري أنا مصر على أنك قاعد تدخل غلط شديد خالص.. وبالتالي تدخل نفسك في حتات ضيقة خالص .. ومع ذلك قسما أنا مازعلت منك لا هسع ولا قبل كدا ..
أخونا طلحة راجع الرابط الذي أدرجته لك في المداخلة القبل دي زنقة زنقة ...
ألغيت مباراة ودية في كرة القدم بين فريق سلافيا صوفيا البلغاري ونظيره انجي ماخاتشكالا الروسي أمس الأول بعد تعرض حكم المباراة للاعتداء. واندفع مسؤولو انجي وعلى رأسهم رئيس النادي إلى أرض الملعب بعد طرد البديل محمد محمودوف وهو ابن رئيس النادي لحصوله على إنذار ثان. وأظهرت لقطات تلفزيونية الحكم وهو يتعرض للدفع والاعتداء؛ ما أدى إلى إصابته بإصابات بالغة نقل على أثرها إلى المستشفى.
ـــــــــ أها يا أخونا طلحة المباراة دي ودّية ... وطبعاً أنا في المداخلة الفوق أوردت الجدل الزي جدل بني إسرائيل ... يعني متوقع إنك تجي وتقول لي المباراة ودّية ... (يعني سؤالي ليك سلفاً بي "حتقول شنو" ما سألتو من فراغ لأني عارف جدال المريخاب المتعصّبين زي جوع بطني) ... عشان كدة كتلت ليك الدش في إيدك ...
أها يا أخوي حتقول شنو ؟؟؟؟؟؟؟؟؟
12-07-2011, 04:59 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: ألغيت مباراة ودية في كرة القدم بين فريق سلافيا صوفيا البلغاري ونظيره انجي ماخاتشكالا الروسي أمس الأول بعد تعرض حكم المباراة للاعتداء. واندفع مسؤولو انجي وعلى رأسهم رئيس النادي إلى أرض الملعب بعد طرد البديل محمد محمودوف وهو ابن رئيس النادي لحصوله على إنذار ثان. وأظهرت لقطات تلفزيونية الحكم وهو يتعرض للدفع والاعتداء؛ ما أدى إلى إصابته بإصابات بالغة نقل على أثرها إلى المستشفى.
يا صبري ياخ الخجل دا ما حاجة كعبة فاخجل وأعمل نايم بدل ما تصر لتؤكد للناس أنك شارب السفطسائية وجدل بني إسرائيل دا شراب .. جيب لينا سابقة مشابهة يكون بطلها رئيس نادي عربي أو أفريقي ضرب حكم مباراة ضيف وإستدعوه وجرجره ناس الإتحاد الأفريقي زي ما عمل الأمين البرير كدا .. يا جيب زي دي يا إما كمان أخجل وأعمل نايم لأنو بصراحة كدا بطريقتك دي كل من يتابع الحوار دا بضحك عليك .. قلت لي مباراة ودية بين فريق شنو وفريق شنو من قارة وين ؟؟؟؟؟؟ نرجع لى موضوعنا بالله بتاع البوست بالله .. أها قلت لي كلامي الساي غير البوست دا تاني وين ؟ ...................... ياصبري إتا جادي عليك الله واللا بتظهر لأنو شنو : لو بتهظر فبطل الهظار ولو جادي فبطل جدية في الغلاط والتنطط دا .
12-07-2011, 04:59 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: ألغيت مباراة ودية في كرة القدم بين فريق سلافيا صوفيا البلغاري ونظيره انجي ماخاتشكالا الروسي أمس الأول بعد تعرض حكم المباراة للاعتداء. واندفع مسؤولو انجي وعلى رأسهم رئيس النادي إلى أرض الملعب بعد طرد البديل محمد محمودوف وهو ابن رئيس النادي لحصوله على إنذار ثان. وأظهرت لقطات تلفزيونية الحكم وهو يتعرض للدفع والاعتداء؛ ما أدى إلى إصابته بإصابات بالغة نقل على أثرها إلى المستشفى.
يا صبري ياخ الخجل دا ما حاجة كعبة فاخجل وأعمل نايم بدل ما تصر لتؤكد للناس أنك شارب السفطسائية وجدل بني إسرائيل دا شراب .. جيب لينا سابقة مشابهة يكون بطلها رئيس نادي عربي أو أفريقي ضرب حكم مباراة ضيف وإستدعوه وجرجره ناس الإتحاد الأفريقي زي ما عمل الأمين البرير كدا .. يا جيب زي دي يا إما كمان أخجل وأعمل نايم لأنو بصراحة كدا بطريقتك دي كل من يتابع الحوار دا بضحك عليك .. قلت لي مباراة ودية بين فريق شنو وفريق شنو من قارة وين ؟؟؟؟؟؟ نرجع لى موضوعنا بالله بتاع البوست بالله .. أها قلت لي كلامي الساي غير البوست دا تاني وين ؟ ...................... ياصبري إتا جادي عليك الله واللا بتهظر لأنو شنو : لو بتهظر فبطل الهظار ولو جادي فبطل جدية في الغلاط والتنطط دا .
Quote: جيب لينا سابقة مشابهة يكون بطلها رئيس نادي عربي أو أفريقي ضرب حكم مباراة ضيف وإستدعوه وجرجره ناس الإتحاد الأفريقي زي ما عمل الأمين البرير كدا .. يا جيب زي دي يا إما كمان أخجل وأعمل نايم لأنو بصراحة كدا بطريقتك دي كل من يتابع الحوار دا بضحك عليك ..
عشان تعرف يا طلحة إنّك زول بتاع كلام ساي كدة ...
أيهما أعظم لجعل رئيس نادي يضرب الحكم ... مُباراة رسمية وفي بطولة كُبرى وفي دوري الأربعة والأعصاب فيها تكون مشدودة ألف ...
أم مباراة حبّية (ودية) لا يتأثّر خاسرها بشيء ؟
وقت أنا شبّهتك بالناس البتحلف بالطلاق ما من فراغ يا طلحة ... والدليل أهو كلامك الفوق دة ...
ثمّ أنّ سؤالك لي كان عاماً ... لم تحدّد لي المباراة كانت ودّية أم رسمية .. إفريقية أم من الواغ الواغ
أها شفت كيف تشبيهي ليك بالناس البحلفوا بالطلاق والحرام طلع في محلو ؟!
Quote: طلحة عبدالله كتب: أنفي شنو يا صبري اخوي أنا من بداية البوست بتاعي قلت العملوا البرير دا غير مسبوق ولن يكون ملحوق و هسع في بوستيك دا بقول غير مسبوق ولن يكون ملحوق تزوغ وتجىء برضو تقول أنفي أنو ما في رئيس نادي عملوا قبل كدا ..؟ أها يا صبري مافي رئيس نادي عملوا قبل كدا يلا أها جيب العندك لو في .
صبري الأمين البرير ضرب الحكم الجزائري الضيف في مباراة أفريقية رسمية للهلال فجئنا قلنا العملو البرير دا غير مسبوق ولا ملحوق وطبيعي جدا لمن في رأسه حتة طايوق أن يفهم أنو غير مسبوق في مباراة أفريقية رسمية زي مباراة الهلال دي .. فجيت إتا ركبت سرج غلاط وعوك عاك وقلت يمين ستين حصلت قبل كدا ومشيت بحت بحت قوقل قوقل جبت لينا شكلة مصريين في مباراة محلية.. وأظنك براك خجلت وشفت الكلام دا كدا ما داخل في جحرو .. فمشيت تاني بحت بحت وقوقل قوقل جبت مبارة ودية لفريق شنو وفريق شنو في قارة شنو وقلت دي حاثة مشابهة.. وبناء عليه: يا إما أنك دخلت في البوست داك بدون فهم للموضوع المحتاج مقارنة ووجه شبه وبالتالي حقو تعترف ضمنيا بانك تعمل نايم وما تجيب سيرة البحر تاني .. وإما أنك فهمت الكلام وحبيت تعمل فيها بتطلع في الهواء وتمش في البحر ولامن ما لقيت طريقة عشان تأكد نظرية أنك عارف أية حاجة في أية حاجة عملتها غلاط وعوك عاك وتشتيت كورة وجقلبة زي القاعد تعمل فيهو هنا دا. غايتو معاي أنا دا ما بحلك آزول . أنا ماشي وراجع أجىء القاك خجلت سمح ..
Quote: طلحة عبدالله كتب: عوك عاك شديدة خلاص يا صبري طه ياخ فرضنا أنو الحادثة ما جديدة على ملاعبنا وأنو الناس البتكلموا عن الاخلاق الفاضلة ديل ما عندهم فضيلة فهل هذا يمنع تناول الواقعة والتعليق عليها ؟ وبعدين ياخ الرابط الجبتو لوليد دا تحصيل حاصل وبصراحة بيؤكد أنك ما أتيت إلا للمكابرة لأن الكلام عن حادثة إعتداء رئيس نادي على حكم ضيف من بلد آخر وليس في الدوريات والمنافسات الداخلية، وبالتالي مافي وجه مقارنة أصلا بين حادثة البرير والحادثة بتاعت رابطك .
يا طلحة نقاشي كان أنا مع وليد محمد المبارك وأنا تحدّثت عن رؤساء الأندية بشكل عام وإنت بعدها جيت خاشي ... يعني السؤال هو: إنت جيت خاشي على أيّ أساس ؟ مُش عشان ردّي على وليد ولاّ الفهم شنو ؟
ثمّ شووووف يا عزيزي أول مُداخلة ليك ياها دي فوق في الاقتباس بمصدرها ... وين إنت خصّصت المداخلة بالبطولات الإفريقية ؟! الملون بالأحمر دة يا طلحة كلام عام وخاص بأي بلد في أيّ مكان في العالم ... لو كان قلت لي فيهو من بلد آخر في إفريقيا كان كلامك بيكون منطقي ...
بطّل زوغانات ...
. نقطة سطر جديد ................. ولو غلبك قول الروووووب أصلكم متعوّدين
طلحة سلامات فريق الرجل الواحد ده... أفضل فريق في العالم في العشرة سنوات الماضية في الاتي: 1-البطولات 2-اللعب الجماعي المنظم 3-الميداليات 4-الإثارة والتشويق 5-الي 10-المتعة
لو عندك أرقام تانية تعال بيها.
Quote: الفوز للر يال والعار لفريق الزول الواحد.
مش برضو عيب يا طلحة زول واحد يغطس حجر اتناشر لاعيبة دوليين بالفريق الملكي؟ وبعدين خدها مني يا حبيب.... البارشا 2 الريال 0
الأهداف: فيا وفابريقاس
------------------- وتستمر أحزان الريال مع الكتالون
12-08-2011, 07:30 AM
علي مزمل علي مزمل
تاريخ التسجيل: 04-08-2007
مجموع المشاركات: 625
الموسم انتهي ... فالنطوي النقاش فيه ... فلنترك المناكفات للموسم الجديد ...
وعموما المريخ والهلال ... تعادلا في الموسم الفات ...
فريق احرز دوري الممتاز بجدارة ... والفريق التاني أهدوهو ...كأس السودان ... بطيش الادارة وعدم الشطارة ..
========================================== والله فعلا الكورة مدورة ... اتفقت مع طلحة في حب المريخ ... واختلفت معه في تشجيع الريال ... واختلفت مع صبري في حب الهلال ... واتفقت معه في تشجيع البرشا ...
يا خي انا ماشي اشجع ... فريق الجيش المصري ... سمعنا الحضري حيلعب معاهو اليوم ,,,
12-08-2011, 09:20 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
مشجعو البارشا المساكين بجدارة هدوا اللعب وختوا الكورة واطة .. البوست دا عن مباراة بعد بكرة اللي فيها الملكيون ح يجننوا الكاتلونيين .. الفوز للر يال والموت لبرشلونة فريق الراجل الواحد .. ركزوا لي عن رش بعد بكرة دا بس وخلوهوا الكلام التاني داك هسع .
Quote: مشجعو البارشا المساكين بجدارة هدوا اللعب وختوا الكورة واطة .. البوست دا عن مباراة بعد بكرة اللي فيها الملكيون ح يجننوا الكاتلونيين .. الفوز للر يال والموت لبرشلونة فريق الراجل الواحد .. ركزوا لي عن رش بعد بكرة دا بس وخلوهوا الكلام التاني داك هسع .
يا طلحة يا حبيب ... مشجعي البارسا هم الفتحوا البوستات وقعدوا يجقلبوا ... ولاّ المشجع المدريدي طلحة عبدالله الاشتغل فينا هضربة ؟!
ثمّ ثانياً يا عزيزي مُش الريال مستواه اليومين ديل في العالي ومتصدّر الدوري بفارق ست نقاط ... وفاز بالعلامة الكاملة من نقاط مجموعته في دوري أبطال أوروبا ...
خلاص رأيك شنو وعلى هذا الأساس من المستوى الراقي تلعبوا مع البارسا كورة مفتوحة ... بلا خطط دفاعية محكمة بلا تقفيل وتطبيل لللعب ...
بس عشان نعرف الحيطفي النور منو ؟
12-08-2011, 09:36 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
صبري الخميجان تدخل أي بوست تقعد تجلبط وتلخبط في الكلام وتغالط غلاط الدنيا والعالمين ولما تغلبك كدا كدا تقعد تسأل عشرة أسئلة وتحتفي مزهوا ومتبخترا بانطباعك عن زيد وعبيد التقول أرسطو.. ياخي ما تنطبع عن منطبع .. إتا قايل انطباعك دا إختراق جديد فرحان بيهو كدا واللا شنو ؟. ما تشتت الكورة وتغرق البوست بالروبابيكا والبواقي بتاعت البوستات القديمة وخليك محصور هنا جاري وين تقابض ؟ هو إتا دا اتحليت منو يعني عشان تمش تخمخم في حاجات زمان .. وبعدين البسمع أسئلتك دي يقول خلاص لما يجاوبوا ليك عليها ح تفجر ليك قنبلة واللا قرنيت واللا مصيبة زمان.. نفس حركة الأسئلة دي عملتها في بوست ود البشري فضلت تكورك فيهو وتسأل وتسأل وتسأل لغاية ما أناومعاي آخرون قلنا الليلة الزول دا ح يشرط هدوم جرجير دا وبدينا نشفق عليهو ولامن جاوب ليك قلت ليهو: إذن نحن ما ح نتلاقي معقولة يا مواطن البتعمل فيهو دا؟ الجابرك شنو ياخي ؟؟؟؟؟؟
Quote: نفس حركة الأسئلة دي عملتها في بوست ود البشري فضلت تكورك فيهو وتسأل وتسأل وتسأل لغاية ما أناومعاي آخرون قلنا الليلة الزول دا ح يشرط هدوم جرجير دا وبدينا نشفق عليهو ولامن جاوب ليك قلت ليهو: إذن نحن ما ح نتلاقي معقولة يا مواطن البتعمل فيهو دا؟ الجابرك شنو ياخي ؟؟؟؟؟؟
إنت لو عملت نفس حركة ود البشرى كان قلت ليك إذن نحن ما حنتلاقى ... شُفت كيف ... السؤال: المنعك شنو من إنّك تعملها ؟
بالمناسبة: أنا فهمت من رد ود البشرى إنّو لو رئيس نادي الهلال دة كان ولدو وشافو ضرب الحكم بيمشي للحكم ويقول ليهو يا هو دة الضربك أيوة .. ما نحن مما قمنا وشفنا الكورة دي كنّا بنأكل باسطة بالرز
ـــــــــــــــــــ وأنا بعد ما رجعت لموضوع البوست بتاع الريالي البهضرب .. إنت تاني جيت تشتت الكورة ...
12-08-2011, 01:37 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
تاااااني سؤال وإستجواب يا صبري ؟ ياخ إتا ممل شديد ... عليك طلاق تلاتة التقول كتا شغال أرسين لوبين قبل كدا .. ........................ اللهم عجل بنصر الر يال الملكي على فريق الراجل الواحد وأجعل كيبورد الرفيق صبري طه يجن بتشتيت الكورة والعوك عاك والإستجوابات والأسئلة العشر زي كل مرة . اللهم عليك بهم وأقذف في قلوب أخوان رونالدو الغلظة والشدة حتى لا تأخذهم رحمة أو شفقة بهولاء العواليق .
12-08-2011, 02:04 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
تنظير عرفنا اي شي كمان عايز تنظر في برشلونة قادر الله
Quote: بالمناسبة: أنا فهمت من رد ود البشرى إنّو لو رئيس نادي الهلال دة كان ولدو وشافو ضرب الحكم بيمشي للحكم ويقول ليهو يا هو دة الضربك أيوة .. ما نحن مما قمنا وشفنا الكورة دي كنّا بنأكل باسطة بالرز
صبري ياخوي عشان ما اظلمك كدي شوف انا فهمت شنو من الكوت اعلاه انت مستنكر و شايفها غريبة كيف انا اقول الحقيقة وما أكذب ,هل فهمي دا صحيح ؟ هل الأصل عندك الواحد مفروض يكذب أو يخفي الشهادة او حتى يشهد زورا و دا الطبيعي وما عدا ذلك يجلب الاستنكار و اكل الرز بالبسيمة - او وات إيفر كدي صحح لي فهمي في الحتة دي بالله
12-09-2011, 10:46 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: تنظير عرفنا اي شي كمان عايز تنظر في برشلونة
لا والله عارف أنك عارف أية حاجة لكن بس إتا مدكن .. ومن الحاجات العارفا كويس أنو أنا قبل كدا نظرت في كأس العالم ذاتو وجيت إتا قلت نفس الكلام الفوق دا .. وشوف احساسي دا إتا خجلت جنس خجلة لامن أنا حنيت عليك ذاتو.. دا طبعا غير الحاجات التانية الإتا عارفا لكن بس مدكن (لو عايز أرصها ليك برصها) هههههههه ............................ عمك صبري دا جليهو ياخ لانو لو كترتو معاهو ح يستجوبك ويسألك عشر وعشرين سؤال ما عندهن أية علاقة بأية حاجة ...
12-09-2011, 10:59 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
شفت تنظيرك الفي كاس العالم - وضرب معاك بالصدفة ليس إلاّ - و الدليل بوستك دا ووصفك لبرشلونة بفريق الرجل الواحد اسبانيا الرشحتها للفوز عمود فريقها الفقري من برشلونة الما عاجبك دا اها رايك شنو
ثم شنو الحاجت التانية الانا عارفها رص عليك النبي ... رص
12-10-2011, 09:19 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: صبري ياخوي عشان ما اظلمك كدي شوف انا فهمت شنو من الكوت اعلاه انت مستنكر و شايفها غريبة كيف انا اقول الحقيقة وما أكذب ,هل فهمي دا صحيح ؟ هل الأصل عندك الواحد مفروض يكذب أو يخفي الشهادة او حتى يشهد زورا و دا الطبيعي وما عدا ذلك يجلب الاستنكار و اكل الرز بالبسيمة - او وات إيفر كدي صحح لي فهمي في الحتة دي بالله
يا ود البشرى ياخي إنت شكلك أصلاً ما فهمتني ... مافي حاجة في كرة القدم اسمها تقول الحقيقة ...
يعني لو إنت كنت لاعب ليك مباراة وضربت اللاعب الخصم بنية والحكم ما شافك ... مُش بتعمل نايم ... بنفس القدر لمّا رئيس ناديك أو أي إداري في النادي أو أياً من اللاعبين يضرب الحكم بين الشوطين برضو بتعمل نايم ...
غايتو دي الكورة الشفناها ومما قمنا عليها دة ياهو حالها كدة ...
الأمثلة كثيرة ومافي داعي ... يعني لو ما مورينيو أثبتوها عليهو بالكاميرات وهو بعتدي على نائب مدرب برشلونة ... في ذمّتك منتظر إدارة ريال مدريد تمشي وتقول مدربنا عمل وعمل ...
ياخ خط الكورة واطة ... اللف والدوران الذي أتحدّث عنه ليس في كل الأحوال والمناسبات ومثالنا مسار النقاش في كُرة القدم ...
12-11-2011, 00:17 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: يا أبو حسين من هسع أقول ليك أنو نتيجة المباراة دي ما بتطلع من إحتمالين اتنين بس.. 1/ فوز الر يال 2/ فوز الر يال جهز تبريراتك وشماعاتك من شاكلة التحكيم ظلمنا والنجيلة صفرا والميدان فيهو حفر والرجل الواحد ما كان في يومو وهلم جرا .. إتوا يتلعبوا واللا بتلعبوا.
إت يتلعب واللا بتلعب .....جهز تبريراتك وشماعاتك
12-11-2011, 00:58 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
يا ناس الملكي عليكم الله كورة امس انتهت كم؟ باقي انا عندي غنم سرحت بيهن امس ويادوب جيت، سالت المرة قلت ليها شفتي الكورة انتهت كم؟ قالت لي كورة شنو انا كنت بتفرج في مسلسل ( وضاعت الاحلام). مادام ميسي وشافي وانيستا ديل قاعدين والله باقي الفريق لو كان من الناشئين ممكن يهزموا المتغطرس دا بكل سهولة، لا وكمان جايبين ليهم قون في اول 20 ثانية وفرحانين بيهو مو عارفين الخيل الاصيلة البتجي في اللفة. والله دا رش مع الرافة زي ما قال ود جبريل.
عبد الكريم عبدالله يا زول والله مبروك عليك وإتا المشجع الوحيد في الجماعة المساكين الفوق ديل الممكن تكون بتستاهل لأنك قلت كلام منظم .. أبو حسين نص نص وكلامو لا يخلو من تعصب لكن برضو أخير من الزول الممل بتاع جلبطة ولخبطة الكلام الإسمو صبري طه دا .. إتا يا صبري مالك بتعمل كدا ياخ؟ بالنسبة لود القاضي فاتمني والله أن يفكني من حكاية غواصة وعشراية الساكيني بيها دي .. عشان كدا ما كويس ياخ .. ع العموم وللجميع أقول أنو لو فريق الراجل الواحد دا إتغلب أمس فالبوست دا وحاة شيخي أب كرعين الطبعو شين ما كان في واحد عتب عليهو.. وكان حتل حتلة حجر كبير في بحر عميق. لكنه الغرض... أي والله أنه الغرض ..
12-11-2011, 07:26 PM
عبدالكريم عبدالله عبدالكريم عبدالله
تاريخ التسجيل: 06-20-2011
مجموع المشاركات: 480
Quote: ع العموم وللجميع أقول أنو لو فريق الراجل الواحد دا إتغلب أمس فالبوست دا وحاة شيخي أب كرعين الطبعو شين ما كان في واحد عتب عليهو.. وكان حتل حتلة حجر كبير في بحر عميق. لكنه الغرض... أي والله أنه الغرض ..
طلحة... لو امبارح الريال فاز,,, والله والله والله كنت جيتك بالورود وبطاقة بيضاء مكتوب عليها ......ألف ألف ألف مبروك للملكي وعقبال اللا ليقا تايتل......
________________________ أحلي حاجة , واحدة من توقعاتي كانت في المليان فابريغاس أحرز هدف
12-11-2011, 08:10 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ههههههههههااااايكة .. قلت لي كيف يا تنظير , فريق الرجل الشنو؟ بالله ما تعمل رايح من مداخلة خالد عبدالله الفوق دي يا معلم
صبري ...
Quote: يا ود البشرى ياخي إنت شكلك أصلاً ما فهمتني ... مافي حاجة في كرة القدم اسمها تقول الحقيقة ...
يعني لو إنت كنت لاعب ليك مباراة وضربت اللاعب الخصم بنية والحكم ما شافك ... مُش بتعمل نايم ... بنفس القدر لمّا رئيس ناديك أو أي إداري في النادي أو أياً من اللاعبين يضرب الحكم بين الشوطين برضو بتعمل نايم ...
غايتو دي الكورة الشفناها ومما قمنا عليها دة ياهو حالها كدة ...
الأمثلة كثيرة ومافي داعي ... يعني لو ما مورينيو أثبتوها عليهو بالكاميرات وهو بعتدي على نائب مدرب برشلونة ... في ذمّتك منتظر إدارة ريال مدريد تمشي وتقول مدربنا عمل وعمل ...
ياخ خط الكورة واطة ... اللف والدوران الذي أتحدّث عنه ليس في كل الأحوال والمناسبات ومثالنا مسار النقاش في كُرة القدم ...
فعلا ما فهمتك وعشان كدا قبل ما اصدر احكام وبتاع استفسرت منك بالنسبة لحديثك عن حال الكورة الشفتها وقمت عليها, اوكي دا يظل حال الكورة الانت شفتها وقمت عليها لا يعني انها مطلقة ولا يعني الزام الآخرين بي نفس الشوف يعني لما سالتني عن ح اتصرف كيف لو سُألت كان تديني حرية اتخاذ الموقف البريحني حسب الكورة الانا شفتها وقمت عليها حديثك عن الزر و الباسطة يوحي بانك افتكرت كلامي من باب الغلاط و الانتصار للجدال فقط و دا ما ح يكون تصرفي في الواقع !!
اما مثال ادارة الريـال فكنادي يحترم نفسه اكيد ما كانوا ح يصدروا بيان تتصدره احدى آيات انجيل متى ويحلفوا بالتقطعهن انو مورينو ما عمل حاجة و ويجيبوا ليه اورنيك ويهددوا من يتناول الموضوع بالمقاضاة
Quote: اما مثال ادارة الريـال فكنادي يحترم نفسه اكيد ما كانوا ح يصدروا بيان تتصدره احدى آيات انجيل متى ويحلفوا بالتقطعهن انو مورينو ما عمل حاجة و ويجيبوا ليه اورنيك ويهددوا من يتناول الموضوع بالمقاضاة
طيّب هسّي أنا فهمت من كلامك الفوق دة ما عندك مُشكلة في إنو إدارة الريال تعمل نايمة بشرط ألا يهددوا من يتناول الموضوع بالمقاضاة ...
وعشان كورتك هادية من المفترض ألاّ تكون بتحمل تناقضات على حسب سؤالي القادم ...
Quote: ثم يا عزيزي كورتي اصلها من يومها واطة ورايقة
يا ود البُشرى أخوي .. أنا لمّا سألتك إذا شاهدت رئيس الهلال يعتدي على الحكم بين الشوطين هل ستخبره بمن ضربه .. عشان أعرف إنك شايت وين ... وبصراحة استغربت لإجابتك ولكن في نفس الوقت ما حأقدر أقول ليك كضّاب ... وفي نفس الوقت ما حأقول ليك اقتنعت بكلامك (غايتو إلاّ أكذّب عليك) ...
لسبب وجيه وهو إذا كان الموضوع عندك من حيث المبدأ .. فجاوب على سؤالي:-
وباعتبارك كورتك أصلها من يومها واطة ورايقة ... إذا ضرب ود البشرى أحد لاعبي الفريق الخصم (بونية) ولم يُشاهده حُكام المباراة ... هل سيتوجه ود البشرى من تلقاء نفسه للحكم ليخبره بأنه هو الذي ضرب اللاعب وعلى ضوء ذلك سينال البطاقة الحمراء ...
الإجابة عايزها يا ود البُشرى بواحد من الخيارين التاليين:- 1- سأتوجه إليه وأخبره. 2- لن أخبره.
وقصة السؤال دة طبعاً مرتبطة ارتباط وثيق بسؤالك المقتبس أدناه:-
Quote: هل الأصل عندك الواحد مفروض يكذب أو يخفي الشهادة او حتى يشهد زورا و دا الطبيعي وما عدا ذلك يجلب الاستنكار و اكل الرز بالبسيمة - او وات إيفر
لأنّ المبادئ لا تتجزأ ... وكون أن المبادئ لا تتجزأ ... عشان كدة أنا قلت: ما نحن مما قمنا وشفنا الكورة دي كنّا بنأكل باسطة بالرز
ولك كل الود والتقدير ،،،
12-11-2011, 09:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: طيّب هسّي أنا فهمت من كلامك الفوق دة ما عندك مُشكلة في إنو إدارة الريال تعمل نايمة بشرط ألا يهددوا من يتناول الموضوع بالمقاضاة ...
ما هو يا صبري يا خوي عشان الناس طريقة فهمها لنفس الكلام بتختلف كل حسب زاوية شوفه انا قبيل سالتك و طلبت منك تصحح لي الشي الفهمتو من كلامك فعادي ممكن تسالني و انا بفهمك
Quote: يا ود البُشرى أخوي .. أنا لمّا سألتك إذا شاهدت رئيس الهلال يعتدي على الحكم بين الشوطين هل ستخبره بمن ضربه .. عشان أعرف إنك شايت وين ... وبصراحة استغربت لإجابتك ولكن في نفس الوقت ما حأقدر أقول ليك كضّاب ... وفي نفس الوقت ما حأقول ليك اقتنعت بكلامك (غايتو إلاّ أكذّب عليك) ...
إن لم تخني الذاكرة كان سؤالك - بما معناه - ان لو شاهدت الرئيس يعتدي على الحكم و قام الحكم سالني الضربني منو هل سأخبره أم لا واجابتي كانت نعم ساخبره كونك استغربت اوكي ما مشكلة, ونعم ما بتقدر تقول لي كضّاب و كونك ما اقتنعت بي كلامي بمعنى شنو هل شايف اني ما ح اتصرف كدا و كلامي من باب الجدال فقط ام ماذا دي المعضلة الحقيقية في رايي يا صبري انت تناقش بافتراض امتلاكك الحقيقة المطلقة وان رايك هو الصواب و تلغي اي احتمال لأن يكون من يخالفك الرأي و الموقف على حق, مش كدا وبس بل و ترفض تقبل فكرة ان الموقف و الراي المخالف ناتج عن قناعة حتى وتتعامل معه كانه مكابرة و لأجل خاطر الجدال فقط
Quote: هل سيتوجه ود البشرى من تلقاء نفسه للحكم ليخبره بأنه هو الذي ضرب اللاعب وعلى ضوء ذلك سينال البطاقة الحمراء ...
الإجابة عايزها يا ود البُشرى بواحد من الخيارين التاليين:- 1- سأتوجه إليه وأخبره. 2- لن أخبره.
يعني تصيغ السؤال و تحدد خيارات الإجابة كمان ؟ طيب على الأقل كان تخلي خيارات الإجابة مفتوحة عموما ما مشكلة يا ها طريقتك في النقاش , خدك اجابتي: 2-لن أخبره
خليني اهديك اللقطة دي بمناسبة الباسطة لكورة غير الشفتها و قمت عليها
Quote: كونك استغربت اوكي ما مشكلة, ونعم ما بتقدر تقول لي كضّاب و كونك ما اقتنعت بي كلامي بمعنى شنو هل شايف اني ما ح اتصرف كدا و كلامي من باب الجدال فقط ام ماذا دي المعضلة الحقيقية في رايي يا صبري انت تناقش بافتراض امتلاكك الحقيقة المطلقة وان رايك هو الصواب و تلغي اي احتمال لأن يكون من يخالفك الرأي و الموقف على حق, مش كدا وبس بل و ترفض تقبل فكرة ان الموقف و الراي المخالف ناتج عن قناعة حتى وتتعامل معه كانه مكابرة و لأجل خاطر الجدال فقط
يا ود البُشرى ... فكرتي من السؤال مُش عشان امتلاكي للحقيقة المطلقة ... وعايز ألغي ايّ احتمال لأن يكون من يُخالفني الرأي والموقف على حق ... فكرتي لو رجعت للبوست يا ود البُشرى وقريت ردودي حتلقاني قلت ليك "دة حال كرة القدم" وضربت ليك مثال بخسارة الهلال أمام الأهلي المصري في دوري الأبطال ... تنظلم عزّ الضحى بقصد أو غير قصد ويقولوا ليك خطأ حكام لا في إعادة مباراة ولا في إعادة حقوق وهلمجرا ...
وفي نفس الوقت إنت في نقاشك معاي اتبنيت خط بتاع مثالية .. لم استنكره عليك بل استغربته بخلفية أنني أرى أنّ لك باع في شأن كُرة القدم .. وتواصلت معك في النقاش بحكم أن المبادئ لا تتجزأ ... وللأسف أرى وعلى حسب وجهة نظري التي بالطبع لا أفرضها عليك أنّ ردّك على سؤالي الثاني بأنك لن تخبر الحكم .. تكون قد هدمت ما بنيته حسب تقديري من مثالية قد بنيتها ... ولو كانت إجابتك بأنّك ستخبر الحكم ... كُنت سأحكي لك القصة الخيالية التي سمعتها عن أنصار السنة في لعبهم لكرة القدم ورفعهم لراية عدم الغش والخداع حتى في كُرة القدم لدرجة أن يخبر المهاجم حارس المرمى بأنه سيلعب الكرة في المكان الذي اختاره ... وهكذا ...
وفرق يا عزيزي بين أن اقتنع بكلامك وبين أن أفرض عليك الاقتناع بكلامي ... فالأولى لا نصنعها والثانية لا نملكها ...
Quote: يعني تصيغ السؤال و تحدد خيارات الإجابة كمان ؟ طيب على الأقل كان تخلي خيارات الإجابة مفتوحة عموما ما مشكلة يا ها طريقتك في النقاش , خدك اجابتي: 2-لن أخبره
بمناسبة طريقتي في النقاش ليه يا ود البُشرى ياخ ... مُش السؤال دة حقي أنا وعايز إجابة عليهو منّك ... عشان أصل لي فهم معيّن ... لو بسأل بمزاجي ... وبمنعك من السؤال بمزاجك أكون غلطان ... ولو بفرض عليك غصباً عنّك تجاوب برضو حأكون غلطان ...
Quote: خليني اهديك اللقطة دي بمناسبة الباسطة لكورة غير الشفتها و قمت عليها
وأضف يا عزيزي إلى مثالك أن الاتحاد الإنجليزي أعاد مُباراة للآرسنال بعد أن أحرز على ما أذكر لاعب الآرسنال النيجيري كانو هدفاً وحارس المرمى كان ساقطاً على الأرض مُصاباً ... تقريباً كدة أو حاجة قريبة من كدة ...
ولكن في نفس الوقت لو أحرز كانو هدف الفوز بيده متعمّداً فلن يُعيد الاتحاد الإنجليزي المُباراة ولو اعترف اللاعب .. شُفت كيف يا عمّك ... وربما لن يعترف بذلك كحال مارادونا الذي لم يعترف إلاّ بمرور الزمن ... المبادئ في كُرة القدم الناس يا تشيلها كلّها يا تخلّيها كلّها (وجهة نظري الما مفروضة على ود البُشرى) ...
12-11-2011, 11:17 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا صبري الموضوع ابسط من كدا بكتير وما مسألة مثالية تبنيتها و ليس حصرا على كرة القدم فقط الحكاية ببساطة تتعلق بالكذب و شهادة الزور, انا كنت حريص على الاجابة على قدر السؤال هل ستخبر الحكم إن سألك من ضربني ؟ نعم سأخبره كان سألني , وتقرأ من الناحية التانية : هل ستكذب على الحكم ؟ هل ستشهد زورا ؟الاجابة قطعا لا هل من تلقاء نفسك ستخبر الحكم انك ضربت فلان لاعب؟ الاجابة لا , اما لو كان السؤال : اذا سالك الحكم هل ضربت فلان لاعب هل ستخبره بالحقيقة؟ الاجابة نعم ودا الشي الطبيعي وما عندو علاقة بكونو في كورة في السوق في دار مسنين في سبق خيل هي كدا بكل البساطة الفي الدنيا لا يمكن بل لا يجب ان تكذب او تشهد زور, وما فيها مثالية متبناة بل هي اصل الاشياء البسيط المبني على الفطرة السليمة
ما حدث من البرير كذب صريح و هروب من المسؤولية ما حدث من مجلس الادارة شهادة زور لا يمكن تسمية الاشياء إلاّ بأسمائها ما عدا ذلك ومحاولة التبرير بإنو دي الكورة كدا ودي شفتنة او ماشابه لا يجدي
مُش برضو عيب يا ود البُشرى تضرب ليك لاعب .. وتعمل نايم .. وعلى هذا الأساس ربما يتضرر الفريق الآخر وربما لعب ناقصاً .. وربما تسبّب هذا في فوزكم بالمباراة ... مُش دي كلها بتدخل في باب الغش والخداع والسرقة .. وهلمّجرا ... يعني فرقك شنو يا ود البُشرى من الزول لمّا يقتل ليهو زول ويعمل نايم ؟!
Quote: اما لو كان السؤال : اذا سالك الحكم هل ضربت فلان لاعب هل ستخبره بالحقيقة؟ الاجابة نعم
غايتو بالنسبة لي دي حتكون أوّل حادثة أشاهدها في كُرة القدم ... (بدون ما أقول ليك كضّاب)
ومن الممكن يجيني زول ويقول لي الكلام دة حصل قبل كدة .. لكن السؤال حيطلع عن حصل وين وأهمية الدوري والمباراة شنو ؟ يعني كونها تكون حصلت في كأس العالم مثلاً لا أعتقد .. في دوري أبطال أوروبا لا أعتقد في إحدى الدوريات العالمية الكبيرة لا أعتقد ...
في الدوري الممتاز السوداني لا أعتقد ...
في مباريات هلال مريخ .. أكاد أقول مستحيلة
ومعليش سؤال تاني: إنت لعبت الكورة وين يا ود البُشرى ... وهل لعبتها في أندية كبيرة وشاركت في مُباريات كثيرة وارتكبت مُخالفات ونلت إنذارات ؟ أرجو أن تحدّثني عن نفسك كلاعب كرة ...
12-12-2011, 10:37 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا ريت يا صبري لو سألتني السؤال دا قبل زي سنة سنتين كدا ايام اللياقة كويسة ( اللياقة من لأئق ومن لايوق) كان سيسعدني احكي و ازيد واعيد وادخل معاك في الجدل الدائري اللانهائي البتحبو دا وكنت جاوبت على كل اسئلتك ومليتك اسئلة من نوع : طيب افرض انو كان عندك جناحين و جات غنماية ماشة ح تنطها ولاّ ح تحلبها , وعايز الإجابة لاتخرج من ديل: واحد: نعم عمري اكثر من طمنطاشر سنة اتنين: لأ لم أزر الأبيض من قبل
فا شنو و لأنو بقى مافي حيل زي زمان للغلاط وكدا اسمح لي اعتذر عن الإجابة على السؤال و بالنسبة للموضوع كلو نعم انت صاح و البرير صاح و مجلس الادارة صاح غلطانين انا و عادل رجب
12-12-2011, 11:49 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: بالنسبة للموضوع كلو نعم انت صاح و البرير صاح و مجلس الادارة صاح غلطانين انا و عادل رجب
هههههه هاهاهاها أحي أنا( في زول قبل كدا قال ما تقولوا أحي أنا).. دا شنو يا جرجير الإستسلام دا.... ما عهدتك إلا مجرجراتي ملفلفاتي (من لف ) مدوراتي ( من يدور) تحكها لامن تجيب الحديدة، ولم أتخيل أنه سيجيء يوما أراك فيه متقهقرا موليا الأدبار وفاكي البيرق .. لأنني لم أتصور أن تلقي السم القدر شنو كدا ما عارف.. هيييييييييي الأسافير باظت يا جدعان ... هي دي بقت منابر يا.. فين أيامك يا جرجير وفين ال... أيام تغالط الزول في إسمو عديل كدا وإحتمال كبير تركب ليهو إسم جديد وتقنعو بأنو دا أسمو الحقيقي.. هييييييييي دنيا والله
12-12-2011, 12:07 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
يا صبري يا حبيب ما عايز أقول ليك البتعمل فيهو دا عيب، حكيم العيب في المنبر دا هو أن تبدأ بتشيمة غيرك (فلسفة خاصة بالعبدلله). لكن عايز أقول ليك دا غلط كبير يوم بوديك الماسورة .. وحاة خوتك المافيها فائدة (حلوة دي) .. لفيت الأسافير دي منبر منبر وشات شات وفيس فيس ما لاقاني صاحب عندو القدرة على لخبطة المواضيع وخمجها وعصرها وعجنها وعواستا تاني في شكل قراصة نبق بالطريقة القاعد تعمل فيها دي .. ونفسي والله العظيم أفهم أنك بتعمل كدا لشنو يعني .. أو بصورة أدق: الجابرك شنو .. هسع جرجير الفوق دا مثلا قال خلاص إتا الصاح فأتمني والله ما يكون دا الإتا عايز تصل ليهو يا حبيب . لانو لو ياهو فعلا فحقو تراجع سياستك وطريقتك في التناقش والتداول بالمنابر والأسافير .. ما ممكن يا صبري نقاشك كلو يكون كسر رقبة لمعالجة الترقوة وتركيب جبيرة ساق مكسورة في ساق سليمة وتصر على أنو نظريتك دي هي الصاح .. وأي زول يخالفك يا إما تصرف ليهو انطباعات من عندك يا إما كمان ترشو بعشرمية وعشرين سؤال ما عندو أية علاقة بأية حاجة في أية حاجة، وإحتمال كبير تتحول لمحقق دولي تستجوب فيهو اليوم كلو وفي النهاية تمرق الموضوع مجرد سراب يحسبه القارىء بوست فيهو فائدة.. إني آمنت ياخ .
رسالة أولى للأخ طلحة:- أنا من المعجبين بما يكتبه الأخ ود البشرى .. وهو من الذين يستخدمون لغة المنطق والإقناع .. ونقاشي معه ليس اختلاف بالدرجة الأولى .. فهو تحدّث عن انطباعه ورأيه هو محمد البشرى .. وأنا استغربت هذا الانطباع .. إذاً أين الاختلاف ؟ وأين الاجتهاد للانتصار للرأي ؟
ثم يا عزيزي ما كسّير تلج ولا حاجة .. ليتني أصل لمستوى ود البشرى الراقي في الفهم والحوار ... . نقطة سطر جديد ...............
Quote: هسع جرجير الفوق دا مثلا قال خلاص إتا الصاح فأتمني والله ما يكون دا الإتا عايز تصل ليهو يا حبيب .
لم أناقش ود البُشرى لأنتصر لرأيي .. أنا حكيت معه عن واقع مُعاش ليس إلاّ .. هذا الواقع غلط وأتفق معه جملةً وتفصيلاً .. ولتصحيحه يجب أن يبدأ من أعلى الهرم وهو الاتحاد الدولي لكرة القدم وذلك بسن كل ما يُساعد على ذلك ...
Quote: يا ريت يا صبري لو سألتني السؤال دا قبل زي سنة سنتين كدا ايام اللياقة كويسة ( اللياقة من لأئق ومن لايوق) كان سيسعدني احكي و ازيد واعيد وادخل معاك في الجدل الدائري اللانهائي البتحبو دا وكنت جاوبت على كل اسئلتك ومليتك اسئلة من نوع : طيب افرض انو كان عندك جناحين و جات غنماية ماشة ح تنطها ولاّ ح تحلبها , وعايز الإجابة لاتخرج من ديل: واحد: نعم عمري اكثر من طمنطاشر سنة اتنين: لأ لم أزر الأبيض من قبل
فا شنو و لأنو بقى مافي حيل زي زمان للغلاط وكدا اسمح لي اعتذر عن الإجابة على السؤال و بالنسبة للموضوع كلو نعم انت صاح و البرير صاح و مجلس الادارة صاح غلطانين انا و عادل رجب
رسالة ثانية للأخ ود البشرى:- يا ود البُشرى بدون لياقة ياخ ... أيوة البرير غلط وعادل رجب غلط .. وقوانين كُرة القدم بشكلها الحالي لا تنصر المظلوم .. وفيها كثير من الغلط (يكفي أن بلاتر ما زال يتلكأ في اعتماد تقنية إثبات عبور الكُرة لخط المرمى) ...
ونجيضتي الأخيرة: في ظل هذا الوضع لن أقول أنّ البرير قد ضرب الحكم حتى لو شاهدته .. ولكنني لن أصوّت له لرئاسة الهلال مرّة أخرى إلاّ إذا كان تواجده كرئيس فيه فائدة أكثر من الضرر ولا يوجد غيره ليقدّم هذه الفائدة ...
وكلنا خطاؤون ..
ولكما كل الود والتقدير ،،،
12-12-2011, 03:24 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: هي دي بقت منابر يا.. فين أيامك يا جرجير وفين ال... أيام تغالط الزول في إسمو عديل كدا وإحتمال كبير تركب ليهو إسم جديد وتقنعو بأنو دا أسمو الحقيقي.. هييييييييي دنيا والله
للسن أحكامه يا تنظير انت كمان يعني ح نغالط في زمنا و زمن غيرنا, ودي سنة الحياة تترجل وتدي الراية لغيرك لو ما كدا كان لا اسي قاقارين و كمال عبد الوهاب مترترين في الميادين
ثم فعلا داك ما كان اسمو و الأنا قلت عليه دا اسمو الحقيقي
كدي ما تعمل رايح من مداخلة خالدعبدالله قلت لي برشلونة مالو ؟
12-12-2011, 04:20 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: للسن أحكامه يا تنظير انت كمان يعني ح نغالط في زمنا و زمن غيرنا, ودي سنة الحياة تترجل وتدي الراية لغيرك
كضبا كاضب فالحقيقة أنك زمان وقبل صبري لخبطة دا ما يعرف درب البورد دا كتا لاقي جوك في الجرجرة والغلاط لأنو ما لاقي ليك زول يطلع وينزل ويلف ويدور معاك حكيم الناس ما فايقة لنقتك الكتيرة دي .. لكن هسع جاك السم القدر شنو كدا ما عارف..
Quote: كدي ما تعمل رايح من مداخلة خالدعبدالله
اتا شنو قاعد تلوك لي في الكلام دا ..؟؟؟؟؟؟؟؟؟؟؟؟؟؟؟؟ أخوك في الله خالد عبدالله دا قال شنو يعني ؟؟ أيواااااا قال لي زي ما قال جرجير أنو ترشيحي لأسبانيا الطلع صاح داك كان بالصدفة .. ياخ بس الواحد ما عايز يدخل خالد دا معاك في قفة واحدة لأنو الهظار بيني وبينو في حدود معينة.. لكن طالما ماأنك مصر فأسمح لي أقول ليك وليهو إتو منافقين (تقرأ حاقدين وما بتعرفوا تطلعوا النصيحة) لأنو: رشحت أسبانيا قبل شهر من بداية كأس العالم وقلت ح تفوز لأنها كدا وكدا وكدا( راجع البوست) فكيف يكون الكلام دا صدفة.. ومش كدا وبس بل رشحت فرق دوري الأربعة وفجرت القنبلة الكبيرة بتاعت أنو البرازيل ح تطير( راجع البوست أياه) حتى بالإمارة جيت إتا وخالد وغيرك من الإنطباعيين وبتاعين العواطف السيالة شايلين عكاكيزكم وقلتو تطلعوني من البلد عشان قلت البرازيل طايرة.. ولامن طارت فعلا خجل من خجل وتاني ما عتب ذلك البوست وكابر من كابر وفضل يغالط ويجرجر ويجر في سبحتو عشان أسبانيا ما تفوز بل وفتح بوستات عديل كدا يتوسل فيهو الأعضاء عشان يرفعوا يديهم لله عحتى لا تفوز اسبانيا ليس كرها في أسبانيا وإنما بس عشان كلامي ما يطلع صاح( فضائحك في البوست بتاع الترشيح قاعدة وبرضو فضيحتك بتاعت فتح البوست بتاع شحدة الأعضاء قاعدة).. دا بالمختصر المفيد بخصوص ترشيح الماتدور القلت صدفة ومصر عليهو رغما عن أنف الصدق والحقيقة القاعد هسع في البوست دا تجرجر فيها صبري المسكين بتاع لخبطة الكلام الفوق دا وحتى بالمرة قلت الكذب حرام والشفافية مطلوبة وما عارف المبادي والقيمة المطلقة ..الخ.. ههههههههه يا منافق يا خبيث .. بالنسبة للترشيحات والتوقعات التانية واللي للأسف دائما مقنطر فيها روحك عشان تأخد الفيها النصيب في النهاية من سخرية واستهزاء القراء فعندك مثلا موضوع الكهل المصري الكذاب ( برضو نطيت فيهو إتا كعادتك المملة في النططان وكسر الرقبة وكانت فضيحتك فيهو بجلاجل كالعادة) بجيك تاني بالتفصيل لفضيحتك في بوست الحضري وغيره من البوستات اللي صدق فيها كلامي بالكربون ولحست إتا بسببها المكوة يا مكوة .
12-12-2011, 05:26 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
جرجير طبعا قصة توقعي للمشاكل العملا الحضري دي كانت برضو مبنية على معطيات ونظريات ذكرتها في حينها ما بتختلف كتير عن ترشيحي لأسبانيا للفوز بكأس العام .. فهل الصدفة القاعد تلوك فيها زي اللبانة دي صدفة تانية غير الصدفة العارفا أي زول دي واللا ياها ذاتا الصدفة الأولانية ديك .. لأنو الترشيحات والتوقعات المبنية على استنتاجات مؤسسة على معطيات وحيثيات ووقائع..الخ تختلف عن الصدفة الضربو رمي ساي .. اتا طبعا ما قصرت في الجر والمط طوالي نطيت قلت لا الحضري حارس كبير وح يفيد المريخ ولما قلت ليك ياخ ما حيفيد المريخ لانو بتاع مشاكل والمريخ ح يتورط معاه ويسف التراب ويكيلو الرماد قلت لا دا تنظير وما ح يحصل كلام زي دا .. صاح ولا أجيب ليك البوست؟؟ في بطولة سيكافا الشارك فيها المريخ اللي كان حارسو الكهل الكذاب الحضري فتحت بوست وقلت فيهو أنو المريخ ما ح يجيب كأس سيكافا وكان الكلام دا في دور الأربعة والحضري حينذاك كان صد ركلات ترجيح وسجل واحدة.. حتى بالإمارة طلع لي الحبيب عمر جبريل وقرأ أفكاري ونواياي وقال البوست الجائي لطلحة ح يكون كيت وكيت (طبعا قاصد السخرية).. وبرضو جاءني ياسر نجيلة وقال لي لا المريخ ح يجيب كأس سيكافا والحارس الحضري ممتاز وح يجيب للمريخ الكأس وقال لي في النهاية نتلاقي بعد ما المريخ يجيب الكأس دا.. ولم يفز المريخ بكأس سيكافا ولا حتى بالمركز الثاني بل طار من قبل ما يصل النهائي وكمان السبب الحضري.. حتى بالإمارة اتا جيت ناطي خجلان خجل السواد وقلت الحضري خذلني ياخ .. يا رااااااااااااجل. قبل كدا برضو توقعت أنو المريخ دا ما يشيل كأس سيكافا لما عمل البطولة في الخرطوم وفي النهائي فاز عليهو التاكسي البورندي واللا التعاوني ما عارف .. أيام إنتخابات اتحاد الكورة الفاز بيها معتصم قلت أنو الإنتخابات دي ما صحيحة كدا وأتوقع أن تتم إعادتا من قبل الفيفا ودا الحصل بحذافيرو( الحبيب أيمن دياب فتح بوست كامل يؤكد فيه صدق توقعاتي).. دا طبعا يا ود البشري غير توقعاتي بالنسبة للمحترقين الأجانب بتاعين المريخ القلت أنهم ما ح يفيدو المريخ بداية بالشيخ ديوب المعطوب ومرورا بايفوسا وليس نهاية بوارغو..و بالمناسبة واحد قبل كدا في مداخلة او بوست منفصل ما متذكر قال لي يا طلحة نقيت في إيفوسا لغاية ما طيرتو من المريخ)... أها يا جرجير إختار ليك تلاتة أربع من التوقعات والترشيحات دي كلها وجيب مصحف أحلف فيهو أنها كلها صدفة وما فيها أية قراية أو تحليل أو استنتاج مبني على معطيات وماعندك مشكلة لكن في النهاية ح تلقي في اتنين تلاتة باقيات ما صدفة زي ما قلت وبصراحة( لو لم أتوقع غير الاتنين واللا التلات الباقيات ديل لكفاني).. ملحوظة: توقعت أن يتعرض المريخ لهزيمة مذلة اذا حرس مرماه الكهل الكذاب المدعو الحضري في نهائي كأس السودان( ذكرت الأسباب والحيثيات) لكن المريخ انسحب وبصراحة كان عندي أحساس قوي جدا أنك ح تجيء طاير جوز في البوست رغم أنك فضلت تتلبد ليك فترة طويلة برة برة .. وأحمد ربك أنو المريخ . انسحب عشان ما تجىء تغرق زى كل مرة .
12-12-2011, 06:05 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا تنظير الملافظ سعد ياخ كلام النفاق و الخبث و الحقد ومش عارف ايه دا شين شديد كان هظار هظارك بايخ وكان عنيته بالجد الله يسامحك غايتو
نرجع للموضوع طيب آمنا انو ترشيحك لأسبانيا كان بناء على معطيات فنية وكدا طيب شنو المعطيات الفنية الخلتك تطلق على برشلونة فريق الرجل الواحد في حين انو منتخب اسبانيا قوامه لاعبي برشلونة ؟
12-12-2011, 06:18 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا صبري شكرا على الكلام الطيب و كتر خيرك عليه كبّرت لي راسي وكدا هههههههههه طبعا اختلاف الراي شيئ طبيعي ولابد منه اصابع اليد الواحدة تختلف فاكيد رؤية وتقدير الأشياء يختلف ويتباين من واحد للتاني و النقاش في حد ذاته نوع من التواصل بس مشكلته بحرّق الروح وعايز طولة بال افتقد ليها مؤخرا مع الزمن الممحوق
12-12-2011, 09:56 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
جرجير سمح ماني مهظر معاك تاني يااللخو .. نرجع للموضوع .. أها ياخوي بعد أقتنعت بأنو ترشيحي لاسبانيا ما كان صدفة وكان وفق قراية لواقع وقياسا على معطيات رأيك شنو في التوقعات والترشيحات الرصيتا ليك فوق دا على حسب طلبك .. وبعدين شنو بعد ما أقنعتك بالأول تنط لي تاني باستفسار واستجواب غير الأول .. يعني أقعد أنا أبطل شغلتي كدا كدا وأتفرغ للاجابة على جنابك اتا واللا فهمك شنو يعني يااللخو.. إتا آزول طالبني حاجة ؟؟؟؟؟؟؟؟؟
12-12-2011, 10:53 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
طلحة سلامات انا متذكر بوست توقع فوز اسبانيا داك وانا تداخلت فيه ولاني متعصب للبرازيل ناقضت توقعاتك وطلعت انت الصاح .. لكن لما قريت توقعك هنا ونعتك للبارسابفريق الرجل الواحد وان الفريق الملكي سيفوز بناءاً على قوة اداء الفريق في ما سبق من مباريات كانت قرايتك مشش صحيحة والاعجب كمان انك تجاهلت تماماً الفنان انيستا وطنشت وجود المهندس تشابي/خابي وطنشت كمان فابريقاس .. تعرف ياطلحة وبحكم خبرتك ان وسط الميدان لما يكون فيه اصحاب مهارات عالية في مقابل العتالة والشلاليت بترجح كفة المهارات او تتراقص الكروت الصفراء والحمراء في الجو.. والاعجب ترشيحك لفوز اسبانيا بكاس العالم وهومدجج بكوكبة من البارسا مفروض يخليك ما تنعت البارسا ابداً بفريق الرجل الواحد.
12-13-2011, 12:19 PM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: لكن لما قريت توقعك هنا وان الفريق الملكي سيفوز بناءاً على قوة اداء الفريق في ما سبق من مباريات كانت قرايتك مشش صحيحة
الحقيقة يا إسماعيل أنا في البوست دا ما قريت أية قراية ولا إستندت على مستندات زي البوست بتاع ترشيح اسبانيا.. فقط فتحت البوست دا لأني ريالابي متعصب ونكاية في الحيوان المجنون المجرم الأطرش الإسمو ميسي دا .. وفوق كل ذلك كية في البرشلوناب المتعصبين مشجعي الراجل الواحد الهنا ديل .. هسع يا سمعة قبل يومين الهلالابي دكتور ياسر عبد القادر فتح بوست قال فيهو أن سبب هزيمة المنتخب لأنو بلبس الأحمر .. هههههههه بوستاتي البتوقع فيها بستهلها بعنوان يحمل مضمون التوقع دا ذاتو : مثلا أكتب: أتوقع أو أرشح كيت وكذا عشان كدا وكدا وكدا .. وزي ما شايف البوست دا ما فيهو أي كدا وكدا وكدا فقط مجرد مكابرة زي مكابرة جرجير وصبري طه الفوق ديل. وعذرا ليك إتا برضو ولا نامت أعين أي مكابر كابر عن كابر .
12-13-2011, 01:14 PM
إسماعيل حسن إسماعيل حسن
تاريخ التسجيل: 08-09-2008
مجموع المشاركات: 442
تحية يا طلحة تعرف انا بشجع فريقين فقط ارسنال وده من زمااااااااااان لان ارسين فينقر مدرب في نظري كشاف مواهب خطير وبيربي النجوم وبيضيف ليهم زيادة على مواهبهم وبيعلمهم الاداء المهذب الانيق والله مع المغصة البسببوها لي من زمان الا اني بستمتع بطريقة لعبهم لدرجة لا توصف . والعدو الرئيسي بالنسبة لي مورينو مع اعترافي التام بقدراته وشطارته والروح القتالية التي ينجح فى زرعها في اي فريق يتولى تدريبه ولكن شطارته ناقصة وبيكملها بترسانة النجوم الجاهزة ورؤساء او اصحاب الاندية اصحاب الجيوب والارصدة المنتفخة زي ما عمل في فريق شيلسي رايح ملقط وململم النجوم الجاهزة وكمان فيهو عيب تاني كبير جداً هو بيخلق من الفريق عتالة (جمع عتالي) وناس بنسو ان الكورة لعبة جميلة ومفروض تسود فيها الروح الرياضية بحق لكن لما اتفرج على بيبي مثلاً اكره المدريدي كراهية مطلقة . يا اخي ده حتى جعل من اللاعبين الوديعين فى رىال مدريد يلعبوا عتالة وده الفرق بينهم والبارسا... وبموت في البارسا من زمان لانهم بلعبوا الكورة الجميلة جمال لا يوصف وبكل انانية بتخيل انه اي زول بيحب الكورة بالجد وما بيستمتع باداء البارسا حقو يراجع حكاية انه شغوف بكرة القدم دي.. ومع ذلك بستمتع بتوقعاتك وترشيحاتك في كل الاوقات لانهافي الاغلب موضوعيه .
بس وصية ليك عشان مايجيك الضغط حاول تستمتع بالبارسا لاني عارفك زول كرونجي بدون ادعاء.. مع خالص الود
12-13-2011, 07:12 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلحة عبدالله
ABUHUSSEIN
ياسر نجيلة
عمر الفاروق
سفيان بشير نابرى
خالد عبد الله محمود
عبدالكريم عبدالله
علي مزمل
احمد التجانى احمد
محمد البشرى الخضر
tmbis
Maawya Hussein
طارق جبريل
معاوية عوض الكريم
فايزودالقاضي
إسماعيل حسن
فيس بوك
تويتر
انستقرام
يوتيوب
بنتيريست