|
|
|
 Re: اولاد الثورة الحارة السابعة / ابداع ما بعده ابداع (Re: Mutwali Malik)
|
متوكل مالك
تحياتي
نحيي الحي الجميل!
نتذكر كل شوكة, و كل نبات سنمكة, و كدندارة, و نتذكر الميدان و تيم الصقر الاسود -تيم كله من الجنوبيين- و اولاد الحارة الرابعة عندما لم يكن هناك سكان كفاية ليشغل ابناءهم الميدان في السابعة, و نتذكر ابكر اول مؤذن للجامع, و نتذكر عبدرالرحمن عمر, و محمد كراكة, و نصرالدين فاطيما, و جمعة و عبده علي, و فيصل ود الداية, و منقذة و اولاده.
ونتذكر خالتي عائشة ست الكسرة اول من سكن السابعة-جارتكم بالزاوية- و ادريس و هاشم سنادة و احمد رشدي و محمد عباس و والدتي حبوبة ونتذكر حاجة شامة و حاج علي المنصوري (الرحمة على من توفي منهم و الصحة و العافية لمن لا يزال حيا) و هولاء اول سكان الحي و ايضا مكي صاحب البقالة الشهيرة!
جميل ان نسمع عن السابعة!
--
تحياتي لاخويك الصادق و محمد.
| |
 
|
|
|
|
|
|
|
عليش ياصديقي
حاتشوفنا قريب ممكن برضو تمشي موقع قناة النيل الازرق وتكتب في البحث اولاد السابعة في العيد ومن ديك وعيددددددد
(عدل بواسطة Mutwali Malik on 12-06-2011, 07:05 PM)
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: Mutwali Malik)
|
مصعب عبدالله
لك الشكر والحمدلله الحلقة وجدت صداها لديك تسلم علي المرور
وليد محمد المبارك
الباطنية دي اتخيل لي في الخامسة ما السابعة صاح
ابوساندرا
تحياتي
ا ل مكرنجة ديل من اعلام الحارة السابعة العم مكرنجة من اوائل الناس الاشتغلو بتاجير مستلزمات الافراح قبل ناس كزام وابنه مجدي مكرنجة دفعتي في المدرسة الثانوية وحاتم مكرنجة صديق وجار
تشكر علي المرور
عمر الفاروق
تحياتي
هو انحنا نسيناها عشان نطراه الموضوع كنت اود كتايته في وقتها ولكن ظروف السفر وتغيير المكان وعدم وجود مساحة من الوقت للكتابة هما الذان جعلا الموضوع ياتي متاخرا بعض الشئ
شاكرا مرورك
بهاء بكري
سلامات
نيشن هو عراب السابعة واحد مفجري ثقافتها وسوف يطول الحديث عنه كثيرا وماقصر ربيع طه ذكر ان نيشن هو الاب الروحي لهم وهذا وفاء لشخص يستحق
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: Mutwali Malik)
|
سلام يامتولى
عوض شكسبير ولاعوض (عشة)...فى السابعة لايعرف عوض بهذا الأسم وأسم عشة تصغير للقب شقيقه الكبير محمد (عماشة) الذى تم تصغيره لعشة بكسر العين ومحمد زول كان موهوب وهو أول من قام بتكوين فرقة مسرحية فى السابعة فى جهتنا المتاخمة للتاسعة..
أيام الجهاد وحرب الجنوب كانت كل مره تأتى من الحارة التاسعة أصوات الطلقات والهتافات التى تعلن عن وفاة (شهيد)...ناس السابعة قالو نحن والله اٍلانستشهد فى طربيزة الضمنه وواصلوا لعبهم بعد أن أخدوا صنة لسماع خبر الذاهبين للسماء والحور العين فى الحارة المقابلة....
الباطنية فى السابعة الجزء الجنوبى الشرقى وفيها شباب زى الورد وجضيمين كوره...واٍن كان أولاد الحارة الرابعة والسادسة هم ألعب شباب الثورة
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: حاتم الياس)
|
الاخ متولي
لك التحية ..
لقد سكنت السابعة لكن ما طولت فيها وللمصادفة كنا جيرانكم الهيتة بالهيتة ..
لقد كانت ايام جميلة وسط ناس رائعين خصوصا ناس بيتكم المرحومة حاجة عديلة ونعمات والصادق مزيكة وهيثم ..
يبدو انك كنت في امريكا او كندا ما عارف في الوكت داك
بس كانت مودراني مسالة (مالك) دي ،لانو اظنو انو ابوكم اسمو الطيب
مع التحايا
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: صهيب حامد)
|
الاخ / صهيب حامد
لك التحايا
وتسلم علي استرجاع ذاكرة اكثر من عشرين سنة
ايام السابعة ايام لا تنسي وستظل محفورة في ذاكرتنا الي الابد اتمني ان تواصل معنا وتحكي عن عظمة هذا الحي الذي يحتاج منا لتوثيق الكثير من جوانبه
نعم انا متولي الطيب ما لك جاركم ولكن هل انت صهيب ود حسين حامد محمد الحسن ولا تشابه اسماء
| |
|
|
|
|
|
|
|
|
 Re: اولاد الثورة الحارة السابعة / ابداع ما بعده ابداع (Re: Mutwali Malik)
|
يا متوكل شكراً على شلال الذكريات
سعدت بشوفه الاصدقاء القدامي في رابطة الامل ربيع طه وفتح الرحمن، وتذكرنابقية العقد الفريد خالدتاج السر
ونصرالدين ادم .
السابعة شقلبان والرومي ، السابعة محجوب شريف والمهندس الراحل خليل احمد
والركن الخطير عباس صديق وراشد وياسر
وين صديقنا العزيز اسامة اخو(اسامة محمد بخيت) !
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: عبدالعزيز حسن على)
|
اخي عبد العزيز حسن
تحياتي
وتسلم علي المشاركة وفعلا السابعة كانت لها اسهامات كبيرة وخاصا في الجانب الثقافي ورابطة الامل تحتاج الي توثيق خاص .
السابعة حي له نكهة خاص في قلوب كل من سكنه والغريبة هنالك اناس يعتقد الكثيرون انهم من سكان السابعة لوجودهم المتكرر في السابعة ولكنهم ارتبطو بها وبي اصدقاء لهم
يسكون السابعة وعلي سبيل المثال لا الحصر كمال دقشة اللاعب الحريف الفنان كابتن فربق الاخوة والذي يسكن الحارة التاسعة والامثلة كثيرة .
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: Mutwali Malik)
|
يا سلاااااااااااااام ياسلام . شكرا شديد . لكل اولاد السابعة شكرا للسابعة ومدرسة السابعة والجامع . شكرا لصاحب البوست وللناس العملو مداخلات . بعد دا كلو انا حصلت لى قصة خطيرة جدا بعد بثو الحلقة دى فى التلفزيون . هى ما قصة هى مشكلة وتحديدا مع ( نصر الدين شهرة ) بتاع عصابة الرومان،، العايز يعرف التفاصيل ارجو التصال 0913539090 ( والعفش داخل البص على مسؤلية صاحبة )
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: عوض شكسبير)
|
طبعا يامتولي للحقيقه:
بدرالدين تنقا او بدرالدين سلمان مقال الحقيقه في قصه الهلال...لما افتتحوا حاجه اسمها مدرسه براعم الهلال كاول مدرسه براعم في السودان..كنت من اول المجموعات اللعبت علي ارضيه استاد الهلال...انا ومعاي عبدالكريم اب عجاج...وكنا بنمشي التمارين يوم الجمعه الصباح بدري..بالرغم من انو ابوي كان ماراضي...وقطع مني حق المواصلات عشان ما امشي الهلال..وقال لي انتظر شويه المريخ بعمل ليهو براعم امشي العب معاهم...والكت داك بدرالدين وعاكف لسه ما جو الهلال خالص...لما اتخرجنا من المدرسه..اي البراعم...عملوا لينا ماتش ودي مع الهلال الكبير..وكتها داك كان كابتن الهلال طارق احمد ادم...وكان جمال الثعلب والباقين..المهم المدرب اسمو ميرسلاف الدربنا بي مساعده المدرب السوداني طبعا...وفي نص الماتش....البراعم كلها قلعت الجزم..(لاركو)لانها كانت تقيله علينا...المهم...بعد اتخرجنا..ناس الحله سمعوا انو جابونا في الجرايد..ويعداك امتحانات المدرسه منعت من انو اتواصل في التيم..والحاجه الزعلتني انو بعدها بي فتره....عملوا كأس العالم للناشئين..وانا وكتها كنت بلعب في فريق شيكان (ناس الجاغوم لو بتذكر) ومنها لفريق الشاطئ..اولاد عبدالحميد....ذكريات غايتو...
(يجي بدرالدين سلمان يقول هو اول زول لعب في البراعم؟؟؟هو كان اكبر مننا الوكت داك..كيف لعب في البراعم؟؟
ههههههه
ههههه
ذكريات جميله...وشكرا يامتولي...(وده كلو خلينا يامتولي وسكينا درب المسرح) .....
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: عوض شكسبير)
|
سلام لصاحب البوست و المتسابعين و جيرانهم
قد يصعب عليك يا متولي ان تعرفني رغم اني جار very close و دفعة الاخ هيثم و كمان دفرنا مع بعض و مع امير (جاكو) .. و الله أيام يا زمان ..
انا ابوعبيدة ابن عمك علي بتاع الدكان( مش علي سلمان) علي عمر - لانه علي سلمان عنده ولد اسمه ابوعبيدة برضو
ابناء الطيب مالك رحمه الله من اعلام الكورة في السابعة
ساذكر لكم بعض الشخصيات التي اذكرها رغم مغادرتنا للسابعة منذ زمن طويل
:
العم المرحوم بشرى كنب - لاعب المريخ السابق
عاكف عطا لاعب الهلال و شقيق عادل عطا لاعب المريخ
مجذوب اونسة - ابكر - فارس - عمك علي كركبة - عمك علي سلمان - سيف الدين ارسطو - عمك علي الطيب جوار مسجد انصار السنة و المرحوم رزق الجزار -
كلما من ذكرت له قصة و شخصية فريدة جديرة بالسرد - سأعود لهم لاحقاً..
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: Mutwali Malik)
|
Quote: ذكريات جميله...وشكرا يامتولي...(وده كلو خلينا يامتولي وسكينا درب المسرح) .....[/QUOTE
ياعليش
ذكريات الحارة السابعة لا تمل وسنحكي عن كل شئ صغير وكبير
تذكر كان في واحد اسمو كردمان عندو عبارة مشهورة جدا بيقول كل مايشوفك (الله لي منك يالصغير سنك ) وكان يمتلك صوت جميل ويغني لابراهيم عوض وله محاولات شعرية تكون وليدة اللحظة وكمثال لذلك
كل ما اشوفك صفائي بيتعكر
وللخوة القديمة بقيت تتنكر
دي بنطلون جينز ولا شوال سكر
وسوف نقف عنده في كم محطة لاحقا
تخريمة
سكينا درب المسرح سكينا دي جارتنا في السابعة ولا شنو
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: تبارك شيخ الدين جبريل)
|
تحياتي عزيزنا متولي الطيب والمرور الكرام
بصراحة كدة، إنتو ناس عجايز وكلامكم كولللللو من الأمس.. 
نحنا أولاد أمبارح القريبة دي، التقانة والله أدّانا..
رصيدنا من دكان حسبو وكِسرتنا من العباس..
كورتنا بكري العباسية وألعاب قوتنا كمال كاراتيه وكوتشينا قريب الله وحكَمنا ميرغني حسن..
دفعتنا في (كمبوني): سوداني وأولاد رزق الله وخواجة وعصام أميقو وعصام مفتاح والطيب الكرين وطارق النُص..
باطنية، مُخ وأعصاب، دي حِلّتنا وبنفتخر والما عاجبو ينتحر. 
عميق تقديري ومودَّتي
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: علاء الدين صالح)
|
Quote: قد يصعب عليك يا متولي ان تعرفني رغم اني جار very close و دفعة الاخ هيثم و كمان دفرنا مع بعض و مع امير (جاكو) .. و الله أيام يا زمان ..
انا ابوعبيدة ابن عمك علي بتاع الدكان( مش علي سلمان) علي عمر - لانه علي سلمان عنده ولد اسمه ابوعبيدة برضو |
لك كل التحايا اخي ابوعبيدة النعمان
كيف لا اذكر العم علي عمر وهو نعم الانسان وطيب المعشر وللسابعة اناس تركو بصمات في تاريخها سيظل محفورا في الذاكرة الي الابد .
واصل معنا واكيد لك من الذكريات كما سردت مع بعض شخصيات الحارة السابعة نتمني ان تشركنا فيها
سعدت بمرورك
| |
|
|
|
|
|
|
|
|
|
Re: اولاد الثورة الحارة السابعة / ابداع ما بعده ابداع (Re: Mutwali Malik)
|
| Quote: وعندك فريق الاخوة الذي تشرفت بنيل كابتنيته في العام 1987م وكان يعج بالنجوم الذين صالو وجالو في الملاعب وعلي سبيل المثال المرحوم عادل جني واولاد الزبير طلال وطارق وكمال دقشة وبكتاش وطلعت وعماد الكنين وعاطف عرق احرف من لعب كورة في السابعة والود كاروشة ومحمد لفت والصادق مزيكا شقيقي الاكبر وامير شقيقي الاصغر وهيثم الطيب شقيقي الاصغر الذي حرس شباك المريخ في اواخر التسعينات والقائمة تطول |
يامتولي ... ايوب الجان وسامي ومعاوية وعادل التوم وقبلهم المعلم نيشن
| |
|
|
|
|
|
|
|
Mutwali Malik
عليش
بدر الدين احمد موسى
وليد محمد المبارك
عمر الفاروق
أبو ساندرا
بهاء بكري
حاتم الياس
عمر هواري
ابوعبيدة النعمان
محمد على حسن
تبارك شيخ الدين جبريل
علاء الدين صالح
فيس بوك
تويتر
انستقرام
يوتيوب
بنتيريست