|
|
 الأسلاموعربية..... شنو؟
|
زمان الزول كان بيخجل من انو يسأل حتى لايتهم بعدم المعرفة تم بعد أن هرمنا...وجدنا فى عدم المعرفة هذه متعة لاتضاهيها متعة وخصوصاً اٍن وجدت اجابة لسؤالك اٍن كانت هناك ثمة اجابة!!
بصراحة تمر على كثيراُ وفى الكتابات الرصينة وغيرها عبارة (عربواسلامية) وهذه الكلمة من زيادة انتشارها ورواجها وسط ذوى الأتجاهات الفكرية الخاصة والعامة حتى لتبدو وكأنها (خط مواصلات) مكتوب على جانب حافلة ركاب..من حيث الشيوع والكثرة والتكرار...
ماذا تعنى هذه العبارة وهل هى مصطلح ومن الذى اوجدها
|
|
 
|
|
|
|
|
|
|
 Re: الأسلاموعربية..... شنو؟ (Re: حاتم الياس)
|
.
حاتم الياس
تحية وتقدير ,,,
عن العبارة أسمح لي اكون اول المنظرين للاتجاه العروبي الاسلامي
عروبي واضحة من الخط القومي العربي الصعد مع جمال عبد الناصر في الستينات واندثر حاليا وإن ظلت بعض الدول تتبناه كخط قومي لها زي سوريا
والاسلام معني بيهو الاسلام السياسي والخط الاول ممكن تلاحظوا في دول ممكن باسم العروبة تمارس نوع من التميز علي سكانه زي مورتانيا ......
والسودان في بعض الرويات ولو مورتانية في الحته دي معاها شوية حق كجزء مقدر من سكانه ذو أصول عربية ببقي التساؤل كلو في السودان !!!!!!
أسلامية زي أخوان مصر وتونس والمغرب وكتير من الدول عندها أشواق تتبني خط إسلامي معتدل في غالبوا ومتشدد في بعضه
وبرضوا في جزء الثاني من العباره حظنا ما أكبر من أوله باعتبار عندنا تجربة إسلامية بس في اللحظة دي معظم الحركات الاسلامية الصاعدة في العالم الاسلامي
بتتجنب الكلام عنها ومعظمهم بعتبروا التجربة الاسلامية السياسية الوحيدة هي تجربة العدالة والتنمية في تركيا
ورغم إننا لا في العير ولا في النفير من العبارة لكين فعلا بلقي كتابنا بكتبوها كتير
أكيد منتظر معاك أهل المعرفة لمزيد من الشرح والايضاح
وتقبل تحياتي
| |
|
|
|
|
|
|
|
|
|
Re: الأسلاموعربية..... شنو؟ (Re: حاتم الياس)
|
حاتم الياس
سلام
ياخ خليك عميغ و ما تفضحنا مع قيقراوي!
العربواسلامية هي الاسلاموعربية ذات نفسها ياخ, ما عايزين دغمسة بالله.
هسع اعمل شنو مع قيقراوي انا, بعد ما يلقى انك ما عارف معنى عربواسلامية? ياخ انا المرة الفاتت قهمتو عديل كدة و قلت ليه حاتم الياس دا دكشنري عديل!
| |
|
|
|
|
|
|
|
|
|
Re: الأسلاموعربية..... شنو؟ (Re: محمد حيدر المشرف)
|
د. محمد حيدر
تحية وتقدير ,,,
ياخي تعال ورينا المصتلح ومعناه القاعد تستخدموا ومعناه
مداخلتي الفوق دي تنظير حسب المعني الفهمتوا من العبارة لكين ما شرح لمصتلحه
يعني انا في حكم سيد البوست عوزين نعرف معني المصتلح ده شنو ؟؟؟؟؟
تحياتي
| |
|
|
|
|
|
|
|
|
|
Re: الأسلاموعربية..... شنو؟ (Re: عبد الناصر الخطيب)
|
عبدالناصر
كيفك وكيف كيفك يا صديق ..
للحق حاتم الياس قريبى ده لو المصطلح ده ما مر عليهو ..
فقطع شك غلط ..
غايتو انا كنت قايلو زى ما كتبت انت مع فروقات بسيطه ..
يعنى الاسلاموعربيه لا أفهمها فى اطار القومية العربية كما يعرفها الناس منذ الخمسينيات ..
ولكن فى اطار دلالات ثقافيه تتعلق بحركة الدين السياسي وبذات ابعاده التأريخية داخل الراهن المؤسسي والتربوي والاقتصادى للمجتمع السودانى المعاصر ..
والله أعلم !!
تحياتى يا عزيزي ..
| |
|
|
|
|
|
|
|
|
Re: الأسلاموعربية..... شنو؟ (Re: سيف النصر محي الدين)
|
.
Quote: يعنى الاسلاموعربيه لا أفهمها فى اطار القومية العربية كما يعرفها الناس منذ الخمسينيات ..
ولكن فى اطار دلالات ثقافيه تتعلق بحركة الدين السياسي وبذات ابعاده التأريخية داخل الراهن المؤسسي
والتربوي والاقتصادى للمجتمع السودانى المعاصر ..
والله أعلم !! |
ود المشرف يا صاحب
الكلام ده فعلية من متعلقات إسلام السودان السياسي في حته تعريب المجتمع وكفكرها ليها هوي في المجتمع نفسوا
بس الفكرة دي وأحدة من اختلافات اسلامنا السياسي عن تيار الاسلام السياسي في العالم العربي لانو متجاوز حته العروبة
وفكرتوا بتمشي للعالم الاسلامي كلو .... وبتصور تيار الاسلام السياسي العربي _ المتشدد _ منو على الاقل
بنلاحظ انو نشط في أفغانستان وباكستان والشيشان وده العالم الاسلامي الكبير وحتى التيار المعتدل بتلقاهوا ما خاتي الحته
دي في اعتباراتوا وشائف اليومين ديل معظم التيارات دي محتفية بالتجربة التركية
يعني ما ارتبط بعمل ثقافة مرتبطة بالعروبة زي ما بنحس بالاجتهاد السوداني المبالغ فيهو بالشغل على الحته دي
يمكن عشان كده حاسي أنو المصتلح ده حصريا على توصيف الحالة السودانية
يعني لا يصح على أي حالة أخري سواها
وبرضوا الله يعلم
دمت بخير ,,,,,,,,
| |
|
|
|
|
|
|
|
|
|
Re: الأسلاموعربية..... شنو؟ (Re: AMNA MUKHTAR)
|
حاتم الياس.
ده مصطلح يستخمده أهل السودان الجديد والمقصود بهم هم:
الذين يؤمنون بأن السودان هو دولة عربية إسلامية ويجب أن يحكم بالشريعة الأسلامية ويجب أن تفرض الثقافة العربية على جميع المواطنين. وبالمناسبة. هذا هو المعمول به في السودان منذ الأستقلال حتى يومنا هذا.
ولا يهم كثيرا إذا كان المصطلح يكتب هكذا "الأسلاموعربية" أو خلافه فالمعنى والمقصد في النهاية واحد.
فمثلا أنت حاتم الياس نعتبرك عروبوي، ولكننا لن نتسغرب كثيرا عندما تصير أسلاموعروبي. لأنك في النهاية ماشي في نفس الخط. ومسألة الأسلامووي دي بتجي مع التقدم في السن. وهي طبعا ليس حكمة بل توهان زيادة.
| |
|
|
|
|
|
|
|
|
|
Re: الأسلاموعربية..... شنو؟ (Re: Deng)
|
Quote: فمثلا أنت حاتم الياس نعتبرك عروبوي، ولكننا لن نتسغرب كثيرا
عندما تصير أسلاموعروبي. لأنك في النهاية ماشي في نفس الخط. ومسألة
الأسلامووي دي بتجي مع التقدم في السن. وهي طبعا ليس حكمة بل توهان زيادة |
انت يا دينق البدخلك في الحتات الضيقة دي شنو؟
الاتنين ما عندك فيهن ناقة ولا جمل...
وعايز تطلع لينا الاسلاموية كما الزهايمر ...رابطا لينا بي التقدم
في السن...والتوهان...الزيادة...(شوف مرايسك وين؟؟) مالك ومال
الاسلاموية والعروبة...
قلنا نديك فرصة تدلق المزيد من النبيح...
| |
|
|
|
|
|
|
|
|
|
Re: الأسلاموعربية..... شنو؟ (Re: حيدر حسن ميرغني)
|
انا بس اقعد اثقف فيكم لمتين يا بدرنا و حاتم هو!؟
Quote:
مفهوم التهميش
خلفية المصطلح
نشير إلى أن إدخال مصطلحي "المركز" و"الهامش"، الذي تولّد داخل أروقة الفكر الماركسي المحدث بعيد منتصف القرن العشرين، وذلك في تحليل أوجه الصراع الثقافي والسلطوي في السودان بدأت عام 1968م، عندما استخدم علي مزروعي [1971] المصطلحين في معالجته النقدية للصراع الثقافي بين مستعربي السودان وما شاكله من دول ذات شعوب مستعربة أسماها الهامش (السودان، الصومال، موريتانيا، جيبوتي)، وبين العرب العاربة الذين أسماهم المركز. في عام 1986م قام كاتب هذه السطور في الإصدارة الشعبية الأولى لكتابه منهج التحليل الثقافي بتوطين هذه المصطلحين في تحليله للصراع الثقافي في السودان بالنظر إليه على أنه بين مركز إسلاموعروبي وهامش أفريقي؛ وقد استصحب مع مصطلحي "المركز" و"الهامش" مصطلحي "الوسط" و"الأطراف"، ليركن بعدها في الطبعات الثلاث اللاحقة (1988؛ 1996؛ و1999) إلى مصطلحي "المركز" و"الهامش". بعد ذلك قام عبد الغفار محمد أحمد [1988]، متبنّياً رؤية علي مزروعي بخصوص الحزام الهامشي للدول العربية ، بمعالجة قضايا الصفوة والطبقة المثقفة في هذه الدول الهامشية من حيث تحامل رصيفاتها في باقي الدول العربية العاربة عليها. كما استخدم منصور خالد (1993) مصطلح "المركز" دون "الهامش" بمحمولات جغرافية ديموغرافية ("أهل الحضر والريف"؛ "المركز والتّخوم"). فيما بعد تمّ تكريس هذا المصطلح عبر كتاب أبّكر آدم إسماعيل جدلية المركز والهامش [1997] بأجزائه الثلاثة.
محمد جلال أحمد هاشم
مفهوم التهميش وتحديّات العمل المشترك*
ورقة عمل قدمت في إطار "نداء لندن من أجل السلام والتنمية والعدالة في شرق السودان"، 17 سبتمبر 2005.
|
أسر المعتقلين، محمد جلال هاشم وأبكر آدم اسماعيل، ن...معة.. السبت المقبل
-----
تاني بتجي يا بدر!؟
| |
|
|
|
|
|
|
|
|
|
Re: الأسلاموعربية..... شنو؟ (Re: قيقراوي)
|
ناصر يا صديقى ..
| Quote: يعني ما ارتبط بعمل ثقافة مرتبطة بالعروبة زي ما بنحس بالاجتهاد السوداني المبالغ فيهو بالشغل على الحته دي |
ارتباط حركة الدين السياسي ارتبطت تأريخيا ومازالت بالعروبه .
حتى أن هناك إتهامات تتعلق بجغرافية الدين الاسلامى المحدده ثقافيا واجتماعيا فى مقابل عالميته ..
وهذا المفهوم /الاتهام يستند فى الواقع على وقائع التاريخ الاسلامى السياسي ومنذ يوم السقيفه من جانب وعلى نصوص دينية من جانب آخر..
ولعل حالة التجاذب المجتمعى الحاد فى أطراف الثقافه العربيه .. وأعنى الأطراف الجغرافيه .. ما بين مكونات المجتمعات الاثنيه المختلفه كما هو الحال فى السودان ..
يبرز حيوية وضرورة المصطلح فى التوصيف ..
ولكن السؤال ..
هل يريد حاتم الياس مناقشة المصطلح على خلفية وجوده الحى فى المجتمع ..
أم هو يسعى خلف توصيف قاموسي/مدرسي ؟!
| |
|
|
|
|
|
|
|
|
|
Re: الأسلاموعربية..... شنو؟ (Re: محمد حيدر المشرف)
|
قيقراوينا
ازيك ياخ
يا قيقراوي, انت مصدق حاتم الياس ما عارف العربواسلامية?
انا خايف انه يكون عندو راي, و عايز يجي يعمل فينا حركات المسقفاتية ديك!
ياخ حاتم دا من النوع البكتب "هكذا مشكل" تقول لي ما بعرف العربواسلامية الانت طلعتو حقنا بارد?!!! هههههههه
مرة يا قيقراوي انا عملت زي عملة حاتم الياس دي, في الثانوي العام, لكن الاستاذ بتاع العربي كرهني الشلاقة ذاتها!
وانا خايف على صاحبي دا, و لو وقع القدر و الجماعة شدوه هنا, بحكي ليك قصتة شلاقتي و الا فهي في بير عميغ جدا.
يا جماعة صلو على النبي!!!!!
| |
|
|
|
|
|
|
|
|
|
Re: الأسلاموعربية..... شنو؟ (Re: بدر الدين احمد موسى)
|
يا جماعة أدونى راسي فى الموضوع ده ..
انا كنت قايل انو فى فرق بين الاسلاموعربي والاسلاموعروبي ..
فالحالة الأقدم عندى هى الاسلاموعربي ..
الحالة وليس تعيين الصفة على وجه لغوى..
تعرف يا بدرالدين ..
حاتم الياس ده قطع شك راقدلو فوق راى ..
ونحسبه لعباُ ولكن
هو الجد لا كذب ..
وفى انتظار الردم ..
| |
|
|
|
|
|
|
|
|
|
Re: الأسلاموعربية..... شنو؟ (Re: محمد حيدر المشرف)
|
Quote: نزار حسين.
ده كلام بيني وبين المفكر الكبير عصمت سيف الدولة(خالد الياس) ولا
أعتقد أن لك في هذا الشهر أي نفقة.
علشان كده ابعد بعيد.
|
كان تقولوا ليه في اضانو...
طالما قلتو هنا وعلي الملا...حا يكون عندي ماهية عديل كدي مش نفقة وبس
| |
|
|
|
|
|
|
|
|
|
Re: الأسلاموعربية..... شنو؟ (Re: nazar hussien)
|
سلام شباب
النصيحة
ود الياس ما مضمون أبداً
وصراحة
لما أشوف الاسلاموعربية دي
بحس أنها ملصقة لصيق
يعني
ناس/جماعة ما عندها أدنى علاقة بالإسلام ولا بالعرب
أو علي الأقل عندها علاقة بالإسلام لكن لا علاقة لها/ ولا يمكن بالعرب
فتم دبلجتها وإطلاقها عليهم
يعني ناس متلصقة تلصق في العرب بإسلامها دا وما هم بالعرب الأصليين
يعني ما سمعنا بالأسلاموعربية دي في جزيرة العرب
ورينا قولك كدي يا ود الياس
| |
|
|
|
|
|
|
|
|
|
Re: الأسلاموعربية..... شنو؟ (Re: بله محمد الفاضل)
|
سلام يا حاتم الياس
و سلام يا شباب كلكم من اول زول لحدي حبيبنا بله
و يا بدر خليك جادي ياخ هههههههه بطل قصص لوووول
و للضمان بالجد حاتم دا راقدلو فوق رآي اصلاً اهو (انقريابي) اكعب من الدابي.
Quote: غايتو انا كنت قايلو زى ما كتبت انت مع فروقات بسيطه ..
يعنى الاسلاموعربيه لا أفهمها فى اطار القومية العربية كما يعرفها الناس منذ الخمسينيات ..
ولكن فى اطار دلالات ثقافيه تتعلق بحركة الدين السياسي وبذات ابعاده التأريخية داخل الراهن المؤسسي والتربوي والاقتصادى للمجتمع السودانى المعاصر ..
والله أعلم !!
|
يا ود المشرف يا صاحبي و الله دائماً بكون مبسوط منك بتشغل تفصيل و تفكيك ممتاز جداً .
و يا حاتم بقول ليك جرب الأتي :-
افصل ما بين الأسلام كديانة و معتقد و مابين العروبة كتراث و عرق و محمول تقافي .
و البتتحصل عليهو تعال ادلقوا لينا هنا .
سلام يا اصحاب .
| |
|
|
|
|
|
|
|
|
|
Re: الأسلاموعربية..... شنو؟ (Re: سفيان بشير نابرى)
|
بلة يا بلة
صدق الرغم دي تكنو ما جلّا!!
و الله صحي
Quote:
وصراحة
لما أشوف الاسلاموعربية دي
بحس أنها ملصقة لصيق
يعني
ناس/جماعة ما عندها أدنى علاقة بالإسلام ولا بالعرب
أو علي الأقل عندها علاقة بالإسلام لكن لا علاقة لها/ ولا يمكن بالعرب
فتم دبلجتها وإطلاقها عليهم
يعني ناس متلصقة تلصق في العرب بإسلامها دا وما هم بالعرب الأصليين
يعني ما سمعنا بالأسلاموعربية دي في جزيرة العرب
ورينا قولك كدي يا ود الياس
|
نفس المجموعة الاسلاموعروبية يسميها الاستاذ كمال الجزولي (الجماعة المستعربة)
و استغربت لاستخدام بروف محمد جلال هاشم لتعبير (عرب عاربة)، امعاناً في تاكيد استعراب جماعتنا!!
و هل اهل الجزيرة (العربية) و شمال افريقيا، اليوم هم عرب عاربة!؟
المتحدرين من لقاء قبيلة جرهم (العربية العاربة) و قيل (الغابرة) و بتنا النوبية الصميمة هاجر - أي ذرية اسماعيل- هل هم عرب عاربة!؟
ما ذهبت اليه صحيح ..
المرة دي (الرغم) ما جلّا يا حبة!!
الكنتة في ي ي التلصق دا ..
الكنتة في الادعاء الفاخر - ساي كدا دا!- بالنقاء العرقي و الاستعلاء الديني
------
حاتم شنو يا اخوانا الراقدلو فوق رأي معانا كمان!؟
اقول ليكم بروف محمد جلال هاشم و د. ابكر آدم اسماعيل تقولوا لي السبابي!؟
| |
|
|
|
|
|
|
|
|
|
Re: الأسلاموعربية..... شنو؟ (Re: قيقراوي)
|
يا اخي (الإنسانية) دي عيبوها لي
أجمل وأنبل ما يمكن الانتماء إليه
خلونا في الإنسانية
وبلاش وجع الرأس
عرب وغيرو
والله صحي
قيقا يا تحاويل
قنعت من ود الياس
بقيت قارش ملحتو ولا كيف
ولا نقول
دا طفحان ريدة ساكت.. هههههه
| |
|
|
|
|
|
|
|
|
 Re: الأسلاموعربية..... شنو؟ (Re: Kabar)
|
Quote:
قيقا يا تحاويل
قنعت من ود الياس
بقيت قارش ملحتو ولا كيف
ولا نقول
دا طفحان ريدة ساكت.. هههههه
|
يا بلة ياخي (الرغم) دا جلّا!
لا هذا و لا ذاك!
لا مكان للعواطف هنا ..
المسألة فكرية/ثقافية بحتة!
-------
و انا-مشهور عني- اني لا اجامل او اتساهل مع الذين لا يفحصون دمهم كاملاً بدمهم كاملاً
عشان كدا كنت صارم مع مسألة علمية بس
| |
|
|
|
|
|
|
| |
حاتم الياس
بدر الدين احمد موسى
محمد حيدر المشرف
سيف النصر محي الدين
AMNA MUKHTAR
Deng
nazar hussien
حيدر حسن ميرغني
قيقراوي
بله محمد الفاضل
سفيان بشير نابرى
Murtada Gafar
Kabar
فيس بوك
تويتر
انستقرام
يوتيوب
بنتيريست