|
|
 الشيوعيون السودانيين بسويسرا ينعون المناضل التيجاني الطيب
|
ينعي الشيوعيين السودانيين بسويسرا المناضل الأستاذ المرحوم التيجاني الطيب بابكر فقيد الوحده والوطن والسلام ويتقبل التعازي يوم الأحد الموافق 2011.11.27 على العنوان التالي
Rochibachstr. 8, 8037 Zürich (معتزمنزل )
من الساعه الثانيه ظهرا حتى الرابعه عصرا
التعازي الحاره لأسرته ولكل الشيوعيين والديمقراطيين وكل القوى الوطنيه السودانيه
بفقده فقد الوطن واحد من أشرف المناضلين والمدافعين عن الديمقراطيه والسلام والوحده الوطنبه
طب حيا وميتا يا شيخ المناضلين
|
|
 
|
|
|
|
|
|
|
|
Re: الشيوعيون السودانيين بسويسرا ينعون المناضل التيجاني الطيب (Re: Yousif AHMED)
|
(ماشى وين آ زول أقيف!)
يا رفاقا... الضُراع شِدُوهو،
سِّدُوا الفرقة، رقراقاً بجيب الريحْ
وكفكِفُوا الدّمع البِسيل وشّالُوا
يترِس موجة الحُزْن النويحْ
) أبو عازة (ما مات
كضّبْ الرادى المخاتل وإتوهمّ (الصايح) البِصيِّح
)أبو عازة( ما خِدّ ليه غفوة
(هسع عيتى) يجينا بى سمتو المريح
وبإنضباطُو وإحتياطُو
يفتح المحضر ويخطط
وينّطِقْ القلم الفصيح
ويضوى للناس المسالك العتّمة
نورالعِرّفة، جدلّ الثورة والفهم الصحيح.
ماشى وين آ زول أقيفْ! ماشى وين؟
والسكة قدامنا بترارى
وداك مُشْرَع الحِلم اليَسّارى
ومرفأ الأمل الفسيح
ماشى وين آ زول أقيفْ!
لسانا بدرى على غيابكْ
لسه ما أبت الكُتال فى الحق حُرابكْ
ولسه مليان بالمعانى الحُرة والثورات جُرابكْ
وهاداك عدو الشِغِيلة مِتْوهوِقْ جرِيحْ
يا زميل قوماكا نهتِفّْ
(يلا يا اولاد المشارِق
أنهمُوا العزّم البِدافِرْ واركُلُو الوهَمّ المُرِيحْ).
يا رفاقا لو يغيب عن مركز الحِزب (عمّنا)
(عم تيجانى) الكان ضراهُو بِضُّمنا
والقناديل التشِعّ من جبهتُّو
العصافير الترِكْ فى ضحكتُّو
والصرامة الحانية تتخلل حديثُو ونظرتُو
باقية فينا وفى عقولنا وفى قلوبنا ودمّنا
والوصية الكلمة زى النجمة تلمع
(خلو همّ الشعب أولّ ......
خلو همّ الشعب أولّ....ويبقى (نادُوس) همّنا).
(يا تيجانى) يازميل (الكِليتُّون) حالو ظابطة مؤمنة
نوم قرير العين ومرتاح السريرة يا صميم القلب نفاذ البصيرة
الدرُوبْ للثورة والثوارمصيرا تلِمّنا
ومابنفرط فى الهِداية وما بنبضِعّ فى الرِباية
يا أبونا يا رفيقنا
ويا صّديقنا وعَمّنا.
راشد سيد أحمد الشيخ
24 نوفمبر 2011
انا عارفة يا رشودة حزنك ح يكون كتر عشان كدا عزيتك براك يا ود امى .
| |
|
|
|
|
|
|
|
|
|
Re: الشيوعيون السودانيين بسويسرا ينعون المناضل التيجاني الطيب (Re: Yousif AHMED)
|
بسم الله الرحمن الرحيم
حركة العدل والمساواة السودانية
Justice & Equality Movement Sudan (JEM)
www.sudanjem.com
[email protected]
{(وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155-157].
بمزيد من الحزن والأسى ينعى رئيس حركة العدل والمساواة والقيادة التنفيذية للحركة للأمة السودانية جمعا المناضل من اجل الحرية والديمقراطية والكلمة الإعلامي القدير والاستاذ الكبير/ التجاني الطيب، الذي وافته المنية لتذهب روحه إلى بارئها العزيز الرحيم.
حركة العدل والمساواة إذ تعزي في فقد الوطن، إنما تنعي رجلاً في قامة المناضلين الذين قدموا حياتهم خدمةً لاوطانهم، وتنعي لكل قطاعات الشعب السوداني بصفة عامة والحزب الشيوعي السوداني بصفة خاصة هذا الفقد الجلل، سائلة الله العزيز أن يغفر له ما تقدم من ذنبه وما تأخر، وان يسكنه فسيح جناته ويدخله في معيته مع الصديقين والشهداء والصالحين وحسن أؤلئك رفيقا، ولآله وزويه الصبر وحسن العزاء.
وإنا لله وإنا إليه راجعون
جبريل أدم بلال
أمين الإعلام الناطق الرسمي
| |
|
|
|
|
|
|
|
|
|
Re: الشيوعيون السودانيين بسويسرا ينعون المناضل التيجاني الطيب (Re: فيصل عثمان الحسن)
|
تجاني الطيب بابكر .. صناعة الشجاعة والثبات في زمن الوجبات السريعة
خلسة رحل الاستاذ والمناضل الكبير التجاني الطيب بابكر أحد الاباء المؤسسين للحركة الديمقراطية التقدمية السودانية وأحد الكبار المنحازين للفقراء والمحرومين والمهمشين. والتجاني الطيب صنوا للثبات والجلد ومضاء العزيمة أنسان رفيع لايخطي في معرفة القضايا العادلة أو معرفة خصومه . لم يتزحزح أو يتلجلج في صيف السياسة السودانية او خريفها منذ قاهرة المعز في منتصف الاربعينيات لم يحفل بذهب المعز او سيفه .وهو من منظومة وعقد فريد من الرجال والنساء الذين شقوا عصا الطاعة عما هو سائد في أزمنة عصية على شق العصا.
يكفي تجاني فخرا أن رفقته الممتازة ضمت عبدالخالق محجوب وعبدالرحمن عبدالرحيم الوسيلة والجنيد على عمر وعزالدين على عامر والجيلي عبدالرحمن والانسان العصي على النسيان عبده دهب حسنين وبقية رفاقه . ومن شعب مصر ومناضليه رافق ذكي مراد ومبارك عبده فضل ومحمود امين العالم ومحمد عباس سيد احمد واسماعيل صبري عبداللة. وتمتع التجاني الطيب بصداقة واحترام قادة الحركة الشعبية لتحرير السودان -جنوبين وشمالين - وعلى راسهم المفكر والزعيم جون قرنق دي مابيور اتيم.
والتجاني الطيب هو مثل الطلقة المصوبة من قناص ماهر لاتخطي هدفها مطلقا, وظل على الدوام مثالا للاستقامة والاخلاص في القضايا الوطنية ولا غرو في ذلك فوالدة الطيب بابكر كان في معية الزعيمين على عبداللطيف وعبيد حاج الامين .
والاستاذ التجاني الطيب مدرسة في العمل الصحفي والحزبي الملتزم وذو مقدرة فائقة على صياغة وكتابة المواقف السياسية الرصينة وهو أحد اساتذة جيلناوالاجيال التى تلت تاسيس الحركة الوطنية الحديثة ضد الاستعمار البريطاني.
وأناسا مثل تجاني الطيب ومحمود محمد طه والحاج مضوي محمد احمد وجون قرنق دي مابيور ويوسف كوة مكي والحاج نقدالله (متعة اللة بالصحة والعافية) وأمثالهم يقدمون نموزجا لاغنى عنه لاجيال المستقبل في الثبات والاقدام والالتزام السياسي والاخلاقي عالي الكعب والهمة في تضاد مع ثقافة الوجبات السياسية السريعة .
وتتوجة الحركة الشعبية في شمال السودان قادة وقواعد بالتعازي الحارة لاسرته وأصدقائه ومعارفة وحزبه الشيوعي ولكافة الوطنيين السودانيين الذين يعز عليهم رحيل الاستاذ التجاني الطيب .
وانا لله وانا اليه راجعون.
ياسر عرمان
الامين العام للحركة الشعبية لتحرير السودان
| |
|
|
|
|
|
|
|
|
|
Re: الشيوعيون السودانيين بسويسرا ينعون المناضل التيجاني الطيب (Re: Yousif AHMED)
|
رحم الله العم تجاني رحمة واسعة وجعل مقامة الفردوس
قدم الكثير للوطن وارساء قواعد الديمقراطية وحقوق الانسان وحمل علي عاتقه
رفعة المواطن فلنجعله شمعه يضئ لنا الطريق نحو الحريه التي كان ينشدها
فلنرفع الاكف سألين المولي القدير ان يجعل قبره روضه من رياض الجنه
اللهم ان احسن زد في احسانه وان اساء اغفر له
اللهم تقبله عندك قبولا حسنا من الابرار
ان شاء الله اكون من الحضور يادكتور والبركه فيكم
| |
|
|
|
|
|
|
| |
Yousif AHMED
Nagat Sid Ahmed Elshiekh
جبريل أدم بلال
عماد شمت
فيس بوك
تويتر
انستقرام
يوتيوب
بنتيريست