|
|
 حكومة عريضة خالص ...!!!
|
للمرة الثانية اعلن هنا (حنقي) على حزب المؤتمر الوطني ... واعلن (تحسباً) ضيق أفقي في رؤاه السياسية
ولكنني (كمواطن) يحق لي السؤال عن دوري في إدارة الدولة
تلك الدولة التي انتمي إليها بحكم جنسيتي الخضراء التي صارت برغبة شخص ما (بيضاء)
ومن يومها لم تبقى العلاقة بيضاء بيني كمواطن والحكومة كممثل لي
|
|
  
|
|
|
|
|
|
|
|
Re: حكومة عريضة خالص ...!!! (Re: سجيمان)
|
Quote: احمد موسى
انا برضو معاك في النضم القلتو دا........
ممكن اجيب كديستي معانا برضو؟؟؟؟؟
والله الليلة انا متفرغ نضم في السياسة لمن تشرق.....اها بس! |
سي جي مان
قبل كم يوم لقيت زوجتي بتقرأ وتضحك
(إختلست) النظر لقيتها بتقرأ مقال حقك
اجلت لدقايق (حنقي) على الحكومة
و(حنقت) عليكم ..إنت ... والمقال ...
أها شن قولك ... ؟!!!
...
...
...
بعدين لعلمك العفش داخل هذا البوست على مسئولية صاحبه ..!!!
| |
|
|
|
|
|
|
|
|
|
Re: حكومة عريضة خالص ...!!! (Re: سجيمان)
|
الأخ / أحمد موسى
وأنا برضو زيك وزي الأخ سجيمان مواطن حانق جدا عايز أعرف عريضة يعني
شنو و عريضة في ياتو إتجاه و عريضة ليه و ليه ما بقت حكومة طويلة ولا
حكومة عميقة وهي بهذا العرض إلقو ليها هدوم تسترها من وين
أهو أنا قاعد هنا ده و وكلتك كمحامي على الموضوع ده
وشكرا
حامد شارف
| |
|
|
|
|
|
|
|
|
|
Re: حكومة عريضة خالص ...!!! (Re: Hamid Sharif Abdelrasoul)
|
Quote: الأخ / أحمد موسى
وأنا برضو زيك وزي الأخ سجيمان مواطن حانق جدا عايز أعرف عريضة يعني
شنو و عريضة في ياتو إتجاه و عريضة ليه و ليه ما بقت حكومة طويلة ولا
حكومة عميقة وهي بهذا العرض إلقو ليها هدوم تسترها من وين
أهو أنا قاعد هنا ده و وكلتك كمحامي على الموضوع ده
وشكرا
حامد شارف |
تعرف ياحامد أسئلتك دي في خاطر كل صاحب حق
ومافي زول بجاوب ...
وزي ماقال سي جي مان تحت
هي لمان كانت ماعريضة مانت 77 اها بعد بقت عريضة حتبقى كم ؟؟
| |
|
|
|
|
|
|
|
|
|
Re: حكومة عريضة خالص ...!!! (Re: Ahmed musa)
|
وهنا أحاول (الفضفضة) ...غير المُرتبة وأعلن (رفضي) المرحلي للحكومة العريضة
لانها ستكون عريضة فقط في صرفها على ملذاتها الخاصة
والتي سادفع أنا جُعل كبير منه
ويحق لي ان اسأل : لماذا هي عريضة ..؟!!
هل حُباً لإي ان تكون عريضة فقط ..؟ ام ان هنالك دواعي لان تكون عريضة ..؟!
وعلام هي عريضة .؟ اعلى برنامج حكومي ..؟!!
وعلى أي برنامج هي عريضة ..؟! أعلى برنامج المؤتمر الوطني ..؟!! ولم على برنامج المؤتمر الوطني دون غيره ..؟!
عذراً عزيزي القارئ فلن اكون مرتباً فأنا مُجرد مواطن (حانق) ..!!!
| |
|
|
|
|
|
|
|
|
|
Re: حكومة عريضة خالص ...!!! (Re: سجيمان)
|
Quote:
احمد
والله انا حانق زيك واكعب منك...... حانق صلعة عديل كدي!!!!! |
طيب سي جي مان
ناجل شوية حنقي عليك والمقال بتاعك
ونسأل ... عن مشاركة الحزب الإتحادي الديمقراطي
مع التاكيد مع اننا مع كل ما يجعل بلدنا مستقر وآمن
ونسأل ... هل تنازل أي من الحزبين احدهما اوكلاهما عن برنامجه جزئياً او كلياً..؟؟
ونسال المؤتمر الوطني (الست منتخب) ..؟!! و(حائز ثقة الجماهير) ..؟!!
فلم تبحث عن ثقة أُخرى ..؟!!
وأليس الحزب الإتحادي حزب (لم ينل ثقة) كتلك التي نالها (المؤتمر الوطني) ..؟!!
وهو حزب (فرضاً ) ان الجماهير لفظته ... فلم الجري وراء حزب ملفوظ جماهيرياً
...
...
...
سي جي مان
رايك شنو ...؟!!!
| |
|
|
|
|
|
|
|
|
|
Re: حكومة عريضة خالص ...!!! (Re: سجيمان)
|
Quote: رائي يا احمد
بس نضمن بيني وبينك......
رائي انو المؤتمر الوطني .... محننو محمد عثمان الميرغني!!! |
شفت يا سي جي ..؟!!
حاولت تلتف على الفكرة
شكلك خايف على (العدة) ...
انا راي (المؤتمر الوطني) كحزب إتخذ (الإتحادي الديمقراطي) كحزب (درع سياسي)
تماماً كالدروع البشرية التي يستخدمها البعض خشية الخطر
وجاي للتفسير ... بس (قبل ما حنقي يتفش )
| |
|
|
|
|
|
|
|
|
|
Re: حكومة عريضة خالص ...!!! (Re: Ahmed musa)
|
وأنا يا أحمد حانق علي الحزب الإتحادي أكتر من المؤتمر الوطني!
حانق لأنو بعد سنين طويلة من المعارضة والنضال والشعارات
البراقة وبعد ما مات الآلاف وضاع ثلث الوطن قرر أخوانا الإتحاديين
بكل بساطة إنهم يشاركوا في الحكم وبدون أي أسباب مقنعة وبدون
مايتغير الواقع الكانوا بيناضلوا من أجلوا!
وأنا متأكد إنو الإتحادي ليس وحده وحاله حال بقية أحزاب المعارضة
والحركات الثورية.. جمعيهم يعارضون ويقاتلون فقط من أجل الحصول
على نصيبهم من الكعكة ومتى ما وجدوا مايرضي طمعهم ويشبع جوعهم
سينضمون إلى الحكومة العريضة.. وطبعاً سيكون كبش الفداء الوحيد هو
المواطن السوداني الغلبان البسيط!
حانق وزعلان وداير أطرشق لأنو المواطن السوداني بيعاني ويتعذب ويموت
عشان خاطر بعض الإنتهازيين والباحثين عن السلطة والثروة.
| |
|
|
|
|
|
|
|
|
|
Re: حكومة عريضة خالص ...!!! (Re: حاتم محمد حاج المهدي)
|
Quote: وأنا يا أحمد حانق علي الحزب الإتحادي أكتر من المؤتمر الوطني!
حانق لأنو بعد سنين طويلة من المعارضة والنضال والشعارات
البراقة وبعد ما مات الآلاف وضاع ثلث الوطن قرر أخوانا الإتحاديين
بكل بساطة إنهم يشاركوا في الحكم وبدون أي أسباب مقنعة وبدون
مايتغير الواقع الكانوا بيناضلوا من أجلوا!
وأنا متأكد إنو الإتحادي ليس وحده وحاله حال بقية أحزاب المعارضة
والحركات الثورية.. جمعيهم يعارضون ويقاتلون فقط من أجل الحصول
على نصيبهم من الكعكة ومتى ما وجدوا مايرضي طمعهم ويشبع جوعهم
سينضمون إلى الحكومة العريضة.. وطبعاً سيكون كبش الفداء الوحيد هو
المواطن السوداني الغلبان البسيط!
حانق وزعلان وداير أطرشق لأنو المواطن السوداني بيعاني ويتعذب ويموت
عشان خاطر بعض الإنتهازيين والباحثين عن السلطة والثروة. |
والله يا حاتم حبيتك من جوة (عقلي)
بالضبط ده الكنت داير أقوله
وبالذات دي
Quote:
حانق وزعلان وداير أطرشق لأنو المواطن السوداني بيعاني ويتعذب ويموت
عشان خاطر بعض الإنتهازيين والباحثين عن السلطة والثروة. |
ودي
Quote: .. وطبعاً سيكون كبش الفداء الوحيد هو
المواطن السوداني الغلبان البسيط!
|
والاكتر المحيرني مولانا ده يعني إقتنع ببرنامج المؤتمر الوطني
ولا المؤتمر الوطني إقتنع ببرنامج مولانا
ولا حيعملوا (شكة) و(mix) بين البرامج ويبقى حاجة كدة زي الغراب الضرب نفسه حمامة
ونحن كموطنين متابعين لشأن بيعنا وشراءنا بواسطة الاحزاب سمعنا إن الإتحادي قالوا حيدوه وزارة الإعلام
وده السُمبك الجد جد
فالإتحادي في وزارة (الإعلام) وكناطق رسمي بالحكومة
هل حيعبر عن توجهات الحزب الإتحادي ولا توجهات الحكومة ..؟!!!
وتوجهات الحكومة دي موشياها توجهات المؤتمر الوطني ..؟!!
وفي الخارجية لو ادو الإتحادي وزير او وزير دولة
اها الوزير ده حيكون بقلب إتحادي وعقل مؤتمر وطني
كإتحادي ممكن يكون بكره مصر وكحكومة يبتسم في وش مصر ويعني (بلادي بلادي بلادي ...لك حبي وفؤادي) ...
بجد شئ يغيظ ...
وده كوووووووووووووله كوم ونحن وين ده كوم تاني
الناس تتشاور وتتقاسم وتهدي بعض من اموالنا واولادنا
ونحن ساكتين ساااااي ...
حاجة تغيظ ... (وليس على المغيوظ حرج)
| |
|
|
|
|
|
|
| |
Ahmed musa
سجيمان
حاتم محمد حاج المهدي
فيس بوك
تويتر
انستقرام
يوتيوب
بنتيريست