|
Re: دلوكــة طه سليمان . (!!) (Re: محمد المرتضى حامد)
|
Quote: إبداع يا عمران.. (الفنان) دا ما عندك ليهو نماذج تانيه؟ |
يا مولانــا مش الأغنية ( النجيضة) بتخلي الزول يعمل (replay) باستمرار دون أن يملها ؟؟ أها خلينا النشبع أول شي بعدين نشوف الشفوت منزلين شنو للرائع ده :)
______________ سلسل ودلوكــــــــــــــــة
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
جناي البريدو .. واحضر جديدو .. واحننو في ايدو .. يا الله حضرني
يخلص مدرستو .. الليها حمستوا .. يكبر ونستوا .. بي منايا حدثتوا ما اسمع الخاسره .. دي تقولي جكستو بس اسمع بت الناس .. تقولي عرستو
يخلص الجامعة .. حد السنة الرابعة .. دعواتي يا السامعة في المرتبة اللامعة .. وافرحبوا بالدامعة .. انا اشوفوا في بيتو ما يصادف القامعة .. معاهو بت الناس .. لا قاسية لا طامعة
دا يشتغل قاضي .. للفارغة ما فاضي .. يشتغل دكتور يبقى المرض ماضي .. دا يعالج أمراضي .. ويشتغل بوليس الشعب بيهو راضي .. او باشا ومهندس .. في مساحة الاراضي يحقق الامال .. ويحقق اغراضي
يبقى لي حاجة .. الناس ليه محتاجة .. لي الله بتناجى لي الكعبة وحجاجها .. يزورني الروضة .. انا وامسك سياجها يشاوري ليهو كبارو .. ويقولوا هنداك جا .. دا يراطن الخواجة ما يحوجني الحاجة .. في الدنيا الحواجة
في عرسو يعزم ناس .. ويغني ليهو ترباس .. ويكرم نسابتو هي الحضروا والجلاس .. ويقيم مدامو .. بالدهب وبالالماس جناي حبيب قلبي .. الراقي والحساس ربيتو يبقى عزيز .. لا يشقى لا ينداس
دا وليدي سميتو .. الليلة لوليتو .. بي غناي الغنيتو .. دا عشاي الحبيتو وجناي الربيتو .. يالله ما تشيلني .. الا اشوفوا في بيتو دا من عيون الناس .. بي عيوني ضاريتو جناي البريدو .. واحضر جديدو .. واحننو في ايدو .. يا الله حضرني
_________ منقول
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
السلام عليكم عمران باشا والمتداخلين....
أنا من أكثر الناس إستماعا للفنان طه سليمان...
لمن سمعت الأغنية دي... لفت إنتباهي حاجة واحدة (فيما يتعلق بالدلوكة يعني)...
إنو الأغنية دي لو كانت غنتها واحدة من الفنانات اللاتي إشتهرن بغناء الدلوكة (إنصاف مدني مثالا)... يمكن ما كانت لقت نفس الرواج ده... لأنو ده الإسلوب الهم بيغنوا بيهو في الحياة اليومية...
لكن (الوهمة)... إنو الكلام (الجميل جدا) ده... يطلع بالدلوكة (وهو أصلا ما كان ينفع يتغنى بغير دلوكة)... من زول دي ما غناهو العادي في المناسبات أو المسارح...
إتعودنا من طه دائما الجراءة فيما يقوم به... سواء الفيديوكليبات الإثنين النفذهم قبل كده... سواء إختيارو للكمات والأغاني... سواء الحفل (الإستعراضي) الكبير العملوا في المسرح القومي وتم عرض نفس الإستعراض بأمر السيد وزير الثثافة في مهرجان أماسي أم در... سواء كان سواء كان سواء كان... (يعني إي تي سي إي تي سي) :-)
المهم... في بوست كان مفتوح قبل كده هنا.. (أعتقد في الربع الفات) لأخونا عمر الفاروق... وإسم البوست - برافو طه سليمان - كان فيهو نقاش طويل ومفصل عن هذا الشاب الضجة.... حأشوفوا وين وأجيبوا...
مؤونة عام من الود...
ود الزين...
| |
|
|
|
|
|
|
Re: دلوكــة طه سليمان . (!!) (Re: عبد الدائم سيد أحمد)
|
ياعمران ارفع يدك عن اولاد بحري سر الهوى
Quote: يا محمد عبد الرحمن شفت قوة عين طه دي كيف ؟ |
عمران اخوى الفنان طه دا من زمان وقبل ظهورة كان ملفت للنظر دائما بنظر الى الامام ومواصل تحدياته للنجاح
Quote: ايقاع السيرة دايما" جميل بالدلوكة
تبدو كلمات الاغنية اقرب لاخلاص التوم |
طبعا ياعمران اخونا عبد الدائم زول حريف بتاع غناء اها شوف جاب ليك سيرة اخلاص التوم ودي طبعا معظم اغاني السيرة الحايمة الان واغاني البنات من كتاباتها لكن يوم اسمع عبد الدائم دا ذاتو وهو بغني ليك
| |
|
|
|
|
|
|
Re: دلوكــة طه سليمان . (!!) (Re: وليد عبد اللطيف)
|
Quote: لكن يوم اسمع عبد الدائم دا ذاتو وهو بغني ليك |
المريخابي العاقل وليد عبد اللطيف :) إزيكـ أها الناس البغنوا ديل ما قاعدين نغالطم في الموسيقى كتير ، ناس سمع ساي بس أخونا ع الدائم بغني دلوكة ؟
| |
|
|
|
|
|
|
Re: دلوكــة طه سليمان . (!!) (Re: هايل زين)
|
Quote: لمن سمعت الأغنية دي... لفت إنتباهي حاجة واحدة (فيما يتعلق بالدلوكة يعني)...عند طه أجمل مما يغنوا البنات براهم .. إنو الأغنية دي لو كانت غنتها واحدة من الفنانات اللاتي إشتهرن بغناء الدلوكة (إنصاف مدني مثالا)... يمكن ما كانت لقت نفس الرواج ده... لأنو ده الإسلوب الهم بيغنوا بيهو في الحياة اليومية... |
هائل يا هايل لووووووووووووول :) ما ده الواجع قلبي يا هايل ياخي الدلوكة جبتها عشان كدي يعني غناء البنات عند السيد طه أجمل من أن يغنوها البنات .
. إنا لله
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
Quote: هائل يا هايل لووووووووووووول :) ما ده الواجع قلبي يا هايل ياخي الدلوكة جبتها عشان كدي يعني غناء البنات عند السيد طه أجمل من أن يغنوها البنات .
. إنا لله |
صديقي عمران...
غناء البنات في زمن من الأزمان كان هو المحفز (الوحيد) للرجال والحاجة (الوحيدة) اللي بتتباهى بيها أي إمرأة سودانية بزوجها, أخوها, أو إبنها...
كلمات الأغنية بتخلي أي زول يسمعها سواءً كان رجل ولا إمرأة وبكل تلقائية يقول: آمين. او: يا رب. وهذا هو بيت القصيد..
وزي ما قلت ليك فوق, إنو في ناس ما بيسمعوا أغاني البنات أو أغاني الدلوكة.. عشان كده كان حتكون أغنية زيها وزي الأغاني التانية (مع إنو في الأغاني التانية دي في السمح شديد)...
الدلوكة في حد ذاتها... جميلة... لو يعرفون ^_^
وزي ما قال أحد المتداخلين هنا:
يشتغل بوليس... الشعب بيو راضي... *** أو باشا ومهندس... في مساحة الأراضي...
كلمات الأغنية بتديك إحساس إنها مكتوبة من الزمن الجميل.. عشان كده برضو ما ننسى كاتب الأغنية.. الشاعر أمجد حمزة.. عشان كلماتو الكتبها بكل بساطة وتعبير...
ولا شنو؟ ^_^
| |
|
|
|
|
|
|
Re: دلوكــة طه سليمان . (!!) (Re: هايل زين)
|
Quote: الدلوكة في حد ذاتها... جميلة... لو يعرفون ^_^ |
صدقني يا هائل في البداية إتمايلت بسبب الدلوكة دون أن أميِز الكلام ولا الصــوت .
الكاتلني غناء الرجال بطريقة النسوان ، بالدلوكــة . تربال ياخي أسوي شنو ؟؟ :)
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
عمران صباحك كما تحب...
Quote: الكاتلني غناء الرجال بطريقة النسوان ، بالدلوكــة . |
يا اخوي غناء الرجال بالدلوكة ده ... جراب دقيق بس... لو دخلنا فيهو, إيدينا ماااااااااااا بتطلع نظيفة أصلو ^_^
تحياتي...
| |
|
|
|
|
|
|
Re: دلوكــة طه سليمان . (!!) (Re: Hani Arabi Mohamed)
|
Quote: لكن يوم اسمع عبد الدائم دا ذاتو وهو بغني ليك
|
Quote: بس أخونا ع الدائم بغني دلوكة ؟
|
لالالا بالعود مع جركانة الموية اخر التمرين فى ميدان البلدية ...
Quote: او باشا ومهندس .. في مساحة الاراضي يحقق الامال .. ويحقق اغراضي
|
ده المهم ...
| |
|
|
|
|
|
|
Re: دلوكــة طه سليمان . (!!) (Re: عبد الدائم سيد أحمد)
|
Quote: Quote: بس أخونا ع الدائم بغني دلوكة ؟
لالالا بالعود مع جركانة الموية اخر التمرين فى ميدان البلدية ...
|
ايام ياعبد الدائم بالله شوف الزمن مشى كيف طبعا ياعمران من زمان اغاني الدلوكة لما يغنوها الرجال ليها طعم خاص زي ماشايف طه الان اما الفنان زنقار كان له ثلاثة انواع من الاصوات من الطرائف انتقد الشاعر البناء غناء الرجال عندما استلمو غناء البنات عند ظهورة وقال بيت مشهور بس اخوك الذاكره هرمت بقول نوع الغناء دا عملوهو للبنوت وشنو كاد ماعارف ترقصو فيهو زي الحوت
بالجنبة ياعبد الدائم ممكن نعيد ايام زمان لو عمران مره علينا بي هنا ... ياخي لو عايز زار بنغني ليك بس كيف تجينا
| |
|
|
|
|
|
|
Re: دلوكــة طه سليمان . (!!) (Re: وليد عبد اللطيف)
|
Quote: ياعبد الدائم ممكن نعيد ايام زمان لو عمران مره علينا بي هنا ... ياخي لو عايز زار بنغني ليك بس كيف تجينا |
بس الجركانة دي كيف :) صديقي ود السارة " صديق رحمة " جابو ليهو بنية وعدتو نجي نحضر سمايته :) أكان الله هوَن يا وليد وعبد الدائم
| |
|
|
|
|
|
|
Re: دلوكــة طه سليمان . (!!) (Re: walid shingrai)
|
Quote: ( ويشتغل بوليس الشعب بيهو راضي)
الله يحضرنا ده
امنيه بفهم |
يا وليد شنقراي إنت حسي ما جوة الحضور ثقافة العسكر وصلت غناء البنوت بدل ما كان ضابط ودبابير وتلمع وهلمَ خرابيط صارت عسكري ساي يا عمكـ
| |
|
|
|
|
|
|
Re: دلوكــة طه سليمان . (!!) (Re: ساميه حامد)
|
اولا : الفكره غير انها جريئه..الا وانها بتشبه واقع طبيعي بسيط يحمل معاني المجتمع السوداني بي بساطته وطبيعنه...الفنان طه فعلا شخصيه يحق لنا الوقوف عندها...من اجمل الاشياء في طه سليمان..انو لايبالي في كيفيه التقديم بشطله المنهجي..بل الجرأه في تقديم شيء طبيعي نحسه ونستسيقه...الفن في مضمونه الجمالي هو ان نعكس مافي طبعيه الاشياء..وفي الدراما هو محاكاه للطبعيه...طيب..ماياهو ده الغناء حق امهاتنا ذاتن (بكسر التاء)..طه اضاف لون جديد علي الاغنيه السودانيه نجب ان نشكره علي ذلك,,وبرغم انو ما التحق بمعهد الموسيقي والمسرح اصلا...نرجع للاغنيه,,, جناي البريدو....ده من اجمل الكلمات التي يقشعر لها البدن..(كما حدث لي بالفعل عند سماعها اول مره) وللحق انا كنت بسمع فيها طوال اليوم... احضر جديدو...واحننو في ايدو....كده نتمعن...شوفو الصور البتجي طاير من طقوس وريحه ضريره...ماصاح...ما اتحيلتو مرقه الناس وفوره الشفع وصوت الرجال بكوركو لي زياده ملاح؟؟ بالله حضرني....
برجع ليكم...نجيب الزياده واجي... بوست ممتع.. مودتي...
| |
|
|
|
|
|
|
Re: دلوكــة طه سليمان . (!!) (Re: عليش)
|
ما معروف الغرض من البوست لو التشنيع من طه ول لا لكن أغنية جميلة وصوت متمكن وأغنية تتمنى كل أم تسمعها فى ولدها
أنا غايتو بتمنى أشوف ولدى قاضى ول مهندس ول دكتور المهم يكون ناجح فى حياتو
غايتو لو كلمات الاغنية دى دعاء الله آمين تحياتى
| |
|
|
|
|
|
|
Re: دلوكــة طه سليمان . (!!) (Re: عليش)
|
Quote: اولا : الفكره غير انها جريئه..الا وانها بتشبه واقع طبيعي بسيط يحمل معاني المجتمع السوداني بي بساطته وطبيعنه...الفنان طه فعلا شخصيه يحق لنا الوقوف عندها...من اجمل الاشياء في طه سليمان..انو لايبالي في كيفيه التقديم بشطله المنهجي..بل الجرأه في تقديم شيء طبيعي نحسه ونستسيقه...الفن في مضمونه الجمالي هو ان نعكس مافي طبعيه الاشياء..وفي الدراما هو محاكاه للطبعيه...طيب..ماياهو ده الغناء حق امهاتنا ذاتن (بكسر التاء)..طه اضاف لون جديد علي الاغنيه السودانيه نجب ان نشكره علي ذلك,,وبرغم انو ما التحق بمعهد الموسيقي والمسرح اصلا...نرجع للاغنيه,,, جناي البريدو....ده من اجمل الكلمات التي يقشعر لها البدن..(كما حدث لي بالفعل عند سماعها اول مره) وللحق انا كنت بسمع فيها طوال اليوم... احضر جديدو...واحننو في ايدو....كده نتمعن...شوفو الصور البتجي طاير من طقوس وريحه ضريره...ماصاح...ما اتحيلتو مرقه الناس وفوره الشفع وصوت الرجال بكوركو لي زياده ملاح؟؟ بالله حضرني....
برجع ليكم...نجيب الزياده واجي... بوست ممتع.. |
ينصر ديــنك يا عليش... ده الأنا بتكلم عنه...
تسلم...
| |
|
|
|
|
|
|
Re: دلوكــة طه سليمان . (!!) (Re: هايل زين)
|
الغناء بالدلوكة عند الرجال شفناه بمصاحبة الشتم، و في جو القرية الجميل داك و العرضة و البطان و الزغاريد الواصله السماء، و الحفلة تدور لما الشمس تشرق، و الدلوكة في الوقت ده هي آلة إيقاع و بس ما بتحس بأنو في أي شيء "خارج على النص" بس بصراحة الكورس ما بكون بالطريقة دي ... الأغنية جميلة و التمنيات الفيها بسيطة و حلوة و آآآآآآآآمين يارب ...
| |
|
|
|
|
|
|
Re: دلوكــة طه سليمان . (!!) (Re: Tayseer Elmobarak)
|
بعد الزياده وجبناها...لقيت علي وعبدالواحد متشاكلين بره الخيمه...(سكرانين وماجيبن خبر الحنه دي) كلما اسمع جناي البريدو دي....تجيني طايره اغنيه نانسي عجاج اندريا...تفتكروا ليه؟؟ غبر الدعوه الجميله للام في اعنيه طه سليمان...الا انو ممكن نقول الاحساس العام للاغنيتين...الاتنين فيهم حنين لايوصف... زي ماقلت قبيل انو لما نستمع للاغنيه الاولي (جناي) طوالي بتجيك صور اللمه والجوطه وكمان ريحه البخور وصوت صحكات الرجال وراء الحيطه... يعني الاغنيه خلقت جو حنين كامل.... الكورس (او الشيالات وراء طه).... ديل كمان الاحساس بيهن غريب...سمعت صوت خالتي حسنه وجارتنا فتحيه بت عم النور....فيهن صوت طبيعي صافي... (هايل زين) شكرا ليك ياخ وبرجع ليك تاني,,, الاعنيه دي حافنطها ليكم شويه لانها عجبتني ولانها مختلفه في الفكره(دلوكه وطه وكورس وحنين) الخاله بتكورك لي...اتحنن واجيكم..انتو اهتمو برفع الساوند اقصد البوست .... موده
| |
|
|
|
|
|
|
Re: دلوكــة طه سليمان . (!!) (Re: Tayseer Elmobarak)
|
Quote: الغناء بالدلوكة عند الرجال شفناه بمصاحبة الشتم، و في جو القرية الجميل داك و العرضة و البطان و الزغاريد الواصله السماء، و الحفلة تدور لما الشمس تشرق، و الدلوكة في الوقت ده هي آلة إيقاع و بس ما بتحس بأنو في أي شيء "خارج على النص" بس بصراحة الكورس ما بكون بالطريقة دي ... الأغنية جميلة و التمنيات الفيها بسيطة و حلوة و آآآآآآآآمين يارب ... |
مراحب Tayseer وشكلكـ مشتهية ليكـ زغاريد وعرضة :) وده مؤكد ما دام تسجيلكـ 2007 وما دخَلتكـ إلا الدلوكــة شاكر يا سيدتي
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
هل ماتت تلك العادات في السودان ام مازالت تمارس بطقوسها؟؟ العرس زمان كان ليه ايقاع خاص...بدايه بلمه الاهل ...اول مايتحدد يوم العرس...تبدأ الوفود من الاهل في الحضور قبل اسبوعين (دي عندنا غايتو) وتعالو شوفوا...قدره الفول تتشد كلو يوم...والرغيف بالشوال... وتبدأ رائحه الابخره والدلكه تعلو اكثر من ايقاع الضحكات...وفي نفس الخط للدلكه ورائحه البخور...(الجير)(ريحه البوماستك) طبعا انا بريد ليك الريحه دي بطريقه غريبه....اها... (يخلص مدرستو).... (يخلص الجامعه) (حد السنه الرابعه) هنا في دعوه مفروض تكون موجوده لانو سمعناها كتير من امهاتنا وحبوباتنا....(بركة الجمعه الجامعه) ومازال ايقاع الدلوكه في اذني...ورائحه الضريره...(ومحلبية ميــسو)... (عمران ماتركز فؤ الزياده لانو ماف طريقه)... مايحوجني الحاجه..في الدنيا الحواجه.. دقيقه في شكله بره...
| |
|
|
|
|
|
|
Re: دلوكــة طه سليمان . (!!) (Re: عليش)
|
(يالله حضرني)... نظره مستقبليه... في حلم كل ام ان ينجح اولاده...فترسم الامهات مستقبلهم في رؤيه مستقبليه تبدأ بالدعوات ومن ثم الهدهده واخيرا بالاغاني متل دي... الكلمات دي مكتةبه بي عنايه فائقه...(ياربي الكاتب منو؟) التسلسل فيها مرتب لحدما جميل... بدايه بالدراسه نهايه بـ العرس ودعواتها (قبال تشيلني) اي قبل ماتموت تشوف جناها متهني في بيتو... الاعنيه مرت بكل الازمان...يعني فيها بدايه ووسط ونهايه...ودي شروط اساسيه لاكتمال اي عمل فني ادبي.. شكلو الغناء ماشي يرجع لايام زمان...وياريت يرجع...دلوكه وكورس او شيالين وشيالات... والله بكون احلي من الموسيقي المزعجه واختلاط الاصوات الاليكترونيه وعولمة الغناء وحداثته,,, (هسه الغناء ده مالو؟) صوت نضيف...احساس جميل...وصور ومشاهد...(وريحه بخور طايره) تاني الناقص شنو؟ (جيبو زياده شعيريه ياجماعه....).. عمران ياخوي اتفضل مد يدك...
| |
|
|
|
|
|
|
Re: دلوكــة طه سليمان . (!!) (Re: عليش)
|
Quote: وتبدأ رائحه الابخره والدلكه تعلو اكثر من ايقاع الضحكات...وفي نفس الخط للدلكه ورائحه البخور...(الجير)(ريحه البوماستك) طبعا انا بريد ليك الريحه دي بطريقه غريبه....اها... |
عليش أنا ما قلت ليكـ راجيكـ فوق البنبر ؟ كدي كرر لي عليكـ الله الكلام ده : إنكـ بتريد ريحة البوماستكـ أكتر من الروائح الموجودة في أول سطركـ ؟
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
ياعمرااااان ماتجرجرني....ههههه
(انا اديت الافضليه للريحه الاولي..لكن البوماستك نظام بنسيني ماقبله...) اها كده كويس؟؟البوماستك اتكشح والشعيريه ماجات.... ياناس جوه....الشعيريه بالله...ايدينا نشفت... يالله حضرني...
| |
|
|
|
|
|
|
Re: دلوكــة طه سليمان . (!!) (Re: عليش)
|
عليش يا مطموس السعودي البدوي الأصلي لامن الضحكـ يتلمَ ليهو مع حاجات تاني يضحاااااااااكـ ويقول ليكـ" إلعن إبو إبليسكـ " هههههههههههههه يجرجروك وين يودوكـ شكلكـ متنتهي موضوعكـ ومافي ليكـ دلوكــة تاني ياهو تسمعه عند ناس طه سليمان والحا ىجي يحاكيهو في مقبل الأيام إنت آيابا مستني الشعيرية يجيبوها ليكـ محل قاعد وتردد يا الله حضرني المدام شكلها قاعدة والوليدات قدامكـ . ( دي الجرجرة الجد هههههههههههههه )
| |
|
|
|
|
|
|
Re: دلوكــة طه سليمان . (!!) (Re: محمد عمر الفكي)
|
Quote: انت شكيناك على الله يحول الامر لعناية الشيخ خالد المحرب |
إنت يا عربي أنا ذنبي شنو ؟ شلت عصايتكـ وقعدت تنطط وسط اليابانين القاعد وسطم ديل ونسيت نفسكـ :) أها شيل شيلتكـ أشرح ليهم كنت بتسوي في شنو عشان ما يعتبروكـ جنريتر وترجع مكة تاني لووووووووووووووووووووول
| |
|
|
|
|
|
|
Re: دلوكــة طه سليمان . (!!) (Re: عليش)
|
يا عليش مكانكـ محجوز باقي عندكـ " باقي " دلوكة في راسكـ لسه ما كملت تجي نشوف آخرتكـ خاصة وانكـ لسه ما ضقت الضريرة ، لووووووووووووووووووول
_____________________ أنا زاتي غيرت رائي وحا اسمع دلوكة الرجال تاني كرهت انصاف مدني ، أمس كانت تستخدم في الدلوكة لخدمة آل المريخ
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
Quote: كرهت انصاف مدني ، أمس كانت تستخدم في الدلوكة لخدمة آل المريخ |
يا عمران انصاف دي حقتنا عدييييييييل ياخ
كان عندك كره للدلوكه بتاعت النسوان ما تسوي انصاف و المريخ سبه لووووول ياخ دا مريخ على المك ياخ و هسى تكتر تجنن عليش الفوق دا نسكتو من بوستيك دا ..!!
تجيب سيرة المريخ بسوء عليش ممكن يحرق ليك البوست دا كمان ما تقول جاب الزياده هاهاهاهاهاها.
| |
|
|
|
|
|
|
Re: دلوكــة طه سليمان . (!!) (Re: عمران حسن صالح)
|
الزحمه دي شنو؟؟؟ الضيوف ديل جونا من وين؟؟ نجيب زياده تاااااني...(زياده عيش ياعمران مابوماستك كويس؟) هههههه
بالله الزول خفس ليه خفسه مسافه النقرشه الفي راسو تتجمع..يجي يلقي ناس نابري جو...وطه سليمان جابو لي بت...؟؟ اها كان بقيت خفست تاني؟؟ الله يستر...
طيب وقفنا وين....؟؟ بالمناسبه الدعاء ده حقو نطبوعو ونعلقو في الغربات....دعوه الاغنيه طبعا....
البوكس الملان رجال ده قاصدنا تب,,,النشوف الضيوف ياعمران وارجع ليكم...
سفيان نابري...ادخل لاجوه...ليك وحشه...(وشعيريه) هههه
| |
|
|
|
|
|
|
Re: دلوكــة طه سليمان . (!!) (Re: عليش)
|
Quote: بالله الزول خفس ليه خفسه مسافه النقرشه الفي راسو تتجمع..يجي يلقي ناس نابري جو...وطه سليمان جابو لي بت...؟؟ اها كان بقيت خفست تاني؟؟ الله يستر... |
تعرف يا عليش لمة النسوان لامن يكون كلو واحدة خلصت طبيخة وغسيلة واتلموا في راكوبة في الحلة تسمع النسوان يتكلمن في وقت واحد ، كل واحدة شايته في إتجاه . أها تجي بتاعة الحفظ ديكـ حافظة تاريخ الحلة بعدد الناس الفيها بالإسم والسيرة الزاتية والخيبات والنجاحات وعييييييييييكـ أها دي تجي داخلة وتقول : هيييييييييييي ده شنو البديتو وما تميتو ده ؟! طبعاً باقي الشمارات بتاعة النسوان الباقين سامعاها كلها وشاركت في حكاية بعضها وقت حدوثها بس باقي ليها دي !
أها أنا سيد الدلوكة الفوق دي أدليت بدلوي لكن الناس دي زي في حاجات ما قادرين يقولوها أها بقول ليهم : هييييييييييييي البتاع البديتو ده ناقص كلام كتير
| |
|
|
|
|
|
|
Re: دلوكــة طه سليمان . (!!) (Re: د.محمد حسن)
|
Quote: طبعا القصة سمع لكن البوست تزمزغ وتحول الى سمع وشف وفي الاخر جابت ليها ولادة عمران ازيك انا متابعك بالنية هههههههه |
هييييييي يا د. محمد بلاهي يا إتكلم لينا بالعربي أو بالعربي أسمع وأدلي بدلوكـ مالكـ ومال الزمزغة
| |
|
|
|
|
|
|
Re: دلوكــة طه سليمان . (!!) (Re: عليش)
|
تعرف يا عليش الأغنية دي وبعيدا من التركيز في كلاما مجرد الإيقاع والأصوات المصاحبة كافي جدا لي عمل تصاوير بتجي بي سرعة جدا وعفوية يسترجع فيها المخ بيانات مخزنة في واحدة من رفوف الماضي.. انا ح أحكي ليك أووول شعور جاني مع أول سمع.. طوالي إتخيلت إنو الزول البيغني ده بيبقا للعريس ود خالتو والناس الملمومين وبيشيلو ديل ما بين بنات خالات وعمات وجارات.. أها وهم قاعدين بعد الفطور كده ومفرزعين ما بين واحد بيحب في بت خالتو الطول ما لاقاها وما بين ود جيران عاجباهو قريبة ناس العرس الجاية منن رفاعة وما بين اصوات عربات بتنزل في الناس جمب خشم الباب و ما بين خالتك الشايلة جردل بتاع غسيل العدة ماشة تكشحو برة وما بين محاولات وإصرار قريبكم إنو يشيل سيرمس الشاي عشان يحاول يلقا بيها مدخل لي أي واحدة من البنات البيعملو في الشاي.. وسط كل المشاهد دي يقومو البنات يقترحو على ود الخالة القلت ليك بيغني ده إنو يا عليش عليك عليك الله غني لينا..وبي سرعة جدا يمشو يجيبو الدلوكة ويتلمو بي عفوية شديدة كمااا هم..ما بين أختك المنكوشة وعمتك البي سفنجتا وجارتكم المتأنقة وأخوك بي برمودة ورجلينو مغبرة بي تراب حفر الخيمة..وتبدا الأإحتفالية العفوية دي وبدون ما زول يركز في إنو ده راجل بيغني أغاني بنات أو دي بت بترقص وسط رجال لأنو الموضوع بكل بساطة ماااف زول غريب وكلللل الناس أهل..بالجد في لحظات زي ديك ما بيكون في أي حساب لي أي عواقب وما بتفكر في أي شي ولا بتوزن سلوكياتك بل بتكون إنت إنت..
تخريمة.. بالنسبة لي الأغنية في عضما والأداء بجيكم ليهو لو ربنا هوون..بس مبدئيا كده مبسوط شديد إنو ناس محمد ولي حا يجو يلقو الطب بقا أربعة سنوان..:-).. يكمل الجامعة للسنة الرابعة..يبقا لي دكتور..
تخريمة التخريمة.. أمي الله يديها العافية الغانية ما عجبتا لأنو أخواني الإتنين عمرهم بقا من الأربعين شارعين ..فقالت لي يا عمر أسة صلاح والصادق ديل فاتو مرحلة يدخل مدرستو ويقرا الجامعة..شوف لي أغنية بتبدا بعد الولد يشتغل لي أخوانك ديل..
| |
|
|
|
|
|
|
Re: دلوكــة طه سليمان . (!!) (Re: عمر الفاروق)
|
شهادتي في طه مجروحه
مازال يدهش المستمع بجراءة غير معهودة وبإمكانيات كبيرة وموهبة فذه وقدرات مهولة
إنه فعلاً يستحق علامة الإستفهام الكبيرة التي تلازم إسمه.
والى الأخوة المنتقدين المشاط والسلسل.. هذا لا ينقص من جمال صوته وحلاوة أدائه ..
النيو لوك أحد أهم مقومات الفنان الآن..
طه يعمل بفكر متقد ويعلم ما يريد ولهذا يقرأ الواقع جيداً
لن نحاكم الأغنية المنتشرة الآن وسنترك للأجيال القادمة تقييمها.
شكراً مفترع البوست لإتاحت سماع الأغنية مع تحفظك علىها..
شكرا قريبي وصديقي هايل زينكو ووقوفك دوماً بجانب طه
شكراً صديقي عليش ( إتصلت بك قبل قليل ولم يسعدني الحظ بسماع صوتك)
مودتي للجميع عبدالعزيز خطاب
| |
|
|
|
|
|
|
Re: دلوكــة طه سليمان . (!!) (Re: عزيز)
|
Quote: شكرا قريبي وصديقي هايل زينكو ووقوفك دوماً بجانب طه
|
قريبي عزيز.. إزيك أول حاجة ^_^
شعادتي في طه أيضا مجروحة... لكن بحاول أقول البقولوا دائما:
خذوا أذني واسمعوا بها طه سليمان...
تحياتي...
| |
|
|
|
|
|
|
|