|
|
 لمثله تُسّود المنابر وتُنكّس الاعلام ويبكيه الشرفاء
|
لكنه وطن العجائب , يُكّرم فيه اللصوص ويموت الخُلّص الشرفاء في صمت
لك الرحمة استاذ الاجيال المفكر تجاني الطيب بابكر , هو وطن المتناقضات.
..........................................................................حجر.
|
|
  
|
|
|
|
|
|
|
|
Re: لمثله تُسّود المنابر وتُنكّس الاعلام ويبكيه الشرفاء (Re: محمد الكامل عبد الحليم)
|
Quote: تحية.....ينوم جسده النحيل هادئا تغشاه الرحمة ولا ينوم النضال...هو الاعلام التي ترفرف خفاقة يصدح رمزها بالبذل لخير المغلوبين...ستحكي كتب المستقبل عن رجل بحجم الاماني...يغوص المنجل الان مغروسا نازفا بجرح فقدك الفادح الفاجع...تستقر ذكراك الان في قلوب الرجال انينا مفعما بالتصميم والعزم...
تغمده الله بالرحمة... |
الاخ الرقيق سعادة المستشار شكراً
ومثله منتوج افكار كبير , وموسوعي عميق النظر جائل البصر سديد الرأي
هكذا مضى في صمت وكان رجلاً لا يُشق له غبار هادئاً اديباً خلوقاً جميلاً كان
تجاني الطيب وكفى ... يموت الرجل هكذا دون ضوضاء ويطل ايمانه بالعدالة
الاجتماعية ... والانحياز للفقراء مبدأ ورفع الظلم والضيم حياة .
هكذا مضى في صمت جميل .
........................................................حجر.
| |
|
|
|
|
|
|
|
|
|
Re: لمثله تُسّود المنابر وتُنكّس الاعلام ويبكيه الشرفاء (Re: صديق الهادي)
|
(ماشى وين آ زول أقيف!)
يا رفاقا... الضُراع شِدُوهو،
سِّدُوا الفرقة، رقراقاً بجيب الريحْ
وكفكِفُوا الدّمع البِسيل وشّالُوا
يترِس موجة الحُزْن النويحْ
) أبو عازة (ما مات
كضّبْ الرادى المخاتل وإتوهمّ (الصايح) البِصيِّح
)أبو عازة( ما خِدّ ليه غفوة
(هسع عيتى) يجينا بى سمتو المريح
وبإنضباطُو وإحتياطُو
يفتح المحضر ويخطط
وينّطِقْ القلم الفصيح
ويضوى للناس المسالك العتّمة
نورالعِرّفة، جدلّ الثورة والفهم الصحيح.
ماشى وين آ زول أقيفْ! ماشى وين؟
والسكة قدامنا بترارى
وداك مُشْرَع الحِلم اليَسّارى
ومرفأ الأمل الفسيح
ماشى وين آ زول أقيفْ!
لسانا بدرى على غيابكْ
لسه ما أبت الكُتال فى الحق حُرابكْ
ولسه مليان بالمعانى الحُرة والثورات جُرابكْ
وهاداك عدو الشِغِيلة مِتْوهوِقْ جرِيحْ
يا زميل قوماكا نهتِفّْ
(يلا يا اولاد المشارِق
أنهمُوا العزّم البِدافِرْ واركُلُو الوهَمّ المُرِيحْ).
يا رفاقا لو يغيب عن مركز الحِزب (عمّنا)
(عم تيجانى) الكان ضراهُو بِضُّمنا
والقناديل التشِعّ من جبهتُّو
العصافير الترِكْ فى ضحكتُّو
والصرامة الحانية تتخلل حديثُو ونظرتُو
باقية فينا وفى عقولنا وفى قلوبنا ودمّنا
والوصية الكلمة زى النجمة تلمع
(خلو همّ الشعب أولّ ......
خلو همّ الشعب أولّ....ويبقى (نادُوس) همّنا).
(يا تيجانى) يازميل (الكِليتُّون) حالو ظابطة مؤمنة
نوم قرير العين ومرتاح السريرة يا صميم القلب نفاذ البصيرة
الدرُوبْ للثورة والثوارمصيرا تلِمّنا
ومابنفرط فى الهِداية وما بنبضِعّ فى الرِباية
يا أبونا يا رفيقنا
ويا صّديقنا وعَمّنا.
راشد سيد أحمد الشيخ
24 نوفمبر 2011
| |
|
|
|
|
|
|
| |
الرفاعي عبدالعاطي حجر
محمد الكامل عبد الحليم
سفيان بشير نابرى
Mohamed Abugessisa
saber alhawatti
عاطف مكاوى
فيس بوك
تويتر
انستقرام
يوتيوب
بنتيريست