|
Re: دخلت الفيس حكيت الكيس ... بؤس الاعلانات التلفزيونية (Re: محمد قسم الله محمد)
|
Quote: وبعد البؤس ده يعيدوهو ليك في الدقيقه عشرومية مرّة. |
او هذا المحمد ازيك يا جميل
بالله مُش كدا حاجة مقرفة وبعيدة
عن اي جاذبية او الق او تشويق
اعلانات في غاية المرارة بالذات
عمك بتاع البوهيات واللا العجب
اعلان الرز طويل التيلة وتلك الغّناية
التي تحكي بأسف واسى عن مدى ضحالة الثقافة
وانها مجرد منيكان بائسة لا تفقه ما تُردد
تحياتي وشكراً,,,
.............................................حجر.
| |
|
|
|
|
|
|
Re: دخلت الفيس حكيت الكيس ... بؤس الاعلانات التلفزيونية (Re: Haju Muktar)
|
الرفاعي وضيوفه سلام موضوع الاعلانات تم قتله بحثا وتشريحا هنا وفي الصحف السياره واتفق الجميع ان السبب الرئيسي في تدني مستوى الاعلانات يعود لضعف الخيال لدى العاملبن في هذا الحقل بل وحتى الاعلانات التي تصنع في مصر والتي يزج فيها باهلنا في اسوان كانت غبيه الا من بعض الاشراقات هنا وهناك ومع نقدنا الهدام هذا لا بد ان نشيد ببعض التجارب مثل تجربه الممثل ودالفادني في دعايه نايل بور للبطاريات واجدني مختلف مع البعض هنا في اعجابي بدعايه ام تي ان ( نيهاووو) ساعود لو بقي في العمر بقيه
| |
|
|
|
|
|
|
Re: دخلت الفيس حكيت الكيس ... بؤس الاعلانات التلفزيونية (Re: عبد الدائم سيد أحمد)
|
Quote: الرفاعي وضيوفه سلام موضوع الاعلانات تم قتله بحثا وتشريحا هنا وفي الصحف السياره واتفق الجميع ان السبب الرئيسي في تدني مستوى الاعلانات يعود لضعف الخيال لدى العاملبن في هذا الحقل بل وحتى الاعلانات التي تصنع في مصر والتي يزج فيها باهلنا في اسوان كانت غبيه الا من بعض الاشراقات هنا وهناك ومع نقدنا الهدام هذا لا بد ان نشيد ببعض التجارب مثل تجربه الممثل ودالفادني في دعايه نايل بور للبطاريات واجدني مختلف مع البعض هنا في اعجابي بدعايه ام تي ان ( نيهاووو) ساعود لو بقي في العمر بقيه |
فدياس
تحياتي يااخي
لم نرى البحث مقتولاً ومشرحاً .... نسكت عن ابداء رأينا يعني ؟؟؟
الهدام دا شنو نحن لم نطرق اي مضوع نقداً هدام صدقني نقول ما نراه
هو محض رؤية ومشاركة بالصورة السودانية البسيطة يعني دا ما اراه
الاعلانات ملئية بالضحالة خليك معاي في دخلت الفيس وشرحت الكيس بجنيه
طيب مادام الجنيه بيحل الزول دا الضايقة الشنو البتخليه يدخل ليطلب
جنيهات كثيرة كتلك التي ضبها في يده ودخل السوق وجاب حاجات تسر والدته
يافدياس هو رأينا واطرح رأيك وخلي الموضوع ايزي جداً يا حبيب .
مجرد كلام والسلام وراي حول ضحالة الاعلانات اتفق معاك في ضجكة الحاجة ام مطارق
وابتسامتها التي ترد الروح .
* حبينا النضيف عبدالدائم تحياتي وفعلا ربما اختلاف الاجيال لكن الافكار ضحلة يا حبيب .
.....................................................................حجر.
| |
|
|
|
|
|
|
Re: دخلت الفيس حكيت الكيس ... بؤس الاعلانات التلفزيونية (Re: نجلاء قرافي)
|
يا حجر كيفك
من وجهة نظر اخرى الاعلان ده بالذات بيكشف شظف العيش وبؤس الحياة فى السودان
لو تابعت فكرة الاعلان انه بيقوم على انه الاسرة السودانية لاتقدر على اكرام ضيوفها الا بعد ان يحصل الدعم من المغتربين فى الخارج
شفت الوصلونا ليهو اكرام الضيف بقى بتحويل من الخارج
يا حليل زمن عصير فراولة سعيد الكان فى مطبخ كل اسرة سودانية ولا حبات الليمون الاخضر البعصروها ليك فى كباية ومويتها باردة من الزير ... ولا حبات البلح البركاوى والفول السودانى المقلى البقدموه للضيوف
الان بالظبط كده نحن عريانيين من تحت ولابسين طاقية
والاعلانات تجسد ها الواقع للاسف
مع مودتى وتحياتى
| |
|
|
|
|
|
|
Re: دخلت الفيس حكيت الكيس ... بؤس الاعلانات التلفزيونية (Re: عادل عبدالعزيز عبد الرحيم)
|
Quote: من وجهة نظر اخرى الاعلان ده بالذات بيكشف شظف العيش وبؤس الحياة فى السودان |
سلامات يا عم عادل والله نفس الاحساس تجاه الاعلان لكن يا حبيب بالنسبة لشظف العيش رايك في عدس ايمان لندن هههههه
اخونا حجر اهو ضريبة مشاهدة بعض الحاجات الكويسه في قنواتنا التلفزيون القومي البشير وصحبه والنيل الازرق الدعايات الزي دي وام درمان سوء الصورة ام ظل وقون قناة الاعادة وتشويه المدائح في ساهور
| |
|
|
|
|
|
|
Re: دخلت الفيس حكيت الكيس ... بؤس الاعلانات التلفزيونية (Re: محمد جلال عبدالله)
|
دا كلو كوم يا الرفاعي ..
الكوم التاني هو دخل الفيس وحكى الكيس ...
الجاب حكاية قرا الإيميل وأمو فرحت بالحيل شنو ؟!
الدخل الفيس مع الايميل شنو ؟!!
فقر الخيال عرفناهو .. طييب الفقر التقني وعدم المواكبة دا يسووا ليهو شنو ؟!!
غايتو الإعلان دا العبارة عن رص كلمات ما عندها معنى بيخليني أظن الزول الكتب الكلام دا هو النسخة السودانية من شاعر شعبولا عبد الرحيم ..
أهو كلو رص في رص والقافية محل تلزق تلزق !!
| |
|
|
|
|
|
|
|