هلا بالمكاشفي هلا غايتو احنا ما هامانا الغرامة ولا العقوبة البركة في الجرسة الاتجرسوها دي وقولة الرووووب دي تقعد ليهن مسبة كداااا لا جنا الجنا وإن شاء الله نحتفل بذكراها الشهرية و النصف سنوية و السنوية كان حيين
11-23-2011, 09:29 PM
المكاشفي الخضر الطاهر
المكاشفي الخضر الطاهر
تاريخ التسجيل: 08-08-2004
مجموع المشاركات: 5644
يا ود البشرى .. يا ريت لو الحضري دة كان معانا نحن ومن زمان ... على الأقل كان فزنا ببطولة من بطولات أندية إفريقيا الأبطال ...
ياخي لاحظ للجليط بتاع المعز محجوب دة ياخي ... من مباراة خمسة مازمبي ونحن بالحالة دي ...
هدف الدافي واقف أقصى يمين المرمي وتارك باقي المرمى خالي ... ولا حتى حاول يقع في الواطة ساي ... وكان ينظر للكرة وكأنها خارجة للآوت ... وأخير دي قبلها أهدى المريخاب فرصة إحراز هدف حينما مرّت الكرة من أسفل يديه ...
يا عزيزي الوجع واضح وين .. لكن البقتنع منو ؟ أيّ حارس مرمى أعتقد أنه سيكون أفضل منه ...
ولك ودّي ،،،
11-24-2011, 01:48 AM
Emad Mohamed
Emad Mohamed
تاريخ التسجيل: 04-25-2010
مجموع المشاركات: 306
نعم يا صبري الحضري حارس مميز فنيا لكن تصرفاته غير مقبولة و غير احترافية الحضري منذ مفارقته للاهلي ظل خميرة عكننة في الفرق اللعب فيها الاسماعيلي و الزمالك و المريخ ولم يضف اي قيمة فنية - اعني انجاز - للاتيام الشارك فيها لو كان في الهلال بنفس سلوكه الحالي ما اظن انو كان حينجح او يستمر - لا عندنا ليه طولة بال الوصيفاب لا قروشهم
اما المعز فياهو حاله و للأسف هو افضل السيئين الموجودين في الساحة منذ حامد بريمة لم تنجب حواء الكورة في البلد حارس مميز حراسة المرمى - على ما اظن - تعتمد على التدريب و المهارات المكتسبة و مرونة الجسم و سرعة رد الفعل أكثر من الموهبة الفطرية يعني من الممكن تعلمها و اكتسابها من الصغر لو تمت رعاية الناشئ و تدريبه بصورة سليمة
غايتو الفايدة الوحيدة لموضوع الحضري دا عاى علاته انه كان سابقة لتجنيس حارس مرمى اجنبي بالتالي قد يوفق الهلال في تجنيس حارس اجنبي مميز يحل مشكلتنا
______________________________
قون الدافي افتكر الكورة غيّرت اتجاهها بعد اصطدامها بـأتير توماس
11-24-2011, 11:26 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
ودالبشرى ازيك النديك اخر الاخبار عن الحضري قبل ما يجينا طلحه بالخبر اليقين قال ليك لجنه فض المنازعات بالفيفا ارسلت تستفسر الاتحاد السوداني عن الموضوع بعد ما وصلتها شكوى الحضري وطالبت اللجنه الاتحاد بارسال المستندات ماخد بال حضرتك ( المستندات) يعني ماقالوا يرسلوا البدري وجهازه الفني عشان يشهد ولا قالوا جيبوا الحضري يحلف لينا على المصحف في مستندات الحضري اتورط مافي مستندات الحضري فسخ عقده وكم مليون دولار ببح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة