كتب الكاتب الفاتح جبرا المتوفرة بمعرض الدوحة
|
حمد لله على سلامكتك عبودي
|
بينما انا منهمك في الشغل واسترق النظر اختلاسا الى الفيس بوك , والمنبر العام بين الفينة والاخري ، اذ برقم غريب يرن علي جوالي، الو مرحبا ، انت ابو عبد اللطيف ايوه نعم معك مدارس المورد (طبعا فكرت سريعا في قسط المدرسة وحضرت الاجابه انشاء الله اول الشهر) لكن اصابني في مقتل ،
|
|
|
|
|
|
|
|
Re: حمد لله على سلامكتك عبودي (Re: طارق عبد اللطيف نقد)
|
فعلا استأذنت بسرعة واتجهته الى المدرسة وانا في الطريق تدور بخاطري مليون فكرة وسيناريو للموقف انه عبد اللطيف مصاب اصابه بليغة و يريدون ان يخففوا المصيبه الى ان احضر للمدرسه ؟ يا رب وقع من الباص ؟ ام هل انكسرت يده ؟ ام هل انكسرت رجله وهو يلعب الكورة مع اصحابه ؟ ام المصيبه اكبر من ذلك ياااااااااااااااااااااااااارب سترك عفوك ورضاااااااااااااااااااك يااااااااااااااااااااا رب ارحمني واغثني!!!!!!!!!!!!!!!!!!
| |
|
|
|
|
|
|
Re: حمد لله على سلامكتك عبودي (Re: صديق الموج)
|
الحمد لله على قضاء الله ذهبت وفي الطريق اتاني اتصال اخر ان احضر للمستوصف وليس المدرسه طبعا زاد القلق ، ولكن عندما وصلت المستوصف وجدته انه الحمد لله في كسر في يده الشمال فقط وذهببنا به الى المستشفى المركزي وجبرنا الكسر ( ودي قصة تانيه في سانحه اخري انشاء الله ) وعملوا ليهو جبص والان هو الحمد لله يتماثل للشفاء بدون الم الحمد لله خلال اربعه الى خمسه اسابيع ((( ساعدونا بالدعوات والترمس))
| |
|
|
|
|
|
|
Re: حمد لله على سلامكتك عبودي (Re: عبدالقادر علي عبدالرحيم)
|
إلى اللطيف عبد اللطيف طارق عبد اللطيف نقد،، من عبد اللطيف داعياً اللطيف الخبير أن يتطلف بك وبوالديك وأن يجبر كسرك وخاطر العم طارق والأسرة الكريمة،،
ماتشوف شر ياسمي ، ودي مناسبة تطلع لستة بمتطلبات المرحلة القادمة من نقد مقابل غذاء ،وبليستيشن 3 خصوصاً أن هناك تخفيض في جرير اليومين ديل على السيديهات ،،
طمنا ياطارق على أهلنا في كادوقلي وحمدا لله على سلامة الوصول!!
1000 لا بأس عليه،،
| |
|
|
|
|
|
|
Re: حمد لله على سلامكتك عبودي (Re: ABUHUSSEIN)
|
الف سلامه لعبودى ياطارق
وان شاء الله مايشوف شر
غايتو انحنا اتكسرنا جنس كثير في الدنيا دي
اهلنا ديل بس ربنا يديهم الصحه والعافيه
كانو عايشين على اعصابم من شقاوتنا
مافهمنا الحاجه دي لحدى مابقى عندنا اطفال
كنا في بخت الرضا ووقتها الوالد كان في مؤسسة النيل الابيض الزراعيه
بخت الرضا في اقصى شمال الدويم
والمؤسسه في اقصى جنوب الدويم
مسافه ذي القصيم للرياض
مره يتصلوا عليهو من المدرسه
اكون وقعت كسرتا يدى
ومره يتصلو عليهو تكون طقتنى عقرب في المزارع بتاعة بخت الرضا
والاتصال بالتلفون بتاع المنفلة داك شى تسمعو وشى ماتسمعو
ياخى كانت ايام وليالى صعبه شدييييد على اهلنا ديل
مهما عملنا مابنجازيهم
الله يديهم الصحه والعافيه
| |
|
|
|
|
|
|
Re: حمد لله على سلامكتك عبودي (Re: خضر الطيب)
|
حمد لله على سلامة عبودي وان شاء الله ما يشوف شر كلام ابوحسين ده ما تهملو باقي الزول بقى (بصير) بالممارسة احتمال كبير لو رجع السودان يمارس مهنة البصارة بشهادة اصبع وكراع ولو سلمتو يد عبودي يكون قفل المقرر
| |
|
|
|
|
|
|
Re: حمد لله على سلامكتك عبودي (Re: خضر الطيب)
|
الله يسلمك يا خضر يا طيب تعرف الله يغفر لينا ويقدرنا علي جزاهم وكمان اولاد السعوديه ديل عشان ما في شمس ودافوري زي البسكويت اقل حاجه ينكسروا
الله يستر عليهم ويسلم الجميع
| |
|
|
|
|
|
|
Re: حمد لله على سلامكتك عبودي (Re: خضر الطيب)
|
الله يسلمك يا خضر يا طيب تعرف الله يغفر لينا ويقدرنا علي جزاهم وكمان اولاد السعوديه ديل عشان ما في شمس ودافوري زي البسكويت اقل حاجه ينكسروا
الله يستر عليهم ويسلم الجميع
| |
|
|
|
|
|
|
Re: حمد لله على سلامكتك عبودي (Re: خالد عبد الله محمود)
|
سلامات عبودي والله سلامات والله يا طارق حسيت بالكسرة كع في نص راسي لاني متعلم على انخلاعة التلفوفات البتجيب اخبار اصابة العيال وعشت معك حالك بالظبط وانت ما عارف نفسك تخت التلفون فوق التربيزة ولا تشيلو معاك وما عارف نفسك تركب العربية بالباب الوراني ولا القدامي ولا بالقلبة وطبعا عارفك حريف امو ما بتكون عرفت الا بعد جيتو داخلين برااااااااحة بس تكون بالغت لو كلمتها بالتلفون لانو دا كووووووووم تاني براهو . . غايتو نحن كبرنا على حركات الشفع دي وقلبان الهوبة بالقلبة لكن انتو لسع دربكن طويل الله اعينكن على تربية الاطفال زي ما قالت امي الله اديها العافية ( تربية العيال زي قرش الحصحاص ) . . اسمع يا طارق انا ما شايف عبودي ملقوف فلو كان كلامي صاح يعني ما ملقوف بيحتاج منك تركيز في كيفية التعامل مع الملاقيف باعتبارك انت اكبر ملقوف في طفولتك اديهو جرعات خفيفة وتدريجية عن تكتيك التعامل مع شفع السعودية المجانين ديل لازم اجاريهم في لعبهم اما ان كان ملقوفا وما اظنه ذلك ..... الله اعينك وانصحك بنقل كفالته على نسيبه الموج
| |
|
|
|
|
|
|
|