كتب الكاتب الفاتح جبرا المتوفرة بمعرض الدوحة
|
|
 شي من الجدية ... المريخ ضعيف
|
الآن وبعد أن من الله علينا وأكرمنا بكاس الممتاز نقولها صراحة.. المريخ ضعيف جدا ويحتاج إلى ترميم كامل
أولا في مباراة هلال مريخ القادمة .. ان لم يلعب الشغيل فسيهزمنا الهلال لا محالة وستكون هزيمة قاسية
وسط المريخ ضائع تماما لا يوجد فيه لاعب ارتكاز مقاتل .. ولا يوجد فيه صانع العاب فطن !!!!!!!
ثانيا أفضل من المريخ محترفيه
أول هؤلاء باسكال فهو أفضل لاعبي المريخ والسودان الآن على الإطلاق
ثانيه حسب وجهة نظري الشخصية ادكو فانا أراه أفضل من ساكوها ولو كان لعب من بداية الدوري لكان هو الهداف
ثالثهم ساكوها مع أني أراه يستسلم بسرعة ولا يتصرف تحت الضغط
رابعهم الحضري وهذا طبعا من ناحية فنية فقط دون التطرق للأمور الأخرى
بقيت اللاعبين جميعهم اقل من المريخ ويحتاجون مراجعات باستثناء الحارس ياسين فهو حتى الآن لم يختبر جيدا حتى نحكم عليه
|
|
  
|
|
|
|
|
|
|
|
Re: شي من الجدية ... المريخ ضعيف (Re: omer osman)
|
مرحب جنابو
متفق معاك في ثلاثة مختلف معاك في نجم الدين
نجم الدين لاعب سريع قوي
لكن مخو بطبل
وشخصيته هشة
عن الاخطاء يفقد مزانة تماما
ويتهرب من المباريات القوية وقد فعلها قبلا وطلب الغيار والمريخ في امس الحاجة له
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
قلق
هذا لاعب كبير حدث له اشباع
الزول ده زهج من اللعب الكتير ولفترة طويلة
المريخ الفريق القومي المريخ الفيق القومي
الزول ده عاوز اجازة انا لو محل المرخاب
بدية اجازة شهرين مدفوعة الاجر في ماليزيا ما يشوف فيها كورة بتاتا
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
وارقو
الزول ده زمنو وزمن بقيت لاعبي المريخ غير منسجم
زي شخص يتحدث اللغة الصينية فقط يوضع في غرفة بها مجموعة تتحدث السودانية فقط
في فرق سرعات بينو وبين لاعبي المريخ
يا تقللو سرعتو شوية
او ترفعوا رزم الفريق كله
او تشطبوه تخلوه يشوف مستقبله مع فريق تاني وتستفيدوا من خانتو
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
اهم حاجة مباراة هلال مريخ القادمة لن يستطيع اي لاعب في وسط المريخ مجاراة هيثم مصطفى
لابد من عود الشغيل فهو الوحيد المتحرر من سطوة هيثم النفسية وبلعب معاه بقوة
ان كان امر عودة الشغيل مستحيل
اقترح ان يلعب بله جابر في مكانة ويؤكل له امر هيثم مصطفى ويلعب اي لاعب اخر سعيد او الباشا في الطرف اليمين
| |
|
|
|
|
|
|
|
|
|
Re: شي من الجدية ... المريخ ضعيف (Re: بهاء بكري)
|
مرحب بهء الدين
فعلا لهيثم مصطفى سطوة نفسية كبيرة داخل الميدان تمثل جزء كبير من تمكنة خاصة في اللعب الداخلي
هذا مع امكانياته الفنية الفكرية المهولة
نصر الدين الشغيل متحرر من سطة هيثم دي
ان غاب نصر الدين مرشحي الاول لتغطية هيثم هو بلة جابر
| |
|
|
|
|
|
|
|
|
|
Re: شي من الجدية ... المريخ ضعيف (Re: ابراهيم محمد الحسن)
|
يا وليد يشهد ربّي أنا أمس كُنت عايز أفتح لي بوست باسمك إنت وفيهو سؤال ليك بصفتك مختص ... ولكن وسط فرحة المريخاب قُلت احتمال يفتكروا الشغلانة دي مني تبخيس لفوزهم بالممتاز ...
وحمدت الله الليلة إنت فتحت ليك بوست بخصوص ضعف المريخ ...
سؤالي لك بصفتك حارس مرمى عن الهدف الذي أحرزه أديكو .. الهدف دة مُش غلطة ساذجة من حارس مرمى الأهلي ؟
| |
|
|
|
|
|
|
|
|
|
Re: شي من الجدية ... المريخ ضعيف (Re: صبري طه)
|
| Quote: سؤالي لك بصفتك حارس مرمى عن الهدف الذي أحرزه أديكو .. الهدف دة مُش غلطة ساذجة من حارس مرمى الأهلي ؟ |
اذا لم يغلط الحارس بهذه الطريقة معناها ما حارس سوداني
.
.
من هنا وماشي انا ضد اي لاعب اجنبي مهما كانت امكانياته
افسحوا المجال لشباب المريخ والهلال وباقي الاندية عندنا المواهب والخامات
التي يمكن تطويرها وهذا لمصلحة انديتنا ومصلحة المنتخب
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد عبد اللطيف)
|
مرحب ولي
Quote: من هنا وماشي انا ضد اي لاعب اجنبي مهما كانت امكانياته
افسحوا المجال لشباب المريخ والهلال وباقي الاندية عندنا المواهب والخامات
التي يمكن تطويرها وهذا لمصلحة انديتنا ومصلحة المنتخب |
ده فهم متقدم جدا
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد عبد اللطيف)
|
تشكر أخي وليد على المداخلة ...
Quote: اذا لم يغلط الحارس بهذه الطريقة معناها ما حارس سوداني
.
.
من هنا وماشي انا ضد اي لاعب اجنبي مهما كانت امكانياته
افسحوا المجال لشباب المريخ والهلال وباقي الاندية عندنا المواهب والخامات
التي يمكن تطويرها وهذا لمصلحة انديتنا ومصلحة المنتخب |
وأوافقك الرأي في حتة الاعتماد على اللاعبين المحليين ...
واللاعبين المحترفين ديل يا وليد إلاّ لاعب يكون مقطعها عديل كدة ومعروف عالمياً ومشهود له بالكفاءة ...
يعني نكون شفناهو في الدوريات الأوروبية وكدة ...
ويكون تسجيل اللاعب الأجنبي في حالة الحوجة الشديدة جداً ...
ولك ودّي ،،،
| |
|
|
|
|
|
|
|
|
|
Re: شي من الجدية ... المريخ ضعيف (Re: صبري طه)
|
مرحب صبري
اخطاء التمركز هذه ليست مشكلة الحارس ولكنها مشكلة التدريب
تدريب الحراس في السودان ضعيف جدا
هي غلطة فعلا لحارس المرمي لكنها ليسة غلطة ساذجة
بالنسبة لضعف المريخ يا صبري
الحمد لله نستطيع نحن المرخاب التحدث عن ضعف فريقنا
فهل تستطيعون انتم ذلك
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
Quote: بالنسبة لضعف المريخ يا صبري
الحمد لله نستطيع نحن المرخاب التحدث عن ضعف فريقنا
فهل تستطيعون انتم ذلك |
يا وليد ياخي لو راجعت كل مداخلاتي عن الهلال ستجدني ليس من المطبّلاتية ...
الأعور بقول ليهو أعور ...
وكتبت قبل كدة في أحد أو بعض الردود عن ضعف المعز محجوب وعن بكري المدينة وخليفة الذين لا أرى مكاناً لهما في الهلال !!!
ـــــــــ
وشوف كلامي دة عليك الله:
هيثم مصطفى + العجب = ما زالا أكثر اللاعبين الذين يمتلكا كنترول كُرة قدم مقبول رغم تقدّم سنهما !!!
البدائل بتجي من تحت ... وتحت تحت دي دمّرها كمال شداد ...
| |
|
|
|
|
|
|
|
|
|
Re: شي من الجدية ... المريخ ضعيف (Re: صبري طه)
|
يا صبري لقد عاد دوري الاشبال
وسنحصد ثمارة العام بعد القادم
______________
| Quote: الأعور بقول ليهو أعور ... |
عاااااااااااااااااااااااااااااااااااااااااااع
ما كان غالطت في موضوع البرير
وكان قلت ليه اعور
لانو عوير فعلا
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
Quote: عاااااااااااااااااااااااااااااااااااااااااااع
ما كان غالطت في موضوع البرير
وكان قلت ليه اعور
لانو عوير فعلا |
يا وليد أنا أخدت بكلامك إنّك قاصد الجانب الفني ...
لكن ما عندك مُشكلة .. الجانب الإداري برضو قاعد أنتقدو ...
والبرير كتبت رأيي فيهو وقُلت "لو ضرب" ياخ
ــــــــــ
ولو شفتو أنا دة ضرب بقول لا ما ضرب
| |
|
|
|
|
|
|
|
|
|
Re: شي من الجدية ... المريخ ضعيف (Re: نور الدين عثمان)
|
مرحب نور الدين
صحيح يوجد نقص في المريخ
راجي لاعب مهول لكن المريخ يستفيد منه كثيرا
فهو يعلب اما مهاجم او وسط يمين
بالنسبة للهجوم ادكو وساكوها ملو الخانات ديل
بالنسبة للوسط اليمين فهي حكرا على قلق ولسنوات قادمة رغما عن تزبزبه
سيكون راجي بديل ناجح
الفقد الحقيقي في الميرخ هو فقد سفاري
وانا اقصد سفاري 2007 - 2008
سفاري السم الهار
ان عاد سفار كما عهدنا سيشكل هو وباسكل قوة لا يستهان بها
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
لدفاع المريخ مشكلة واحد وهي المعكوسات
لا يوجد احد في دفاع المريخ يجيد استخلاص المعكوسات بالراس
الحضري كان يغطي على هذا النقص بالخروج الصحيح في الضربات الثابتة
عموما لا خوف من الهلال في المكوسات فهجومه جميعهم لا يجدون اللعب بالتخصصي بالراس
لكن الخوف على المريخ من الكرات الثابته خاصة من المدافع دمبا باري
وهذا دور اخر نحتاج فيه للشغيل
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
Quote: أول هؤلاء باسكال فهو أفضل لاعبي المريخ والسودان الآن على الإطلاق
ثانيه حسب وجهة نظري الشخصية ادكو فانا أراه أفضل من ساكوها ولو كان لعب من بداية الدوري لكان هو الهداف
ثالثهم ساكوها مع أني أراه يستسلم بسرعة ولا يتصرف تحت الضغط
رابعهم الحضري وهذا طبعا من ناحية فنية فقط دون التطرق للأمور الأخرى
بقيت اللاعبين جميعهم اقل من المريخ ويحتاجون مراجعات باستثناء الحارس ياسين فهو حتى الآن لم يختبر جيدا حتى نحكم عليه |
يا وليد كلامك ده صحيح ميه فى الميه
اتمنى ادارة المريخ يكونوا فاهمين كده برضو
اذا فعلا عايزين يحققول نتائج خارجية.
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
تحية.....شكرا يا وليد للاضاءة...
بالرغم من التغييرات التي تحدث في المدربين لم نلاحظ صورة محددة لفكر تدريبي واعني لم الاحظ طريقة لعب وفق فكر تدريبي...
اخطاء في التمركز...اخطاء في التمرير...قصور في اللعب الضاغط..اللعب بدون كرة...الخ وقديعزي ذلك ايضا لذهنية اللاعب السوداني او عدم تجهيزه ذهنيا او تشبعه باللعب دون راحة او عدم استغلال مقدراته او اكتشاف المفيد منها الخ..
الفكر الاحترافي مفقود لدي اللاعب السوداني حيث لا زال يلعب وفق تضخيم المشجعين لامكانياته وللشعار الذي يحمله..ولا تري تطوير للقدرات الا نادرا...ويبدو ان الجوانب المعرفية لدي اللاعبين محدودة...الثقافة الرياضية( علي الاقل الاطلاع علي المنازلات العالمية او الاقليمية..
يا وليد نحن الان نشجع وفق مخزون قديم من زمان قديم كان فيه افذاذ... (الصحافة الرياضية فاقدة للتخصص بل صارت عمل من لا علم له)...لك الاحترام
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
Quote: من تمكنة خاصة في اللعب الداخلي
|
هو يا وشفت عندو شنو غير اللعب الداخلي نان !!!
البرا دا جربو جاب منو شنو غير حرد وقال عايز
يعتزل !!!
Quote: هذا مع امكانياته الفنية الفكرية المهولة
|
اها دي ناسوا استفادوا منها شنو !!!؟
كأس السودان و كان تقسيمه بينهم شِن الفائده!!!؟
Quote: نصر الدين الشغيل متحرر من سطة هيثم دي
ان غاب نصر الدين مرشحي الاول لتغطية هيثم هو بلة جابر |
و الله يا وليد أنت حقار خلاص
عايزو يطير فيهو جوز مش؟؟
اها بعد كدا نرجع لمرجوعنا ضعف المريخ خصوصاً في مبارة التتويج بتاعتنا
مع النديد .
ياوليد طبعاً الاسطوانة بتاعة انو مباريات المريخ و الهلال لا تخضع لحسابات
قوة أو ضعف اي فريق فيهم دي اسطوانة رغم غرابتها بس هي سليمة لحد كبير
ودا البيخليني اقول ليك نحنا فريقنا من ناحية فيه ضعف فدي حقيقة (هنا
ما ح اشتغل بمباراة النديد ابداً) و يحتاج فريقنا لإعادة نظر شامل كامل
ليس الفريق وحدة بل حتى إدارة النادي و الجهاز الفني بس المشكلة الخايف
منها أنا أننا في مبارة التتويج دي نمسك النديد و نضربو تلاته و نقوم نعيش
في العسل و دي طامة كبرى لانو ح تخلينى نغض الطرف عن المشكلات القائمة و قبل
كدا حصلت قصص زي دي ياما لعيبة مستواهم كان متدني جو ولعبوا كورة كبيرة امام
الند واستمر تاااني لموسم مرضونا فيهو مرض .
معليش يا ولي اديني فرقه في صبري الرشاشه دا
Quote: ولكن وسط فرحة المريخاب قُلت احتمال يفتكروا الشغلانة دي مني تبخيس لفوزهم بالممتاز ...
|
ما بتقدر يا صبري ماااابتقدر تبخس لينا حاجة يا اخوي اكتب سااااي لانو العندنا كتييير
انت يا صبري يا فردتي بعد تكتب و تحاول تشيل حال المريخ امشي تاني اكتب و قول البرير
ضربو وما ضربو و اقعد غالط الحقائق وكل ما تظهر حقيقة امشي جيب ليك غلاط من رأسك ساي
و اعمل فيها كونان .
و اكتب عن كأس السودان الميت و اشبكنا جريتوا و قلتوا الروب و عاك عيك و نحنا ولا شغالين
بيك ولا بيكم الشغله نحنا فريقنا دا و نقتنا في مستقبل ، فشنو !!؟ اكتب و بخس ساااي ولا
تفكر فينا لووووول .
Quote: وحمدت الله الليلة إنت فتحت ليك بوست بخصوص ضعف المريخ ...
|
اها ارجع لرد وليك على نقطتك الفوق دي عشان تعرف انك فهمت البوست دا غلط لحدي وين
و عشان تعرف تمام انك اي فعلاً امس ما كتبته بوستك الفي رأسك لكن جيت البوست دا بذات
النفسية القريت بيها رد المريخاب هههههههههههههه و وليد نقشك و ختاها ليك بااارده
لوووووول .
| Quote: الهدف دة مُش غلطة ساذجة من حارس مرمى الأهلي ؟ |
وزعلاااااااااااان ليه يا حبيب !!؟
هو الحراس كان ما غلطو الاقوان بتجي نان !!!؟
كااااااك
والله مشتاقين ياصبري
وكلام وليد دا ما تنوموا عليهو
لووووووووول .
ياولي من قبل ومن بعد السلام و المحبة
| |
|
|
|
|
|
|
|
|
 Re: شي من الجدية ... المريخ ضعيف (Re: سفيان بشير نابرى)
|
Quote: ما بتقدر يا صبري ماااابتقدر تبخس لينا حاجة يا اخوي اكتب سااااي لانو العندنا كتييير
انت يا صبري يا فردتي بعد تكتب و تحاول تشيل حال المريخ امشي تاني اكتب و قول البرير
ضربو وما ضربو و اقعد غالط الحقائق وكل ما تظهر حقيقة امشي جيب ليك غلاط من رأسك ساي
و اعمل فيها كونان .
و اكتب عن كأس السودان الميت و اشبكنا جريتوا و قلتوا الروب و عاك عيك و نحنا ولا شغالين
بيك ولا بيكم الشغله نحنا فريقنا دا و نقتنا في مستقبل ، فشنو !!؟ اكتب و بخس ساااي ولا
تفكر فينا لووووول . |
يا سفيان أخوي ... إنت وقت ما شغال بي .. الكلام الكتبتو عنّي دة قريتو وين وكيف ؟
| |
|
|
|
|
|
|
|
|
|
Re: شي من الجدية ... المريخ ضعيف (Re: صبري طه)
|
| Quote: ان غاب نصر الدين مرشحي الاول لتغطية هيثم هو بلة جابر |
اولا مبروك عليكم الدوري الممتاز .
ثانيا : بالشفتو امبارح من هيثم
وحسب مقترحك بأن يلعب معاه بله جابر مان تومان
1. بله جابر ما حيكمل الماتش وسوف يطرد بكارت احمر من قولة تيت
2. المباراة ذاتها إجتمال ما تمشي لقدام بعد طرد بله وحكاية يسن قواني
إما من جماهير الهلال نظرا لتعرض هيثم للضرب من بله
او
. جماهير المريخ غير مستعدة بعد الكاس لتقبل هزيمة من الهلال وسط الافراح
عليه حتدوطها بعد طرد بله والهدف الأول
هذا والله اعلم
تاني نقول مبروك الكأس وعقبال الهزيمة
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
الاخ وليد السلام عليكم
اولا الكأس مبرووك ولكن مشكلة المريخ سوء الادارة لانهم لايعلمون عن كرة القدم شي
وتعيين مسؤولين كل واحد عامل لوبي مع مجموعة من اللاعبين وعدم تعاون اللاعبين مع
بعضهم البعض داخل الملعب ودي دائرة أخصائي بتاع علم نفس
| |
|
|
|
|
|
|
|
|
|
Re: شي من الجدية ... المريخ ضعيف (Re: محمد المسلمي)
|
كلام جميل ياوليد
فرغم الفرحة وتحقيق الفوز فى اربعة وعشرين مباراة من أصل خمسة وعشرين
فالمريخ فعلا يحتاج لعمل كبير حنى تستطيع المنافسة الافريقية
فنحن ليس طموحنا الفوز على الفرق المحلية
وحتى الفرق المحلية لو كان المريخ جيدا لفاز عليها بنصف دستة
نتمني ان تكمل التسجيلات النقص فى الفريق
وحتى الان سمعنا بالاتفاق مع امير كمال وزغبير وضفر وكرنقو ومجدي امبدة والطاهر حماد من المحليين
واعتقد انهم سيكونوا لإضافة جيدة ويريحونا من الباشا وقلق ومصعب
واتفق معك فى إعارة اوشطب الدافي ووارغو
والعمل بقوة للحفاظ على باسكال فهو افضل مدافع مر على المريخ بعد رحيل كمال عبدالغني
| |
|
|
|
|
|
|
|
|
|
Re: شي من الجدية ... المريخ ضعيف (Re: معاوية محمد الحسن)
|
مرحب معاوية
فعلا مفروض هدف المريخ يكون النافسات الافريقية
ومفروض السنة الجاية يركز على الكونفدرالية فقط
والبعدها يصوب نحو الابطال
| Quote: وحتى الان سمعنا بالاتفاق مع امير كمال وزغبير وضفر وكرنقو ومجدي امبدة والطاهر حماد من المحليين |
امير كمال ما فيه كلام
زغبير بتاع مزاجات يوم فوق ويوم تحت
ضفر وكرونقو ومجدي امبد لا يشكلون اضافة
الطاهر حماد لاعب مهول لكن المريخ لا يحتاجة ان سجل يشطب كلتشي او هنو لانو هو افضل منهم الاثنين
اللاعبين ديل كلهم ما بحلو مشكلة المريخ
نحتاج الى صانع العاب وهو غير موجود في الساحة
في لاعب مخفي وهو البرازيلي بتاع الهلي البلعب وسط شمال
ده زول ممتاز
| |
|
|
|
|
|
|
|
|
 Re: شي من الجدية ... المريخ ضعيف (Re: محمد المسلمي)
|
Quote: المريخ تعبان يا سفيان دي حقيقة لابد ان نعترف بيها عشان نتقدم
وده فرقنا من الرشاشات |
بالغت لكن يا وليد >>
كررتها مرتين
المره الاولى قلنا امكن وسط جديتك ده قاعد تمازح فى صبرى
تقوم تانى تكررها !!!
متذكر الموسم الفات والهلال من انتصار لانتصار
وانا قاعد انتقد فى ميشو وفى تغيراته الخطأ
وفى مستوى بعض لاعبيه ( مهند كمثال ) وووو
وانت كنت احد المشاركين ..
وبوستتات كتييييره منى ومن بعض الهلالاب
مثل خليل وود البشرى و عمر بوب غيرهم
فى ذات النهج المتعلق بنقد مستوى الهلال .
والآن عندى بوست موجود فى الربع ده
وفيهو كميه من الانتقادات و المطالبات
بالشطب >> خش هنا >>
فى امر التسجيل و الشطب فى الهلال - بنكتب
....
بالنسبه لوارقو انا بعتبره وعلى حسب وجهة نظرى افضل الاجانب
وانتو لو دايرين تصلوا لمنصات التتويج الكبرى > مفترض انك تتبنى
وجهة نظرك الاولى > رفع معدل سرعة اللاعبين >> فالبطء لايقود لنتائج
ايجابية مهما كان شكل الفريق و اللاعبين
| |
|
|
|
|
|
|
|
|
|
Re: شي من الجدية ... المريخ ضعيف (Re: طارق الكوتش)
|
شكرا يا ولول
المريخاب لا زال يعيش في جلباب فيصل العجب
بدون فيصل العجب تحس ان المريخ كانه فريق من الدرجة الثالثة
البرنس سيتفسح في الباصات القاتلة كما فعل بالامس مع جزيرة الفيل
لان الشغيل غايب
باسكال لن يلعب وحده نجم الدين لا يستطيع مجاراة سادومبا وبكري المدينة واوتوبونغ
قلق ووارغو كصانعي العاب فشلو تماما
اديكو عبارة عن بريش العيلفون محسن
ساكواها لن يسد مكان ايداهور
المريخ يحتاج لفريق كامل
| |
|
|
|
|
|
|
|
|
|
Re: شي من الجدية ... المريخ ضعيف (Re: khaleel)
|
شوف يا وليد ..كونك تنتقد المريخ وتقول ضعيف ده ما معناها نحن الهلالاب كسر رقبة نجي نقول الهلال ضعيف..
الهلال ومنذ العام 2007 وهو في أفضل حالاته على العموم مع قصور واضح في خانتين فقط هما الأطراف.الهلال بي لغة الكورة 9من11 ..
الهلال كويس يا وليد وكويس شديد..وفي غمرة إنشغال الناس بي هم ملاحقة المريخ أو طمام البطن من فقدان الدةري ماف زول لاحظ ما قدمه الهلال في آخر ستة مباريات في الدوري.
صدقني يا وليد الهلال أكد علو كعبه حتى في طريقة مطاردته للمريخ حتى آخر لحظة وصدقني دي حاجة ما ح تلقاها عند المريخ لأنو لاعبي الهلال في نصهم في لعيبة على درجة عالية من الإحترافية والقيادة..
لاحظ معاي يا وليد آخر مباريات للهلال وآخر مباريات للمريخ..يفوز الهلال ويقنع ويمتع ويفوز الميخ بي كرامة البليلة وسيبك من كلام ناس باع وميع لأنو كورة أمبارح حققت جزيرة الفيل أكدت الهلال بيغلب بي كورتو فجزيرة الفيل ومخلص من أبناء الوالي المدللين..
خسارة المريخ للدوري بتفرتق المريخ بينما خسارة الهلال للدوري بترجعو أقوى وده فريق تاني بين هلال ومريخ الألفية الجديدة..
الهلال ما كعب وما بنقول كعب ..الهلال عايز أطراف وكل الباقين الموجودين في الكشف قادرين يلعبو موسم إلى موسمين بنفس الألق...
| |
|
|
|
|
|
|
|
|
|
Re: شي من الجدية ... المريخ ضعيف (Re: عمر الفاروق)
|
| Quote: اقترح ان يلعب بله جابر في مكانة ويؤكل له امر هيثم مصطفى |
بس ياوليد اخالفك فى ان هيثم يحتاج لمن يراقبه
هيثم كان يحتاج للمراقبة زماااااااااااااان زمن أحمد يكيني الذى ترك الكرة قبل أكثر من خمسة أعوام
هيثم الان أصبح وجوده فى الملعب مثل عدمه ولم يعد لديه مايقدمه والدليل ان الهلال استطاع الفوز بدونه على ثالث الدوري الامل باربعة اهداف .
تصدق قبل ايام عرض التلفزيون مباراة قديمة للهلال كان مشاركا فيها الثعلب وباكمبا وانس النور وزاهر مركز ومعهم هيثم مصطفي
غايتو لو مامشي شهر 12 القادم وطالب بإخلاء خانته يكون بالغ عديييييييييل
| |
|
|
|
|
|
|
|
|
|
Re: شي من الجدية ... المريخ ضعيف (Re: معاوية محمد الحسن)
|
| Quote: الهلال ما كعب وما بنقول كعب |
الاخوان عمر الفاروق وخليل
تحياتي لكما
كدى بهدوء وبصراحة اذا لم يكن الهلال كعب لماذا لم يحافظ على بطولة الدوري الممتاز
ولماذا اصبح يخسر فى ملعبه بكل سهولة كما حدث هذا الموسم بالهزيمة من انيمبا والترجي حتى تحول اسم ملعبه من المقبرة الى المعبرة .
نحن عندما ننتقد المريخ لا ننظر للمنافسة المحلية فهذه المنافسة فزنا بها بفريقنا الذى ننتقده فى 24 مباراة من أصل 25 ويمكننا المواصلة بهذا الفريق محليا لموسمين
ولكننا ننظر للبطولات الافريقية فلا المريخ ولا الهلال بفريقهيما الحالييين قادرين على المنافسة فيها الموسم القادم مالم يتم تجديد دماءهماباجانب ومحليين على مستوي افضل من الموجودين .
ودمتم
| |
|
|
|
|
|
|
|
|
|
Re: شي من الجدية ... المريخ ضعيف (Re: معاوية محمد الحسن)
|
Quote:
بس ياوليد اخالفك فى ان هيثم يحتاج لمن يراقبه
هيثم كان يحتاج للمراقبة زماااااااااااااان زمن أحمد يكيني الذى ترك الكرة قبل أكثر من خمسة أعوام
هيثم الان أصبح وجوده فى الملعب مثل عدمه ولم يعد لديه مايقدمه والدليل ان الهلال استطاع الفوز بدونه على ثالث الدوري الامل باربعة اهداف .
تصدق قبل ايام عرض التلفزيون مباراة قديمة للهلال كان مشاركا فيها الثعلب وباكمبا وانس النور وزاهر مركز ومعهم هيثم مصطفي
غايتو لو مامشي شهر 12 القادم وطالب بإخلاء خانته يكون بالغ عديييييييييل |
معاوية صاحبي وليد الشفت ده ود قلبا ولعب الكورة دي زيو وذي ناس هيثم ديل
عشان كده كلامو ده ماتديهو الواطة
| |
|
|
|
|
|
|
|
|
|
Re: شي من الجدية ... المريخ ضعيف (Re: بهاء بكري)
|
يا معاوية..
ما هو عشااان البطولة الإفريقية دي نحن قلنا الهلال ما كعب .الهلال كويي لأنو وصل دور الأربعة حسب نظريتك والمريخ كعب لأنو طار من قولة تيت حسب نظريتك برضو..
شايفكم خليتو موضوع العلامة الكاملة وفتحتو نغمة جديدة إسمها 24 من أصل 25...:-)
الأصول دي لو باريناها ليكم في بكولات الممتاز فالهلال ببساطة لم يخسر في بطولة ونص ..يعني تلاأتة دورات متتالية.
| |
|
|
|
|
|
|
|
|
|
Re: شي من الجدية ... المريخ ضعيف (Re: عمر الفاروق)
|
| Quote: ما هو عشااان البطولة الإفريقية دي نحن قلنا الهلال ما كعب .الهلال كويي لأنو وصل دور الأربعة حسب نظريتك والمريخ كعب لأنو طار من قولة تيت حسب نظريتك برضو.. |
بالعكس البطولة الافريقية وضحت انو الهلال كعب
اما بخصوص المريخ
فالبوست ده في عنوانو مكتوب انو كعب
| Quote: الأصول دي لو باريناها ليكم في بكولات الممتاز فالهلال ببساطة لم يخسر في بطولة ونص ..يعني تلاأتة دورات متتالية |
وين ده ؟
ياتو بطولة دي الهلال شالها بدون هزيمة ؟
المتذكرو انو المريخ هو الفريق الذي لم يهزم في بطولة 2009 مع انها شالها الهلال
الفريق الوحيد الذي لم يهزم في ذلك العام هو المريخ
ورشيناكم انتو زاتكم
اما دوري 2008 فشلناه بتعادل واحد وهزيمة واحدة
| |
|
|
|
|
|
|
|
|
|
Re: شي من الجدية ... المريخ ضعيف (Re: معاوية محمد الحسن)
|
مرحب معاوية
هل شاهدت مباراة الهلال الاخيرة ؟
لو شاهدتها ما بتقول كلامك ده
الهلال غلب اتنين بباصين بالمقاس من هيثم لسادومبا
وما كان من سادومبا الا انو يختهم في الشبكة وخلاص
هثم مروتو قلت اي نعم
لكن لو فقد الرقابة مرة واحد
بلعب باص قون
وكورة هلال مريخ دي اصلا هي مباراة الفرص القليلة
صدقني
لو هيثم لعب والشغيل ما لعب
المريخ حالتو بتكون صعبة
| |
|
|
|
|
|
|
|
|
|
Re: شي من الجدية ... المريخ ضعيف (Re: عمر الفاروق)
|
مرحب عمر الفاروق
انتو ما تقولو ولا حاجة
لكن انا مقتنع انو الهلال ضعيف كما المريخ
الهلال تعبان تعب الموت والكلام ده ظهر في البطولة الافريقية دوري المجموعات
الدورة الاولى خلاف كورة الدرون لو تجاهلنا الكلام حولها تاني الهلال ما لعب كورة ابدا
غلب القطن بحراق روح والقطن طاردين منو نفرين
غلب المغاربة برضو بحراق روح واعتقد ببلنتي مشكوك فيه بتاع الصلب داك
وبعد داك
عينك ما تشوف الا النور
5 مباريات وراء بعض ما غلب فيها ولا كورة
بالنسبة لكورة الهلال وجزيرة الفيل فالغب فيها يحسب لهيثم مصطفى
لو هيثم ما لعب الكورة دي كان شربتو ما رويتو
عشان كده انا بقول وجود الشغيل مهم بكره
وقلت لو الشغيل مافي وهيثم لاعب ات غالبننا
لانو وضح تماما سادومبا بدون البرنس طبلة مفتاحها مافي
نجي للاعبيك
متوسط دفاعك فيه مشكلة
وناسكم قالو عاوزين يخارجو دمبا لانو ما نافع معاهم مع اني ارى العكس
دمبا مريحكم في المعكوس خاصة مع تردد المعز فيها
باكك الشمال الجديد ده كويس وحافظ خانتو
عندك مشكلة كبيرة في الباك اليمين ما عارف لحدي هسع تلعب فيها منو
اما وسطك المدافع
فصدقني
عمر بخيت اصبح سبب رئيسي في هزائمك في الفترة الاخيرة
لانو بقى بترتر وبتدسى وما بشيل الكور الا بفاول
عمر زي قلق فتر من اللعب الكتير وعاوز راحة
باقي لاعبيك البلعبو في النص كلهم كرور
الا مهند وكت يكون عندو مزاج
وطبعا هيثم لا جدال عليه لكن مروتو قلت لو لقى ليه جدع زي الشغيل يلعب معاه بقوه ما بقدر يلعب
وده ظهر في كور التوانسة
سادومبا ما عندنا فيه كلام
واتذكر زماااااااااااااااان غلطني فيه هو وامبيلي
وانا ثنيت ليك سادومبا وقلت ليك امبيلي كضاب كورتو حقت دافوري
وامبيلي اتخارج وسادومبا اصبح هداف افرقيا
بكري المدينة .. كهربتو زاااااااااايدة
الزول اب شع الجديد ده
اخير منو حفياني بتاعكم داك
ده كاف من كورة ما بعرفها
الهلال زي المريخ لو ما كان العن منو
والهلال الان
مساوي
وسادومبا
والمعز
وهيثم ومهند مرات مرات
| |
|
|
|
|
|
|
|
|
|
Re: شي من الجدية ... المريخ ضعيف (Re: وليد محمد المبارك)
|
Quote: معاوية صاحبي وليد الشفت ده ود قلبا ولعب الكورة دي زيو وذي ناس هيثم ديل
عشان كده كلامو ده ماتديهو الواطة |
حبيبنا بهاء
والله مشتاقين
كلام وليد خليهو ..انت رايك شنو.
زول بلعب فى الهلال بس 17 سنة سيبك من الفرق الاخري هل يكون محتاج لمراقبة
ياخي ناس محمد موسي وحمد كمال اللعبوا بعده بقوا مدربين ومحللين
يراقبوا ليهو شنو
| |
|
|
|
|
|
|
| |
وليد محمد المبارك
omer osman
بهاء بكري
نور الدين عثمان
ابراهيم محمد الحسن
وليد عبد اللطيف
alsngaq
محمد الكامل عبد الحليم
سفيان بشير نابرى
محمد المسلمي
معاوية محمد الحسن
khaleel
عمر الفاروق
شهاب الفاتح عثمان
فيس بوك
تويتر
انستقرام
يوتيوب
بنتيريست