|
Re: عكليت البورض.... (Re: محمد عبدالله حمدنا الله)
|
الواحد مهما طال بيهو الزمن عن هذا الحوش الإسفيري..يرجع و يلقى في معالم هي ..هي... . .
الأعداء لا زالوا أعداء.... . . و الأصدقاء دب بينهم الخلاف.... . . . المطرًف...مطرًف لسة...و المكفكف لسة مكفكف.... . . الما جايب خبر لسة في عماه.....و التفتيحة لسة قايل روحو تفتيحة...إلخ ...إلخ ..إلخ.. . . . لكن دا كللللللللللللللللللو كوم....و "العكاليت" ديل كوم تاني..... . . . . يتبع... ودحطب الله
| |
|
|
|
|
|
|
Re: عكليت البورض.... (Re: محمد عبدالله حمدنا الله)
|
. . العكاليت ذآآآآآآآآآآآآآآآآآآآآآآآآتهم خشم بيوت............... . . واحدين كدا عندهم هواية "يشبكوا" ليك في موضوع واحد يطوفوا بيهو الأربعة قبل ...محل ما تقبل تلقاهم لاصقين ليك موضوعهم دا في وشك... لا بيغيروا ..لا بيتغيروا...نفس الكلمات...كوبي-بيست على طول الخط... . . . واحدين تانين...شغالين بس "مسَاكين" زي عاطف القوز و الجقر مع المهاجمين..و لمن يختوا ليهم زول في بالهم ...محل ما يقبل هم وراهو..وراهو.. كان صاح..كان كضب هم وراهو..يعني كان لقيت زولهم دا قال "بغم" تلقى "العكليت" بتاعو جا ناطي ليهو في حلقو.... . . . و في نوعية "عكاليت" كدا ما بيهبشوا ليهم زول...لكن لو إتشربكت فيهم الله يحلًك....زي نوعية الشافع المسكيييين الممكن تبكًيهو بي سهووولة... لكن بعد ما يبكي ....البيحلك منو تاني؟ أرجى الطوب و الفلًيق ساي... . . . و كمان في مجموعة من "العكاليت" شغلها بس "تنط" للناس في حلقها....بس ما تقول حاجة....يجوا ناطين..الكلام دا جبتو من ويين؟ و يا زول هووي قاصد شنو بي كلامك دا؟...المصدر لو سمحت؟.....إلخ..إلخ..إلخ...و حتى بعد ما تديهم الفي مرادهم كللللللللللو....بعد دا ما يخلوك...و هم لا دايرين يعرفوا..لا دايرين يفهموا.. شغل عنقدة و شربكة سآآآآآآآآآي.. . . . و الحديث عنهم يطول... . . نجيهم بي مهلة كان الله هون... . . . . . ودحطب الله
| |
|
|
|
|
|
|
Re: عكليت البورض.... (Re: محمد عبدالله حمدنا الله)
|
. . . لكن و الحق يقال....بقدر ما تصيبك "شتارة" بعض هؤلاء "العكاليت" في مقتل.... . . بنفس القدر...هنالك "عكاليت" ممتعين للحد البعيد..... . . فيهم نوعية بتحس إنها "بتمتًع" في روحها اول شئ قبل ما تخليك تستمتع بي الكتابة...زي اللاعب الحرييييييييييف داك لمن يمسك الكورة و يقعد "يدوزن" ليك في نص الميدان بي مزاج رآآآيق-سكسك نموذجآ- . . و نوعية تانية تستمتع بي "عكلتتها" المشاترة...كلام خارم بارم ...لكن برضو جميل و مفيد في كثير من الاحيان لأنو ممكن يمرقك من الجو الكئيب البيدخلوك فيهو أحيانآ "بني ثقيف".... . . و ما ننسى كمان "العكاليت" القاعدين مخصووووص "يبلًعوا" في البوستات لي خلق الله...ديل ياخ مقطعنًها للناس في راسهم..."قوقلهم" يقول يا غربتي....لكن للأمانة وجودهم مهم جدآ عشان يضبطوا أمانة نقل المعلومة عشان ما أي زول يقطع ليهو حاجة من راسو و يجي يلصقها لينا.. . . . . يتبع.. ودحطب الله
| |
|
|
|
|
|
|
Re: عكليت البورض.... (Re: ABUHUSSEIN)
|
. . أبوحسين.......سلامات.. . . موجودين في هذا الكوكب لكن زي ما قال الشاعر:
والخلانى فرض الخمسه ما أصلّيهن.....رزق الدنيا والمحن البصارع فيهن . . . مودتي.... ودحطب الله
| |
|
|
|
|
|
|
|