|
|
 زيارة الامهات والحموات لاسرهم خارج الوطن
|
الاسر المقيمة خارج الوطن تفرح جدا لزيارة الام او الحماة ( النسيبة )
او أئ من افراد العائلة وتقضي الاسرة معهم وقتا جميلا ....
وايضا هم يستمتعون بهذه الزيارة .
وعندما يغادرون يتركون ذكريات ممتعة تجترها الاسرة من وقت لاخر
فيها امثال وحكم وحكايات واقوال وغلوتيات ... جدو قال .. وحبوبتو قالت
فكل كلامهم حكم ومادة دسمة
مفارقات ومقارنات بين حياتهم سابقا وحياة اولادهم واحفادهم .....
أجمل وقت يقضيه الانسان يكون مع امه او ابيه او ام زوجته او ابيها
ولكن
ولكن
قد تحدث بعض الاحداث تفسد هذه الزيارة جراء تصرف احد افراد الاسرة غير الحكيم
وقد يكون امرا بسيطا ولكن اهلنا الكبار حساسين جدا ... فالحيطة والحذر
والتحكم في الكلمات والمخاطبة بادب والتعامل الراقي مع كبارنا يجعل هذه الزيارة
راسخة في اذهانهم مدى الحياة
.
.
هؤلاء الطيبون حين يغادرون يتركون فراغا كبيرا بالبيت .......
جاءوا فرحين ويرجعون فرحين ونكسب برهم ......
قول لامك يم وقول لام زوجتك يم ايضا لترى اثرها على زوجتك
قولي لامك يم وقولي لام زوجك ايضا يم لترى الفرحة على وجه زوجك
.
.
كانوا معنا ورحلوا وتركوا ذكريات جميلة
.
.
نحكي ........
|
|
 
|
|
|
|
|
|
|
 Re: زيارة الامهات والحموات لاسرهم خارج الوطن (Re: عبدالله ود البوش)
|
في كثير من الاحيان نحن مغتربي السعودية بنجيب اهلنا زيارة
من رمضان وحتى الحج منها يقضوا معنا فترة مناسبة ومنها حج وبيع سبح
ولكن اهلنا الله اديهم العافية تضايقهم الحبسة في الشقق ويزهجو وينقنقوا
.
.
خالي جاب امو وبعد الحج كل يوم شابكاهو ليك
انا ماشة ...
وين ؟
السودان ...
سمح
كلما يجي من الشغل نفس العبارات تتكرر
ولمن خلاص اتضايقت قالتها ذاك اليوم ومعاها خمة نفس وشحتفة روح
يا زول هووووي انا ماشة
وين ؟
وهذه المرة لم تجاوب بل رفعت يدها للسماء مع صرة وجه لم ينفرج الا وفي طريقها للمطار
ومعها الحسرة على فراقهم تمازجها دموع صادقة
يا حليلك يا امحمد ولدي وانا خايفة اموت وما تحضرني
فقبلت كل افراد الاسرة فردا فردا ورحلت ...
وعند وصولها هناك ... ايضا ابدت انزعاجها ...
ليش مويتكم حارة ...
عندكن سخانة شديدة يا ريتني ما جيت من البلد الطيبة ديك
وهكذا دواليك ..... هناك تشتاق للهنا وهنا تشتاق للهناك الى ان رحلت عن دنيانا
لها الرحمة والمغفرة
الله اديهم العافية ويرحم الذى رحل عنا
تبقى من اعمارهم القليل فاستمتعوا به وامتعوهم اخوتي واخواتي الكرام
.
.
هب لوالدك لبنك ودرك
وللوالدة دهبك ودرك
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
والدتي الله يطول عمرها واديها العافية
حتى الان تدير بيتها وحواشتها بنفسها
وعندما تاتي لزيارتنا هنا بالسعودية
تفرح وتضحك وتحكي نوادر الكلم والحديث
وبعد مرور شهر تخت توبا في نص راسا وتشكي وجع الاغتراب
لكن انا بعرف اجيب راسا كويس
يم انا مغترب هنا سنين طويلة عشانكم انتم ومتحمل كل هذا الوجع
انت بس تجي اسبوعين تلاتة وما قادرة تتحملي عشاني
ومعاها دمعتين تلاتة وارميهن ليها فوق كرعيها
فيتغير حالها وايضا تبكي انا براك ات عندي شنو لو قلت لي اقعد باقي عمري
دا كلو اقعد عشانك ......
وقبلة على الراس وامش انوم مرتاح
يومين تلاتة وكلام الليل اشيلوا هجير الغربة
يا ولد هوي صحا جا وكضبا راح انا ما بنحبس لي في حيطة
لابعرف عصر ولا مغرب ولا بشوف شمش
مما جيت هنا ما شفت لي شمش .... اهلي بس تبكي ولا تنشق كان دايرني تعال هناك
.
.
وهكذا دواليك .... والله اطول عمرهم واديهم العافية اهلنا الحلوين
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
من الملاحظات بدون تعميم ( احيانا يعني ) لزوم الساتر يا رب :
عندما ترى شابة تقود أمرأة كبيرة ممسكة بيدها تتاتيها براحة تعرف انها امها
وعندما ترى أمرأة كبيرة تسير خلف شابة منكربة للحاق بها فتعرف انها حماتها
نتمنى الا نرى هذه الملاحظات كثيرا يا بناتي العزيزات
| |
|
|
|
|
|
|
|
|
 Re: زيارة الامهات والحموات لاسرهم خارج الوطن (Re: عبدالله ود البوش)
|
صاحبي جاب ابوه زيارة من رمضان وحتى الحج
اتونس مع ابوه وفجأة دقش كورجة حقت علب تحت السرير
علب لبن بودرة وعلب طحنية وعلب زيت
يابا العلب دي الجابا هنا منو ؟
جبتها انا وداير اشيلا معاي لامك
شي ينفع للسكر
وشي للويكة
وشي للملح
وشي للزيت
ومنها اولاد اختك اسوا لواري وتركترات
.
.
صاحبنا خلا ابوهو نام وشال العلب جدعا في برميل الزبالة
باكر ابوهو جاب علب زيادة وتفاجأ بان علبو مافي
زعل وكورك لولدو يا ولد علبي وديتا وين ؟
جدعتها في الزبالة يا با انت داير بيها شنو ؟
خليني من داير بيها شنو وريني جدعتها وين ؟
جدعتها في برميل الزبالة
البرميل الجنب بيتنا دا ؟
آي يا يابا اياهو البرميل الجنب البيت دا
دا برميل زبالة ؟
البرميل دا كان جنب الجامع انا كل يوم اديهو جرة شوية على بيتنا
قلت ارفعوا فوق لمن اسافر اشيلو معاي سمح خلاص لموية الطين ........
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
ود البوش تسبم يابا حكيك سمح بالحيل
وفي ميزان حسناتك.
الا انت طرقت مسكوت كثير عنه بطريقه ناعمه
وصدقني هنالك قصص محزنه شديده.
وهي لو فكرت كل زوجه انه راجلها السمح ده
الكسها واطعمها وفسحها وعنكشه دهب
هو نتجيه لاجتهاد امه هذه لما عرفنا معنة كلمة حماة!
النصيحه لله الرجال غالبا بيحترموا امهات زوجاتهم
الا الزوجات قلة البحترمن وبيودا ود حقيقي امهات ازواجهم!
فالتفكر كل زوجه بانها زوجه اليوم وغدا حماة!
ولتقبل لام زوجها ما ستقبله غدا لنفسها!
شكرا ود البوش اعيد بالمزيد اذا سمح الوقت.
وربنا يهدي الجميع!
| |
|
|
|
|
|
|
|
|
Re: زيارة الامهات والحموات لاسرهم خارج الوطن (Re: Tragie Mustafa)
|
الاخت الفاضلة تراجي مصطفى
سلام واحترام
Quote: وهي لو فكرت كل زوجه انه راجلها السمح ده
الكسها واطعمها وفسحها وعنكشه دهب
هو نتجيه لاجتهاد امه هذه لما عرفنا معنة كلمة حماة!
|
هذه العبارة كافية لحل كل مشاكل الحموات
.
.
والامر يحتاج قليلا من التفكير وقليلا جدا من الجهد
اهلنا لا يحتاجون غير كلمات بسيطة ومعبرة ترضيهم
.
.
شكرا تراجي ونصيحة تخدرك وتزيدك نصحا وتألقا
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
حماة .... حموات ... حمو ... والحمو لغة تعني النار
.
.
المصريين اكثر ناس بكرهوا حمواتهم وعلنا ...
.
.
نحن السودانيين نطلق على ام الزوجة وقريباتها من الدرجة الاولى ( النسيبة )
ولا ادري عن اصل هذه الكلمة لكن الشئ البعرفو انو بنحترم النسيبة ونفاخر بها
ونعير ونعيب من لايحترمها ( البجري نسيبتو ومرتو طلقانة ) ... فالروح
ترخص فداءا للنسيبة
.
.
النسيبة تستاهل
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
العلاقة مع النسيبة سواء كانت ام الزوجة او ام الزوج
علاقة لها حساسية خاصة وكل مجتمع وله تعامله معها
.
.
قصدت بالتقاء الام او النسيبة خارج الوطن لانه هذا هو المحك
ودي المخادة البتظهر الكوكة
.
.
في الوطن المساحات واسعة تمتص كثيرا من الهواء الساخن
ولكن خارجه المساحة قد لا تتجاوز تلتمائة متر مربع باعتبارها فلة فخمة
فلو كانت شقة فالانفاس تتداخل .... والعنقريبين ما بشيلين نفرين
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
لا اعمم ولكن كما شهد شاهدة من اهل الزوجة فهي كثيرا ما تشوت ضفاري
وتخرب الرصة ولكني ارجع واقول المسئولية مشتركة فلو كان الزوج حريفا لبقا
لآلف بين قلبيهما حتى ولو تظاهرا وتملقا احسن من هرك هرك ......
..
-----------------------------------------------------
اعطي زوجتك ثلاثمائة دولار خليها تحولها لامك هدية منهاهي
واتصل علي امك وقول معليش الشهر دا ما قدرت احول ليك
واسمع ماذا تقول لك ........
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
الاخ عبد الله.. والله فعلا بوست ظريف خالص...
في الصيف ده، زاروني والدي ووالدتي واخواني لأول مرّه في بيتي.. احتفالاً بوصول بنتي ليلى... بس هم جايين من الامارات.. يعني من غربة لي غربة... كانوا فرحانين جداً لانهم هناك براهم واحنا برانا.. لما الناس اتلموا سوا هم الغربة خف كتير... برضه كانت معانا أخت زوجي واطفالها.. كانت فرصة حلوه الاهل يتعارفوا اكتر، خاصة انه زواجنا كله كان في في الغربة... وأهالينا ما لقوا فرصوا يتعارفوا بصورة كويسه... الحمدلله مرت الايام بصورة طيبة... ونشأت علاقات وذكريات جميلة من الفترة دي...
من الحاجات الطريفة الحصلت انه امي كانت شاعره انه نادر تعبان وكان الوقت رمضان.. بجي من الشغل قريب الفطور، وبعداك بطلع عشان طلبات البيت... والدي بحب الفول بي زيت السمسم شديد ... كان قريب فطور رمضان.. وعاملين فول، وزيت السمسم حتتتتتتته... هنا في الدمام عندنا دكانين منتجات سودانية.. لكن ما قريبه للبيت وما في طريق نادر... أمي قالت لي ما تقولي لنادر يجيب.. خليه يجي طوالي على البيت... وقامت مشت لوالدي في الغرفة وقالت ليه ما تقول داير زيت زياده لانه الزيت كمل... والدي زول بتاع نكته... وقام اول حاجه عملها انه لما ختوا الفطور... قال ليها قدام نادر، انا عايز زيت زياده .... وبعد شويه حكى لينا انه هي جات حذّرته وانه هو معتبر روحه في بيته.. الحاجه دي خلت الناس كلهم يضحكوا... وخففت من التحسس الممكن يحصل ...
نسيبتي الله يرحمها ويغفر ليها... ما لاقيتها اتزوجته بعد وفاتها... لكن يا ريت لو كنت قدرت برّيت بيها زي ما ببر بي أمي... الحزازات بتكون موجوده لانه دي طبيعة البشر... لكن الواحد يقدّم الطيب..
متابعين معاك...
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: مريم بنت الحسين)
|
مريم بتي الفاضلة
سلام وتحية وعيد مبارك
Quote: بس هم جايين من الامارات.. يعني من غربة لي غربة...
كانوا فرحانين جداً لانهم هناك براهم واحنا برانا |
زيارة الاهل في الغربة مهما تكون جميلة وممتعة حتى داخل دولة الاغتراب نفسها
ومتعتها في اللمة والقعدة الحلوة
اها شوفي زي نتة ابوك دي الله اطول عمرو واديهو العافية كلما اكمل زيت السمسم تضحكوا فيها
حتى انا القريتها قراية ستظل عالقة في ذهني لاني عشتها تماما مثلكم
| Quote: قال ليها قدام نادر، انا عايز زيت زياده |
.
.
.
| Quote: الحزازات بتكون موجوده لانه دي طبيعة البشر... |
شخصيا لا اعتقد بانها من طبيعة البشر .... مجرد احساس
وحتى لو جدلا قلنا انها من طبيعة البشر نحاول نحد من مساويها
بالتعامل الراقي واللطيف .......
شكرا جزيلا بنيتي بت الحسين مع تحياتي لنادر والعيال
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: عبدالله ود البوش)
|
ود البوش
ياقدح البايتات القوى
لك المحبة
لى صديقة تعيش فى بريطانيا
حضرت اليها والدتها للولادة
وتصادف ان كان رمضان قد حل
فبدات الام تردد لابنتها
ـ يا بتى دايرة امشى السودان
ـ يا امى رمضان هنا كويس بارد ومافى اى مشكلة مع الحر
ـ الحر ؟ يا بتى نحناكان مااتشلهتنا فى رمضان
وفتشنا التلج وين واترشرشنا بالموية ما ببقى لينا
دحين خلينى امشى الله يرضى عليك
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: سلمى الشيخ سلامة)
|
سلمى الشيخ سلامة
لك ود خاص صنعه صوتك وهو يدغدغ اسماعنا عبر اثير ام درمان
وكانت ايام يا وطني زي الاحلام يا وطني
.
.
القومة ليك يا سلمى والاحترام كله
.
.
Quote: ـ الحر ؟ يا بتى نحناكان مااتشلهتنا فى رمضان
وفتشنا التلج وين واترشرشنا بالموية ما ببقى لينا
دحين خلينى امشى الله يرضى عليك |
من عشق هجير بلادي اربعين عاما لاتستهويه البرودة ام مكيفا قش
.
.
شكري وتقديري الشديد يا سلمى
| |
|
|
|
|
|
|
|
|
|
Re: زيارة الامهات والحموات لاسرهم خارج الوطن (Re: محمد جلال عبدالله)
|
الامهات فى امريكا
ازعم دا لو قدرت قعدت ليهو حاكتب عشرات الصفحات
لكن خلينى احكى ليك قصة واحدة من قصص الامهات فى امريكا
قالت عزة ابنتى تحكى لى عن والدة صديقتها
جاءت لزيارة ابنتها
قالت اول ما اتوهطت
ـ اسمعى يا بت لازم تشترى لى موبايل وانت يا ولد "زوج ابنتها "
تعلمنى السواقة ، عولمة وكدا
| |
|
|
|
|
|
|
| |
عبدالله ود البوش
Tragie Mustafa
مريم بنت الحسين
سلمى الشيخ سلامة
ashraf mukhtar
محمد جلال عبدالله
Al Sunda
فيس بوك
تويتر
انستقرام
يوتيوب
بنتيريست