|
أهلاً بيك ..
|
.
اهلا بيك
شرفت مسارح جوفي حضور
ودخلت مسام عمري اتواريت
لا حزنان الريد جواي
ولا منثور وهم الشوق الفتش ليك
وشيد إلفة حنينة وبيت
رتب رحلتو في الاحلام
ووكتين بدا المشوار يعاين ليك
وأعاين من عروقي اشوف
غروب عينيك
محكر في مساحة الروح
بترسم قلبي في الرملة
اتاريك مابي تمرق بي
تدندن عصبي أوتارك
وساعة الصوت مرق عنية
اتدسيت .. واتوسلت لي القمرة
تبعد من زوايا السور
نسيت جواي صدى الضحكة؟
سواري النور.؟
سما النجمات
وشوق الشتلة لي الدمعات
وريحة الالفة مسكية؟
مستف عمري بيك رويان
لا مقفول درب سفرك
ولا محتاج جواز لمرور
فاهلاً بيك .. شرفت مسارح جوفي حضور
ودخلت مسام عمري اتواريت
|
|
|
|
|
|
|
|
Re: أهلاً بيك .. (Re: عبير خيرى)
|
فاهلاً بيك .. شرفت مسارح جوفي حضور
ودخلت مسام عمري اتواريت
شككككككككككككراً يااااا أيتُها الـــ مُ ع ع ع ع ع جَبَه
أها رجلك كيفنها من الكسر الفيها .. إنشاء الله طبتي وبقيتي تمشي عليها كويس ؟؟
كل سنه وإنتي طيبه يا عبير
| |
|
|
|
|
|
|
|