|
كتب الكاتب الفاتح جبرا المتوفرة بمعرض الدوحة
|
|
 Re: الأعضاء الذين يوصون بعدم تسويد المنبر عند وفاتهم: (Re: Balla Musa)
|
عزيزنا بلة
في تقديري ان التسويد لا يدل علي الحزن والا لما كانت اكفان موتانا بيضاء
التسويد هو تنبيه في المقام الاول بان هناك فقد جلل قد حدث لذا ارى ان يتم
تسويد ايقونات محددة بالمنبر وليس كل المنبر وان يتم ذلك في اليوم التالي
او التالت من الوفاة حتى لا تحدث مفاجأة تلقى الخبر, لان صدمة المفاجأة انما
تزيد الحزن وربما تتسبب في اضرار اخرى نحن في غنى عنها.
تحيتي
| |
 
|
|
|
|
|
|
|
|
Re: الأعضاء الذين يوصون بعدم تسويد المنبر عند وفاتهم: (Re: Tragie Mustafa)
|
عزيزي بلة
انا اوصي بتسويد الصفحة الولى وكل الصفحات لمدة اسبوع عند سماعكم خبر وفاتي لأن تسويد الصفحة من قبل الادارة يعبر عن فقد عضو من اعضاء هذا المنبر وهي عادة حسنة جدا وارجو ان تستمر الادارة في هذا المنوال.. ففقد عضو من اعضاء المنبر ليس بالشئ السهل عندنا فقد عودتموناكأننا هنا اهل وأحبة واذا فقدنا احدكم فقد فقدنا عزيزا لدينا فسودوا الصفحات اذا مات احدكم
والله يديكم العافية وما تشوفو شر
| |
|
|
|
|
|
|
|
|
|
Re: الأعضاء الذين يوصون بعدم تسويد المنبر عند وفاتهم: (Re: Balla Musa)
|
موتوا موتكم كما قيل يا د.بله واتركوا الناس تفعل ما تشاء بعدكم.
يا تراجى
نحاول نجعل موتنا مفيدا..
فوجدنا دى فرصة نغير حاجة فى المكان دا..
مثلا الإنسان الماعندو حاجة يعمل بيها صدقة جارية فليوصى بالتبرع بالصالح من أعضائه عند وفاته..
وللناس العندعهم تحفظات دينية ممكن يوصى بالتبرع بأعضائه فقط لمن ينتمون للدين الذى يحدده..
صدقة جارية زى الترتيب
| |
|
|
|
|
|
|
|
|
Re: الأعضاء الذين يوصون بعدم تسويد المنبر عند وفاتهم: (Re: رانيه محمد الشيخ)
|
Quote:
هو زول لمن يموت ...ونسئل الله سبحانه وتعالى حسن الخاتمه لنا ولكم ولجميع خلقه وعباده... حيكون اخر همه يسودوا الصفحه ولا ما يسودوها
|
رانية يا بتي ده ماهم ما بعد الموت فلذلك الأمر هموم أخرى لا تحتاجي لشرحها،
الله يطول في عميرك ويجعل عمرك كله صحة وعافية أولاً وسعادة ورغد عيش...
(عامله خروفك أبو 250 ده تمقلبيني وأصدقك وأرسل 250 يقولوا لي حليلك يابا)....
ده همنا أحياء لأسباب ذكرها قبلي الكثير في بوستات متعددة متعلقة بعملية التصفح خلال فترة الفراش.
الشغلة كلها في منتهى البساطة فممكن يكون في نافذة مستطيلة بعرض الشاشة مثلاً وبإرتفاع 1 بوصة يكتب عليها إسم العضو/ة المتوفي/ة وبها رابط يشير إلى بوست بيت البكا المعتاد من بكري وبعد ده الداير يمشي يشيل الفاتحه فله الأجر والماداير على كيفو،، وكمان يكون في إمكانية الإغلاق بعد العلم والهدف يكون إعلام الأعضاء برحيل زميل زي نشرة 8 زمان، ما عارف لسه شغالة ولا لغوها....
وبيني وبينك راس القايده في الموضوع ده جدك جني ده....
جنً وداير يجننا معاه....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: الأعضاء الذين يوصون بعدم تسويد المنبر عند وفاتهم: (Re: عبدالله الشقليني)
|
اوصى بتشغيل سكلى شديد عند فتح المنبر
ولون كحلى .. عشان الايقونات تظهر ..
وحزن اهم حاجه اوصى بالحزن من القلب والدموع ..
كما اوصى د.بلة بالدردقة العلنية ووضع حفنة تراب على راسه ..
وبس لو نفذتوا لى رغباتى دى .. ممكن تغطونى وتصوطووو !!
ــــــــــــــ
شقلينى امرق من بوست الموت دا قوااام انت ما ناقص
خلى حوار كمان !!
وامشى افتح بوست منصور خالد عايزنك هناك ضرورى ...
| |
|
|
|
|
|
|
|
|
|
Re: الأعضاء الذين يوصون بعدم تسويد المنبر عند وفاتهم: (Re: عمر الفاروق)
|
عمر الضلالى
حالتى معتمده عليك فى موضوع البيت دا وكدا ..
انتو بعد ما اموت برضو ح تعملوا كدا ...؟؟
بررررررررا وبعيد ..
غايتو للضمان كدا ح نوفر هالتين
واحده تموت والتانية تصوط مع بله ..
المتاكدة منو انها ح تموت قبلى بى سنين ضوئية كتيرة
وبفضل القرين لانكم ماممكن تقعدوا كدا بدون قريين !
ـــــــــــــــــ
ممكن اضيف للوصية يا بلة ؟؟ لازم تكفنونى بى كفن عمر
الفيه شعار الهلال وصورة حووته ... لكن ماتدفنونى فى خلاهم داك
دا ياهو الجن ذاااتو ... انت قايل الكلام دا نكته ! حبوبتنا لاحقة
بتاعة غريبة قالت ليهم والله انا كان متتا ! قبل مايدخلونى القبر دا بججن !!
لووووووب
ـــــــــــــــــ
حنكوشة شهادة عربية دخلوها ام درمان الاهليه
المبنى الرئيسى فاتح بالشرق فى مقابر حمدالنيل وبالغرب فى امبدة !
امها فى التلفون قالت ليها اها كليتكم ويين ؟ قالت ليها هناااااك
قدامها بى جاى ناس ميتين ووراها من هناك ناس ح يموتوا ... يا عبييييط ..
| |
|
|
|
|
|
|
|
|
|
Re: الأعضاء الذين يوصون بعدم تسويد المنبر عند وفاتهم: (Re: دينا خالد)
|
أوصي بالتالي عند وفاتي:
1- عدم تسويد المنبر
2- العفو والمسامحة من الجميع
3- الدعاء والترحم علي
4 - عدم البكاء علي والمقصود (النياحة) التي نهى عنها الإسلام لأن الميت يعذب ببكاء أهله
4- عدم الحداد علي بأي شكل إلا زوجتي (مدة العدة) وقريباتي (3 أيام فقط) كما يأمر الإسلام.
| |
|
|
|
|
|
|
|
|
|
Re: الأعضاء الذين يوصون بعدم تسويد المنبر عند وفاتهم: (Re: محمد جلال عبدالله)
|
غايتو مداخلتك العاملة ليها شخيتين وتلاتة فقرات دي سرها باااتع..
غايتو انا بعدين لما أجي أشيل الفاتحة مع عمي خالد بقول ليهو لوووووب بدل آمييبن.. أما نسوان المنبر ح يشبكوا ليك نسوان العزا بتاعكم الليلة لووووب لووووب لووووووب ..
ده كلللو هييين انا خايف حيمورة الشليقة دي تشوف صورتك معلقة في الصالون تقول ليهم " بس " هي دي ياها قاشرة خالد؟ :-)
تخريمة :
بنجيب ليك علم الهلال وحوووتة بس ما تنسينا من نمرة 2 إن شاء الله الحاتي
| |
|
|
|
|
|
|
| |
Balla Musa
الخير محمد عوض
Tragie Mustafa
سفيان بشير نابرى
سارة عيسى أحمد
Al-Shaygi
jini
Nazik Eltayeb
محمد عبدالرحمن محمد
عبدالله الشقليني
دينا خالد
عمر الفاروق
محمد جلال عبدالله
Zomrawi Alweli
فيس بوك
تويتر
انستقرام
يوتيوب
بنتيريست