ناجي الملك و عماد الشبلي جاكم بلا (مشروع مصور)

Quote: الفاروق كل سنه وانت طيب ومن تحب بالتاكيد كانت الرحله جميله فى حضرة الروائى حبيب نوره مع الاجواء الجميله

Quote: رزقاً تكوسلو ورزقاً يكوسلك ياما إنت كريم يارب. أها حبيب نورا جا بي كرعيه براااهو وقلنا دي فرصه نتعلم فيهو التصوير

Quote: صور روعة ـ واصل بنسجلك في اشبال المريخ ,, ومدرب اللياقة حايكون الشبلي.

Quote: يا زول يا فاروق سلام وتحية شد واركب ولا يهمك اي حاجة كلما صورت كتير كلما تعلمت بسرعة و ما ترجف وانت بتصور لان الصورة بترجف معاك وتطلع مهزوزة وستعدين لاي مساعدة الله معاك

ونصيحتك جميله عن (الهززان) لكن ود عماري دا الحل معاهو كيف؟؟
ما قصرت تب يا حبوب وكان في أي شئ عايز تقولوا لينا نحن حاضرين و عايزين نتعلم من ذوي الخبره.

شايف ناجي الملك عامل رايح..شكلي كده هددت قواعدو و جهجهت باكاتو
غايتو بديهو يومين تلاته لو ما جا بجيب ليك أنا صورتو صوره وهو طالع فوق شدره عشان يلقط أقصد يلتقط صوره


تسلم يا صاحبي

Quote: دي صورة تبدا بيها ,, ؟

Quote: من حيث اللمسات الجمالية كان تبدا بي فرس مونيكا ,,

في دي معاك حق تب..
والكاميرا زاااااته قالت لي: إنت ما بتصور غير الرجال ؟ حوصت بينا يا عمك

Quote: اما تبدا لينا بي حبيب نوره ده معناتو زي الزول الـ بجيب ليك الشاي قبل الاكل. صور روعة ـ واصل بنسجلك في اشبال المريخ ,, ومدرب اللياقة حايكون الشبلي.

الحمد لله الما قلت إشبال الهلال لأنو اخوك أحمر الهوي ..
ود الشبلي بجيب (كثافتي) يالفاضلابي بالجري خصوصاً بركز علي الأبعاد والبؤر والظلال..

كل سنه وإنت طيب يا عزيز والتحيه ليك ولي كل اهلنا الفاضلاب


كامل مودتي

Quote: ابوحوة ... كل سنة وانت طيب يا صديق .. والله صوركـ دى أخير منك ذو اليد ...

________________
كل سنه وإنت طيب يا صاحبي

Quote: يا خينا شغلتك دي ما بتغطي معانا لانو من حيث اللمسة الجمالية ما عندك عوجة بس الصورة الاولي ديك الزول الفيها دا ما فوتوجينك.