|
Re: اوراق الخريف (Re: فيصل محمد خليل)
|
شوف يا الفاضلابي الحلنقي بيخاطب عصفير الخريف كيف
هجرة عصافير الخريف في موسم الشوق الحلو هيج رحيله مع الغروب احساس غلبني اتحملوا . . . . ذي مابتخافي من الرياح بنخاف كمان نحن الضياع
فهل ضعنا يا صديقي عبد العزيز.....
| |
|
|
|
|
|
|
Re: اوراق الخريف (Re: فيصل محمد خليل)
|
صديقي فيصل اللذيذ عيد سعيد وكل عام وانتم بخير . . الخريف عندنا تستمتع به كل المخلوقات وتنتظروا جاهزة القعوي ... غاغ غوغ غاغ غوغ البعوض الجراد الصرف ام اربعة واربعين واجي الخريف واللواري تقيف ويبقى انسان السودان وحده الذي يتفأجأ فجأة كدا بالخريف الغرق انهيار بيوت الطين والطيارة ام ضنب تحلق فوق الغبش غرقانين يتفرجوا وارجو واجيبو ليهن تلتمائة واربعة بطانية وسبعة وخمسين كرتون شعيرية وذلك بعد ان يشبع فكينا والفضلة تجينا انفكوكن من عمارة ابوالعلاء الله لا كسبن ولا اغز فيهن بركة . . المطرة جاتكن شعفوفة نزل المطر وبرد الجو بدر كتب وامل ما كتبت بدر كتب الله الوطن العمل النصر وامل ما كتبت ائ حاجة قلما ختفوا الدودو
| |
|
|
|
|
|
|
Re: اوراق الخريف (Re: عبدالله ود البوش)
|
يا معاوية يا مدير ساقيتنا لسع مدورة
تحت الهجير.... تحت الظلام... تحت المطر . . . .مدى الخيال غنت مدن رقصت مدن نامت مدن عاشت ليالي مخدرة . . . واحمد وراء التيران يحب اسيان يفكر منغلب مابين بكا الساقية الهناك وما بين طفولة بتنتحب في الماشين المدارس في المصاريف في الكتب في اللضاق بيه المكان هسع سافر واغترب
| |
|
|
|
|
|
|
Re: اوراق الخريف (Re: فيصل محمد خليل)
|
الأخ فيصل محمد خليل السلام و التحية
يا سلام علي الخريف و ألوانه الزاهية ولله في خلق الطبيعة شؤون.
تضاريس لوحة من صنع البديع تأملها قادم جديد من السودان قبل سنوات من الطائرة... وسألني إنتو الخواجات ديل فايقين كده و بيلونوا أشجارهم بطيارات الرش
شكراً لمشاركتنا الخريف الباهي.
| |
|
|
|
|
|
|
Re: اوراق الخريف (Re: فردوس جامع)
|
تعرفي يا فردوس الخريف دا ليهو فهمين فهم بلاد اهل الصقيع حيث يرون فيه فصل الاستكانة والكآبة في حين اهلنا في الجز الاخر من الدنيا يرون فيه الفال الحسن و زيارتك اسعدتنا
| |
|
|
|
|
|
|
|