|
يا ناس سودانيز البشير قصدكم بالكلام ده ^___^
|
السلام عليكم ورحمة الله وبركاته وكل عام وأنتم بخير وأعاده الله علينا وعليكم بالخير واليمن والبركات
البشير في خطابه اليوم في الكرمك عقب صلاة العيد قال:
لمن قلنا حنصلي العيد في الكرمك في ناس قالوا لا الطابور الخامس ضحكوا الليلة الضحك شرطهم هم ^__________^ بكون قاصد ناس سودانيز القالوا أمبارح البشير ما حيصلي في الكرمك
دي والله قوية دي رئيس يقول الضحك شرطهم ^___*
---------- وبرضو ضرب المثل بالمي حار ولا لعب قعونج قال مويتنا حارة والقعوي داير يلعب فيها وهرب منها -----------
الغريبة قال مالك عقار وينو الليلة بنجيبوا حي إن شاء الله وأول حاجة نوديهو الدمازين ناس الدمازين ياخدوا حقهم منو ياربي البشير يكون قاصد شنو بالكلام ده ^____^ ------------
يقول آخر زيارة لي للدمازين قلت لمالك عقار الردمية وصلت وين قال لي وصلت الكرمك .. قلت ليهو الحمد لله لو فرفرتو بنجيكم هناك ^__^
---------
البشير ده راجل تحفة والله ^________^ والله لمن قال الضحك شرطهم أنا ضحكت لمن قرب الضحك يشرطني
|
|
|
|
|
|
|
|
Re: يا ناس سودانيز البشير قصدكم بالكلام ده ^___^ (Re: محمد جلال عبدالله)
|
محمد جلال....كل سنه انت والسودان بالف عافية
تحفة ساكت البشير ده؟؟ ياخى ده يوم داك فى كسلا فى افتتاح طريق السودان ارتريا حاول يقول ليه بيت شعر من قصيدة حميد بلع ريقه عشرة مرات وما عرف يقولوا صاح.. لما ما قدر يقولو بعد خمسة محاولات اتوكل والجماعة دقوا ليه رقص وفات.. غايتو رئيسنا تحفة بشكل،،،
| |
|
|
|
|
|
|
Re: يا ناس سودانيز البشير قصدكم بالكلام ده ^___^ (Re: محمد جلال عبدالله)
|
تحية....
من عجائب التاريخ استيلاد حكام يتعاملون مع شعوبهم وفق عوامل التحدي والاستجابة لنوازع نفسية محضة تنتج عنها اقوال وافعال معبرة عن دواخل خائرة او خائفةاو عن مناطق عتمة او قهر او حرمان لا يمكن التعبير عنه سوي بافعال واقوال مصادمة للواقع و معاديةله و للسلوك السوي او الوقار المفترض و الحكمة الراكزة والتعقل المنشود..
| |
|
|
|
|
|
|
Re: يا ناس سودانيز البشير قصدكم بالكلام ده ^___^ (Re: Deng)
|
Quote: تحية....
من عجائب التاريخ استيلاد حكام يتعاملون مع شعوبهم وفق عوامل التحدي والاستجابة لنوازع نفسية محضة تنتج عنها اقوال وافعال معبرة عن دواخل خائرة او خائفةاو عن مناطق عتمة او قهر او حرمان لا يمكن التعبير عنه سوي بافعال واقوال مصادمة للواقع و معاديةله و للسلوك السوي او الوقار المفترض و الحكمة الراكزة والتعقل المنشود..
|
والله شخصتو جنس تشخيص! باقي الروشتة جني
| |
|
|
|
|
|
|
|