|
|
|
 Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
السنة الخامسة كانت سنة
النجاح في تعدي العتبات الصعبة و الكبيرة .
قاسم أصبح من حملة درجات الماجستير في أدارة الأعمال
وبرضو أجتاز اختبار الجنسية الأمريكية . وبرضو نجح في كورسات التدريب
علي فنون التجارة في مدرسة مانهاتن .
وبرضو نجح في عقد بعض الصفقات بين شركات هندية وأمريكية .
..
( قاسم في سنتو الخامسة في أمريكا كان عمرو 30 سنة )
| |
  
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
تحية...
يطيب لنا دوما الوقوف علي قصص النجاح ...النجاح القائم علي العمل المؤسس من علم وتخطيط واستقراء للواقع وذكاء وتحسب لكافة الاحتمالات بغية تلافي المخاطر بدراستها بعمق وتدبر بغية تجاوزها بقدر الامكان او وضعها في الحسبان تامينا للخطة...(خطة المشروع)
قراءة الواقع تبدو من الاهمية بمكان في نظام راسمالي لا يرحم الحالمين او المتعجلين او المغامرين ..
كانك بالعنوان الذي تشير تريد ان تقودنا الي واقع درامي غير الذي يتحقق فيه النجاح بالفعل المدروس..
اكرر الي اهمية التاهيل والتخصص عند معالجة اي مشروع والحصافة في ترتيب الخطوات للخروج باقل الخسائر ان وجدت...
نرفع القبعات للنجاح
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: محمد الكامل عبد الحليم)
|
عزيزنا محمد الكامل
سلامات
وعيدك مبارك .
والله يا أخ محمد زولك قاسم وأصحابو التجار السودانيين المهاجرين
كلهم ناس أذكياء . بس تلافي المخاطر كان صعب .
الحصل يا ود الكامل في سنة 2005 كان بداية لمذبحة عموم ال SALESPEOPLE والتجار
من اليمن لي الشام .
الحصل كان عجيب . الحصل يا أخ محمد ما فرز بين التاجر ال PROFESSIONAL والساكت
..
يا محمد أنقر الحصل لصاحبك قاسم شنو ؟
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
في جلسة من جلسات الدبرسة
بعد العاصفة التي أكتسحت ال STOCK MARKET والشجر الكبار بي صمغو .
تحدث الينا عزيزنا الأسد الجريح قاسم عن الأزمة الوحش .
من أي الجهات هبت ؟؟؟
وأين كان مرقدها ؟؟؟
وكيف حدثت ؟؟؟ .
في جلسة الدبرسة تلك تحدث قاسم .
عن فشل نظريات السيد ROBERT LICHELLO . وعن طرشقة
الأحلام وعن لفة الكلاكلة .
وعن التفكير للعودة للحافلتين الكوستر .
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: خالد المحرب)
|
عزيزنا خالد المحرب
سلامات
وعيدك مبارك يا مك .
يا خالد أخوي يا ريت لو جات من القراب .
المساكين حلال عليهم تب .
الجات دي جات كيف ؟
الجات حيرت كل مدارس الرصد
..
الخوف الحصل يا خالد . اكتر من خوف عمنا أبوقطاطي
ساعة قال :
سوات العاصفة بي .. . ساق الشتيل الني
وفعل السيل وكت .. يتحدر يكسح ما يفضل شي
..
يا خالد هبوب الأزمة
شالت ساق الشتيل الني علي حطب المهوقني الكبار كلو علي الخور .
يا خالد عليك الله منو اليصدق شيوخ ليمان برازار يمشو الخور ؟؟؟
مسكين قاسم
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
| Quote: قاسم في عز ديك الدبرسة |
أخى عثمان كل عام وانت والأسرة بخير
الموضوع ذو شجون
العبرة يا عثمان اخوى انو قاسم يقوم يلملم اطرافو ويرجع تانى شوية شوية
وصدقنى حا يصل
أخوك عندو تجارب زى دى تشيب الراس وبقى جلدنا تخين
لكن صدقنى طالما جينا البلد دى بى حق التذكرة تب ما بنندم
ولا بعرف الفشل دربنا نقع ونقوم نقع ونقوم
وزى ماقالوا أهلك
Better to die trying than to give up
وياعثمان انا منتظرك فى نيويورك والمحل جاهز
أهه رايك شنو بتخاف وله تتوكل وتجى تتبلبل معانا ؟
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: حسن حماد محمد)
|
عزيزنا حسن حماد
زعيم شارع الاتلانتك .
لو مشت عديل يا ود حماد أنت
مفروض تكون زي جاك بوب في زمانو .
بس معليش وده حال الدنيا .
شايفك بتتكلم تاني عن الأحلام ولملمة الاطراف . ههههههههها
كبرنا علي اللملمة وفترنا من OPEN 24 HOURS .
ولو ما فترنا الشارع زاتو فتر .
يا حسن ياخ حال الناس أصبح يحنن .
سامع عمك جوردن براون رئيس وزراء بريطانيا يرطن ليه يومين عن الأزمة .
قال : المشاكل دي بدأت في أمريكا .
وقال : القصة تتطلب مراجعة شاملة للنظام المالي في العالم كلو .
..
ارجع ليك في التلفون لموضوع المحل .
تحياتي
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: الطيب شيقوق)
|
عزيزنا الطيب شيقوق
سلامات
وعيدك مبارك
يا الطيب أخوي
صاحبك فاروق شاب من باكستان .
صاحب ناطحة سحاب ناصية علي شارع البرودوي العجيب .
مالك الناطحة الناصية تحول يا الطيب الي مجنون في نفس الناصية .
وعاين يا الطيب .
خلاف ناطحة شارع البرودوي الناصية . فاروق برضو كان من أنشط
تجار ال IMPORT و ال EXPORT في المصنوعات الجلدية .
وكانت عندو أفكار جميلة بس يا الطيب الهبوب اتلهمتو .
تحياتي
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: الطيب شيقوق)
|
Quote: السنة الخامسة كانت سنة
النجاح في تعدي العتبات الصعبة و الكبيرة .
قاسم أصبح من حملة درجات الماجستير في أدارة الأعمال
وبرضو أجتاز اختبار الجنسية الأمريكية . وبرضو نجح في كورسات التدريب
علي فنون التجارة في مدرسة مانهاتن .
وبرضو نجح في عقد بعض الصفقات بين شركات هندية وأمريكية .
..
( قاسم في سنتو الخامسة في أمريكا كان عمرو 30 سنة ) |
أخانا عثمان عيدك مبارك سعيد... عليك الله أرجع لينا للمداخلة المقتبسة أعلاه وورينا بعداك الحصل شنو بالتفصيل قبل ما نصل لبيع الحافلتين!
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: الطيب شيقوق)
|
عزيزنا الطيب شيقوق
سلامات
وبرضو يا الطيب أهلنا بقولو ( العرجة لمراحها )
في المثل ده هم قاصدين . العودة للوطن مهما طالت الغربة .
وبرضو قاصدين بالمثل . بلدك لو تصلحت مافي أحسن منها .
يعني في الغربة قدر ما تنفخ روحك برضو في يوم حتنفس وترجع لتلك
الرواكيب الجميلة والهمبريب الحقيقي .
عشان كدي يا الطيب أخوي . صاحبك قاسم بعد ما الهبوب لفحت منو مبلغ
ال 2 مليون دولار . قال كلمتو المشهورة . ( دكان في الكلاكلة ولا الامبير استيت )
يا الطيب أخوي صاحبك قاسم . تكربج بكرباج سيل الأزمة كربجة السنين
وهو صابر . وحامد . وشاكر .
وعندو أمل . تاني وتاني في بصل ود العباس وطماطم سنار .
تحياتي
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: محمد الكامل عبد الحليم)
|
العزيز محمد الكامل
السلامات جملة .
حدثنا يا أخ محمد عن العلاج .
والله يا محمد السفر حال دون اكمال الحديث
الممتع والجميل مع عمنا عوض عبدالمجيد . ( ربنا يديه العافيه وطول العمر )
عمك عوض عبدالمجيد هو أول مدير سوداني لبنك باركليز
بعدها وزير مالية في عهد النميري .
السيد / عوض عبدالمجيد من العلماء الكبار في دنيا الأقتصاد والمال
وتفاصيل الصناعة و الانتاج .
الرجل حقيقة مدهش .
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
عزيزنا عماد حسين
سلامات
وعيدك مبارك
أكيد أكيد عزيزنا قاسم ربنا بيعوضوا .
الزول تعب كتير وجاهد كتير يا عماد في درب النجاح .
كل يوم من الساعة خمسة صباح في عز الجليد
وفي عز المطر زولك يصارع عشان المحل يقيف طولو .
ناس قاسم وفاروق ديل مثال يا عماد .
هبوب الأزمة المالية يا عماد أخوي عصفت بي
حوالي 2 ألف من رجال الأعمال السودانيين في
الولايات المتحدة الأمريكية .
..
وتعال شوف الحصل
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
الخبر السمح عودة الباكستاني فاروق
للحياة . فاروق تعالج علي حساب شركة من الشركات الخيرية .
بعد ما جلدو البرد والحر ستة سنوات .
فاروق رحل من ناصيتو الي فندق أبو نجمتين .
مع تكاليف العلاج والتمارين الرياضية ومصاريف للمواصلات والمسرح .
فاروق شغال بنص دوأم في شركة كرتون .
والرجل جاد في العودة الي عسل التجارة وهمبريب شارع البرودوي الجميل .
قابلت عزيزنا فاروق الشهر الفات . وهو في تمام العافية .
فاروق مازال يردد ( والله والله الحياة حلوة )
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
علي مصلح اليريمي
يمني من أعيان مدينة ديترويت . 31 سنة
في تجارة الشاحنات والريل أستيت و ال REMODELING .
علي مصلح الرجل الخبير و البصير و الصعب في صراع حلبات الاوكشنات .
منو اليصدق طيحانو ؟
منو اليصدق علي مصلح طاح ؟
علي ودعمك مصلح كان ركيزة من ركايز ديترويت العربية وديترويت الأمريكية .
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
عزيزنا د / المشرف
السلامات جملة
وعيدك والأسرة الكريمة مبارك .
ياخ والله مشتاقين لجلسات الفول المدنكل قدام الفسحة .
حتظل بيوت ناس عمك حسن هارون و جدك الشكيري تدي الخرطوم ثلاثة طعم
فوق الطعم الحلو العارفو يا دكتور .
وحتظل عزيزتنا أنعام تعلم الأطفال رسم هطول مطر الخير القادم أنشاءالله
..
يا ود المشرف مكتبة BORDERS الفي شارع ال 14 تشمعت .
تصدق ؟؟؟
أي زول يجيبو الشارع يصرخ HOW ؟
ده بكان شراب القهوة ومعرفة أخبار الدنيا يا ود المشرف .
وشركة الاستيشنري الضخمة عريضة المنكبين الجمب BORDERS ديك تشمعت .
يا ود المشرف مصاريف الاهل في تمبول والزيداب وجوبا والقضارف توقفت .
وصاحبك فاروق الباكستاني يحن لتلك الأيامات الكلينتونية السمحة .
..
تحياتي
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
مردوح التركي اليهودي
في ونستو عن ال business وال plan في المستقبل
ما حسيتبو متحمس زي أول .
ياخ في أيام كلينتون . أحلام اليهود كانت طامحة زي الاتبراوي في شهر 8 .
مردوح بعد ما مشيتلو لقيتو ساعة يطنطن عن بوران الحلاوة .
معقول يا عثمان حلاوة نوتبال كوكولين تبور ؟؟؟
يا عثمان دي حلاوة محشية بكريمة البندق والرز المقلي والسكر .
كيف تبور ؟؟
يا عثمان ال COOKIES الانجليزي الليلة توزيعو صفر .
منو البصدق ؟؟
شوف !
شوف ال Mackintosh.s
الماكنتوش الحلاوة الكواليتي الجد . بارت .
..
اليهودي حلف . قال : بعد الأزمة دي أصبح أباطو والنجم .
وبعدين صحة مردوح النفسية ما عجبتني تب .
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
الحمروشاوي
لبناني عندو جنسية من GUATEMALA
وعندو الجنسية الأمريكية . الحمروشاوي دأعك في ال business بتاع
المنظفات ليه 21 سنة .
كان صاحب مملكة ضخمة في بيع المنظفات في عموم الولايات .
أشغال الحمروشاوي تراجعت
مع التراجع الكبير .
في شهر مايو 2009 الحمروشاوي المسكين مات بالهارت أتاك .
..
تعرفت علي الحمروشاوي عليه الرحمة في زوأج خالد نويفع سنة 1998 في بروكلن
كان ليلتها قايد دبكة شباب البرودوي .
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
يا عثمان مئات المليارات الضخاها أوباما في الاقتصاد الامريكي ما عملت Recovery حتى الآن؟؟
عرفنا أن أسعار العقارات انهارت، ولكن لم نكن نتوقع أن فقد الوظائف كان بالحدة نفسها لدرجة أن يحجم المستهلك عن الانفاق فتضطر تجارة التجزئة والأعمال الصغرى للإفلاس والإغلاق.
وسمعنا أن أكثر من 100 بنك أعلن أفللاسه... ما تأثير ذلك على الأعمال المتوسطة والصغرى؟
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: محمد الأمين موسى)
|
عزيزنا محمد الأمين موسي
سلامات
وعيدك مبارك
لا لا والله يا محمد الترليونات بتاعتو ما عملت
أي RECOVERY .
ولو كشح قدرها عشرين . برضو ما حتعمل التدعك .
ده يا محمد أخوي أقتصاد ضخم ضخم ضخم .
والانهيار كان بحجمو يازول .
عاين يا محمد .
شوف الحمروشاوي الزول الرياضي القوي زول الدبكة والبهجة مات بالهارت أتاك .
مردوح حالتو النفسية ما بتعجب .
فاروق تحت العلاج يهضرب بالعودة المستحيلة .
..
تحياتي
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
يا عثمان إنتو غلطانين! كان عندكم الود كلينتون زول مبسوط في البيت ومبسوط في المكتب لذلك اشتغل ليكم الاقتصاد بمزاج وترك الرئاسة وفائض الميزانية يفوق الـ400 مليار دولار وقال ليكم أمسكوا قوي في آل قور الزول المفكر صاحب فكرة الـInformation Super Highway، سمعتوا كلامو وجبتو بشبوش المربوش الغطس حجركم وحجرنا...
| |
|
|
|
|
|
|
|
|
|
Re: دكان في الكلاكلة بي اللفة أحسن من أي دكان في أمريكا (Re: Osman Musa)
|
الأخ عثمان موسى السلام والتحية
كان في أوتلت قريب مننا و يقصدة الكثيرون من ولايات مختلفة للملايات.
الآن عدد الدكاكين الفاتحة فيه بسيطة جداَ و دكان الملايات أول واحد قفل...
أكثر تفسير منطقي عجبني للأزمة المالية دي سمعته من محلل إقتصادي في abc
قال التاكس كتس الأداها بوش للأغنياء و دخوله في حروب ما عارف حيصرف عليها كيف
أضرت بالإقتصاد...
و الآن أوباما عايز يرجع التاكسس للأغنياء زي ما كانت في عهد كلينتون , لكن الجمهوريين
رافضين
أمس في ال abc
جابو ربورت عن ال expected recovery time لل states
بعض الولايات ما حتستعيد عافيتها الإقتصادية حتى 2017 (نفادا , رود آيلند)
بعض الناس إنتحروا بسبب الأزمة دي الله يثبت قلوب أصحاب البزنسس, فهي حاجة فعلاً تجنن.
| |
|
|
|
|
|
|
| |
Osman Musa
عبدالله ود البوش
محمد الكامل عبد الحليم
حسن حماد محمد
الطيب شيقوق
عماد حسين
محمد الأمين موسى
محمد جلال عبدالله
الحاج حمد الحاج
Hisham Ibrahim
فردوس جامع
فيس بوك
تويتر
انستقرام
يوتيوب
بنتيريست