|
أفيدونا أفادكم الله.هل حقا وافق الوالي على إستيراد غنمايةمن كفر البطيخ
|
نصيحة طبية : *** يقرأ هذا البوست بمصاحبة بوست هارون دياب بتاع ال20 ألف رأس من الأغنام ..
عشان نعرف راسنا من كرعينا ....!!!! لأنو جمهور المريخ شغال جرسة سااااااكت اليومين ديل ..!!!!! المعروف إنو رئيس النادي أول من طالب بمعاقبة الحضري نسبة لتمرده .. ولأنه يرى أن مشجع المريخ البسيط لايستطيع إنزال العقوبة بنفسه على هذا اللعب المتعجرف ..فطالب بإنزال أقصى العقوبات على الحضري.. وقيل والله اعلم ..بأن الرئيس وأركان حربه..هم أول من وافق على قرار مشاركة الحضري.. تذكرت مقولة الراحل حسن أبو العائلة لما كشح جردل الليمون بي عصايتو وقال لي لاعبين المريخ وهم مهزومين : " الشاربين ليها شنو ؟؟ "
أدونا راسنا .... إدارة نادي المريخ تعلم قبل غيرها بأن فتاوي هذه الأيام تدور حول مشاركة الحضري في باقي المباريات من عدمه وأن 93% من جمهور المريخ لايستطيعون قولة " بغم " نسبة لانو جمال الوالي كاسر عينهم بي قروشو .. وأصبحت الأسئلة على شاكلة ...! هل تصح مشاركة الحضري ...؟ هل ماتت هيبة المريخ ..؟؟ وهل لعب مباراة الهلال بدون الحضري تجوز...؟ وهل يمكن أن ينسحب المريخ ...؟
هل حقاً وافق جمال الوالي بعودة الحضري من مصر...؟
تخريمة : لأ وكمان باديها بي صفقة يا هارون دياب؟؟ والله ما باقي ليك إلا النقدا ... :) قلت لي 20 ألف رأس من الغنم ؟؟والماعز ؟؟ ما تراها مقابل العشرين ألف راس مصر رسلت ليكم غنماية واااحدة .. :)
|
|
|
|
|
|