كتب الكاتب الفاتح جبرا المتوفرة بمعرض الدوحة
|
فشل اجتماع لقطاع الشمال بجوبا بسبب خلاف بين مالك عقار و زوجاته
|
Quote: ثار قرار الحكومة بتجميد ممتلكات المتمرد مالك عقار الثابتة والمنقولة أزمة بين عقار وأسرته إثر مطالبة عدد من زوجاته بتسجيل جزء من ممتلكاته بجوبا ونيروبي لهن وأبنائهن. وأفادت مصادر مطلعة لـ(smc) أن عقار وصل جوبا مؤخراً عقب هزيمة قواته في منطقة سالي بالنيل الأزرق وطلب عقد لقاء بمنزل زوجته بجوبا لقيادات قطاع الشمال أبرزهم ياسر عرمان ورمضان حسن بعد تناول العشاء. وقامت زوجة عقار باقتحام اللقاء ودعته لاعطاءها وأبنائها نصيبهم من ممتلكاته بجوبا وحاول اقناعها بأنه سيعطيها جزء من أملاكه بالشمال بعد رفع الحظر عنها من الحكومة في الخرطوم، إلا أنها ثارت وسط الحضور واتهمته بالكذب وتبديد الأموال وأنه لا يملك قراره. وحاول الحضور التدخل واحتواء الموقف إلا أن زوجة عقار طالبته بالطلاق والخروج من منزلها، فاضطر بعدها المغادرة والمبيت بفندق نيوسودان في غرفة ياسر عرمان. وعلى صعيد متصل طالبت زوجة عقار المقيمة بنيروبي بنصيبها من أملاك زوجها خارج السودان بعد أن قامت الحكومة بمصادرة ممتلكاته.
|
|
|
|
|
|
|
|
|
Re: فشل اجتماع لقطاع الشمال بجوبا بسبب خلاف بين مالك عقار و زوجاته (Re: محمد زكريا)
|
Quote: فشل اجتماع لقطاع الشمال بجوبا بسبب خلاف بين مالك عقار و زوجاته |
ميادة ....عيدك مبارك
انت ما كنت حاضرة، لكن قطاعتك تقطعنى الكلام ده شكلوا جابتو ليك دكتورة فلانه اللفاحة القواله، لانو الصاح قالوا زوجة عقار جات بى مفراكتها فى يدها وجنب ناس المجلس قالت دايره حقها وحلف عليها الحلو طلاق تخلى الكلام ده. وقالت ليه طلاقك ما بقع واطه لكن مالك ده ما يبيت معانا.. ومرقت زعلانه ورجعت بى دلكتها وخمرتها و باتت خشمها ملح ملح.. وهو نام ليه فى لواك كبير (اللواك: هى زريبة البقر عند الدينكا) اها قام الصباح مافى زول جاب ليه الفطور وحرد.. ميادة.. يابتى استغفروا وارفعوا فراش الجنوب ده كفاكم، وبعد ده اتعاملوا معاهـ دولة جارة زى تشاد وارتريا واثيوبيا يستضيف من يستضيف ويطرد من يطرد، بمثل ما تتعاملون مع باقى الجيران ولا بتجيبوا خبرهم وورونا عايزين تعملوا لينا نحن الفى الشمال شنو؟
| |
|
|
|
|
|
|
Re: فشل اجتماع لقطاع الشمال بجوبا بسبب خلاف بين مالك عقار و زوجاته (Re: علاء الدين صلاح محمد)
|
سلام يا ميادة عارفة يا ميادة الدكتاتورية كلها ظلم و انحطاط لكن ما أظن العالم شهد دكتاتورية منحطة كانحطاط الانقاذ. ياخي نهبت الانقاذ أموال الشعب و مقدراته و تصرف المليارات على الإعلام و الكذب و التضليل فعلى الأقل تجيب ناس يحترموا عقول القراء و يكذبوا بطريقة أحسن من كدا و أكثر احتراما. يعني زمان عبد الناصر كان يجيب زي ناس هيكل و نميري يجيب ناس الأستاذ حسن ساتي الله يرحمه و علي شمو و عمر الحاج موسى عشان يدافعوا ليه عن نظامه. هسع تجوا تقول لي زوجاته اتشاكلن و بات في الفندق و ما عارف شنو؟ أهلنا زمان بعجبهم الزول البنجض شغله و لو كان في الباطل فكلمي الناس ديل يشوفوا ليهم حاجة احسن من كدا ما تبقى الحكاية حشفا و سوء كيلة.
| |
|
|
|
|
|
|
|