كتب الكاتب الفاتح جبرا المتوفرة بمعرض الدوحة
|
|
 الحج الفاخر
|
مواطن عليم ببواطن الامور يفتينا يا مسلمين
الحج الفاخر ده شنو ؟
و فرقو شنو من حج الله و الرسول المعلوم ؟
وليه سموهو الفاخر ؟
و دربو وين و يصلوهو كيف ؟
|
|
  
|
|
|
|
|
|
|
|
Re: الحج الفاخر (Re: خدر)
|
مولانا خدر
بالنسبة للحج الفاخر والحج العادي والحج الافتراش كلها ليس لها علاقة مباشرة بالمناسك واداء الشعائر , من المعلوم ان الحج في السعودية وفي دول العالم يتم عبر شركات خاصة هي التي توفر اماكن السكن والترحيل في الاماكن المقدسة , ومن هنا جاءت التسمية , اي ان الشركات الخاصة هي التي قامت بتسمية خدماتها بالفاخر والمميزة والـ vip ,,,الخ , والشركة التي تسوق لنفسها بانها تقدم خدمة الحج الفاخر بناء علي ان السكن سيكون في فنادق خمسة نجوم وقريبة من الحرم المدني والمكني والجمرات بالنسبة لمني وان الترحيل في بصات فخمة ,,الخ ولكل شركة اسعارها . والوكالات او شكرات السياحة الخارجية تتعاقد مع مطوفين او شركات حج داخلية وعلي ذلك يتم تسويق الخدمة حسب نوعها والخدمات المقدمة فيها ..الخ
معظم هذه الخدمات تتركز في مني التي تكون الاقامة فيها يوم قبل عرفة واثنان الي ثلاثة ايام بعد عرفة والاقامة في مكة والمدينة المنورة مع العلم ان زيارة المدينة ليست من مناسك الحج ولكن المسلمين يزوروا مدينة رسول الله حبا وكرامة . هذه الاقامة في مني في مخيمات الحجاج يمكنك ان تلمس الفرق بين الحملات فهناك حملات لديها خيام عادية وهناك حملات لديها فنادق خمسة نجوم وحتي الخيام والخدمات المقدمة فيها تختلف من حملة الي اخري من السرير حتي الطعام المقدم والمرافق وعدد الحجاج في الحملة , وهناك من ياتي الحج ويفترش الشارع ولا يكون له حملة او تصريح وقد افتى البعض بان الحج بمخالفة القوانين فيه شبهة حرمة ,والخ
في بعض الأحاديث في فضل الحج أن الله -تعالى- قال في الحجاج: انظروا إلى عبادي أتوني شعثًا غبرًا فالحاج يكون أشعث أغبر وذلك أعظم لأجره، وكذلك النصب قال النبي -صلى الله عليه وسلم- لعائشة إن أجرك على ( قدر نفقتك أو على قدر نصبك) النصب: يعني التعب فكلما كانت المشقة والتعب أكثر كان الأجر أعظم.
| |
|
|
|
|
|
|
|
|
|
Re: الحج الفاخر (Re: اساسي)
|
مافي فرق كبير بين الحج الفاخر
وحج الافتراش زي حقنا السنة دي انشاء الله
فروقات طفيفة وغير مهمة
يعني كلنا بنشوف قطر المشاعر الفاخر يراه من الداخل
ونحن نراه من بعيد
جميعنا نلتحف السماء الفاخر يحجب من رؤية السماء مباشرة بخيمة فاخرة
هنالك بوفيه مفتوح داخل الفاخر
وهكذا امور دنيوية غير مهمة ناس الموية الباردة والقهوة العربية والعضات الجانبية
يعني الفرق تقريبا عشان اوضح ليك 16 الف ريال بس
يمكن ان تطقطق حاج كامل بي 200 ريال اسأل مجرب
| |
|
|
|
|
|
|
|
|
|
Re: الحج الفاخر (Re: حافظ كنجال)
|
| Quote: اي ان الشركات الخاصة هي التي قامت بتسمية خدماتها بالفاخر والمميزة والـ vip ,,,الخ , والشركة التي تسوق لنفسها بانها تقدم خدمة الحج الفاخر بناء علي ان السكن سيكون في فنادق خمسة نجوم وقريبة من الحرم المدني والمكني والجمرات بالنسبة لمني وان الترحيل في بصات فخمة ,,الخ ولكل شركة اسعارها . والوكالات او شكرات السياحة الخارجية تتعاقد مع مطوفين او شركات حج داخلية وعلي ذلك يتم تسويق الخدمة حسب نوعها والخدمات المقدمة فيها ..الخ |
حسب علمي انو كل بلد اسلامي عندو كمية محددة من الحجيج كل عام للمملكة مراعاة للكابيستي بتاعت الحرم و حفاظا علي ارواح الحجاج , دخول الشركات ببدعة الحج الفاخر موش برضو فيها تقليص لفرص ذوي الدخل المحدود في آداء المناسك ؟
ثم و ما موقف اجر المشقة في الحج ؟
| Quote: قالت عائشة رضي الله عنها: يَا رَسُولَ اللَّهِ, نَرَى الْجِهَادَ أَفْضَلَ الْعَمَلِ أَفَلا نُجَاهِدُ؟ قَالَ: "لا, لَكِنَّ أَفْضَلَ الْجِهَادِ حَجٌّ مَبْرُورٌ"[3]. ولأجل هذه المشقة فقد عظَّم الله أجر الحج والعمرة, ووعد عليه أعظم الثواب. |
___
جزاكم الله خيرا
| |
|
|
|
|
|
|
|
|
|
Re: الحج الفاخر (Re: اساسي)
|
خدر كل سنة وانت طيب
والحج بالجواز
ودا ارخص نوع بس بي جوازك بس مافي وثيقة مافي بعثة ..
كان لمينا في دا عايزنو .. الله يكتبا لينا ...
| |
|
|
|
|
|
|
|
|
|
Re: الحج الفاخر (Re: انعام حيمورة)
|
صفاء
انا برضو اول مره اسمع بيهو عشان كده بسأل
انعام سلامات يا ستنا
نرفع اقتراحك لهيئة الحج و العمرة عشان علي الاقل يوقفوا الشركات البتكدس ثروات حتي من اداء مناسك العبادة
و يتيحوا فرصة للاغنياء عشان يلتحموا مع اخوانهم الفقراء في باخرة واحدة و طائرة واحدة و خيمة واحدة و اجر واحد.
| |
|
|
|
|
|
|
|
|
|
Re: الحج الفاخر (Re: خدر)
|
| Quote: نرفع اقتراحك لهيئة الحج و العمرة عشان علي الاقل يوقفوا الشركات البتكدس ثروات حتي من اداء مناسك العبادة |
يا خدر سلامات ..
دا ما اقتراح مني دا نوع من انواع الحج (الحج بالجواز) يعمل به من السنة الماضية ..
| |
|
|
|
|
|
|
|
|
|
Re: الحج الفاخر (Re: اساسي)
|
Quote: I can `t take you seriously
حسب قوقل |
ما بالضرورة تتبني الموضوع بشكل كامل يا اخا الاسلام , يكفي طرح رأيك و لك اجر المناولة
___
جزاك الله خيرا
| |
|
|
|
|
|
|
|
|
|
Re: الحج الفاخر (Re: خدر)
|
سلام يا خدر
طبعاً أخوك حج قبل سنتين ومن تجربتي
ممكن أبسط ليك أنواع الحملات
الحج الفاخر أو الحج المميز هو بناءً
على موقعه من الجمرات، لأنو أصعب حاجة
وفيها تلتلة كتيرة هي رمي الجمرات وبتكون
على تلاتة أيام. علشان كدا ناس الحملات
بحجزوا قطعة أرض بالقرب من الجمرات، وبنصبوا
عليها خيمهم الفاخرة بالقرب من الجمرات،
وكلما كان موقع الحملة بالقرب من الجمرات كانت أغلى، وبوزعوها
على حسب الزوون، زوون أ و زوون ب و زوون
... وإنت طالع زوون ألف دا بكون المعسكر على بعد خطوات
من الجمرات وبفضلوه الناس العجائز، ولكن
غالبية الناس لا تفضله عارف ليه؟ علشان
الريحة العفنة التى تصدر من حلق الشعر
للحجاج بالقرب من رمي الجمرات وتعمل
روائح كريهة، علشان كدا الناس بتفضل
زوون باء أو جيم، ممكن واحد تاني يقول
لي طيب الواحد ممكن يختار مكان بعيد
ويجيء بترحيل الحملة؟! نعم يمكنكم فعل
ذلك ولكن نسبة للزحمة المرورية صعب جداً
تمشي بالبص ويومك كلو ح يضيع.
أحسن حاجة لمخططين للحج من الدول الغربية
يجيء قبل مواعيد الحج بحوالي إسبوع أو
إسبوعين ويسكن في فنادق جدة، وطلب من سائق
أي تاكسي أن يوديه مكاتب الحملات، ويشوف
معسكر الحملة في "منى" في أي زوون وممكن
يحددوه بكم متر من رمي الجمرات وبعديها
تقرر أي حملة تختارها وبالمناسبة ما غالية
والفرق بينهما ضيئل جداً مثلاً أن حجيت تبع
حملة على زوون دال وشالوا من حكاية خمسمائة
دولار فقط طبعاً بتشمل السكن والمأكل والمشرب
والترحيل لجميع مناسك الحج ثم العودة لمدينة
جدة، سبب إختياري للزوون دال لأني ما كنت عارف
إنو في حاجة اسمها حملات والبرلمة وكدا ولقيت
كل الحملات مقفلة وبعد تحانيس لقيت دي بالجد
ما ندمت على الخمسمائة دولار بتاعتي وشايفها
ملح نظير خدمات الحملة.
أرجو ألا أكون بريتكم هاهاها، وآسف على الأخطاء
الإملائية الكتيرة لأني بكتب وأنا مستعجل وكسلت
أراجع كتابتي فعذراً
تحياتي
| |
|
|
|
|
|
|
|
|
 Re: الحج الفاخر (Re: النذير حجازي)
|
مافي أجمل من الحج الفاخر بتاع عمك كنجال داك
يا اخينا تركب بالكرباوي من جدة
لا تفاتيش ولا زحمة
إن وصلت عليك بي تحت الكباري
تفرش وترقد
أها دا الافتراش ذات نفسو
فاخر ما فاخر دي
يعني زي ما قاليك حاج أساسي عليه رضوان الله
ديل ناس الشركات بتاعت الحج والعمرة
يسكنوك ويأكلوك ويشربوك وينقلوك من مكان لي مكان داخل البلد الحرام
ويرجعوك بعد داك من محل ما جابوك
داخل المملكة أو خارجها
ودا طبعاً كنجالاتو بتفرق (فاخرة)
وداك يا دوبك حق التهريب والمعيشة وهي تكلفة لا تذكر
واحد بتاع كروباوي وكباري
| |
|
|
|
|
|
|
| |
خدر
اساسي
حافظ كنجال
Safa Fagiri
انعام حيمورة
النذير حجازي
بله محمد الفاضل
فايزودالقاضي
الطيب عبد الرحيم خلف الله
فيس بوك
تويتر
انستقرام
يوتيوب
بنتيريست