جوزيف لاقو يعترف بتقديم إسرائيل معونات عسكرية للجنوب منذ الستينيات

Quote: ها وبعدين...... انت حسه خائف من شنو؟؟؟ اعترف! خائفهم يرموا سلاح لمنو .....(وجه غامز)...!! غايتو نحن سلاح ما ناقصنا...وربنا يبشش الطوب التحت راسه(........)! الله يبارك الثوار من امثال جوزيف لاقو ود.جون قرنق دي مبيور وربنا يدي قوة القلب لكل الثوار يحجوا لارض الميعاد مناصرة الثوار!

Quote: وبثت القناة العاشرة الإسرائيلية فيلماً وثائقياً تحدث فيه لاقو عن الدعم الإسرائيلي لدولة الجنوب منذ العام 1968م لمنع السودان من مساندة الجيش المصري في حربه مع إسرائيل أبان توليه منصب نائب الرئيس السوداني جعفر نميري بجانب تقوية العتاد العسكري للحركة المتمردة في الجنوب تمهيداً للانفصال

Quote: ازيك يا صلاح اها، كشفتو السر يا دوبكم جوزيف لاقو في لقاء طويل على قناة ايبوني حكى كل القصة دي وبتفاصيلها قبل قريب من السنة وبالمناسبة اسأل لينا نا الايه اس ام سي عن اتصال الصديق عبدالرحمن المهدي باسرائيل برضو والاعترف بيهو الصادق المهدي شخصيا لكن بس ما تكذبوا الكلام دا ماص Quote: وبثت القناة العاشرة الإسرائيلية فيلماً وثائقياً تحدث فيه لاقو عن الدعم الإسرائيلي لدولة الجنوب منذ العام 1968م لمنع السودان من مساندة الجيش المصري في حربه مع إسرائيل أبان توليه منصب نائب الرئيس السوداني جعفر نميري بجانب تقوية العتاد العسكري للحركة المتمردة في الجنوب تمهيداً للانفصال الرجل ليس بخائن، فقد اتصل بالاسرائيليين ايام تمرده، وارسل لهم خطابا يشرح فيه حوجته للمساندة، وذكر هو شخصيا بانه ذكر في خطابه محاولا تقديم اغراء للاسرائيليين ان حربنا مع نميري ستنمع السودان من مساندة مصر وقال ان جولدا مائيير اعجبت برسالة جوزيف لاقو وطريقة تفكيره وطلبت مواصلة الاتصال به. اما ما حدث بعد ذلك فلم يخوض بالتفاصيل ودوننا ارشيف قناة ايبوني

Quote: جهاز موساد قالوا عندهم ناس في اجهزة الحزب الحاكم في الخرطوم... على عثمان حاول اقامة علاقات مع اسرائيل لكنه فشل... الجنوب دولة مستقلة الأن لها كاملة الحرية في ان تفتح كل ملفات ايام النضال اللي قادت الي الحرية والاستقلال... جميع الدول العربية كانت بتضرب اهل الجنوب بالطائرات مساندا حكومات الاستعمارية في الخرطوم...نحن قلنا شنو؟ ما قلنا حاجة لكن عدو عدوك صديقك...اسرائيل عدو العرب اذن صديقا لنا في خندق واحد ضد من استعمرنا وقتل اكثر من 2 مليون نسمة في الجنوب.. حكاية مليشيات الموجودة في الجنوب انكشفت اخيرا بعدما استولت القوات المسلحة الجنوبية على كميات كبيرة من اسلحة جديدة صينية الصنع وبعد شويه بتشوف الصين تعمل فيكم شنو وايضا روسيا جرت الي الجنوب وقدمت عروض ببيع اسلحة الي القوات الجنوبية... الصين وروسيا ما عندهم اصدقاء غير من يشتري منهم سلاح. الثوار الجنوبيون كان لهم حق ان يطلبوا مساعدات من اصدقاء خول العالم علشان كدي انتصرنا وتحصلنا على دولة مستقلة الان... عجبك ولا ما عجبك بل راسك في الطين.. بارك الله جنوب السودان

Quote: الجديد في الخبر انو اعترافو دا جابتو القناة الاسرائيلية العاشرة في فيلم وثائقي... بس

Quote: يعني إذا كأن أبوعاج عمل فيهو كده و خلاهو لاف صينيه

Quote: يا ابن عوف علي عثمان ذهب اربعه مرات لاسرائيل! وقطبي المهدي ذهب ايضا! وصلاح قوش ذهب! وعيييك يا قولة بشاشا.........اها مشوا يزورا الاقصى ولا شنو يا من يكتب باسم صلاح غريبه؟! الفيلم الظريف نه اسؤائيل الرفضتهم ولازالوا يتسولون رضائها! قلت لي جوزيف لاقو ما لاو يا غريبه! يا اخي اختشوا! قلت لي ارض الميعاد جديده علينا ههههههههههه كدي قوقولنا وشوف ارشيفنا وبعدين تعال اتفاصح!

Quote: ههههههههه دا ياهو جديدك بعدين جوزيف لاقو ما بطل كيفن، زول يناضل لمن يقلع ليهو بلد مساحتها 700 الف كيلو

Quote: قراءة الكتب في عرف الجماعه ديل حرام الراجل كتب الكلام ده في سيرته الذاتية قبل 6 سنوات وترجم الكتاب الي العربي وموجود في مكتبات الخرطوم كانهم اكتشفوا الذرة واكده في لقاءات كثيرة منها مع جريدة هارتيس في يناير الماضي، واتفضلوا اقروا عن اتفاق نميري مع شارون حول الجنوب في عام 1983 عندما كان زعيمكم السابق نائب عام (مسشار للامام)