|
|
|
 Re: فرقة رأى الموسيقية فى ثوب عقد الجلاد (Re: مصطفى توفيق)
|
صبـــاحك زين يا ود الزين
تعرف مما شفت الشغل دا امبارح وفي بالي اجي اكتب عن الموضوع
فعلاً عقد الجلاد أصل ليس له صور
وأخطأ النو كثيراً حينما حاول اثبات العكس
ازعجتني جدا ودود الابتسامة بأصوات فرقة راي
وزي ما ذكر الفاضل/ مصطفى توفيق .. كل واحد فيهم تحس انو بقلد زول من عقد الجلاد
....
عفواً عثمان النو .. فبدون عقد الجلاد لا نكهة لك (رأي شخصي)..
| |
  
|
|
|
|
|
|
|
 Re: فرقة رأى الموسيقية فى ثوب عقد الجلاد (Re: نادر النور آدم)
|
Quote: صبـــاحك زين يا ود الزين
تعرف مما شفت الشغل دا امبارح وفي بالي اجي اكتب عن الموضوع
فعلاً عقد الجلاد أصل ليس له صور
وأخطأ النو كثيراً حينما حاول اثبات العكس
ازعجتني جدا ودود الابتسامة بأصوات فرقة راي
وزي ما ذكر الفاضل/ مصطفى توفيق .. كل واحد فيهم تحس انو بقلد زول من عقد الجلاد
....
عفواً عثمان النو .. فبدون عقد الجلاد لا نكهة لك (رأي شخصي).. |
منطق غريب ...
حتى عقد الجلاد يتغيّر فيها المغنين بين الفينة والأخرى ...
يعني باختصار يمكنك أن تبني على أن هذه الفرقة مثلاً هي عقد الجلاد ولكن تمّ تغيير الفنانين !!!
ــــــــ
المافي شنو ؟
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: أمجد الزين)
|
لماذا يجب ان تكون هناك عقد الجلاد واحده ؟
الاصل فى عقد الجلاد هو عثمان النو
والاصل فى راى عثمان النو
ومن حق الرجل ان يختار طريقه والحكم ليس الان....
فى اعتقادى ان المستقبل لفرقه راى ان ابتعدت من سلبيات عقد الجلاد
التنافس يثرى الساحه
والمستمع هو المستفيد من هذا السجال الذى اخذ المنحى الموسيقى بعد ان كان فى اروقه المحاكم وشمارات المدينه
الفنانيين الجدد فى عقد الجلاد ونظرائهم فى راى يستحقون التشجيع
وليس الطحن بين سندان النو ومطرقه الجلاداب
بالتوفيق استاذى عثمان النو
وبالتوفيق للبقيه فى عقد الجلاد
اباذر عبدالباقى
عضو سابق بعقد الجلاد
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: abazar hamid)
|
Quote:
لماذا يجب ان تكون هناك عقد الجلاد واحده ؟
الاصل فى عقد الجلاد هو عثمان النو
والاصل فى راى عثمان النو
ومن حق الرجل ان يختار طريقه والحكم ليس الان....
فى اعتقادى ان المستقبل لفرقه راى ان ابتعدت من سلبيات عقد الجلاد
التنافس يثرى الساحه
والمستمع هو المستفيد من هذا السجال الذى اخذ المنحى الموسيقى بعد ان كان فى اروقه المحاكم وشمارات المدينه
الفنانيين الجدد فى عقد الجلاد ونظرائهم فى راى يستحقون التشجيع
وليس الطحن بين سندان النو ومطرقه الجلاداب
بالتوفيق استاذى عثمان النو
وبالتوفيق للبقيه فى عقد الجلاد
|
دا الكلام الصاح يا صاحبي و ياخي مشتاقين كيفك و العيال و الغربه ؟
سلام يا امجد
و في اعتقادي لا تشابه بين عقد الجلاد و رآي
و اسمح لي اختلف معاك ومع بعض الأخوة هنا
و ح ارجع لتوضيح فهمي.
دم بخير
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: سفيان بشير نابرى)
|
سفيان يا حبيب
| Quote: و في اعتقادي لا تشابه بين عقد الجلاد و رآي |
والله يا سفيان الا التشابه دة غيروهو
ياخ انت لو عاينت لفرقة راى وهى بتغنى ومن غير ما تسمع الاغنية بجى فى بالك عقد الجلاد
يعنى فى اللبس وطريقة الغناء حتى الاغانى البتغنيها الناس عرفتها من خلال العقد
لكن برضو منتظرنك توضح لينا الاختلاف فى شنو
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: abazar hamid)
|
مرحبتين حبابك ابا ذر عبدالباقى
ورايك ليهو وزنو باعتبارك عضو سابق من العقد
ولكن دعنى اختلف معك
| Quote: لماذا يجب ان تكون هناك عقد الجلاد واحده ؟ |
مادام فى الساحة محمد الامين واحد ووردى واحد ومحمود واحد
طبيعى تكون هناك عقد الجلاد واحده
| Quote: الاصل فى عقد الجلاد هو عثمان النو |
مع احترامى للرائع عثمان النو لكن تظل العقد هى الاصل والنو عضو سابق من اعضاء الفرقة
تحياتى ونتمنى نشوفك تانى
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: أمجد الزين)
|
Quote:
مادام فى الساحة محمد الامين واحد ووردى واحد ومحمود واحد
طبيعى تكون هناك عقد الجلاد واحده |
المقارنه ما فى محلها بين محمد الامين ووردى ومحمود
لانو عقد الجلاد كمشروع غنا جماعى ليست اول فرقه ولا اخر فرقه
فالطبيعى انو تكون هناك فرق اخرى
| Quote: العقد هى الاصل والنو عضو سابق من اعضاء الفرقة |
الاصل فى عقد الجلاد عثمان لانو الاصل فى الابداع فردى ولا توجد افكار جماعيه
لكن تنفيذ الافكار ممكن يتم بشكل جماعى
لذا عثمان هو الاصل فى عقد الجلاد لانه هو المؤسس
وعثمان ما زينا نحنا الانتمينا لى كيان موجود اصلا ساهمنا مساهمه متواضعه فى مسيرته الضخمه مع الاخرين
لذا عثمان من اوجد عقد الجلاد وليس العكس
وهذا ليس تقليلا من مساهمات الاخرين بما فيهم انا ذاتى
لكن العين ما بتعلا على الحاجب
الاجدى مسانده عثمان وفرقه راى بدلا من تكسير المجاديف
لانو زى ما كون عقد الجلاد ونجحت من حقو يواصل مسيرتو مع تجربه جديده
وليس من حق اى زول يفرض تقاعد مبكر لاستاذ عثمان
هذا بالرغم من انى كنت من اشد المعارضين لسياسه عثمان فى ادارة الفرقه
لكنى سعيد جدا بفرقه راى واتمنى له وللشباب المعاهو كل التوفيق
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: abazar hamid)
|
Quote: لانو عقد الجلاد كمشروع غنا جماعى ليست اول فرقه ولا اخر فرقه
فالطبيعى انو تكون هناك فرق اخرى |
نحنا ما عندنا اعتراض فى انو تكون فى فرق اخرى
لكن عقد الجلاد تعتبر الفرقة الاولى فى السودان
نظرا لاقدميتها واداءها المميز واستمراريتها وبقية اسباب
واتعاقبو على الفرقة الكثير من المبدعين ورحلوا عنها
لكن بقيت العقد تطرب معجبيها
ولما الناس تقول عقد الجلاد بجى فى بالهم منال وشريف وانور والنو وبقية العقد
يعنى ما بقتصر الكلام على عثمان النو فقط وذلك لاعتباره عضو من اعضاء الفرقة وليس مالكا لها
فعلا النو اسهم مساهمة فاعلة فى عقد الجلاد لكن برضو كان يميز فرقتو باسلوب يختلف عن اسلوب العقد عشان المستمع ما يحس بالتقليد
| Quote: لكن العين ما بتعلا على الحاجب |
تعرف انا فى فترة من الفترات كنت لمن اسمع مصطفى حمزة بجى فى بالى طوالى محمود عبدالعزيز
هسع نفس الاحساس دة بحسو وانا بسمع لرأى
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: Elmosley)
|
عثمان النو زول مبدع
عثمان النو صنع عقد الجلاد
وهو قادر على صناعة فرقة أخرى
التنافس سيصب في مصلحة المستمع
طارق جويلي حاول يدمر عثمان النو عن طريق اغتيال الشخصية
عثمان النو طلع ليه من القمقم
لا خلاف انه عقد الجلاد فرقة ذات صيت
ولكن لا خلاف أيضا أن عثمان النو زول عنده حس موسيقي عالي جدا وقادر على الإبداع
اذا حذفنا جويلي من العقد الجلاد ما حا يحصل أي شئ
لكن عندما غادر النو حسينا بالفرق
| |
|
|
|
|
|
|
|
|
|
Re: فرقة رأى الموسيقية فى ثوب عقد الجلاد (Re: Elmosley)
|
وجه الشبه كبير جداً،،، ويتمثل فيه هو قائد الفرقتين، عثمان النو، ريحته وأسلوبه واضح في الفرقتين،، ,اغلب الالحان من انتاجه..
الاختلاف،، رأي فرقة وليدة والتنفيذ ما زال يحتاج لتدريب وخبرة أكثر،،ولكن طالما هي بفيادة النو،، أتوقع لها نجاح كبير وبكل تأكيد منافس قوي لعقد الجلاد،، والمنافسة تخلق فنون،، المنافسة النزهيه
| |
|
|
|
|
|
|
| |
أمجد الزين
مصطفى توفيق
نادر النور آدم
abazar hamid
سفيان بشير نابرى
Elmosley
طارق جبريل
Abu Mariam
فيس بوك
تويتر
انستقرام
يوتيوب
بنتيريست