|
|
|
 Re: عودت التوست الزمان يا امدرمان ومهرجان الفرح يالله عليكم ياخ (Re: willeim andrea)
|
اخر الاسبوع والاجهاد ..... والتلفزيون كالعاده ضارب النقه ....
وانا اقلب في اوراقي وارتب لبداية الاسبوع المقبل وترتيب الاولويات ....
وبدون مقدمات تهاجمني النغمه .... تهزني بشده تجذبني لامدرمان القديمه وفرقة سلاح الموسيقي وفرق الجاز في حفلاتها الامدرمانيه ...
وبدون ان اعي فعلة كما فعل اخونا الفي المشهد انطلقت اقدامي رشيقه.....
انها دعوه للفرح وغسيل للروح المتعبه بهذا وذاك........
ونواصل
| |
 
|
|
|
|
|
|
|
|
Re: عودت التوست الزمان يا امدرمان ومهرجان الفرح يالله عليكم ياخ (Re: willeim andrea)
|
| Quote: انطلق في العاصمة السودانية مهرجان الخرطوم العاشر للموسيقى بمشاركة ستين فرقة موسيقية سودانية وعربية وأوربية وآسيوية. المهرجان يحاول في كل عام البحث عن المشتركات بين الموسيقى على تباين ثقافاتها ويسعى من خلال كل نسخة لإيجاد جسور التواصل بين الفرق الفنية في شتى دول العالم وخدمة قضايا الشعوب من خلال الغناء المشترك والمشاركات الفردية. |
| |
|
|
|
|
|
|
|
|
|
Re: عودت التوست الزمان يا امدرمان ومهرجان الفرح يالله عليكم ياخ (Re: willeim andrea)
|
حبيبنا وليم ,,,سلامات
يا أخي والله رقصنا التوست علي انغام فرقة جاز الديوم
وفرقة جاز العقارب وفرقة كمال كيلا وشرحبيل ايام
روعة وماننسي ود حلتنا المرحوم وليم أندريا ,,,
الشارلستون والخنفسة والبنات بالميني ,,, يازول
حفلات راس السنة قمة البهجة,,,, يا حليل ويا حليل .
مودتي
| |
|
|
|
|
|
|
|
|
|
Re: عودت التوست الزمان يا امدرمان ومهرجان الفرح يالله عليكم ياخ (Re: سيف الدولة كامل)
|
الحبيب سيف .... وينك يا راجل وكيف مع البرد في البلد ديك
جزيل الشكر علي المرور والمشاركه ....
ياخي التوست ده سره باتع :)
يعني بدون ما تحس تلقي نفسك كده زي العندك زار عديل ....
وتتحركه ارجلك براها كده في رشاقه منقطعه
بتذكر زمان وعلشان تعلم الناس رقصة التوست بنقول للواحد جيب منشفه ( بشكير ) وخته في ضهرك وامسك اطراف البشكير بيدك الشمال طرف ويدك اليمن الطرف التاني واسحب البشكير في تناغم مع الموسيقه مره بيدك الشمال وتتطوعه اليمن ومرعه باليمن وتتطاوعه الشمال
ومن يمين ومن شمال ودور ودور ..... يالابس البمبي (شفته شرحبيل ناقش من الزمن داك) :)
ياااااه
سعيد بيك وبمرورك يا جميل
محبتي
| |
|
|
|
|
|
|
|
|
|
Re: عودت التوست الزمان يا امدرمان ومهرجان الفرح يالله عليكم ياخ (Re: willeim andrea)
|
الاخ الاصغر ..... نوفل ..... اولا سعيد بمرورك ومشاركتك
لو لاحظت في العازفين شباب ولو تابعت اليوتيوب بتلقي شباب زي الورد لسع مع موجة التوست التوست موسيقي لخمسمائة سنه مقبله وبعدين ما تندب الزمن في يوليو الفات وفي احدي البازارات في نادي خرطومي
ياخي حصل لي اندهاش عميق وانا اتابع فرقة سودانيز باند وهم بيعزفوا ويتغنو .... بعضها رقي ياسلام عليهم ياخ شي ممتع ورجعني لشجن الخرطوم بالليل الزمن الجميل .... نحن بخير وشبابنا بخير والقادم وبكره احلي
حا احول انزل ليك حاجه هنا علشان تنسي الاحباط الحاصل
محبتي
| |
|
|
|
|
|
|
|
|
|
Re: عودت التوست الزمان يا امدرمان ومهرجان الفرح يالله عليكم ياخ (Re: محمد علي شقدي)
|
| Quote: لو لاحظت في العازفين شباب ولو تابعت اليوتيوب بتلقي شباب زي الورد لسع مع موجة التوست التوست موسيقي لخمسمائة سنه مقبله |
نعم مازالت اذن المستمع السوداني بخير ... تعودت اذني منذ الصغر علي استماع العمالقه امثال محمد وردي
الذي كنت اقتني له 25 شريط كاست وانا عمري 13 عام .. لذلك لا اخاف علي اذني من التلوث
انا اندب حظ جيل كامل ... شاء حظه العاثر ان يعيش في هذا الزمن التائه الفاقد لهويته الثقافيه
شكرا جميلا وليم وفي انتظار هديتك القيمه
| |
|
|
|
|
|
|
| |
willeim andrea
سفيان بشير نابرى
محمد المرتضى حامد
سيف الدولة كامل
نوفل عبد الرحيم حسن
محمد علي شقدي
فيس بوك
تويتر
انستقرام
يوتيوب
بنتيريست