|
Re: قررت مقاطعة اللوتري الى الابــد!! (Re: الامين موسى البشاري)
|
اول مرة اقدم للوتري كانت عام 1990 ويومها ضحكت جنس ضحك كان عندي جاري اسمه الخير الله يطراهو بالخير الخير احد ابناء احياء ام درمان القديمة والعتيقة كنت حينها في سنة اولــى جامعة اتاني الخير حاملاً ورقه مكتوب فيها انجليزي الخير شغال نجار ومهن اخــرى الخير: اللمين عايزك تقدم لي انا : اقدم ليك في شنو يا الخير؟ الخير: فيزا لامريكا انا : كيف؟ كده خليني اشـــوف وبعد ان قرأت الورقه قلت للخير انا : الخير الجماعة ديل عندهم شـــروط الخير : شروط شنو يا زول؟
| |
|
|
|
|
|
|
Re: قررت مقاطعة اللوتري الى الابــد!! (Re: الامين موسى البشاري)
|
انا : الخير الجماعة ديل قالوا لازم يكون عندك شهادة (والخير زول أمي ســـاكت) الحاجة التانية يا الخير أو يكون عندك خبره الخير : طيب المشكلة شنو يا اللمين اخوي؟ انا: الخير انت ماعندك شهادة دراسية ولا عندك خبره!! الخير : يا زول دا كلام شنو؟ يااااخ انا عندي خبره لمدة 10 سنوات انا : خبره في شنو يا الخير؟ الخير : يا اللمين ياخ انا بيوت بيت المال دي كلها انا زبلتها انا : اها وحتزبل شنو في امريكا.. الخير : يعني ساكنين في بيوت قش ولا شنو؟
| |
|
|
|
|
|
|
Re: قررت مقاطعة اللوتري الى الابــد!! (Re: الامين موسى البشاري)
|
اها دي اول مرة اقدم فيها للوتري وقد كان الخير سببا في تقديمي للوتري طبعا الفترة ديك البريد عندنا زي الزفت وعشان اضمن رسالتي تصل وتقديمي يحصل امريكا قمت بتعبئة الفورم وذهبت لاحدى قريباتي كانت جاية السعودية فانتهزت هذه الفرصة مشيت ودعتها واديتها رسالتي وخسمتها بالنبي رسالتي دي ترسلها
| |
|
|
|
|
|
|
Re: قررت مقاطعة اللوتري الى الابــد!! (Re: الامين موسى البشاري)
|
الأخ الأمين سلامات وتحايا قرارك صائب ويازول مالك ومال غربة امريكا البعيدة دي والله نحن لوما اتبلبلنا كان اتخارجنا اليوم قبل باكر وده كلام زول جاء باللوتري سنة 1996
Quote: اول مرة اقدم للوتري كانت عام 1990 |
برنامج اللوتري بدأ في العام 1995 ونحن كنا ثاني دفعة تجي باللوتري
| |
|
|
|
|
|
|
Re: قررت مقاطعة اللوتري الى الابــد!! (Re: معاوية المدير)
|
عارف يا اللمين يا دوب كده اللوترى حا يجيك وقت انت قنعان منو غايتوا يا اللمين ما عارف انصحك اقول انسى الموضوع ولا كمان حاول كل مره * بس يا اللمين امريكا ما زى باقى الدول يعنى لو مفتكر انك جاى هنا مغترب وداير تلم قروش وترجع ... ما ظنيت ده البلد دى ما زى السعوديه وباقى دول الخليج بالجد حا تحس بالانتماء لامريكا وده بيرجع للسستم بتاع البلد دى ولم تدخل السستم تانى يحلك الحل بله والله صحى
*نصيحه من واحد ضارب ماكدونلز وما داير زول يضوق معاه
| |
|
|
|
|
|
|
Re: قررت مقاطعة اللوتري الى الابــد!! (Re: elsawi)
|
Quote: الأخ الأمين سلامات وتحايا قرارك صائب ويازول مالك ومال غربة امريكا البعيدة دي والله نحن لوما اتبلبلنا كان اتخارجنا اليوم قبل باكر وده كلام زول جاء باللوتري سنة 1996 |
الاخ الصــاوي
تحياتي وربنا يقدرنا عليه ويقسم لي الخير في غير امريكا ربنا يرد غربتكم سالمين غانمين يا حبيب
تحياتي
| |
|
|
|
|
|
|
Re: قررت مقاطعة اللوتري الى الابــد!! (Re: الصادق خليفة)
|
قول خير يا الامين وان شاءالله يحصل خير
شفت سنةالحردانديياها زااااااتا الحا يجيك فيها اللوتري
بس انت امسك في الحردة دي قوووووي واعمل فيها نظام ما شغال بالموضوع ههههههههههههه
وشكرا يا سيدي لحسن الظن في شخصي المسكين
| |
|
|
|
|
|
|
Re: قررت مقاطعة اللوتري الى الابــد!! (Re: الخير محمد عوض)
|
Quote: قول خير يا الامين وان شاءالله يحصل خير
شفت سنةالحردانديياها زااااااتا الحا يجيك فيها اللوتري
بس انت امسك في الحردة دي قوووووي واعمل فيها نظام ما شغال بالموضوع ههههههههههههه
وشكرا يا سيدي لحسن الظن في شخصي المسكين |
الخير
خلاص يا زول كفانا احلام تبددها النتائج خلينا نركز في موضوع تاني.. شكرا يا حبيب على كل ما تقوم به خدمات في ميزان حسناتك يا رب
| |
|
|
|
|
|
|
Re: قررت مقاطعة اللوتري الى الابــد!! (Re: الصادق خليفة)
|
Quote: العبد لله كج زيك من 90 بقدم و ما حصل النصيب عشان كدا قنعت من امريكا دي دنيا واخر
بعد دا بس جبورة جابر من بطن امو للمقابر |
تمام يا اسامه القناعة كنز لا يفنى ولا يستحدث من العـــدم النقعد في الجابره دي ... والله صحي
| |
|
|
|
|
|
|
Re: قررت مقاطعة اللوتري الى الابــد!! (Re: الامين موسى البشاري)
|
الأمين سلام
قاليك يا عمك تسعى وراء الحاجة لمن تفتر بعدين تقنع أها قاليك نصيبك بكون في المرحلة بتاعت القنع دي يعني لو صبرت مثلاً وقدمت السنة دي ممكن تظبط فجرب
ومسعلة العمر ما العمر دي ما ليها علاقة بالطموح والنصيب فممكن طموحك ونصيبك يجيك بعد دا
فما تقنع ودعواتنا معاك ربنا يحقق ليك الأماني
تحياتي واحترامي
| |
|
|
|
|
|
|
|