|
|
|
 Re: حبيب نورا نور العين ومرحب معاوية الزبير شرفتنا (Re: abas)
|
تم استقبال حبيب نورا الساعه 4.30 بالعين
وتم اخذه في جوله علي مدينة العين حيث زرنا مبزرة الخضراء
واعتلي قمة جبل حفيت بمعية الاخوان دكتور احمد امين والمهندس عباس محمود
وبعد الجبل نزلنا علي مبزرة واخذناه علي المياه الحارة حتي يرتاح من تعب السفر وقام بغسل رجوله من كل التعب والحاجات التانيه
المهم مشينا الكافتريا وجات بنت تكهرب معها الجو وطلب حبيب نورا هوت شوكليت وشيشه مكس واخذ يعاين فيها ولم يستطع تحديد ما هو نوع المكس
وعند الساعه ال 7.30 ذهبنا صوب النادي السودان وتفاجاءنا بادارة النادي موفره لنا ضيافه في صاله جيده جدا
وقامت باستقبال حبيب نورا
وحضر في هذه الاثناء معاوية الزبير وضيوفه الاكارم
وذهبنا الي حديقة الوادي وشاف مرتع الغزلان بام عينه
| |
 
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: abas)
|
بدا اللقاء في تمام الساعه ال 8 مساءا
وقد كان الحضور من البورداب
محمد سيد احمد
عباس محمود
دكتور احمد امين
محمد البشري
طلحه عبد الله
الضيوف معاوية الزبير
حبيب نورا
دكتور اسامه عبد الحليم
ابوبكر عباس
دكتور هاشم احمد الحسن
ومن ادراة النادي السوداني بالعين
دكتور تاج السر جعفر
عبد اللطيف شريف
بابكر سليمان
علي بشير
محمد سعيد
داؤود سليمان الكوتش
استاذ مامون ابوزيد
عثمان الحسين عثمان
عباس علي محمد
محمد احمد عركي
عثمان الفحيل
لهم الشكر الجزيل وعفوا اذا اسقطنا اسم احد الضيوف الكرام
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: abas)
|
-ابدأ من اخر حديث دار بيني ومعتز abas وضيفنا العزيز حول عالم البورداب الذي كون عديد
من الصداقات والعلاقات الانسانية عبر هذا الحوش الكبير
- للاخ معتز فأن هاشم الحسن ود. اسامة عبد الحليم لم يكونو ضيوفا بل ( اسياد بيت ). وبرضه يا معتز فاتك ان تشير للضيف د. حيدر الخير ومشاركته
الثرة في النقاش
- أشير لان مبادرة استضافة الحدث كانت من ادارة النادي بعد قراءة د. السر جعفر لبوست معتز في بدايته ولادارة النادي الشكر علي حسن الضيافة وهي
دار تسع لاستضافة العديد من الفعاليات والاحداث
- تلقي حبيب نورة الدعوة من مجلس ادارة النادي ليكون ضيفا في احتفالات الاستقلال في العين
- لاول مرة التقي بالبوردابي الصحفي طلحة عبدالله ولاحظت انه وحبيبنا ود البشرى الاتنين بس (عجوة معطونة بي عسل ) عكس ما نقرأ من مناكفتهما لبعض
- اما الحبيب الصديق د. أحمد امين ورغما انه كان بالأمس شغال عكس ساعته البيلوجية الا انه لم يترك شاردة او واردة ووثق كل شئ وفي انتظار المزيد
- تقديم وادارة محمد سيد احمد للحوار بين حبيب نورة والضيف كان جميلا طبعا دي (بالتخصص) ودايما بقول ليه ياابو السارة بركاتك دي لازم تنزل علينا في
النادي السوداني وقد كان
-الحدث ما قبل وبعد لقاء النادي السوداني كل تفاصيله عند معتز و د. أحمد امين
مشاركة الاخ عبد اللطيف مدير النادي بقصيدتين وجدت الاستحسان وقام بتوجيه الدعوة للبورداب والضيوف لجلسة استماع لفنان ناشئ خلال الايام القادمة
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: Dr. Ahmed Amin)
|
ياااااااااااااااااااااه
ما أحلاكم شلتو معاي الهم بالجملة
شعور يلجم حروف القول والله ..
وحشة غريبة حصلت لي ونحن في حتة تشبه تفاصيلا الأولية شوارع السودان؛ وأصريت إني أحبها
شارع كرعينو مشققة وثرثرة وشوية صمت متبادل بإقتضاب مع عباس الفحيل رفيق الرحلة
دخلنا مزرعة العين للدواجن وتوووش أنقطعنا في منزل عباس محمود
لاحظت إنو في أشلاء معركة " مشاوِي" حامية ا########س وندمت علي أيي لُقمة بلعتها من رز كافتريا طرمبة البنزين
أعتقد إنو معركة المشاوي دي سنأخذ حقوقنا منها كاملة ونرد أعتبارنا لاحقاً
صراحة أن تعلو العين علي الحاجب وأنطلقنا مرة أخري علي ظهر فارهة كان يمتطيها دكتور أحمد أمين
كان الرجل يثرثر بطريقة الكاتل الجدادة وخامّي بيضا !
قطع شك فهو خبير بأمور هكذا دواجن !
العين حتة طييييييييبة وبت حلال يتكاثر فيها الملايكة بطريقة بشرية فيما يبدو
كان ده إنطباع سريع وأقرب للحقيقة
ولغاية ما قابلنا إبن فرناس الذي لم نجده عباس ولا شتين
زولة حبببببببة كده يرتدي صلعة مباركة وقلب حليب وسفنجة خدرا تدل علي صوفية أمها بت أعم أبوها
معقولة ؟؟ أنا عملت شنو عشان أخش الجنة سريع كده ؟؟؟
حاجة تحير سيدنا رضوان ذاتو !!!
ومشيناااااااااااااا جبل حفيت حفيانين إلا من رغبة مجنونة لإرتقاء سلالم الروح
السلام يا روح البدن
السلام يا الساكن دروب الشوق
السلام الكتل جون قرنق ذاتو
صعدنا بإتجاه أرواحنا في طريق كل شوية بغير رايو
كان طويييييييييييييل وملولو لكن أهدافو واضح وما فاقد مصداقيتو
هسه الجاب سيرة معتصم نيستا منو ؟؟؟
ألذ حاجة هسه ممكن أغالط أيي زول حتي سلطات مدينة العين إني مشيت سلطنة عمان وجيت راجع
في أعلي قمة جبل حفيت جاتني رسالة ظريفة من شركة الاتصالات العمانية أشكرهم عليها كثيراً وأحييهم
برحبو بي في سلطنة عمان وكده
شفتو الناس ديل ظريفين كيف ؟؟
ياخ ناس تعاين ليهم بي فوق الحيطة يقولوا ليك أتفضل حبابك عشرة
وأول ما أتدلينا من الجبل كمان ناس العين جزاهم الله كل خير كلفوا مدير شركة الإتصالات شخصياً إنو يرسل لي جواب مظرّف
عشان يتحمدل لي السلامة !
والله لو ما خوفي من الرقيب اللغوي كان قلت ديش كده !
نزلنا وروحنا شايلنها في ضحكتنا وبهجتنا ومسرتنا
وغسلنا كرعيننا من مشاوير التعب والبهدلة في سرسار موية عينها حارة
بتسحر فتر السنين في لمحة بصر
ياخ في مشوار مهم شديد قرّبت أنساه
لا حولا لاحولا
سماحة بت مغربية ترمِي في الشوك خلتني أحترم طارق ود جبرين ده جداً بي شناتو وجلحاتو ومساختو
الملايكة كده واللا بلاش
وبلهجة مغربية عسل حنست الجماعة المعاي بالتهينهم وتقطع دلاقينهم كان يشربوا ليهم حجر شيشة
عليكم الله دي كان صاطت لي السم الهاري دي أنا بتردد لحظة واحدة ؟؟
شوفو جنس الإفترا ده !
لكن البنغالي ده كرهتو وقلبي أباهُ وهو يشيل ويتحاوم فينا
أمشي ياخ لا كيهالي ولا شتين كرهتنا السلام الوطني البنغالي ذاتو !! والله ما تستاهل البقشيش كلو كلو .
هسه دي لو كانت المغربية المركبة مكنة موت أحمر كان عباس حاسبها بالإسترليني وما تبقي من العملات الصعبة
البت القيامة الرابطة دي عدييييييييييييييييييل
أستغفرتك يا مالك روحي !
في النادي السوداني قابلنا ناس والله يفرحو ويسرو القلب
ما قادر أحسب ليكم الأسامي ولا الفعايل
ولا الكلام الطيب والجلسة الجميلة ولا اللمة الحلوة
لكن أديتوني الكتير
من رئيس الجالية مشكور كتير ما قصر والله تب فتح لينا قلبو ورئيس النادي كمان طلع مننا وفينا شاعر لطيف ورهيف
وأمين الثقافة عثمان الحسين الفدم لي الدعوة لحضور إحتفالات الإستقلال
والبورداب غايتو نقول ليكم شنو ونخلي شنو ؟
آء أي في كمان عشوة رهيبة لكن الكدايس ذكرتني سواكن
إنتو الكدايس دي شيخ زايد ما خصص ليها بند ؟
بورداب العين أحبكم جداً من الألف للياء
وكلماتي لن توفيكم حقكم
أشكر لكم هذا الجمال
| |
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: حبيب نورة)
|
منور والله ىا عم الحاق ..
ينتابناشعور بالتقصير يا حبيب .. عشان كده مصرين شديد جدن نبرمج لينا واحده تاااانية بس المره ده هنااااااك حيث الشيشة ...
رايك شنو ؟
الفيديوهات والصور حأنزلها مموسقة ومتسقة مع الحكي الجميل الحكيته يا ود يا جميل
كن بخير ياخ .. فأنت من صنع هذا الجمال
تليشة (على قول ودجبرين): استلمت الايميل ؟؟
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: Dr. Ahmed Amin)
|
برنامج حفل تدشين رواية (الحب من طرف ثالث ...)
النادي السوداني - العين
وكما سبقني الأخوان أحببت أن أشيد بالإستقبال الحافل والحميمي من قبل طاقم إدارة النادي
وعلى رأسهم رئيس النادي والجالية السودانية د. تاج السر جعفر والذي بحسن إدارته جعل هذا اللقاء ممكنا
نشكره على كلملته الصادقة ودعمه للبورداب بأن فتح لهم أفخم القاعات في أي وقت يشاءون .. وحرصه الشخصي
على دعم المبدعين والأنشطة المختلفة.. فله وللأخ عبداللطيف شريف وكل أعضاء النادي الذين أشادوا بالأديب يس
كل الشكر والتقدير والاحترام
_________________________________________________________________
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: abas)
|
Quote: ومشيناااااااااااااا جبل حفيت حفيانين إلا من رغبة مجنونة لإرتقاء سلالم الروح
السلام يا روح البدن
السلام يا الساكن دروب الشوق
السلام الكتل جون قرنق ذاتو
صعدنا بإتجاه أرواحنا في طريق كل شوية بغير رايو
كان طويييييييييييييل وملولو لكن أهدافو واضح وما فاقد مصداقيتو
هسه الجاب سيرة معتصم نيستا منو ؟؟؟
|
يا سلااااااام على الحكي ....
والله خليتنا نشوف العين بشكل غير ....
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: Dr. Ahmed Amin)
|
الأخوة الأحباب بورداب العين
كتر خيركم ما قصرتو تب وكنا نتمنى لو كنا حضوراً معكم
ونرحب عبركم بالأخ معاية الزبير..
حبيب نورا الظاهر عليهو رجل صالح قدر يجمع هذا الكم من بورداب العين
نتمنى أن تتواصل لقاءاتهم ويتحفونا كمان وكمان..
نبارك ليكم جميعاً هذا العمل الجميل ومجتمعين على الخير إن شاء الله..
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: Nasruddin Al Basheer)
|
الأخوة الأحباب بورداب العين
كتر خيركم ما قصرتو تب وكنا نتمنى لو كنا حضوراً معكم
ونرحب عبركم بالأخ معاية الزبير..
حبيب نورا الظاهر عليهو رجل صالح قدر يجمع هذا الكم من بورداب العين
نتمنى أن تتواصل لقاءاتهم ويتحفونا كمان وكمان..
نبارك ليكم جميعاً هذا العمل الجميل ومجتمعين على الخير إن شاء الله..
الحبيب نصر الدين
تسلم يا غالي من كل شر
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: Nasruddin Al Basheer)
|
Quote: حبيب نورا الظاهر عليهو رجل صالح قدر يجمع هذا الكم من بورداب العين
نتمنى أن تتواصل لقاءاتهم ويتحفونا كمان وكمان..
نبارك ليكم جميعاً هذا العمل الجميل ومجتمعين على الخير إن شاء الله.. |
فعلا أخي نصرالدين .. لقد كانت فرصة جميلة بأن نلتقي لأول مرة مع بورداب كرام
ونتعرف إليهم عن قرب خارج أسوار الحوش ...
فالشكر لمن جعل هذا ممكنا .. من البورداب وإدارة النادي السوداني الموقرين
| |
|
|
|
|
|
|
|
|
|
Re: حبيب نورا نور العين ومرحب معاوية الزبير شرفتنا (Re: abas)
|
Quote: لذ حاجة هسه ممكن أغالط أيي زول حتي سلطات مدينة العين إني مشيت سلطنة عمان وجيت راجع
في أعلي قمة جبل حفيت جاتني رسالة ظريفة من شركة الاتصالات العمانية أشكرهم عليها كثيراً وأحييهم
برحبو بي في سلطنة عمان وكده
شفتو الناس ديل ظريفين كيف ؟؟
ياخ ناس تعاين ليهم بي فوق الحيطة يقولوا ليك أتفضل حبابك عشرة |
ظُرُف شديد والله
و مالك يعني ما اتفضلت ؟؟؟
النبي فيك كان ما اتفضلت المرة الجاية 
| |
|
|
|
|
|
|
| |
abas
ناصر المحسى
عباس محمود
عبدالرحمن الحلاوي
حبيب نورة
baha eassa
sari_alail
طارق جبريل
Nasruddin Al Basheer
ناصر احمد الامين
سلمى تاور
فيس بوك
تويتر
انستقرام
يوتيوب
بنتيريست