|
والله عيب كبير يا إدارة جامعة التقانة
|
عشرة ايام لغاية نهاية الشهر نصرف وندفع ليكم قسطكم التانى ماقادرين تصبروا؟
القسط الاول اندفع فى 15/9 والقسط التانى فى 15/10 .. طيب مع انو الفترة قصيرة بين القسطين لكن منو البكون عنده قروش يوم 15؟ والنتيجة البت منعوها من الدخول للجامعة بواسطة حرس الجامعة وكمان عرفت انو كمية كبيرة من الاسر اتبهدلوا كتير عشان تأجيل اقساط اولادهم فى الجامعة..
التعليم ياجماعة رسالة قبل مايكون عمل وبيزنس ويراعى فيهو الظروف اللى ممكن ينظر فيها ولا تؤثر على البزنس حقكم يعنى واحد يجى يطلب منكم تنتظروهو عشرة يوم تقوموا ترفضوا طلبه دا شىء غريب وغير متوقع بتاتا حتى فى أسوأ الأحوال.
والله عيب كبير يااستاذ معتز البرير ...
|
|
|
|
|
|
|
|
Re: والله عيب كبير يا إدارة جامعة التقانة (Re: محمد المسلمي)
|
عابدون سلام وتحية يا اخوي ديل بعرفوا حاجة اسمها قروش وبس بتي بتقرا في الجامعة دي ذاتا السنة الفاتت دفعت القسط الاول وبقيت اغني اغنية فقريا من الدين غني الاغنية ما كملت سمح البت قالت دايرة القسط التاني طبعا نحن برالمة ما عارفين القسط التاني بعد شهر اول مرة في حياتي اشوف لي حاجة بقسموها لقسطين في السنة واكون القسط التاني بعد شهر اصلو صندوق ختة هو ... المهم اخت انخالعتي ولف ولف لف لفيت العمة ومشيت مع بتي وباختصار شديد قالوا لي ياحاج ولاتتعب نفسك عندك قروش اهلا وسهلا ما عندك قروش ولا اهلا ولا سهلا عامل عمتك الزي عمة الكلــب دي
| |
|
|
|
|
|
|
Re: والله عيب كبير يا إدارة جامعة التقانة (Re: حمزاوي)
|
ود البوش والله كتلتنى من الضحك ونسيت المشكلة..
فعلا انا دفعت القسط الاول وقبل ما آخد نفسى كويس دخلوا على بالقسط التانى .. بس كويس لسة مالفيت عمتى لكن بعد القالوهو ليك دا خلاص العمة ماليها لازمة.
الله يديك العافية.
| |
|
|
|
|
|
|
Re: والله عيب كبير يا إدارة جامعة التقانة (Re: نادر)
|
شكرا يانادر جزاك الله خير ..
فعلا الواحد محتاج لتضامن الاخوة والاخوات هنا يمكن خبر البوست دا يوصل لادارة الجامعة ويخليهم يلينوا مواقفهم مع الناس لأنو فعلا ليس هناك من داع لكل هذا التعسف فى طلب الرسوم.
| |
|
|
|
|
|
|
Re: والله عيب كبير يا إدارة جامعة التقانة (Re: عابدون محمد عابدون)
|
سلامات يا قريبي الأقساط دي ليه ما تكون على 4 دفعات في السنة، أهو تخفف للآباء شوية، في واحد ولدو بدرس طب القسط 15 مليون، وفي ظل ظروف البلد الهسع من الصعوبة بمكان لموظف أي كان دخله تدبير مثل هذا المبلغ في ظرف شهرين. رفقاص بالىباء يا برير، الشعب السوداني هو من اسهم في نجاح أعمالكم، ردوا الجميل، وأقيفوا مع الشعب ده في محنتو دي.
| |
|
|
|
|
|
|
Re: والله عيب كبير يا إدارة جامعة التقانة (Re: نادر)
|
ديل يانادر بقولوا ليك قسطين تقوم تدفع قسط يوم واحد فى الشهر وتقول تاخد ليك نفس طويل لما القسط التانى يجى تلقاهم فى يوم واحد التانى يقولوا ليك يازول هوى القسط التانى مواعيدو جات وطبعا يكونوا طردوا ليك ولدك ولا بتك على بال ماتدفع..
| |
|
|
|
|
|
|
Re: والله عيب كبير يا إدارة جامعة التقانة (Re: almogira alemam)
|
الأخ العزيز عبدون كووووم تحايا
معك قلبا وقالبا وليفهم تجار التعليم
ان ادارة الجامعات ليست كادارة مصانع
الفيمتو والشامبيون والاسبيرات
ودائما الاقساط الدراسية تكون موزعة على
سمسترين ( كل فصل دراسي قسط )
لكن الظاهر يا عبدون الجماعة ديل
بشوفوا ارباح القروش دي لما تكون موجودة
في حسابهم بتربح كل يوم كم ؟
العيد دا منتظرك في الدوحة ما تخزلنا
تحياتي واحترامي
| |
|
|
|
|
|
|
Re: والله عيب كبير يا إدارة جامعة التقانة (Re: عابدون محمد عابدون)
|
استاذة ناجية .. مساك الله بالخير
اكتر مايحز فى النفس فعلا انو الدولة لم تهتم بأهم رسالة ليها وهى التعليم والصحة وفعلا وللأسف دخلوا فيها التجار واصبحت سلعة تجارية مجردة من اى محتوى. الانسان يحتفظ فى حياته بأجمل ذكرياته وخاصة المرحلة الجامعية عندما كانت الدراسة دراسة والجامعة جامعة ولكن ماذا بقى لأولادنا من ذكريات يارب؟
| |
|
|
|
|
|
|
Re: والله عيب كبير يا إدارة جامعة التقانة (Re: عابدون محمد عابدون)
|
دكتور عماد والله ليك وحشة ياحبيب ..
ياخى دى البنت التانية معاهم فى جامعتهم دى وبرضو مصرين يتعاملوا معاى كزبون ومستهلك وبس تصدق انو بيقولوا لما يكونوا اخوان اتنين تكون مستحق لتنخفيض قيمته عشرة فى المائة لكل من الاخوان ولما سجلنا البت التانية جماعتك قالوا لا التخفيض من القسط التانى وموش من المبلغ الكامل .. شفت حتى انو الموضوع فيهو تحايل وكذب على الناس.
المهم يازول حاولوا تعالوا لينا بى جاى المرة دى يعنى العيد معانا بى هنا.. انا كنت فى السودان الاسبوع الفات ومحاول ارجع بعد العيد.
| |
|
|
|
|
|
|
Re: والله عيب كبير يا إدارة جامعة التقانة (Re: عابدون محمد عابدون)
|
Quote: دكتور عماد والله ليك وحشة ياحبيب ..
ياخى دى البنت التانية معاهم فى جامعتهم دى وبرضو مصرين يتعاملوا معاى كزبون ومستهلك وبس تصدق انو بيقولوا لما يكونوا اخوان اتنين تكون مستحق لتنخفيض قيمته عشرة فى المائة لكل من الاخوان ولما سجلنا البت التانية جماعتك قالوا لا التخفيض من القسط التانى وموش من المبلغ الكامل .. شفت حتى انو الموضوع فيهو تحايل وكذب على الناس.
المهم يازول حاولوا تعالوا لينا بى جاى المرة دى يعنى العيد معانا بى هنا.. انا كنت فى السودان الاسبوع الفات ومحاول ارجع بعد العيد. |
تحياتي اخي عبدون بالله هسع 10 % دا تخفيض وكمان من الفصل الثاني بس والله الجماعة ديل ما بيستحوا ربا يعينكم عليهم حاول جازف الموضوع وتعال لينا في الدوحة والله نحنا طريقة مافي
تحياتي واحترامي
| |
|
|
|
|
|
|
Re: والله عيب كبير يا إدارة جامعة التقانة (Re: صلاح أبودية)
|
الخباثة فى إستخراج البطاقة بمدة صلاحية شهر فقط !! فقد تعجبت للغاية حين أخبرتنى إبنتى أن البطاقة مدتها إنتهت ويجب دفع القسط الثانى لإستخراج بطاقة جديدة !! وبالتالى سيتم منعها من الدخول غدا لمبان الكلية إن لم تدفع القسط الثانى وتستخرج البطاقة الجديدة .. أما كان من الأفضل مخاطبة ولى الأمر بالتلفون أو الإيميل الذى كتبناه عند التقديم بطريقة حضارية شوية لسداد باقى الرسوم وليس القسط إنما باقى الرسوم فالرسوم مقسومة على قسطين فقط !!
| |
|
|
|
|
|
|
Re: والله عيب كبير يا إدارة جامعة التقانة (Re: عابدون محمد عابدون)
|
سلام أخى عبدون وربنا يعينك على جامعات السودان,,Quote: يا قريبي الأقساط دي ليه ما تكون على 4 دفعات في السنة، |
بالنسبة للمقترح دا من غير الممكن العمل به نسبة لتذبذب قيمة العملة وحالة الإنهيار والإهتزاز التى يعانى منها الإقتصاد عامة..
المسألة ربحية تماما وأهمل فيها الجانب الإنسانى والتربوى وتقدير الأحوال الإقتصادية والمالية للطلبة وذويهم فقصة أقساط على أربعة دفعات أو دفعتين متفرقات على السنة الدراسية بطولها قد تدخلهم فى خسائر فادحة وفى النهاية إى إستثمار داخل السودان أصبح بقدرة قادر مرتبط إرتباط تام (ولو سرا) بسعر صرف الدولار وإرتفاعه وإنخفاضه على قلته,,
إنها تبعات ثورة التعليم العالى!!!!!! ألا رحم الله مجانية التعليم وحق التعليم وحق التعليم نفسه...
تحياتى..
| |
|
|
|
|
|
|
|