|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
انتوا يا الكيزان تتجازوا وتتزينوا بالقزازة كاتلين الجدادة وخامين بيضا ونحن الطير لافين صينية علوم تتخارح من قطعة ارض فى ام درمان وجنى الطيرة فرحان ليهو بي قطعة ارض شهادة بحثها من مسيد الترابي تصلها الخدمات فى الألفية الثالثة عشان كدة توجه ناسكم بعدم دخول بوست الفوكر اللافي فيهو صينية جني الطيرة! غايتو شديدين شدة الحرامي السرق التلفزيون والمسلسل شغال! قلت خمسين مليون جنيه وتاني ناصية! نحن الخمسين مليون دى ما سمعنا بيها الا فى دخل مباريات الكورة جني
| |
|
|
|
|
|
|
Re: ابوسعد، مربع 48، 370م م للبيع المستعجل (Re: jini)
|
يا جني يا مسخوت، يا زول الخمسين دي عند ناس ما تجيب ليها باب البتاعة دي والله خطة اسكانية قديمة من ما كنت في التلفزيون قلت نبيعها عشان نتم بيها بناء البيت المشكلة المره متلحانه وشنو؟ لازم تاخد حقها ناشف وما عندها شغلة بي البناء طبعا الخطة الاسكانية ما بتتباع الا بتوقيعها، قوانين الانقاذ
| |
|
|
|
|
|
|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
Quote: يا جني يا مسخوت، يا زول الخمسين دي عند ناس ما تجيب ليها باب البتاعة دي والله خطة اسكانية قديمة من ما كنت في التلفزيون قلت نبيعها عشان نتم بيها بناء البيت المشكلة المره متلحانه وشنو؟ لازم تاخد حقها ناشف وما عندها شغلة بي البناء طبعا الخطة الاسكانية ما بتتباع الا بتوقيعها، قوانين الانقاذ |
الشفيع أخوي المتكوزن ليها شنو وقت الحالة كده ,, ناس تمكنا , 55 مليون دي عندهم اسمنت البوابة بس ,,
| |
|
|
|
|
|
|
Re: ابوسعد، مربع 48، 370م م للبيع المستعجل (Re: ناصر المحسى)
|
Quote: بس عاوز اعرف الفرق بين البقعة وابو سعد |
انا فهمت التباسك يا ناصر عشان كده جبت ليك صورة للمخططات واغلب المربعات كل مربعات ابوسعد الجديدة بما فيها المنطقة الذكرتها يطلق عليها البقعة، يعني 63 البقعة هو نفسه 63 ابو سعد قطعتك دي على الاقل مفروض تعرف رقم المربع حقها، مثلاً مربع 24 الجنب الجامعة القطعة وصلت 250 مليون
| |
|
|
|
|
|
|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
== والمره دايرة حقها ناشفن تقول لي اقساط==
انت معرس من زمن التلفزيون ؟؟؟
امبارح قدامى واحد باع بيتو وخطة اسكانية بس ما كان شغال فى التلفزيون ومرتو اتعوضت الله فى البيت ..
مافى كلام زى ده الا يكون اسمها فى العقد معاك
بالمناسبة سعرك عالى شوية !!
ازيك ياشاب وتحياتى للاسرة الصغيرة
| |
|
|
|
|
|
|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
Quote: المشكلة المره متلحانه وشنو؟ لازم تاخد حقها ناشف وما عندها شغلة بي البناء |
تاخد حقها ناشف وماعندها شغلة بى البناء وبعد ما يتم البناء ( بكل مجهود تستطيعه ) يبقى كلامها كلو ( بيتي ... بيتي )
_________
عارف باين لى لو حددت قطعتك وين في مربع 48 ممكن تدي فكرة أوضح للمشتري بمعنى إذا كانت قطعتك مواجهة لمربع التعويضات ( المسكون ) دا بتكون كرديت كبير للقطعة
___________
هذا بعد السلام والتحايا يا هندسة بالمناسبة هل زاملت في التلفزيون الصديق المهندس أسامة عبدالجبار ؟؟؟ أين هو الآن ياربي ؟؟
| |
|
|
|
|
|
|
Re: ابوسعد، مربع 48، 370م م للبيع المستعجل (Re: عاطف عمر)
|
Quote: مربع 48 يقع شمال ويلاصق مربع 50 (التعويضات) وهو مسكون بالكامل وبه كل الخدمات |
عشان كدي شايف جنِّي ساكن في البوست.(وش ماكر)
Quote: بس عاوز اعرف الفرق بين البقعة وابو سعد |
يامحسي مافي فرق ـ ابوسعد بُقعة في البُقعة.
قلنا نرفع ليك البوست يالشفيع عملا لي الله وكت فطّيتنا
| |
|
|
|
|
|
|
Re: ابوسعد، مربع 48، 370م م للبيع المستعجل (Re: عاطف عمر)
|
شكرا كتير اخوي عاطف الحقيقة فكرت في اني احددها، ولكن كما تعلم القوقل غير دقيق وخفت ادي معلومة خطأ وكل من اتصل علي نصحته انه يمشي او يرسل من يشوفها على الطبيعة قطعتي بينها والتعويضات بلوك واحد (حسب ما اذكر) وهنا رسم تقريبي:
Quote: بالمناسبة هل زاملت في التلفزيون الصديق المهندس أسامة عبدالجبار ؟؟؟ أين هو الآن ياربي ؟؟ |
اخوي عاطف اسامة لم ازامله في التلفزيون فقط اسامة صديق عزيز جدا جدا زاملته في الجامعة ثم التلفزيون ثم الاغتراب يعني تقريبا زمالة وصداقة لاكثر من 30 سنة اسامة وزوجته المهندسة اميمة (مجاورين) في المدينة المنورة منذ حوالي 15 عام وشغالين كويس ورفضوا يخرجوا منها بالرغم من مغريات كثيرة نحنا طبعا متواصلين اسرياً بصفة مستمرة معهم هنا جواله (00966506321092) تحياتي عاطف وجمعة مباركة طيبة
| |
|
|
|
|
|
|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
تحياتي وسلامات أخي الشفيعQuote: اسامة لم ازامله في التلفزيون فقط اسامة صديق عزيز جدا جدا زاملته في الجامعة ثم التلفزيون ثم الاغتراب |
إستوقفتني جزئية أنك قد زاملت الأخ أسامة في الجامعة فـ أسامة وأنا أبناء دفعة واحدة يعني من المفترض أننا أيضاً ( أنت وأنا ) قد تزاملنا في الجامعة لا أدري ربما العيب في ذاكرتي الخربة التي توردني دوماً موارد الإحراج
__________________
لقد سجلت تلفون الأخ أسامة ، يمكنك أن تمسحه من المداخلة
| |
|
|
|
|
|
|
Re: ابوسعد، مربع 48، 370م م للبيع المستعجل (Re: عاطف عمر)
|
Quote: مافى كلام زى ده الا يكون اسمها فى العقد معاك |
كان كده حقها راح شمار في مرقة (انا في رأيي ده احسن قانون سنته الانقاذ، ومفروض يتم تطبيقه على كل املاك الرجل، موش الخطة الاسكانية بس، وده البحصل في الدول الغربية)
------------------- هي دايرة ليها (شوية دهب) ووعدناها (خير) بعد ما يتم البناء ------------------
عصام مدني يا زول كيفنك ولعلك طيب والعيال ياخي انت زول بخيل جدا جدا بكري اداك الباص عشان تكتب وتكتب ترحيب شديد بانضمام أخونا (عصام مدني)
لك وللرابع خالص التحيات
| |
|
|
|
|
|
|
Re: ابوسعد، مربع 48، 370م م للبيع المستعجل (Re: عاطف عمر)
|
Quote: فـ أسامة وأنا أبناء دفعة واحدة يعني من المفترض أننا أيضاً ( أنت وأنا ) قد تزاملنا في الجامعة لا أدري |
مرحب عاطف في الحقيقة اسامة سينير علي شوية انا دفعة 1980 واكيد بنكون اتقابلنا ---------------- عضو المنبر محمد الشيخ (بالانجليزي) دفعتكم، للمعلومية
------------- اسامة لا يمانع في اظهار رقمه، رغبة في تواصل من يريد
ابلغته بي سؤالك، وهو متذكرك كويس
| |
|
|
|
|
|
|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
الاخ الشفيع التحية لك و لضيوفك الكرام شايف عندك معرفة جيدة بالأسعار في المنطقة
أنا عندي قطعة مربع 40 البقعة امدرمان درجة اولى 500 متر القطعة سحبتها عام 1992 عند توزيع القطع لأساتذة الجامعة و دفعت قروشها و نسيتها تمام و الان بحكم أني عايش برة للسودان ما عارف حقيقة الأسعار كيف
مع أمنياتي لك بالتوفيق في قطعتك
| |
|
|
|
|
|
|
Re: ابوسعد، مربع 48، 370م م للبيع المستعجل (Re: عمار يس النور)
|
مراحب اخوي عمار للحقيقة ما عندي معرفة قوية، لكن القطعة حقتي دي وشوية قطع في الصالحة خلتني اعرف الكتير مربع 40 لسه شوية عليهو، سعره الحالي لو مستعجل حوالي 45-50 حسب الموقع، طبعا ده كلام سماسرة، وفي راي تصبر عليها وهنا تخطيط للمربع
المنطقة كلها مبشرة بي خير والخدمات في الطريق تخيل من قطعتي في مربع 48 وهو قريب من مربعك وصلت مسجد الشهيد في 12 دقيقة فقط
| |
|
|
|
|
|
|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
Quote: القطعة دي وشوية قطع! |
تلقاها 28 قطعة زى الدومينو والبياضة ميدان هييييع عفيت منكم يا بني كوز! الخلا علينا ونحن عندنا نمرة واحدة عوينة ام صالح فى سقط لقط وعاملين فيها مغتربين! نحن مفروض يسمونا الخالين بلدهم وانتوا المغتربين الجد جد! عشان ما تجي تدخل بوستاتي وتعمل فيها الواد بستنتج مصدرى! عشان نوريك الاستنتاج والهاى لايت والبلنكنق الامو بت عمو! تبيع ولا اردمك!
جني
| |
|
|
|
|
|
|
Re: ابوسعد، مربع 48، 370م م للبيع المستعجل (Re: الشفيع وراق عبد الرحمن)
|
الحبيب الشفيع تصدق بعت قبل 13 سنة في نفس مربعك 48 قطعتي بــ 500 الف جنية خطة اسكانية للقضائية
اما مربع 40 يعتبر درجة اولي وممتاز جدا وواعدة ووصل سعر القطعة على الواجهة الزلط اكثر من 80 مليون وربما وصل الــ 100 مليون وللعلم مربع 40 من الجهة الجنوبية الركن الغربي يقع امام الميناء البري الجديد المخطط له مستقبلا ويعتبر طريق مؤدي للمطار
| |
|
|
|
|
|
|
|