سمعت فيما يسمع المتخيل على لسان حال الباشمهندس وبقية البورداب غير الرياضيين والقراء للرياضيين بالبورد : لا بنريدك لا بنحمل بلاك (تقرأ براك) ولو زول عايز يقرأها بلاك من البلاوي فالقراءة هنا على مسؤولية صاحبها .. يتبع ...
توقعت فيما يتوقع الخائف الراجف أن بكري هب فجأة من النوم قامزا قمزة زول مخلوع بسبب إهتزاز موبايلو بعنف ( أكيد خاتيه صامت وع الهزاز) فجأءه صوتا مخنوق بالإنفعال والغيظ المكبوت في الحشى : _ يا ريس ياخ ما معقول البحصل في البورد دا _ خير ان شاء الله ؟ _ ياخ الخير يجينا من وين والبورد بقي دار الرياضة ام درمان _ كيفن الكلام دا ؟ _ وحاة الطلاق ناس الكورة ديل كرهونا ليهو عديل _ عملوا شنو الجماعة ديل ؟ _ ياخ مرضونا مرض خرطمية وعشرين بوست في صفحة واحدة وموضوع واحد _ والله دي مشكلة _ أعمل حاجة يا ريس _ نشوف _ تك وقال كدا الباشمهندس شال ليك مقشاشتو قش نضيف .. لا و أصدر القرار التالي : أمرنا نحن بكري أبو بكر مالك ومدير الموقع (نص القرار).. يا باشمهندس ياخ ما قلنا ليك ما تتهور ياخ .
أقول قولي هذا وأنا في تمام إدراكي الحسي والمعنوي بأن الهلالاب يستحقون الشماتة وأنه التسوى الغنماية في القش كالشرارة في القندول تيمنا بقول شاعر معاصر : الفصاحة تجلب الشماتة . يتبع ..
10-16-2011, 10:53 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
يا أبراهومة ياخ طارق الكوشت دا كيبوردو أخرس عديل مقارنة بى كيبوردات ناس تاني عارفم أنا .. ديل الواحد فيهم عادي ممكن يفتح ليهو بوست ويمش يفتح بوست تاني عشان يتم البوست الأول.. عبر تحياتي للحبيب طارق الكوتش ..
10-16-2011, 11:13 AM
فايزودالقاضي
فايزودالقاضي
تاريخ التسجيل: 11-27-2007
مجموع المشاركات: 10091
يا ود القاضي أب شنب ياخ حتى لو فرضنا أنو نص قصدي خبيث فأنظر للنص التاني من القصد والذي فيهو فائدة لي ولكم أجمعين (مريخاب على هلالاب) .. حكيم الباشمهندس دا لو قام زعل بوديكم الخور ..
10-16-2011, 11:34 AM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
على رأي القائل : الضاق قرصة الدبيب تاني ما بلعب نط الحبل مرة الباشمهندس دا شال مني عدتو وحاة الطلاق الربع كلو أحنس فيهو يرجعا فما أرجعها إلا على مزاجو وبعد زيتي طلع عديل كدا .. عليه : يا با شمهندس يا حبيب أنا براءة مما يفعلون فلا تزرني وازرتهم أنى يؤفكون .
Quote: الضاق قرصة الدبيب تاني ما بلعب نط الحبل مرة الباشمهندس دا شال مني عدتو وحاة الطلاق الربع كلو أحنس فيهو يرجعا فما أرجعها إلا على مزاجو وبعد زيتي طلع عديل كدا .. عليه : يا با شمهندس يا حبيب أنا براءة مما يفعلون فلا تزرني وازرتهم أنى يؤفكون .
الكلام ده على مين ده اكتر بوست شخصيا استفذانى عشان جاب العده كلها
علية
بنطلب من بتاع العده الحضور سريعا حيث توجد ملابس جاهزه للتبديل
10-16-2011, 12:57 PM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة