|
|
 شابة تتحول فجأة الى عجوز بعد تناولها هذا الطعام - صورة
|
ذكرت وسائل إعلام محلية في فيتنام أن خبراء طبيين في جنوب فيتنام، عرضوا المساعدة على شابة '26 عاما' تجعد جلدها بشكل واضح بين عشية وضحاها، لتبدو أكبر من سنها بثلاثين عاما. وعرضت ثلاثة مستشفيات في مدينة هو تشي مينه تقديم نصائح من جانب خبراء لنجوين تاي فونجبعدما نشرت صحيفة تيوي ترى صورًا لها يوم الأحد الماضي.
وقد تجعد وجه فونج غير أنها لا تزال تحتفظ بشعر وقوام الشباب، بحسب الصحيفة. وقد حيرت حالتها الأطباء المحليين.
وذكر التقرير أن مشكلة فونج بدأت عام 2008 عندما تناولت وجبة مأكولات بحرية وظهر طفح على وجهها. ووصف لها أطباء دواء للأكزيما، لكن بعدما تناولته له لمدة أسبوع تضخم وجهها، وبدأت علامات الشيخوخة تظهر على جلدها.
وقال نجوين تنه تويين '34 عاما' وهو زوج فونج: 'عندما تزوجنا كانت فتاة جميلة'.
وأضاف: 'من الصعب أن أتحدث صراحة عن مسائل زوجية، ولكن عليكم فقط أن تفهموا أنني ما زلت أحب زوجتي
المصدر عشان ما تجوا تغالطوا ساى :
http://telescopesyria.com/news/990.html
|
|
  
|
|
|
|
|
|
|
|
Re: شابة تتحول فجأة الى عجوز بعد تناولها هذا الطعام - صورة (Re: الطيب شيقوق)
|
شيقا
اول حاجة حسدتك جنس حسادة
واضح الشغل قل عندك .... ياخي ما تتبرع لينا من وقتك دا شوية
مشكلتك مشكلة .. تختفي نقول ووب .... تظهر بكثرة نقول ووبين
نجي للموضوع :
مافي حاجة تعمل العكس
100 سنة تبقي 19 سنة ( عمر الزهور )
اعتقد كتيرين من الجنسين في حاجة ماسة
تاني حاجة اسمع كلام اخوي ابو الفياصل واعمل بنصيحته
تالت حاجة مولانا امسك في مولانا محمد المرتضي حامد
مكمل الظرف ... وخليه يكتر من الحاجات
برضو في ناس كتيرين محتاجين
| |
|
|
|
|
|
|
|
|
|
Re: شابة تتحول فجأة الى عجوز بعد تناولها هذا الطعام - صورة (Re: حسن طه محمد)
|
خالي السمح ود البوب
عساك طيب ومنجم تمام
Quote: واضح الشغل قل عندك .... ياخي ما تتبرع لينا من وقتك دا شوية
مشكلتك مشكلة .. تختفي نقول ووب .... تظهر بكثرة نقول ووبين |
اول بالتبادي يوم داك كنت بحكي معاك عن الاستثمار في الضأن وكنت بمزح رغم انها حقائق . وحياتك قمت راجعت كلامي ليك هناك وقريتو بتأمل وشكّيت انو دا مش من بنات افكاري شخصيا وانما إسمى إتهكر .
المهم وحياتك قبلت ليك شراء في الضأن ( إناث بس) وكلفت لي عربي ليرعى بها ولقيت ليهن فحل مانع جنو اللبلبة غايتو للسنة الجاية بيتضاعف مرتين - يا رب ما تكون زى زجاجة السمن بتاعة خالتك الزمان ديك .
Quote: مافي حاجة تعمل العكس
100 سنة تبقي 19 سنة ( عمر الزهور ) |
لا يا خال الكبر برضو ليهو حوبة في حكم الاعدام - هسع مالك ما شايف حسني مبارك منجم كيف؟
Quote: تالت حاجة مولانا امسك في مولانا محمد المرتضي حامد
مكمل الظرف ... وخليه يكتر من الحاجات |
دا اصلو زياراتو حولية لبوستاتي ولما يجيني ظاعن بيكون خامي معاهو حاجات بتقوم النفس طوالي .
| |
|
|
|
|
|
|
|
|
|
Re: شابة تتحول فجأة الى عجوز بعد تناولها هذا الطعام - صورة (Re: الطيب شيقوق)
|
Quote: تالت حاجة مولانا امسك في مولانا محمد المرتضي حامد
... وخليه يكتر من الحاجات |
مولانا حسن،
تحايا من بحر الوافر كما يقول عزيزنا د. بشرى الفاضل.
يا سيدي الطيب دا كلمتو قلت ليهو ياخ الفينا مكفينا
وطلبت إليه يبعدنا من مسألة الدبايب والتماسيح والزواحف
بشكل عام ، سألته أن ينأى بنفسه عن الهياكل وعاد وثمود
ولم يكد حبر حروفي يجف حتى أتانا بما أفزع القوارير
باعتبارهن ألد أعداء آثار الزمن ، وجلهن لا يقبل بآثار
السنين وإن طالت فكيف يقبلنها قبل أن يرتد إليهن طرفهن
كما في مأساة الفيتنامية شفاها الله.
يامولاي الزول دا كلِّموهو .. قولوا ليهو..
اللهم عجِّل ببترول البردانه..
غايتو الله يهديهو ..
ويهدينا
| |
|
|
|
|
|
|
|
|
|
Re: شابة تتحول فجأة الى عجوز بعد تناولها هذا الطعام - صورة (Re: الطيب شيقوق)
|
أستاذتنا اسماء
Quote: بما أنى قد تسلمت تجاعيدي رسمياً من الطبيعة وجوها البارد عايزة صحن من الشواء اعلاه
عندي اعتقاد إنه بس بشتغل بالعكس ماعنده نوايا ضرر لذلك سيعيدنى شبابأ
ولكن بعد تفكير عميق قلت Been there done that |
لا لا مين قال ليك كدا ؟ دا يكون حاسد عايز يلحقك امات طه بس ؟
بعدين دى ما تجاعيد - دى غبشة سقط ساي - اوصيك بفنيجين زيت سمسم كل مساء بخلي الجسم ميكحة بس
| |
|
|
|
|
|
|
| |
الطيب شيقوق
محمد عمر الفكي
د.محمد بابكر
فيصل محمد خليل
عماد الشبلي
أمجد الزين
محمد المرتضى حامد
دبس
حسن طه محمد
هويدا شرف الدين
عبد الحميد المقابل
Asma Abdel Halim
Ahmed Abdallah
فيس بوك
تويتر
انستقرام
يوتيوب
بنتيريست