|
|
 باذن الله الواحد الاحد القادر على كل شئ الهلال متاهل ومنتصر
|
ليس غريب على الفرسان ليس بعيد عنهم التاهل
كرة القدم على تعرف المستحيل كوره طائشه من خليفه تجى قووون مراوغه مخالفه مع سادومبا ضربة جزاء يسدد هيثم
كل شئ وارد وبالبذل والعطاء والصبر
قسنتاهل وإذا اراد شئ قال له كن فيكون
باذن الله الدعوت بس
|
|
  
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: محمد عادل)
|
محمد عادل يا حبيب.. سلامات وسؤال عن الحال والصحة
ما أظن الليلة الهلال يقدر يعمل حاجة. ما خباثة مني والله عشان مريخابية. لكن المطر مدوًر عندنا من أمبارح بالليل والبرد ما حصل. اللهم إلا إذا أدوهم تدريبات للجو الزي ده.. مخططة أمشي رادس أحضر كان الله هوًن..
وبرضو. دعواتنا مع الهلال..
* أمبارح في إشارة المرور لقيت الشباب بيبيعوا في أعلام الترجي. قمت سألته ليه مافي أعلام الهلال.. ضحك وقال لي في أم درمان :)
شاغلتو: الشعب يريد أعلام الهلال. الحلو أصحاب العربيات الكانوا واقفين ساعتها كلهم بدوا يرددوا معاي... بالتوفيق
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: بخاري عثمان الامين)
|
Quote: بخارى بدعواتكم بدون دعواتكم باذن الله سنحدث مفاجاة ونتاهل
كيتن فيكم دعواتكم دا ماحتصل سقف الغرفه
نحنا دعواتنا صادقات
تخيل يابخارى كوره طائشه من خليفه جات قوون حتمشى وين |
وعشان دعواتنا ما بتصل سقف الغرفة نقول
( اللهم أنصر الترجي التونسي بخماسية تغطس حجر الهلال )
وكده الهلال ح ينتصر ..
لو خليفة جاب قون نطفئ النور وننوم لانه السهر مضر بالصحة
بس لو حصل العكس والله يا محمد عادل أفتشك محل ما تكون بدء بالطائف
وتلقاني قدام بيتكم لو كبيت الزوغة ومعاك حتي بزوغ الفجر ...
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: فايزودالقاضي)
|
Quote: بخارى بدعواتكم بدون دعواتكم باذن الله سنحدث مفاجاة ونتاهل
كيتن فيكم دعواتكم دا ماحتصل سقف الغرفه
نحنا دعواتنا صادقات
تخيل يابخارى كوره طائشه من خليفه جات قوون حتمشى وين |
يا محمد عادل رشو رشاهو بلى
ورش معاهو رجاء دي ذاته
لانو رجاء دي تحت تحت عايزة
تقول انتو متعودين على الحر
والكتاحة و السموم و كان
خلاااااااااص عايزين تتفلهموا
بتقولو همبريب
رشها رشها و لا تاخذك بها
شفقتن كلو كلو
ما تعمل ليك فيها صاحبة
توكل و قصص زي دي.
يازول ها الليلة انتو غالبين غالبين
اررررررربة كمان
| |
|
|
|
|
|
|
|
|
 Re: باذن الله الواحد الاحد القادر على كل شئ الهلال متاهل ومنتصر (Re: سفيان بشير نابرى)
|
ههههههههه بالله يا بخاري والدفينة بالله الليلة بس خلًونا ندعم ونشجع الأزرق..
غايتو الترجي ده فريقي الأساسي من زمااان معاه الرجا البيضاوي (شكله عشان الإسم وكده). لكن تقولو شنو. الواجب واجب. بس يا ريت الهلال كمان يساعدنا بجكة
سفيان يا شين. وحاتك من الأسبوع الفات الجو بدأ (يزمزغ) يا قول ود الباوقة. شلت هم الجماعة لما يجوا مع إني منشًنة اشيل منهم كوت برد لغاية ما الله يهوًن وأمشي اجيب باقي عفشي
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: محمد عبد الماجد الصايم)
|
Quote: يا سوفي سمعت بفريق اسمه ( أشراقة )
في القضارف ؟ |
يا باخ متع اخوك بقصة فريق اشراقة دي ياخ
متوعو اصلا البوست دا حيبقي قصة .
Quote:
سفيان يا شين. وحاتك من الأسبوع الفات الجو بدأ (يزمزغ) يا قول ود الباوقة. شلت هم الجماعة لما يجوا مع إني منشًنة اشيل منهم كوت برد لغاية ما الله يهوًن وأمشي اجيب باقي عفشي |
اختنا التي برادس مع الجوء الطاقس
قلتي لي عايزا تدحلبي تدحلبي وتطلعي بي كوت لوووووول
يازولة ديل تجار شنطة لما يسافرو بخمو خم خليك طموحة
ياخ وارفعي سقف امنياتك دي لمتين الواحد يقعد يعلم فيك!!!؟
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: سفيان بشير نابرى)
|
Quote: يا باخ متع اخوك بقصة فريق اشراقة دي ياخ
|
بالغت معانا ..
دائماً اشراقة بطقطقك في الشوط الاول
الشوط التاني الكوتش عنده خطة معلومة
ومختصرة في كلمة واحدة وهي ( جوطوها )
ح تغلبوا ارررربها بأذن الله ..
هسه يا ناس الهلال ولا تنظروا الشوط الاول ولا حاجة
الناس ديل يلحقوا يمعطوكم خمسة في الشوط الاول والرماد
يكيل حماد ،، من البداية جوطة شديدة وما يتعرف النص من الدفاع
من الحارس ، قد تنجح الخطة
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: Hassan Senada)
|
Quote: دائماً اشراقة بطقطقك في الشوط الاول
الشوط التاني الكوتش عنده خطة معلومة
ومختصرة في كلمة واحدة وهي ( جوطوها )
ح تغلبوا ارررربها بأذن الله ..
هسه يا ناس الهلال ولا تنظروا الشوط الاول ولا حاجة
الناس ديل يلحقوا يمعطوكم خمسة في الشوط الاول والرماد
يكيل حماد ،، من البداية جوطة شديدة وما يتعرف النص من الدفاع
من الحارس ، قد تنجح الخطة |
كاااااااااااك
هسي المعني خطتهم هي :- جوطوها!!!
تعرف ذكرتني قصة فريق حي مرة لاعب مبارة في الرابطة
و المدرب دائماً مصلللللللح وجاء محصل اللعيبة متاخر
و الفريق التاني اخد خطتو ونزل يسخن داخل الملعب
وناسك ديل ياداب مدربهم جاء من هناك كاجن كجنة صاااح
سريع سريع لماهم و هو في نصهم يتكلم معاهم اها في شاب
من الفريق التاني البسخن دا قال كدي اتصنت اشوف المدرب
دا خطتو ليهم شنو !!! لقاهو بقول ليهم :- اي واحد منهم
يفوت من واحد فيكم ينط فيهو جوز يطلع ............
و لازم تلعبوا الكورة زِوي زِوي اهم حاجة .
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: سفيان بشير نابرى)
|
Quote: الشوط التاني الكوتش عنده خطة معلومة
ومختصرة في كلمة واحدة وهي ( جوطوها ) |
غايتو يا بخاري خيرا تعمل شرا تلقى ...!!!!!
كوتش فريق إشراقة دا كان في واحد زيو في رابطة أمبدة
الشوط الأول ملطشين أها الشوط التاني بقول ليهم
فقدتو النقطتين ما تفقدوا الكرعين ....!!!! يعني شلتوهم
اها ياخوي الناس ديل قالو ليك ما عايزين دعواتك
لغاية بعدين نشوف دعواتهم دي بتعمل شنو ..!!
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: بخاري عثمان الامين)
|
Quote: ود القاضى خائن معدوم وطنية وطابور خامس
فى البوست..
التحية للهلال تاج من لاتاج له او راس له ..
محمد عادل سلامات ياخ |
البوست دا للهلالاب البيضيخاب يمتنعون
محمد عادل
الطيشاب ديل قال ليك معسكرين في القاهرة بس خائفين من الفضيحة دولارات المحترفين ابلملايين وخائفين الممتاز يطير منهم عشان كدا عسكرو في القاهرة لناس جزيرة الفيل والنسور تأمل ذلك
الهلا ل منتصر رغم انف البطيخاب
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: amir jabir)
|
| Quote: انشاء الله تعالى 2 صفر للهلال |
سلامات الاخ عادل
موفقين إنشاء الله
كونو إنو الهلال يغلِب دى ما بعيدة المنال... ياتو حواتى رمالو شبكة ما قبضلو سمكة
أها الاقوان دى... ذى صيد السمك .. دائرة صبر وطولت بال والله يطولك ياروح
تحاحى ... تحاحى ...بالكورة لحدى ما تووش تدخل السمكة جوا الشبكة ...
ويرتفع فوق كومة الاحقاد الهلال بالصبر والعرق والدموع
يا رب أنصر الهلال غالب أو مغلوب
محمد الفاتح خالد
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: فايزودالقاضي)
|
يا سلاااااااااااااااااام ياخ... والله الواحد لما يجي ويلاقي مكان فوقو المريخاب حاتلين بيكون منور ومفرهد
ياخ والله يا جماعة عندنا النعرة الوطنية شديد لكن الهلاهيل دي لسانهم طويل، وكان لحقو فازو وكمان شالو الكاس، بلدنا السودان حيبقى شين خلاص عبارة عن كيزان وهلالاب، وعلشان المصلحة والطنية:
يا رب الهلال ينغلب 8 صفر وما يشيل كاس نهائي ويفضل صايم عن الكؤوس الخارجية حتى يتم تشميعه بالشمع الاحمر نهائي
تحياتي لمفترع البوست الاخ محمد عادل
ووالله بدون زعل كل ما تكون في مباراة للهلال وتفتح قبل المباراة بوست الهلال يهزم هزيمة نكراء
فعليك الله يا اخ محمد عادل كل ما يكون الهلال لاعب افتح بوست قبل المباراة، واكون لك من الشاكرين
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: عبدالعزيز عبدالله محمد)
|
| Quote: فعليك الله يا اخ محمد عادل كل ما يكون الهلال لاعب افتح بوست قبل المباراة، واكون لك من الشاكرين |
يا عبد العزيز بالغت معانا ياخ
نحن الرهان بتاعنا علي لعيبة الترجي
وامكانياتهم تجئ تدرعها في بوستات محمد
عادل ( القبلية ) ، قبل المباريات يعني
والله لو محمد عادل قعد في حتة ما فيها شبكة
نت قبل ثلاثة شهور من كورة الترجي بتاعت الليلة
دي برضو الهلال مطقطق مطقطق ..
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: السيد المسلمي)
|
أها يابخاري دا سماها ليكـ وكشف ليك اللعب ..
بس لو الله أدانا الفي مرادنا ماتلومونا ..
ـــ
سي سي لودالقاضي :)
ـــــــــــــــــــــــــــــــــــــــــ
والله يا المسلمي كان قلت كلامي دا ولا ما قلتو كان الله اداكم ليها (بعد الشر) ما حتريحونا, وكانكم الكاس ماخدنو نكاية في المريخاب.
بس زي حكاية الكديسة والفار لما ركبو المركب
| |
|
|
|
|
|
|
|
|
|
Re: باذن الله الواحد الاحد القادر على كل شئ الهلال متاهل ومنتصر (Re: بخاري عثمان الامين)
|
غايتو يا بخاري أبدعت في البوست دا ......
أقول ليك حاجة سمعت تحت تحت إنو الإتحاد الأفريقي عايز إعمل بطولة إسمها (( قربنا نشيل الكاس))
دي شكلها مفصلة تفصيل على الجماعة ديل .....
أولاغايتو يابخاري في البوست داعملت لينا فيها ABUHUSSAIN في البوست بتاع بربار داك.
وبأمانة ياجماعة في دور التمانية شجعنا ابو الهل دا لمان حلوقناقحت وأصواتنا بحت
لأننا منتظرين الأيام المتل ديل
| |
|
|
|
|
|
|
| |
محمد عادل
بخاري عثمان الامين
Raja
محمد عبد الماجد الصايم
فايزودالقاضي
ابراهيم محمد الحسن
Hisham Ibrahim
سفيان بشير نابرى
معاوية عبيد الصائم
Magdi Ahmed Elsheikh
ABUHUSSEIN
المكاشفي الخضر الطاهر
amir jabir
محمد الفاتح خالد حسون
عبدالعزيز عبدالله محمد
طارق عبد اللطيف نقد
MOHAMMED ELSHEIKH
ALazhary2
keiga2000
صديق الموج
othman mohmmadien
فيس بوك
تويتر
انستقرام
يوتيوب
بنتيريست