|
|
|
 Re: بريطانيا تكتشف خداع وغش طالبي اللجوء السودانيين ... (Re: منتصرمحمد زكى)
|
| Quote: وتقوم بعض المنظمات البريطانية مثل (أقست برست) وأخرى تدعى (واجتنق بيس) بتزوير الأوراق الرسمية والثبوتية بالتعاون مع منظمات ومحامين سودانيين ومعارضين من التجمع وحركات دارفور وقيادات من الحركة الشعبية، وإصدار أوراق مزورة وشهادات من بينها أوامر قبض من الشرطة السودانية وغيرها من تقارير منظمات حقوق الإنسان. |
انا شاعر انو الفقرة دا هى ما يمكن ان يسبب قلق السلطات البريطانية ( منظمات طوعية بريطانية تعمل / تتعاون / تغض الطرف عن
التزوير فى اوراق رسمية )
دا جريمة وفقا للقانون البريطانى ...
والشى الاخطر هو ما سيترتب عليه اكتشاف تزوير فى بيانات شخص مقدم للجوء السياسي .. سيترتب على ذلك فقدانه لهذا الحق وترحيله
ولن يجد تعاطف السلطات البريطانية ..مهما كانت الاسباب منطقية لطلبه اللحوء ..
لذلك انا شايف انو الموضوع دا بيجيب لبعض ابناء بلادى الهواء ( احســن هذا الموضوع يتلم )
سلام منتصر مفترع الخيط ..
| |
  
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: بدر الدين اسحاق احمد)
|
الأخ منتصر
الفضيحة التى لا يود السفير أن
تتسرب هى " غواصات " الكيزان من
طالبى اللجوء ( خاصة المشاركين و
المشاركات فى حملة نصرة البشير فى لاهاى)
وبعض تجار العملة المشهورين فى لندن وبرمنجهام.
والأدهى والأمر بعض من كان يعمل فى بيوت الأشباح !!!
هناك شخصية رسمية معروفة تعمل كمراسل لما تسمى" الغفلة"
والموضوع له تداعيات تتعلق" بالارهاب والكباب " والأمن القومى.
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: نزار يوسف محمد)
|
هناك عدد كبير من المنتمين للجبهة حاولوا الدخول في برنامج لجو سياسي بالتزوير وقد دفع الموتمر اللاوطني بهولاء ليس في بريطانيا وحدها بل كذلك في استراليا
وهناك اسماء وعلي علم بها اخدت اللجو بعد الكذب في المستندات
وبالتاكيد مثل هذا التزوير وكشفه سيكون في صالح من طلب اللجو كسياسي وله موقف واضح ويضيق الفرصة علي المرتشين من تنظيم الموتمر اللاوطني
اغلب حالات اللجو التي لديها علاقة بمواقف سياسية واضحة معروفة للجميع والسودانيين في تلك الدول علي علم بها ودراية كاملة ومجتمعات السودانيين متواصلة في قصة المعلومات دي
التناقض هنا اذا ظن البعض بان الحكومة البريطانية ستتواصل مع الحكومة السودانية بخصوص هذه الحالات وفرحة التشفي لا توجد هنا
ومهما حدث من تزوير في اوراق فالواقع اثبت بان الحكومة البريطانية ممثلة في مكتب الهجرة ستنظر للحالة وان كانت هناك شبه انها ستكن ضحية للنظام القمعي السوداني فلن تفرض
وستحاول السفارة بكل تاكيد في اطلاق شائعات كهذه ومحاولة التفشي في معارضي النظام هناك بكل الوسائل كما حدث في مزبحة مصطفي محمود في القاهرة .
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: نزار يوسف محمد)
|
Quote: الأخ منتصر
الفضيحة التى لا يود السفير أن
تتسرب هى " غواصات " الكيزان من
طالبى اللجوء ( خاصة المشاركين و
المشاركات فى حملة نصرة البشير فى لاهاى)
وبعض تجار العملة المشهورين فى لندن وبرمنجهام.
والأدهى والأمر بعض من كان يعمل فى بيوت الأشباح !!!
هناك شخصية رسمية معروفة تعمل كمراسل لما تسمى" الغفلة"
والموضوع له تداعيات تتعلق" بالارهاب والكباب " والأمن القومى.
|
سلام يانزار
اعتبرك واحد من العاقلين ...الموضوع دا خطير وحايتضرروا منو ناس كتار
ومعظم الناس الهاجرت معظمها هجرات اقتصادية وقاعدين يساعدوا أهلهم
المساكين ( لأنو لو كان وضع السودان كويس كان أصلا ماهاجروا ) .....
انها الملعونة السياسة .....
أتمنى انو الموضوع دا يتقفل ونقول لصاحب ( الانتباهة ) حتتقفل بيوت كتيرة
جراء هذا الأمر .....وأتمنى كل من له صلة بالسفارة أن يتدخل لأن هنالك
أشخاص بيعولوا يتامى وأرامل وكبار سن وأطفال في المدارس ....
الحصل ليكم شنو ياناس بريطانيا ماكنتو كويسين رغم اختلاف مذاهبكم السياسية ......
الناس بتتشاكل وبترجع لي بعض لكن مابتصل حد الانتقام .
تحياتي لكم ولصاحب البوست وللمتداخلين .
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: Ridhaa)
|
نظام الهجره فى بريطانيا نظام راسخ ويدار عبر سستم (مكرب) ولن تؤثر فيه وشايات البعثه السودانيه والانتباهه وان كان ثمة من سيتضرر من فتح هذا الملف فهم منسوبى النظام وعناصر جهاز الامن والذين ازدادت اعدادهم فى الاونة الاخيرة واذا كانت البعثه السودانيه قد بدات طريق الابتزاز فلتستعد لترحيل زبانيتها من قضاة النظام العام وضباط الامن ومجرمى بيوت الاشباح والذين ترصدهم القوى الوطنيه وباعين مفتوحه..وان كانت الانتباهه تريدـان توحى بانها ستؤثر فى مصائر السودانيين بالخارج فهذا محض وهم فما(تتغوطه) الانتباهه لايتعدى اثره مبانيها فى ضاحية المقرن وان كان ثمة دور مرتقب لهذه الصحيفة البائسه فهو اجراء مقابلات مع العائدين من مجرمى النظام بعد ان تلفظهم بلدان تنعم بقوانين تميز وبدقه بين الضحية والجلاد..
اما طالبى اللجوء السياسى من احرار وحرائر السودان فهم لايكذبون بل هم ضحايا الكذب المتواصل لاكثر من عشرين عاما..
لاتخافوا على هؤلاء فظهورهم محميه.. وان عادوا عدنا..
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: Ridhaa)
|
اذا فليبداء السفير. بكشفهم ويبتدي بالسفارة
التي تخدم انتهازيين, نالوا الاقامة بتلك الطرق
التي اثاروها.
عموما اللجؤء السياسي للسودانين ببريطانيا, ازداد
في ظل عصبة الاسلامويين المغتصبين للسلطة, أن كانت هنالك
حالات تعد علي اصابع اليد سابقة لذلك.
الذي غائب عن نميمة الانتباهة واذيالها, بأن اللاجيئن السودانيين
ببريطانيا, تقل جرائم الاقليات المهاجرة وسطهم. ونسبة كبيرة بينهم
اكملت دراساتها العليا بجامعاتها.
ونافسوا الهنود بالوظائف الوسيطة والدنيا في دولاب الخدمة المدنية
مما يجعلهم علي تأهيل, وقدرة علي تسيير مطلوبات الخدمة المدنية بالسودان
التي دمرها الاسلامويين, بالمحاباة والصالح العام وخريجي الجامعات الوهمية
التي أنشؤها. فالرهان علي السودان الحر المتصالح مع ذاته, سيصنعه,اللاجيئن
السودانيين بالمنافي المختلفة مع الشرفاء بالداخل.
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: الفاضل يسن عثمان)
|
والله دة عدم خجلة ساي
طيب السفارة
المفروض تراعي رعاياها في بريطانيا دي
مافي زولا عاقل فيها سأل نفسو الناس دي كضبت وطلعت تكوس في اللجوء شنو
طيب سفارات النظام كلها
ما سألت نفسها ملايين السودانيين البقو لافين بي برة ديل البخلي الواحد فيهم لو كتلوهو ما بيرجع السودان ليه
والله عدم خجلة
ياخي السوداني زمان كان نفسو عزيزة اقل قلة ادب من المخدم برة السودان يرمي ليهو شغلوا في وشو وعارف انو عندو بي هناك مليون ميل مربع برجع ليها
هسي ما يقدر
يدوس علي كرامتو لآنو عارف حايرجع يلاقي وراهو مليون مسكين
والله عدم خجلة
هسي بالله يفرحو في شنو
ويشمتو في شنو
متين كان السودانيين بيفتشوا اللجوء في بريطانيا الكانو قبل ما يتصنفوا ارهابيين بيمشو ليها دراسة
ولا يمشو زيارة يتفسحو ويعملو شوبنق
والله عدم خجلة
هو البلد دي المسئول منها منو
والمسئول من المواطنين ورفاهيتم منو
والله بالجد كدة
دي عدم خجلة ساكت
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: بشرى محمد حامد الفكي)
|
مصدر الخبر لو سمح صاحب البوست من اى وكالة بريطانية ؟1
2
Quote:
وعلمت «الإنتباهة» أن الأسابيع الماضية شهدت تقديم طلبات لبريطانيا من قبل أشخاص يدعون أنهم من جبال النوبة والنيل الأزرق ويواجهون خطر الإبادة الجماعية بتلك المناطق. وتقوم بعض المنظمات البريطانية مثل (أقست برست) وأخرى تدعى (واجتنق بيس) بتزوير الأوراق الرسمية والثبوتية بالتعاون مع منظمات ومحامين سودانيين ومعارضين من التجمع وحركات دارفور وقيادات من الحركة الشعبية، وإصدار أوراق مزورة وشهادات من بينها أوامر قبض من الشرطة السودانية وغيرها من تقارير منظمات حقوق الإنسان. وفي ذات السياق رصدت السفارة السودانية في لندن طبقاً لتلك المعلومات عدداً من الأشخاص والمنظمات السودانية، خاصة شخص يُدعى النور عطا في برمنجها |
على السفارة السودانية اصدار بيان بهذا الشان على ان يتضمن البيان اسماء تلك المنظمات علشان الناس تعرف تتصرف ؟
-------------------------------------------
الشغل بجيب الشغل يا انزعط السفير يا زعطنا ناس المنظمات ديل المزورين اورق لى ناس هم اصلا ما من جبال النوبة ولا النيل الازرق ولا درافور
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: نزار يوسف محمد)
|
اىخ كاتب البوست
تحية طيبة
للاسف كلام الجريدة ده كلو كلام فارغ يمكن يصدقو زول في السودان او في اي دولة عربية لكن اي شخص في بريطانيا او اوربا لا يمكن ان يمر عليه - خرطي و استخفاف بعقول البشر زي ده- في الاقتباس ادناه
| Quote: أن السلطات البريطانية بدأت مع وكالة الهجرة البريطانية والجهات المختصة إجراء اتصالات بالسفارة السودانية في لندن حول وجود عمليات تزوير واسعة تقوم بها منظما ت طوعية بريطانية وسودانية وأفراد أسفرت عن آلاف حالات التزوير وخداع السلطات البريطانية التي تقوم بمنح طلبات اللجوء الضوء الأخضر. |
اولا الكلام الفوق ده مكوجن زي اي حاجة مكوجنة ومكعبرة في السودان السجمان ده ، تعرف لو - السلطات البريطانية - اتصلت بالسفارة عشان تسألها من نفر واحد خليك من عمليات تزوير والكلام الكبار ده بكرة الصباح ده اقل حاجة تترفع عشرين قضية في - السلطات البريطانية- وطبعا القضاء النزيه حا يشتغل والراي العام حا يشتغل والمنظمات الراعية لحقوق الانسان حا تشتغل و- السلطات البريطانية - الجايبنها في خبرهم ده تاكل نيم .
اي حاجة في البلد دي تعتمد على الشفافية الا حقوق الانسان ، دي بتحميها اقدم ديمقراطية في العالم الحديث.
انا ما عارف الناس ديل بعد ناس الامن الرسلوهم وبرضو - السلطات البريطانية- ادتهم لجوء وموزعين في كل مدينة وتقاريرهم ما تديك الدرب لسه ما فهمو انو اللجوء ده حق ينتزع انتزاع ولا يمكن منحه بهذه البساطة .
والله انا كنت قايل الانتباهة دي قبة تحتها فكي اتاريها طلعت ماسورة ومويتها قاطعة كمان .
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: منتصرمحمد زكى)
|
كتب أحمد طه الصديق في عموده (على الرصيف) :
Quote:
دقسة بريطانية!!
الأحد, 16أكتوير 2011
اعترفت بريطانيا بكل خبرائها في المعلومات والأمن والسياسة بأنها تعرّضت إلى «تدقيس» بحسب اللهجة البلدية المستحدثة في السودان وإلى خدعة بالعربي الفصيح، وذلك من مجموعة من السودانيين، وأن الخدعة أو «التدقيس» انطلى عليها منذ سنوا، فقد أعلنت سلطات الهجرة البريطانية بحسب ما ذكرت أمس «الإنتباهة» أنها بصدد إجراء تحقيقات وتحريات تتعلق بملف طالبي اللجوء السياسي والمهاجرين السودانيين ببريطانيا، منذ بداية التسعينيات وحتى فترة النزاع في دارفور ومنطقتي النيل الأزرق وجنوب كرفان مؤخرًا، وتعتزم سلطات الهجرة البريطانية القيام بالتحقيق وإجراء التحريات اللازمة والأخذ بجدية معلومات تتعلق بملف طالبي اللجوء السياسي والمهاجرين السودانيين ببريطانيا منذ بداية التسعينيات إلى فترة النزاع في دارفور، والمشكلات الأخيرة في جنوب كردفان والنيل الأزرق.
وعلمت «الإنتباهة» أن السلطات البريطانية بدأت مع وكالة الهجرة البريطانية والجهات المختصة إجراء اتصالات بالسفارة السودانية في لندن حول وجود عمليات تزوير واسعة تقوم بها منظمات طوعية بريطانية وسودانية وأفراد، أسفرت عن آلاف حالات التزوير وخداع السلطات البريطانية التي تقوم بمنح طلبات اللجوء الضوء الأخضر.
وتشير تقارير رسمية في بريطانيا وتقارير دبلوماسية إلى أن الكثير من الأفارقة من دول في شرق ووسط وغرب إفريقيا استغلوا النزاع في السودان مثل حرب الجنوب والأوضاع في دارفور للادعاء بأنهم سودانيون فروا من تلك الحروب بسبب الاضطهاد العرقي والديني الذي يمارسه العرب والمسلمون. وعلمت «الإنتباهة» أن الأسابيع الماضية شهدت تقديم طلبات لبريطانيا من قبل أشخاص يدعون أنهم من جبال النوبة والنيل الأزرق ويواجهون خطر الإبادة الجماعية بتلك المناطق. وتقوم بعض المنظمات البريطانية مثل «أقست برست» وأخرى تدعى «واجتنق بيس» بتزوير الأوراق الرسمية والثبوتية بالتعاون مع منظمات ومحامين سودانيين ومعارضين من التجمع وحركات دارفور وقيادات من الحركة الشعبية، وإصدار أوراق مزورة وشهادات من بينها أوامر قبض من الشرطة السودانية وغيرها من تقارير منظمات حقوق الإنسان.
وقال السفيرالسوداني بلندن إن بعض طالبي اللجوء السياسي يذهبون للسلطات البريطانية ويدعون أن الشلوخ السودانية وعلامات العلاج بالكي من آثار تعذيب الأجهزة الأمنية السودانية، ويستندون في ذلك إلى منظمات سودانية ودولية. وأوضح السفير أنه أوضح للسلطات البريطانية أن الشلوخ والوشم عرف سوداني، وأن الكي طب شرعي، وقال إن السلطات البريطانية بدأت تتفهم تلك المعلومات. وأشار إلى أن هناك اتصالات مع المسؤولين البريطانيين بغرض عدم استغلال بريطانيا في عمل فيه تزوير وخداع وغش وتشويه لسمعة السودانيين، لافتاً إلى أن ألفي طبيب سوداني يعملون في بريطانيا يجب ألا تشوه صورتهم قلة محدودة، وقال إن تلك الفئة تستغل دافع الضرائب البريطاني للسكن والعلاج المجاني، وأكد السفير أن السفارة ماضية في تصحيح الأوضاع وعكس صورة السودان المشرقة، وعدم استغلال قضاياه بهذه الكيفية.
لكن بالطبع فليس كل الذين قاموا بعمليات الخداع أو «التدقيس» للسلطات البريطانية كلهم معارضون أو محترفو سياسة، فجلّهم إما خريجون لم يجدوا عملاً أو شباب يعملون في الزراعة فهجروها بسبب المشكلات التي تواجهها من ارتفاع في التكلفة تتعلق بمدخلاتها أو بتعدد الرسوم أو بمشكلات الري، كما أن بعضهم قد يكونون عمالاً يمتهنون مهناً هامشية فضاقت بهم الحياة ففزعوا نحو الهجرة بأي ثمن حتى وإن كان عن طريق التزوير في المستندات أو اختلاق حكايات مثل التعذيب والتي تجد من المنظمات الأجنبية والمعارضة مطية لتنفيذ مآربها، أذن الحل هو تفعيل الإنتاج وإزالة المشكلات التي تواجهه من جباية إلى رسوم جمركية مرتفعة وغيرها والاهتمام بالقطاع الزراعي وإزالة كل ما يعترضه من حزم بالجملة من المشكلات الشائكة ورفع مستوى التعليم وتخفيض تكلفته وإلا فإنه ليس من المستبعد أن يدعي أحد المهاجرين في بريطانيا أو غيرها بعد وقوعه في بالوعات الخرطوم التي تفتح أفواهها تتربص بالآمنين أنها من فعل التعذيب أو يدعي من يجرح بواسطة سيارة خردة «مسمة» في المنطقة الصناعية أنها من زبانية حكومة الخرطوم، المهم مبروك للبريطانيا لاكتشافها «التدقيس» وعقبال «التفتيحة».
|
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: نهال كرار)
|
بمناسبة الكذب فى الادلاء بمعلومات والحصول على حق اللجوء فلتتاملوا معى هذه العينه:
رئيس المؤتمر الوطنى بالمملكه المتحده فى الاصل لاجئ سياسى(اتحادى ديمقراطى)
المسئول الاعلامى بالسفاره فى الاساس لاجئ سياسي(اتحادى ديمقراطى)
واكثر من 90 فى المائه من عضوية الموتمر الوطنى فى الاساس لاجئين سياسيين قدموا معلومات حصلوا بموجبها على اللجوء.
ومن عجائب الانقاذ ان عددا مقدرا من وزرائها كانوا فى الاصل لاجئين سياسيين بل وحصلوا على الجنسيه البريطانيه بعد ان ادعوا بانهم كانوا ضحايا للنظام..مانريد قوله ان الانقاذ و(جوقتها) داخل وخارج السودان غير مؤهلين اخلاقيا للتحدث عن الكذب والتدليس..
اما سفيرنا فان صح مانسب اليه من تصريحات للانتباهه فان ذلك يكشف المفارقه المطلقه بين دبلوماسيي الانقاذ والاعراف الدبلوماسيه ولا يغيب على السفير المحاذير المحيطه بالمعلومات وتداولها فى المملكه المتحده .وسيادته يعى تماما انه فى امكان اصغر محامى فى عاصمة الضباب ان يتلقف هذه التصريحات البائسه ليصنع منها قضية راي عام خصوصا ان لامر يطال خصوصية وسلامة مواطنين بريطانيين..يا لها من دروشه..
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: د.محمد بابكر)
|
| Quote: وعلمت «الإنتباهة» أن السلطات البريطانية بدأت مع وكالة الهجرة البريطانية والجهات المختصة إجراء اتصالات بالسفارة السودانية في لندن حول وجود عمليات تزوير واسعة تقوم بها منظما ت طوعية بريطانية وسودانية وأفراد أسفرت عن آلاف حالات التزوير وخداع السلطات البريطانية التي تقوم بمنح طلبات اللجوء الضوء الأخضر. |
كلام الإنتباهة الفوق ده يكشف لنا العقلية الدكتاتورية في السودان. وهولاء يعتقدون أن دولة مثل بريطانيا قد تستعين بسفارة نظام المجرمين لكي تتحرى عن بعض طالبي اللجوء السياسي من السودانين أنفسهم.
حتى لو حدث مثل هذا الأمر فالجهاز التشريعي ومنظمات حقوق الإنسان البريطانية من المستحيل أن تسمح بذلك. وأي مسئول بريطاني يتورط في مثل هذا الأمر قد يفقد منصبه فورا.
| |
|
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: د.محمد بابكر)
|
تشكر يا دكتور محمد بابكر علي تدخلاتك القيمة.
بالفعل 3_4 موظفي السفارة، من نالوا وضعية اللجوء
باساليب ملتوية، واذا عادوا في ذلك، سوف نتعبهم، بالرغم من ان معظم
مرتباتهم يتاتي من المعاملات القنصلية للاجيئن الذين يقدحون في حقهم، ويرفعون
التقارير السيئة عنهم.
الملحق الاعلامي السيد خالد المبارك، لاجيئي وعريق، ويمكن أن نستغل قانون تمليك المعلومات
ونخرج كل المستخبي واعاناته الاجتماعية في كامبردج، اما الصغار والازلام،داخل السفارة
الامر اسهل، من رشفة ماء .
وهنالك فظاعات في بيت السودان، من باع ومن اشتري، لمنزل تؤارثه السودانيين لعدة سنيين
سوف لن يتركونكم اللاجيئن ونظامكم البائس، لانكم سبب تواجدهم في هذا الصقيع.
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: الفاضل يسن عثمان)
|
المدهشني ان الكيزان ذوي التوجه الصريح اعربو عن امتعاضهم من فتح مثل هذا الموضوع كما في حالة بدرالدين اسحق.......ربما لانهم يدركون ان راس السوط قد يطربق دماغهم واذا أعلمنا حسن النية ربما يقظة ضمير ، ولكن الطريف ان الرقيق السياسي خاصتهم وعلي نظرية الشريف زولي طفقو يكيلون التراب علي اللاجئين ظانين ان هذه الفئة جيمعها تندج تحت قائمة خصوم اسيادهم الكيزان .
لو افترضنا ان هناك من كذب( وهذا جائز) واستطاع ان يبقي لاجي بدون اي وجهة حق، مالفائدة التي يجنيها من ينادي بطردهم ؟ وما الضرر الذي يصيبه ان بقي هكذا ، هل حرص علي اموال دافع الضرائب البريطاني؟ ياجماعة كان عندي جدي الله يرحمه كثيراً مايردد بان الضوء في الاول يضوي في بيتو ثم ينشر ضوه الي الخارج ، علي لحن الاكل اذا لم يكفي ناس البيت حرم علي الجيران .....وخيركم خيركم لاهله. لو اصلاً فيكم ذرة من حفظ حق الناس خليكم في حقكم .
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: ibrahim alnimma)
|
| Quote: حتى الطير يجيهو جيعان يمرق شبعان ناهيك عن ابناء الوطن |
لقد صدق صديقى محمد فرح, هسى البلد السجم دى الشبعان فيها منو غير الطير!!!
أما (أبناء الوطن), فإن الجوع والمسغبة هما نصيبهما
واهم من يظن أن بريطانيا أو غيرها من الدول التى إستقبلت تدفق أفواج المهاجرين وطالبى اللجوء قد تم (إستغفالها)
عن طريق مستندات وأوراق زايفة. المسألة برمتها هى قرار سياسى, ولا علاقة له بالجانب الإنسانى كما
يظن البعض, فإن كان للمنظمات العاملة فى هذا المجال أهداف إنسانية, إلآ أن الحكومات التى تستوعب
هؤلاء المهاجرين لم/ لا تستند فى فحصها للحالات على هذا العنصر الإنسانى. ثم أن الحرب التى كانت
دائرة فى الجنوب كانت مسوغاً (قانونياً) وشرعياً لقبول طالبى اللجوء وفقاً للإتفاقية الأفريقية, والتى أضافت
إلى الإتفاقية الدولية الجانب الذى إفتقدته, وهو تضمين وإعتبار النزاعات والحروب الأهلية سبباً كافياً لمنح اللجوء.
وضعية اللاجئين السودانيين فى جمهورية مصر هى خير دليل على صحة حديثى, فإن كان الهدف إنسانياً, فإن الأحرى
بدول العالم الأول أن تتحرك لمنحهم صفة اللجوء الان قبل الغد لأن ظرفهم الإنسانى فى غاية الدقة والحرج, وأما
وأن الأمر يندرج تحت خانة ساس يسوس, فإن العالم لم/ لا يهتم بهم, أو برصفائهم فى بلاد أخرى كثيرة. ثم أن قوانين
اللجوء تبيح لطالب اللجوء إستخدام أوراق ثبوتية غير صحيحة اذا وجب الأمر, يعنى من الممكن أن تدخل دولة إستقبال
كمصر أو بريطانيا مثلاً بجواز سفر مزور أو بدونه, وهناك حالات كثيرة إنطبقت عليها هذه الأوصاف.
تبدو الإنتباهة فى غاية (الغفلة) وهى تلهث من وراء أهدافها ومكاسبها السياسية. لقد فات على الصحيفة أن مراجعة أوضاع
الذين وصفتهم هنا من قبل السلطات البريطانية أو غيرها سيكون معركة (قانونية) ستخسرها الحكومة بلا شك. وهلى تعرف
الإنتباهة أن فحص حالات طلب اللجوء تتم فى ساحات قانونية, أى أن الأمر تنظره محاكم, لا مجرد (مفوضية), أو موظف
يقرر بجرة قلم من هو آهل, ومن هو كاذب آشر؟؟!!
تحياتى لصاحب البوست وضيوفه الكرام
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: عبدالله شمس الدين مصطفى)
|
مرحباً منتصر وضيوفه.
شدتنى هذه الفقرة من إفادة سعادة السفير:
| Quote: خاصة في حال طلبهم وثائق من السفارة السودانية. واستشهد بأن الشخص الذي اعتدى على د. نافع علي نافع من قبل مسجل في السفارة باسم قادم الطيب من جبل أولياء، بينما اسمه في وثائق بريطانيا قسم الله الطاهر وأنه من دارفور، وقال إنه معروف أنه طلب اللجوء لهولندا ورفض طلبه وتم تهريبه للندن |
فكيف يستوى عقلاً ان يطلب طالب لجوء وثائق من سفارة نظام معادى له,
فالمعروف أن أول شرط يجب توفره فى طالب اللجوء هو أن يكون خارج
الدولة التى عانى فيها الإضطهاد بسبب معتقده, أفكاره, عرقه, جماعته
و و و و كل الأسباب التى تشكل مسوغاً لمنحه صفة اللاجئ, وفى بعض الحالات
كان مجرد دخولك لسفارة دولتك يعنى إنتفاء وبطلان طلب اللجوء خاصتك, فكيف يكون
المرء طالب لجوء, وفى الوقت نفسه يلجأ لسفارة النظام طلباً لوثائق؟؟!!!!!!!!!!!!!
لأ ومش كده كمان, أن تقوم سفارة النظام بتسجيل هؤلاء اللاجئين والفارين من
قهر وعسف نظامها فى سجلاتها, أى مثل حالة قادم الطيب الذى أورده سعادة السفير!!!!!!
يبدو أن سفيرنا الهمام ليست له اى خلفية عن قوانين اللجوء, ولا عن إتفاقية اللجوء
الدولية ولا الأفريقية, ولا البروتوكول الخاص بهما, وإلآ ما كان قد تفوه بمثل هذا الحديث.
ويبدو أن صحيفة خال الرئيس ايضاً ترسف فى الجهل باللجوء وشروطه وقوانينه ,
وإلآ ما كانت قد كتبت ما كتبت, ولا كانت أوردت ما قال سعادة سفير النظام.
شكراً منتصر
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: د.محمد بابكر)
|
Quote: Non-refoulement
Besides identifying the essential characteristics of the refugee, States party to the Convention also accept a number of specific obligations which are crucial to achieving the goal of protection, and thereafter an appropriate solution.
Foremost among these is the principle of non-refoulement. As set out in the Convention, this prescribes broadly that no refugee should be returned in any manner whatsoever to any country where he or she would be at risk of persecution (see also article 3, 1984 Convention against Torture, which extends the same protection where there are substantial grounds for believing that a person to be returned would be in danger of being tortured). |
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: د.محمد بابكر)
|
مرحباً عزيزى د. محمد بابكر.
ما أردت إيضاحه هو الجهل بالإتفاقيات والعهود الدولية والإقليمية فيما يخص
اللجوء وقوانينه, ليس من قبل العامة فقط, بل من قبل من نتوسم فيهم المعرفة
بحقيقة الأمور, خصوصاً حين يبدأون فى "نبش" المخبوء والمتجاوز لمعرفتهم
وإدراكهم للأمور موضوع النقاش.
كما قلت انت ربما كفلنظام التحقق والمراجعة الحق للسلطة القضائية
فى تغيير قراراتها على ضوء معلومات وبيانات جديدة تم إخفاءها عن عمد, لكن
وكما ذكرت آنفاً, فإن تغيير حالة و وضعية بعض الذين ستطالهم حالة المراجعة
هذه سوف لن تتم دون معارك قانونية شرسة قد تضر وتسئ للقائمين على الأمر,
أكثر من مجرد مراجعة حالات كذب وتزوير فى بيانات ومعلومات البعض.
كل الود يا د. محمد, وشكراً لك
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: د.محمد بابكر)
|
الذ حاجة في الموضوع دا انو بريطانيا بكل تاريخها القانوني وتقاليدها العدلية وامكاناتها الاستخباراتية النجضت الروس زمان نجاض شديد طلعت اي كلام يا جدع
دا السودانيون الكحيانين المزعبرين انتقموا لكرري و خدعوا بريطانيا بقصة اللجؤ و استنفدوا اموال دافع الضرائب البريطاني في غفلة من الحكومة البريطانية الساهية اللاهية التي يجب ان يدفع وزرائها اصحاب الصلة مسئولية اهمالهم ويتقدموا باستقالاتهم
ولاحظو يا جماعة
بما ان الحديد لا يفله الا الحديد قامت
الانتباهة السودانية (التي طلعت ام الذكاء والفهم كله) بكشف الملعوب من طق طق للسلام عليكم وانقذت بريطانيا.....
--------------
والالذ من الذ حاجة انو الانتباهة هي الوحيدة صاحبة السبق الصحفي في الموضوع
---------------
الشعب يريد لقب سير للطيب مصطفى
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: د.محمد بابكر)
|
هسع خلاص كل القضايا العويصة اتحلت و لم يتبق غير مناقشة كذب طالبي اللجو السياسي او غير السياسي في بريطانيا اوبلاد الواق الواق .
يا صاحب البوست الظريف قف تأمل :
عليك في المقام الاول مناقشة كذب الرئيس البشير الذي اعلنه في برنامج بصراحة مع سيء الذكر ودالبلال ان كانت لك ذاكرة... ومن ثم يمكن لك مناقشة هذه القضية الخطيرة علي حد تعبير كيزان المنبر... يا كيزان المنبر الاختشو ماتوا اي و الله... و كما قال ود الريس يا هو الفضل.
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: برير اسماعيل يوسف)
|
Quote: يا صاحب البوست الظريف قف تأمل :
عليك في المقام الاول مناقشة كذب الرئيس البشير الذي اعلنه في برنامج بصراحة مع سيء الذكر ودالبلال ان كانت لك ذاكرة... ومن ثم يمكن لك مناقشة هذه القضية الخطيرة علي حد تعبير كيزان المنبر... يا كيزان المنبر الاختشو ماتوا اي و الله... و كما قال ود الريس يا هو الفضل. |
؟؟!!
للأسف لا أملك ذاكرة .. فقدتها في ميدان جاكسون ...
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: منتصرمحمد زكى)
|
عدد الأصوات التي تحصل عليها المرشح عمر حسن أحمد البشير في مركز ادنبرة كانت 31 صوت
شاهد النتيجة الكاملة بالضغط على الرابط أدناه
http://mail.sudaneseonline.com/2008-05-19-17-40-04/...-------886-----.html
في ذاك المركز صوت 38 ناخب، 31 منهم أدلوا بأصواتهم للبشير. 13 من الـ 38 ديل بعرف معرفة أكيدة إنهم لاجئين، يعني طلبوا لجوء لما جو المملكة المتحدة (صرخوا زي ما بقول الشباب). قول 6 من الـ 13 ديل هم الما صوتوا للبشير + صوتي أناعشان يبقا العدد 7 ودا المجموع الكلي للناخبين الما صوتوا لصالح البشير. أها معناتا من الـ13 لاجئ ديل فضل 7 صوتوا للبشير ودا بالميت كدا بإعتبار الـ18 الباقيين الصوتوا للبشير ديل ما فيهم لاجئ واحد(ما متذكر لو كان في بطاقات تالفة ولا مافي). أها إذا كان في شخص جا استجار بالمملكة المتحدة من ظلم حكومة "الإنقاذ" العلى رأسها البشير و لما جاتو الفرصة يغير الوضع دا قام انتخب الشخص الظلمو وشردو!! يكون دا الغش و الخداع البتكلم عنو الخبر دا لو كان صحيح ياربي؟ غايتو لو الطيب مصطفى قاصد كدا أرجو منك تعديل عنوان البوست ليكون "بريطانيا تكتشف خداع وغش طالبي لجوء سودانيين" حتى لا تحمل نفسك وزر التعميم الخاطئ. الناس الاتشتت في بلاد الله دي معظمها مرقت تفتش ليها نجاشي تحتميبو من تهلكة التنكيل لو قالت بغم أوالعوز أو شظف العيش أو هدر الكرامة وما أظنها مرقت كايسالا زولا تغشوا و تخدعوا.
| |
|
|
|
|
|
|
|
|
|
Re: بريطانيا تكتشف خداع وغش طالبي اللجوء السودانيين ... (Re: منتصرمحمد زكى)
|
| Quote: الناس الاتشتت في بلاد الله دي معظمها مرقت تفتش ليها نجاشي تحتميبو من تهلكة التنكيل لو قالت بغم أوالعوز أو شظف العيش أو هدر الكرامة وما أظنها مرقت كايسالا زولا تغشوا و تخدعوا. |
Thumb Up
والله يا جماعة من كترة البلادة المحيطة بالواحد
خلال العقدين ونيف من الزمان دى, لما الواحد زاتو
بقى مرات مرات بيحس بوخز البلادة فى صنقورو.
مصيبة حين تعتقد أن العالم يدور, وينطلق فى/ من يافوخك.
ما أكثر ما أتذكر حمار المطالعة ذاك, الذى إعتقد أن الأسد
قد خاف منه, فإنطلق ركضاً فى أثره, وكانت نهايته.
جماعتنا ديل مرات بيصدقوا إن الأسد خايف منهم, ويقوموا
يطاردوهوا, وتكون بقية القصة معروفة لمن يعتبر.
| |
|
|
|
|
|
|
|
|
منتصرمحمد زكى
ندى صالح الطيب
فايزودالقاضي
بدر الدين اسحاق احمد
نزار يوسف محمد
الفاتح سليمان
Ridhaa
د.محمد بابكر
الفاضل يسن عثمان
بشرى محمد حامد الفكي
amir jabir
Osama Mohammed
محمد فرح
محمد إبراهيم علي
أيمن الطيب
doma
Deng
Nagat Sid Ahmed Elshiekh
ibrahim alnimma
عبدالله شمس الدين مصطفى
Nazik Eltayeb
Showgi Omer
فيس بوك
تويتر
انستقرام
يوتيوب
بنتيريست