كتب الكاتب الفاتح جبرا المتوفرة بمعرض الدوحة
|
معلومة مهمة للناس المقدمة للوتري الأمريكي
|
شايف أكتر بوست فيه قُراء بوست أخونا الخير عن اللوتري والغريبة ناس بتكره أمريكا وبرضو مصرة على التقديم للوتري، والناس دي شكلها دايشة وما ناقشة حاجة، عارفين إنو بعد ما تأخد الفيزا بتاعت الهجرة (اللوتري) ح توقع بالإلتحاق بالخدمة الوطنية الأمريكية؟! يعني الجيش الأمريكي؟ يعني الموضوع ما لعب، اللي عايز يقدم لازم يكون بحب ماما أمريكا أو ما يقدم من أصلو
وسنواصل كان الله هون
|
|
|
|
|
|
|
|
Re: معلومة مهمة للناس المقدمة للوتري الأمريكي (Re: النذير حجازي)
|
أول ما تاخد فيزة الهجرة (وهي عبارة عن ظرف) تعمل منها نسخة طوااالي إذا ما كان عمرك فوق الـ 26 عاماً، وأول ما تدخل أمريكا، تمشي مكتب التأمين الإجتماعي للتقديم لرقم التأمين الإجتماعي وبعد إسبوعين سيصلك الرقم على البريد، وبعد إستلام رقم التأمين الإجتماعي طوااااااااالي تمشي لأقرب مكتب بوستة في مدينتك لتعبئة فورم الخدمة الوطنية Selective Servic Form وترفق معه صورة من شهادة الميلاد وصورة فيزا دخولك أمريكا وتكتب خطاب بأنك دخلت أمريكا فوق سنة الـ 26 عاماً، وبعد إسبوع أو إسبوعين ستصلك ورقة منهم تخطرك بأنك فوق سنة الـ 26 وأنك قد أكملت الخدمة الوطنية، فعليك بعمل عدة نسخ من هذه الورقة، والإحتفاظ بها حتى مماتك، فعند التقديم لقرض دراسي أو الجنسية أو وظيفة حكومية سيطلبونها منك.
| |
|
|
|
|
|
|
Re: معلومة مهمة للناس المقدمة للوتري الأمريكي (Re: Elawad)
|
سلام ياصديقى/ النزير الكلام دا جايبو من وين فايز اللوترى ليس له علاقة بالخدمة الوطنية الامريكية ومهما كان سنك يمكنك الحصول على الجنسية الامريكية وكل انواع القروض الدراسية دون استثناء وهذه عن تجربة شخصية
مع فائق تقديرى
| |
|
|
|
|
|
|
Re: معلومة مهمة للناس المقدمة للوتري الأمريكي (Re: Yasier Elsayed)
|
النذير إزيك
أنا جييت لوتري وكان عمري ٢٥ سنة الحكومة ألأمريكية طالبتني بي حاجة واحدة بس، إنو لازم أملا الفورم بتاع الخدمة ألإلزامية دا، مليتو ورستلو ليهمم (العملية دي إسمها التسجيل للخدمة ألإلزامية) و إحتفظت بي نسخة من الخطاب الرسلوهو لي، الحكومة ألأمريكية ما طالبتني بي أي حاجة تاني، قريت وعملت الجنسية من غير مشاكل..
| |
|
|
|
|
|
|
Re: معلومة مهمة للناس المقدمة للوتري الأمريكي (Re: المعز عبدالمتعال)
|
الزول ده بيتكلم عن اشياء ما حاصلة اصلا مافي حاجه اسما خدمة الزامية ده كان زماااان ياخي الجيش الامريكي جيش من المتطوعين....البلد دي مافيها حاجه بالغصب واليقول ليكم امريكا كعبه هو ذاتو كعب هنا بلد الفرص الغير محدوده حسب امكاناتك....والحريه والديمقراطية وحقوقك كانسان وسط شعب من اكثر شعوب العالم رقيا وتهذيبا واحتراما...صاح في فورم فيهو سؤال هل اديت الخدمة الالزامية? وتاني مافي زول حيسالك او تحصل ليك عرقلة في دراسة او غيرو....
| |
|
|
|
|
|
|
Re: معلومة مهمة للناس المقدمة للوتري الأمريكي (Re: Afraa Sanad)
|
ياسر السيد وازهري طه قولوا بسم الله ,,, النذير كلامو صح اجرائيا
بس يمكن عمل معالجات لاحقا في حالة عدم التقديم لكنها معقدة ..
اعتقد اخونا النذير يتحدث عن الهبات والقروض الفدرالية تحديدا التى يصعب الحصول عليها في حال عدم
التقديم للـ selective service - اما قروض البنوك فمتاحة لكل من هب ودب على قول بريمة
| |
|
|
|
|
|
|
Re: معلومة مهمة للناس المقدمة للوتري الأمريكي (Re: حسين نوباتيا)
|
ألأجراء موجود فعلاً ومهم جداً وهو التسجيل للخدمة ألإلزامية إذا كنت في الفئة العمرية المحددة (١٨-٢٦) لحظة دخولك أمريكا نظامياً، لكن إحتمال إنو ينادوك للتجنيد دا إحتمال ضعيف جداً لدرجة أنو ما الفروض إنو الواحد يشغل بالو بالموضوع دا..وتجربتي تجربة شخصية كما ذكرت.
{أنا جييت لوتري وكان عمري ٢٥ سنة الحكومة ألأمريكية طالبتني بي حاجة واحدة بس، إنو لازم أملا الفورم بتاع الخدمة ألإلزامية دا، مليتو ورستلو ليهمم (العملية دي إسمها التسجيل للخدمة ألإلزامية) و إحتفظت بي نسخة من الخطاب الرسلوهو لي، الحكومة ألأمريكية ما طالبتني بي أي حاجة تاني، قريت وعملت الجنسية من غير مشاكل..}
| |
|
|
|
|
|
|
Re: معلومة مهمة للناس المقدمة للوتري الأمريكي (Re: المعز عبدالمتعال)
|
النذير ســلامات...
وشكراً لتبكيرك بالتنبيه لهذا الأمر الهام والذي عانى منه كثيرون لعدم أخذهم له بالجدية المطلوبة.
وحتى يكتمل تنبيهك هذا علينا أن نوضح بعض الأمور لقوافل المهاجرين الجدد القادمون لهذة البلاد. وسأحاول التبسيط هنا بقدر المستطاع رغم أنني أدعوا الجميع بمن فيهم حملة الجنسية، أو الإقامة المستديمة (القرين كارت) أو أياً من الإقامات الأخري فيماعدا الإقامات الدبلوماسية أو الفيز السياحية... الجميع هنا مطالب للأنتباه لهذا الأمر وتسجيل أنفسهم فور وصولهم للأراضي الأمريكية لدي الإدارة الوطنية للسجلات والمحفوظات (الفيدرالية) في قسم الــ Selective Service System وهو المعني بهذا التسجيل. ويستثنى من هذا أيضاً المقيمين لأقل من عام أو حملة الجنسيات المزدوجة والذين قامت دولتهم الثانية بعقد إتفاقية (إستثنائية) منحتهم فرصة التسجيل للخدمة العسكرية إما في دولتهم الأصلية أو في أمريكا. والسودان ليست لديه إتفاقية مع الولايات المتحدة تستثني مواطنيه من التسجيل الإجباري.
ودعونا نرجع لتاريخ التسجيل للخدمة العسكرية الإلزامية.. فقد أصدر الرئيس روزفلت مرسوماً أُنشِأت به إدارة الخدمة الإنتقائية المعروفة بـ Selective Service System وذلك بعد أن وقع على قانون الخدمة الإنتقائية والتدريب لعام 1940م. وبهذا القانون وهذة الإدارة المنشأة في ذلك العام أصبحت لدى أمريكا أول إدارة فيدرالية للتسجيل والإنتقاء للخدمة العسكرية الإلزامية في زمن الحرب والسلم. وعلينا أن نعرف هنا أن التجنيد في زمن الحرب كان إجبارياً منذ الحرب الأهلية وذلك بفرمان رئاسي (فقط) أتاحه الدستور للرؤساء وعند الضرورة القصوى.
فمنذ عام 1948 وحتى عام 1973 تم تجنيد إجباري إنتقائي لأعداد كبيرة جرى بها سد الفراغ الذي لم تستطيع سده إدارة التجنيد الطوعي. وفي عام 1973 تم تجميد (وليس إلغاء) قانون 1940 بعدما تحولت الولايات المتحدة لنظام All-Volunteer military والذي به تحولت للتجنيد التطوعي للخدمة العسكرية. وبعدها وفي عام 1975 جمد إيضاً نظام التسجيل الإجباري.. والذي عاد تفعيله في عام 1980 كرد فعل للرئيس كارتر على التدخل الروسي في أفغانستان.
وحاليا نجد أن نظام التسجيل قائم، رغم أن قانون التجنيد الإجباري مجمد، وذلك لسد النقص إن إستدعت الضرورة لسد أى عجز يحدث في القوات المسلحة (الجيش، البحرية والمارينز، الطيران). وحقيقةً لا أدري ما هو موقف الحرس الوطني الـ National Gaurd من هذا القانون فالحرس الوطني يتبع للولاية ويُسلَح فيدرالياً حسب نوعه سواء أن كان حرساً وطنياً للولاية لقوات مسلحة - جيش أو طيران أو بحرية (مارينز).
وأود أن أنبه لهذة النقطة الحيوية وهي أن حالة سد العجز لا تعني أن كل من سجل سيتم إستدعائه إجباريا للخدمة! والذي يحدث هو أن لديهم "لوتري" علنية بأشراف الكونغرس يتم بها إنتقاء العدد المطلوب لسد العجر في حالة حدوثه.. ولم نسمع أن هذا حدث منذ عام 1973 وحتى الآن. والذي يحدث أحياناً أنه يتم إستدعاء من خدموا في القوات المسلحة الأمريكية لفترة تقل عن 8 سنوات. فكل متطوع يتطوع للخدمة العسكرية يوقع على عقد ملزم بالخدمة الفعلية لعامين، ثلاثة، أربعة، خمسة أو ستة كحد أقصى حسب إختياره لسنين التطوع.. ولكنه في الوقت نفسه يوقع على إلتزام بالعودة للخدمة في حالة إستدعائه للخدمة في الثمانية سنوات الأولى تبدأ باليوم الأول من توقيعه. وعلى سبيل المثال يوقع أحدهم لثلاثة سنوات يعود بعدها للحياة المدنية ويبقى إسمه في كشوفات فرعه للخمس سنوات التي تلي تقاعده ويسمى هذا بالـ IRR أو الإحتياطي الفردي الجاهز وهو يختلف عن قوات الإحتياط العاملة الـ Army Reserve والفرق بينهما أن الأولى ينعم أفرادها بالحياة المدنية طالما لم يتم إستدعائهم والثانية يظل أفرادها في الخدمة ليومين في الشهر (بعطلة نهاية الأسبوع) طيلة فترة تعاقدهم الأصلية ومن بعدها يتحولون هم بدورهم للـ IRR لتكملة الفترة المتبقية لهم من الثمانية أعوام.
ونحن هنا نشجع كل المقيمين وحملة الجنسية للتسجيل الإجباري هذا لمن هم بين 18 و26 عاماً لدي الـ www.sss.gov كما وندعوهم أيضاً للتطوع في الخدمة العسكرية بفروعها المختلفة وفي وظائفها المتعددة ومزاياها الكثيرة.
وختاماً أود أن أنبه أن ما كتبته هنا مجرد نصيحة وليست بفتوى قانونية.. ومن أراد التعرف أكثر على إجراءات التسجيل الإلكترونية عليه الضعط هــنا أو عليه الذهاب إلى موقع الـ Selective Service System بالضغط على الرابط
ودمتم...
_______________
أتمنى إنو النذير ما يكون خوف الناس من الهجرة لأمريكا ومؤكد أنه بيرغب في تنوير القادمين الجدد بهذا النظام الصارم
| |
|
|
|
|
|
|
Re: معلومة مهمة للناس المقدمة للوتري الأمريكي (Re: المعز عبدالمتعال)
|
الأعزاء المشاركون شكراً لكم جميعاً لمناقشة هذا الموضوع الهام وفي هذا البوست ثبت بأنه حتى السودانيين في أمريكا يجهلونه فإذا ما لم تحدث لأحد مشكلة بعدم التسجيل فهذا فقط من باب الحظ لا غير، وأعرف شباب كتيرين لم يحصلوا على الجنسية الأمريكية بسبب عدم تسجيلهم للخدمة الإنتقائية، وأشكر العزيز محمد يس خليفة لتنجيض الموضوع ولا فض فوك يا بوحميد، وتعرف يا بوحميد أنا ماعايز أخوف زول بس غاظوني ناس هنا في المنبر دا بكرهو أمريكا وسياستها وبشتموا الجيش الأمريكي وبقدموا للوتري، كما أشكر الأعزاء عفراء سند وحسين نوباتيا ومعز عبد المتعال على تأكيد كلامي وفعلاً يا حسين أنا أقصد القرض الحكومي، وشكراً على التصحيح.
وشكراً لكم جميعاً ومعاً لتثقيف الناس عن الهجرة لأمريكا، كما أشكر شكر خاص للعزيز معز عبد المتعال ومحمد يس وعفراء سند وحسين نوباتيا لجهودهم المبذولة دائماً في هذا المنبر لتثقيف الناس بالهجرة الأمريكية
تحياتي وتقديري لجميع المشاركين
| |
|
|
|
|
|
|
Re: معلومة مهمة للناس المقدمة للوتري الأمريكي (Re: بريمة محمد)
|
Quote: سلام ياصديقى/ النزير الكلام دا جايبو من وين فايز اللوترى ليس له علاقة بالخدمة الوطنية الامريكية ومهما كان سنك يمكنك الحصول على الجنسية الامريكية وكل انواع القروض الدراسية دون استثناء وهذه عن تجربة شخصية
مع فائق تقديرى |
الصديق العزيز ياسر السيد، تحية طيبة
يا ياسر أنا مصدقكك، ولكنها فقط من باب الحظ ليس إلا، فاقرأ كلام العزيز محمد يس خليفه أعلاه
وإليك بالجزء المتخصص في جزئية الخدمة الإنتقائية من فورم 400 المختص بالجنسية الأمريكية، وأيضاً من فور الفيدرال إستيودينت إيد المختص بالدعم المالي كما يلي:
بخصوص الجنسية الأمريكية:
أما بخصوص الدعم المالي:
تحياتي
| |
|
|
|
|
|
|
Re: معلومة مهمة للناس المقدمة للوتري الأمريكي (Re: عزان سعيد)
|
Quote: حسين سلام .. يا أخى ما تشعلل فينى النيران .. أخوك أخد ديب بريث وأديت ضهرى الحيطة.
|
معقول يا بريمة صحبك حسين يشعلل فيك النيران؟؟ عفووا
يا خي انا جيت انقذك لقيتك مولع الدينا كلها نيران فاخدت دييب برث واديت ضهري للحيطة
المهم حمدلله على السلامة ... وتاني لمن تكون داير تفتح بوست خارج نطاق التراث البقاري بالله ادي اخوك تلفون ..للتشاور فقط والدعم اللوجستي..
____________
يا نذير يا خي في ناس كتار عملوا الاجراء دا في خضم اجراءتهم التانية وما بكونوا انتبهو
يعني ما في حاجة اسمها حظ .. اذا انت داير دعم فدرالي للدراسة لازم تثبت انك سجلت للخدمة اذا كان
عمرك حين دخولك امريكا كان بين الـ18 والـ26 -
تحياتي...
| |
|
|
|
|
|
|
Re: معلومة مهمة للناس المقدمة للوتري الأمريكي (Re: حسين نوباتيا)
|
[ بس الخوف الناس ديل يقولو عاوزين ضباط ]
والله لا خوف ولا حاجة... الناس ديل فعلاً مقروضين ليهم في ظباط والجيش عاوز ليهو ظباط لجميع التخصصات العسكرية والخدمية
وأقول ليك حاجة.. عدد الظباط السودانيين ما بطال لكنه شوية مقارنة باللبنانيين أو المن أصل مصري وياريت يذيد العدد ده في الجيش وفي المحاماة لأنهم أكتر وظيفتين بيفتحو الباب لسياسيي المستقبل
أمريكا من يومها رؤسائها يا كانوا ظباط يا كانوا محاميين والرئاسة دي وكت نطتنا ومشت كينيا المانع شنو إنها ترجع شوية؟ يعني يا ريت نشوف في يوم من الأيام رئيس أمريكي من أصل سوداني
يا أخي البلد دي فيها شباب سوداني فعلاً إستحقوا أن نفاخر بهم وتعرف الرئيس سلفاكير رافقه عدد من الشباب العاشوا هنا في أمريكا وجو معاهو شباب درسوا فيها وإتخصصوا في كل المجالات الإنسانية وأعتقد إنه الوقت قد حان لكي تتم الإستفادة منهم في بناء الجنوب
شوف الناس البتفكر عشرين سنة لقدام... موش ذي جماعتنا البفكروا قرون لـ ورا
| |
|
|
|
|
|
|
Re: معلومة مهمة للناس المقدمة للوتري الأمريكي (Re: النذير حجازي)
|
Quote: كلوترنجي سابق سنتابع مادام القصة جابت ليها الزامية.. وشكلنا بره الحكاية البقول عليها النذير دي بس الخوف الناس ديل يقولو عاوزين ضباط |
هاهاها@ كيكي يا كيكي والله ألف ألف مبروك اللوتري يا كيكي أي نعم إنت برة الجك، لكن لازم تسجل ومع التسجيل أرفق لهم شهادة ميلادك وصورة من فيزا الدخول لأمريكا وبعديها ح يرسلو ليك ورقة يوضحوا ليك فيها إنك فوق السن ولكن يجب أن تحتفظ بهذه الورقة عند التقديم لقرض حكومي أو الجنسية الأمريكية أو عمل حكومي، دا الموضوع الأول.
الموضوع التاني يا كيكي ما دام إنك عندك القرين كارد وعايش برة أمريكا بنصحك إنك لمن تجيء راجع تدخل أمريكا عن طريق المينائين الجويين وهما إما عن طريق دي سي أو عن طريق نيويورك لأنهم خبرة في موضوع الهجرة وما بعملوا ليك مشاكل زي المطارات الفرعية مثل أل أيه أو سياتل أو شيكاغو ديل فارات في الهجرة و ح يعملوا معاك شمطة علشان غادرت أمريكا، دي برضو ناوي أفتح عنها بوست، لأنو والله عذبوا زوجتي في الموضوع دا.
تحياتي ليك يا ملك
| |
|
|
|
|
|
|
Re: معلومة مهمة للناس المقدمة للوتري الأمريكي (Re: النذير حجازي)
|
Quote: إذا كان عمرك حين دخولك لأمريكا اول مرة اكبر من 26 سنة فلن تحتاج للتسجيل او status information letter |
سلام يا عزان يا عزان مع احترامي لرأيك، محتاج للتسجيل وجواب من إدارة الخدمة الإنتقائية يثبت ذلك بأنك خارج الخدمة، و ح يسألوك منو لو قدمت لقرض حكومي أو الجنسية و ح يقولوا ليك جيب لينا خطاب من إدارة الخدمة الإنتقائية، وبالمناسبة هو إجراء روتيني وما بكلف حاجة غير طابع البريد وصورة من شهادة الميلاد وصورة من تأشيرة القرين كارت أو صورة من القرين كارد.
تحياتي
| |
|
|
|
|
|
|
Re: معلومة مهمة للناس المقدمة للوتري الأمريكي (Re: النذير حجازي)
|
Quote: يا نذير يا خي في ناس كتار عملوا الاجراء دا في خضم اجراءتهم التانية وما بكونوا انتبهو
يعني ما في حاجة اسمها حظ .. اذا انت داير دعم فدرالي للدراسة لازم تثبت انك سجلت للخدمة اذا كان
عمرك حين دخولك امريكا كان بين الـ18 والـ26 -
|
العزيز حسين سلامات يا حسين كلامك مظبوط مائة المائة، لكن في نوع ممكن يكضب للحصول على دعم فيدرالي، ومكاتب الجامعة بتمشي، بعرف واحد كضب عليهم وشال قرض للجامعة وما سألوهو تاني، المهم زولنا دا لمن جاء يقدم للجنسية قبضوهو في الحتة دي ورفضوا يدوهو الجنسية يعني برضو الموضوع بعتمد على نباهة الموظف الحكومي، وأنا بنصح جميع الناس اللي ما سجلت تسجل وتبعد من الشر وتغنيلو
تحياتي ليك يا ملك
| |
|
|
|
|
|
|
Re: معلومة مهمة للناس المقدمة للوتري الأمريكي (Re: النذير حجازي)
|
تحياتي يا النذير أنا إعتمدت في معلوماتي علي موقع ال selective service شوف الرابط ده: http://www.sss.gov/Status.html والكلام بوضوح:
Quote: No status information letters are required from the Selective Service System for :
Note to financial aid officers: If the man falls within one of the following categories, a Status Information Letter from Selective Service is NOT required if he can provide a copy of supporting documentation proving his case to your satisfaction. For more information, please consult the latest Student Financial Aid Handbook, Volume 1, Chapter 5, Page 1-61. To refer to the handbook, please click here.
Non-U.S. male who came into this country for the first time after his 26th birthday
Date of entry stamp in his passport, I-94 with date of entry stamp on it, or a letter from the U.S. Citizenship and Immigration Services (USCIS) indicating the date the man entered the United States. If the men entered the U.S. illegally after his 26th birthday, he must provide proof that he was not living in the U.S. from age 18 through 25. Resident Alien Card (Green Card) is not valid as proof of the date of entry to the United States.
|
يعني أي زول جاء أمريكا بعد 26 سنة ما يحتاج status informtion letter
| |
|
|
|
|
|
|
|