|
|
 حبوبتي بتقول لمتنوضلي الكيبورد..انتو شنو الخرخرة البتعملوا فيها دي!!!
|
عرفنا كضبكم في أخبار المظاهرات وتهويلكم للأحداث المحدودة الحصلت هنا وهناك
وتصويركم ليها وكأنها ثورة ربيع عربي سوداني مع علمنا انو السودان مافيهو
ربيع،وعرفنا كضبكم في حبك السيناريوهات من ضربنار لي اعتقالات ،
وصلت حد مقاضاة الشرطة (افتراضا)،
وعرفنا كضبكم في قفل الشوارع والكباري لمجرد حادث مرور بين حافلتين قفلن كبري
الفتيحاب،وعرفنا كضبكم في حرق العربات وتهشيما...
وطلعنا من المولد دا كلو بانو متنوضلي الكيبورد
ما هم الا أناس يعيشون الوهم ويريدوا أن يفرضوا وهمهم هذا على الشعب السوداني.
ثورة الأسافير وأوهام الانتفاضة ( آل مسيرة ... آل)
|
|
  
|
|
|
|
|
|
|
 Re: حبوبتي بتقول لمتنوضلي الكيبورد..انتو شنو الخرخرة البتعملوا فيها دي (Re: صلاح غريبة)
|
نسيب الكلام دا كلو ونمشي نفتح بوست ،
نجيب فيهو مقال رائع لكاتب كبير زي الاستاذ علي ياسين الفكرة مقالو مبنية
على انو في ناس بعيدوا ويكرروا الاخبار والمعلومات البتجي من الدول الغربية
بغرض تشويه بلادهم عشان نفس الدول دي تقوم بتحسين صورتنا بعد دفع المقابل
ماديا كان أو أيدلوجيا أو تنفيذ اجندات...
جبنا الكلام دا كلو عشان نقول ليهم يا متنوضلي الكيبورد البتسووا فيهو دا لا معارضة
ولا حاجة دي خدمة لأجندات خارجية من حيث تدرون اولا تدرون..
والخاسر في النهاية الوطن...تعالوا خشوا البوست المعني دا وتشوفوا
محن أخوانا المتنوضلين..(لاحظوا اللزمات المتكررة للاخوان ديل):
متنوضلي الكيبورد ... وكلاء الغسال الدولي الجديد
| |
|
|
|
|
|
|
|
|
|
Re: حبوبتي بتقول لمتنوضلي الكيبورد..انتو شنو الخرخرة البتعملوا فيها دي (Re: صلاح غريبة)
|
يا صلاح قول لحبوبتك دي تقول للجواسيس ... الرماد كال حماد ... والانترنت ده ما سايب ولا بد من انو التحقيقات في يوم من ا لايام تنتهي وكل الجواسيس حا يتم القبض عليهم كالجاسوس السوري :
القبض علي جواسيس في الولايات المتحدة الامريكية
شبكة وطني الاخبارية - السي ان ان
في رسالة قوية الي الخلايا النائمة واوكار التجسس السرية التي ظلت تلاحق المعارضين والناشطين من كل الخلفيات والبلدان في امريكا الشمالية واجزاء واسعة من الدول الغربية
المباحث الفدرالية الامريكية تعتقل احد عملاء المخابرات السورية في ولاية فرجينيا
والمدعي العام يوجه له تهم عميل غير مسجل للحكومة السورية في جهد لجمع المعلومات حول أشخاص يقيموا في الولايات المتحدة يحتجون على القمع الذي تمارسه الحكومة السورية
| |
|
|
|
|
|
|
|
|
|
Re: حبوبتي بتقول لمتنوضلي الكيبورد..انتو شنو الخرخرة البتعملوا فيها دي (Re: SAMIR IBRAHIM)
|
أما قصة أخونا المتنوضل الكيبوردي دا فقصتو قصة..
.فتحنا بوست نفضح فيهو دينق ألور في زيارتو الأخيرة للخرطوم في معية سلفاكير
الجا طالب العون من البشير بعدما فقد العشم في أمريكا..
فضحنا ألور وقلنا الزول دا بعمل في مساومات
هو ما قدرا،
وأحسن ليهو وللشعب الجنوبي الشقيق ياخد الفيها النصيب من سكات
وبلاش السقوفات العالية دي لأنه الشعب السوداني واعي وما أهبل ريالتو صابة..
.أول ما أخونا المتنوضل الكيبوردي يقرا الكلام دا النار تولع فيهو وبنفس معنى الريالة
(العوارة) يفتح بوست طويل عريض ما يخلي لينا صفحة نرقد عليها...
ودا كلو لأنو رأس السوط وصلو وهبشنا ليهو القيادات بتاعينو في الحركة الشعبية ...
ما أصلو صاحبنا عضو في الحركة ومن ممثليها في القاهرة:
حبوبتي بتقول : صلاح غريبة ده عوير ؟؟؟؟
| |
|
|
|
|
|
|
|
|
|
Re: حبوبتي بتقول لمتنوضلي الكيبورد..انتو شنو الخرخرة البتعملوا فيها دي (Re: ALGARADABI)
|
Quote: أنتوا ياجماعة الرجع رجعة طوعية
صلاح غريبة وحبوبتوا ولا الباسوورد بتاعوا ؟
شوفوا لينا أيجار للباسوورد دا أنشاءالله باليومية
عاوزين نكمل نص دينا ,الخوف كان ماحصلتونا بدل
نكمل نصف دينا النصف الاول زاتوا نفقدوا بالطريقة
دي . |
عادل الباهي بطل خرخرة.
===================================================================
Quote: يا صلاح قول لحبوبتك دي تقول للجواسيس ... الرماد كال حماد ... والانترنت ده ما سايب ولا بد من انو التحقيقات في يوم من ا لايام تنتهي وكل الجواسيس حا يتم القبض عليهم كالجاسوس السوري :
القبض علي جواسيس في الولايات المتحدة الامريكية
شبكة وطني الاخبارية - السي ان ان
في رسالة قوية الي الخلايا النائمة واوكار التجسس السرية التي ظلت تلاحق المعارضين والناشطين من كل الخلفيات والبلدان في امريكا الشمالية واجزاء واسعة من الدول الغربية
المباحث الفدرالية الامريكية تعتقل احد عملاء المخابرات السورية في ولاية فرجينيا
والمدعي العام يوجه له تهم عميل غير مسجل للحكومة السورية في جهد لجمع المعلومات حول أشخاص يقيموا في الولايات المتحدة يحتجون على القمع الذي تمارسه الحكومة السورية |
يا سمير أخوي ...
نحن هنا الاية مقلوبة،
هناك بقبضوا جواسيس سوريين ضد الشعب لصالح نظامه...
هنا عندنا جواسيس من المعارضة ضد شعبهم من حيث يدروا أو لا يدروا..
.هو البلد متأزمة من شوية!!!
بالمناسبة في ( واحدة ) .... تجيب لي سيرتك طوالي
ولو طلعت القالته ..... تكون مصيبة
وزي ما قالو .... وانكشف المستور ....
================================================
| Quote: بوست مميـــــــــــــــــــــز ولا( كتاحة )عليه |
المتبربر الأممي..معاوية
.الليلة مزاجك رايق وللا شنو!!!!
مع اني في الفيس بوك .. دخلت عليك لنتناقش ولكنك لم ترد
بس علشان تعرف باني صلاح غريبة ... مش قرينه .
=====================================================
Quote: استاذ غريبة
كنت زول مسالم
ماذا حدث لك؟ |
النصري أمين ...شايفني كونت لي حركة مسلحة!!!
ولسع مسالم ...
بس في ناس .... عاوزة العين الحمراء
مش علشان .. حاجة
بس علشان يعرفوا الله واحد
وان الوطن وقضاياه الحيوية .... خطوط حمراء لا يمكن تجاوزها
==================================================
| Quote: حبوبة صلاح غريبة دي ياها بتاعت( ني هاو) ديك؟؟ |
القراضابي...حبوبتي بتسلم عليك وبتقول ليك لسة تلفونك دا ما نزل من أضانك...بطل شمارات
شكلك شغال ... اتصال مجاني من " سوداني "
مع الاعتذار ....
| |
|
|
|
|
|
|
|
|
|
Re: حبوبتي بتقول لمتنوضلي الكيبورد..انتو شنو الخرخرة البتعملوا فيها دي (Re: صلاح غريبة)
|
لكن عجبني البوست بتاع ملاسي عجب شديد ...
أصلو ملاسي دا زول بتاع نصيحة وكلامو مر على متنوضلي الكيبورد...
بعد خرخرتهم دي كلها وبعد استجداءاتهم للثورة الابت تقوم دي ...
اخونا ملاسي جابا ليهم من الاخر،
وقال ليهم قولوا قامت مظاهرات وبعدين؟؟؟
يعني ورونا يا فالحين حتعملوا شنو؟
وينو برنامجكم للسياسة والاقتصاد..
ووينا حلولكم لمشاكل الناس الغلابة هناك في السودان...
دا اذا افترضنا انو قامت مظاهرات وقامت ثورة من أصلو
وأطاحت بالانقاذ فعليا.
وتعال شوف الجقلبة والخرخرة على أصولها:
قول كان في مظاهرات .. أها و بعدين!
| |
|
|
|
|
|
|
| |
صلاح غريبة
عادل الباهي عبدالرازق
معاوية عبيد الصائم
ALGARADABI
أحمد ابن عوف
فيس بوك
تويتر
انستقرام
يوتيوب
بنتيريست